RF Federal Təhlükəsizlik Xidmətinin əməkdaşları

Qurban bayramında paytaxtda terror törətmək istəyənlər tutuldu

831
İkinci şəxs özünü partlatmağa hazırlaşırmış. Onun yaşadığı yerdə əldəqayırma bomba tapılıb.

BAKI, 31 avqust — Sputnik. Moskva regionunda sentyabrın 1-nə terror aktları hazırlayan iki nəfər həbs edilib. Sputnik Azərbaycan Rusiya mətbuatına istinadən xəbər verir ki, bu barədə RF Federal Təhlükəsizlik Xidmətinin İctimai Əlaqələr Mərkəzindən bildirilib.

Tutulanların hər ikisi Mərkəzi Asiyadan gələnlərdir. Onlardan biri bəyan edib ki, İŞİD terror qrulaşmasının üzvüdür və insanlara soyuq silahla hücum etməyi planlaşdırıb. İkinci şəxs özünü partlatmağa hazırlaşırmış. Onun yaşadığı yerdə əldəqayırma bomba tapılıb.

Qeyd edək ki, sentyabrın 1-i Rusiyada bilik günü kimi qeyd edilir. Bundan əlavə, bu il Qurban bayramı da bu günə təsadüf edir.

831
Teqlər:
terror aktları, region, Moskva
Əlaqədar
İzmirdə terror: ərazi mühasirəyə alındı
Azərbaycanda anti-terror əməliyyatı: təhlükəli terrorçu məhv edildi
Avtomobil terroru ssenarisi bu dəfə Fransada
Polis əməliyyat keçirdi: 5 terrorçu zərərsizləşdirildi
Veteran medalı, arxiv şəkli

Rusiyada ciyərinin 50 faizi zədələnmiş 93 yaşlı kişi koronavirusdan sağaldı

14
(Yenilənib 23:53 11.07.2020)
Terapiya təxminən üç həftə davam edib. Yaşlı infeksiyanı ağır keçirib, vəziyyəti onun ürək problemləri mürəkkəbləşdirib.

BAKI, 11 iyul — Sputnik. Rusiyanın Yekaterinburq şəhərindəki 40 saylı xəstəxananın həkimləri koronavirusa yoluxmuş 93 yaşlı Böyük Vətən müharibəsi veteranını sağaldıblar.

Sputnik Azərbaycan Rusiya mətbuatına istinadən xəbər verir ki, klinikada təqaüdçüyə ağciyərlərinin 50 faizinin zədələnməsi ilə ikitərəfli virus sətəlcəmi diaqnozu qoyulub.

Terapiya təxminən üç həftə davam edib. Yaşlı infeksiyanı ağır keçirib, vəziyyəti onun ürək problemləri mürəkkəbləşdirib. Bundan əlavə o, ahıl yaşlarına görə stasionarda qalmaqdan böyük stress keçiririb.

Lakin həkimlər onu həm COVID-19-dan, həm də sətəlcəmdən tamamilə müalicə edə biliblər.

Veteranın 1927-ci ildə anadan olduğu, müharibə zamanı dəmir yolu qoşunlarında xidmət etdiyi bildirilir. Sonradan karyerasını orduda davam etdirib.

İyulun 6-da Yakutiya xəstəxanasından 97 yaşlı veteranın buraxıldığı barədə məlumat verilib. O da həmçinin koronavirusa yoluxub və ağciyərlərinin 50 faizi zədələnib.

14
Moskvada koronavirusa yoluxanan xəstələrin müalicə aldığı hospital

Rusiyada koronavirus xəstələrinin sayı 720 mini keçdi

3
(Yenilənib 12:12 11.07.2020)
Son sutkada 188 nəfər koronavirusdan ölüb və infeksiya qurbanlarının sayı 11 205 nəfərə yüksəlib. Ümumilikdə 497 446 pasiyent koronavirusdan sağalıb

BAKI, 11 iyul – Sputnik. Rusiyada son sutka ərzində koronavirusa 6 611 yeni yoluxma halı qeydə alınıb.

Sputnik Azərbaycan “RİA Novosti”yə istinadən xəbər verir ki, bu barədə Koronavirusun Yayılması ilə Mübarizə üzrə Operativ Qərargahdan bildirilib.

Bununla da ölkədə COVID-19 xəstələrinin sayı 720 547 nəfərə çatıb.

Qeyd olunub ki, son sutkada 188 nəfər koronavirusdan ölüb və infeksiya qurbanlarının sayı 11 205 nəfərə yüksəlib.

Ümumilikdə 497 446 pasiyent koronavirusdan sağalıb

3
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0