Crocus City Oceanarium

Araz Ağalarovun biznes ortağı qətlə yetirilib

201
(Yenilənib 00:38 06.08.2017)
"Crocus City Oceanarium" şirkətinin təsisçisi və baş direktoruna 7 güllə vurublar

BAKI, 5 avqust — Sputnik. Moskvada "Crocus City Oceanarium" şirkətinin təsisçisi və baş direktoru Andrey Çernov qətlə yetirilib. 

Sputnik Azərbaycan Euronews-a istinadla xəbər verir ki, hadisə avqustun 4-də səhər saatlarında Suvorov parkında baş verib. Rusiya İstintaq Komitəsi məlumatı təsdiqləyərək qətlin bəzi təfərrüatlarını açıqlayıb.

Naməlum killer 52 yaşlı biznesmenə 6 dəfə atəş açarıq hadisə yerindən uzaqlaşıb. Qətlin motivləri hələlik istintaq məlum deyil.

Hüquq-mühafizə orqanlarındakı mənbələr Çernovun ənənəvi səhər qaçışı zamanı güllələndiyini bildiriblər.

Onlar biznesmenə 6 dəfə yox, 7 dəfə atəş açıldığını qeyd ediblər. Çernovun yaxınları və qohumları biznesmenin heç kimlə ədavətinin olmadığını, rəqibləri ilə hər hansı münaqişənin yaşanmadığını bildiriblər.

Rusiya mediası qətlin sifarişli olduğunu ehtimal edir.

Killerin biznesmeni bir neçə gün ərzində izlədiyi, qətl üçün ideal vaxt və məkan seçdiyi qeyd olunub. Bunu hadisənin baş verdiyi yerin yaxınlığında heç bir müşahidə kamerasının olmaması da sübut edir. Üstəlik biznesmenin güllələndiyini də görən olmayıb. Killer hadisə yerində hər hansı ip ucu buraxmayıb.

Xatırladaq ki, "Crocus City Oceanarium" 2016-cı ilin sonlarında azərbaycanlı biznesmen Araz Ağalarova məxsus "Crocus City" ticarət-əyləncə mərkəzində açılıb. Bu, Ağalarovun biznes aktivlərindən biridir. "Okeanarium" ötən il açılıb. Orada planetin ən müxtəlif regionlarından gətirilən 10 minə yaxın dəniz canlısı yaşayır.

Araz Ağalarov tanınmış müğənni, hər il Bakıda keçirilən "Jara" Beynəlxalq Müsuqu Festivalının təsisçisi Emin Ağalarovun atasıdır.

201
Teqlər:
"Jara" Beynəlxalq Musiqi Festivalı, Emin Ağalarov, Crocus City Oceanarium, Crocus City, Araz Ağalarov, Andrey Çernov, Moskva
Əlaqədar
Erməni əsilli biznesmen güllələndi
Azərbaycanlı biznesmen əsir düşməmək üçün özünü güllələyib
Rusiyada iki azərbaycanlı biznesmen ölüb
Rusiya Hesablama Palatası

Putin senator Məmmədovun Hesablama Palatasına auditor təyin edilməsini təklif edib

11
(Yenilənib 21:51 22.06.2021)
Rusiya prezidentinin Məmmədovla bağlı Federasiya Şurasına göndərdiyi təqdimata qurumun sabah keçiriləcək plenar iclasında baxılacaq.

BAKI, 22 iyun - Sputnik. Rusiya Prezidenti Vladimir Putin Azərbaycan əsilli senator Sergey Məmmədovun və Natalya Trunovanın  Hesablama Palatasına auditor təyin edilmələrini təklif edib.

Sputnik Azərbaycan RİA Novosti-yə istinadən bildirir ki, Rusiya prezidentinin bu barədə Federasiya Şurasına göndərdiyi təqdimata qurumun sabah keçiriləcək plenar iclasında baxılacaq.

Qeyd edək ki, 2011-ci ildən Federasiya Şurasının üzvü olan Sergey Məmmədov məşhur azərbaycanlı, uzun illər SSRİ-nin Radio və Televiziya Yayımı üzrə Dövlət Komitəsinin sədr müavini olmuş Ənvər Məmmədovun nəvəsi, 1997-2003-cü illərdə Rusiyanın xarici işlər nazirinin müavini, 2003-2014-cü illərdə isə Rusiyanın Kanadadakı səfiri olmuş Georgi Məmmədovun ögey oğludur.

11
Teqlər:
audit, Vladimir Putin, Hesablama Palatası, Rusiya
Rusiya Təhlükəsizlik Şurasının sədrinin müavini Dmitri Medvedev, arxiv şəkli

Medvedev Rusiya sərhədləri yaxınlığında hərbi mövcudluğun artdığını bəyan edib

11
Rusiyanın keçmiş dövlət başçısı ölkənin hüdudları yaxınlığındakı vəziyyətdən narahatlığını dilə gətirib.

BAKI, 22 iyun - Sputnik. Rusiya Federasiyası Təhlükəsizlik Şurasının sədr müavini Dmitri Medvedev Rusiya sərhədləri yaxınlığında xarici hərbi varlığın artdığını, belə bir siyasətin qəbuledilməz olduğunu və milli təhlükəsizliyə birbaşa təhdidlər yaratdığını bəyan edib.

Çərşənbə axşamı o, Təhlükəsizlik Şurasının Arktikada Rusiyanın milli maraqlarının təmin edilməsinə dair idarələrarası komissiyasının növbəti iclasını keçirib.

“Eyni zamanda, sərhədlərimiz yaxınlığında ölkəmizin qarşının alınmasına yönəlmiş xarici hərbi mövcudluğun artması müşahidə olunur. Aydındır ki, belə bir siyasət tamamilə qəbuledilməzdir, çünki milli təhlükəsizliyə birbaşa təhdidlər yaradır və bütövlükdə bölgədəki vəziyyətin kəskinləşməsinə səbəb ola bilər”, - Medvedev bildirib.

11
Qəbələyə mənzərə, arxiv şəkli

Ölkə xaricində istirahətdən həzz almaq olmur - Həmvətənlərimizin yay planları

3
(Yenilənib 01:46 23.06.2021)
Pandemiya qaydaları yumşaldıqca, havalar istiləşdikcə yay arzularını, istirahət planlarını gerçəkləşdirmək istəyənlərin sayı artır. Azərbaycanda bu mövsüm üçün insanların hansı planlar qurduqlarını araşdırdıq.

BAKI, 23 iyun - Sputnik. Tətil, məzuniyyət mövsümü olan yay Azərbaycanda güclü istilərlə başlayıb. Bir neçə gündür ki, ölkənin bəzi bölgələrində temperatur 40 dərəcə Selsini keçir. Hələ Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyevanın anomal istilərlə bağlı açıqlaması və Nazirlər Kabineti yanında Operativ Qərargahın karantin rejimində yumşalmalara getməsi də istirahəti sağlamlığa faydalı və maraqlı keçirmək əndişələrini aktuallaşdırıb.

İstirahət planı - olan var, olmayan var

Karantin şərtlərinin yumşaldıldığını nəzərə alaraq, insanların yay istirahəti ilə bağlı planlarını öyrənmək və pandemiyanın səyahət planlarına təsirini müəyyənləşdirmək üçün Media Təhlil Mərkəzi tərəfindən keçirilən sorğuda respondentlərin 47,5%-i yay ayları üçün istirahət planı olmadığını deyib. Cavab verənlərin 36,7%-i bölgələrə, 8%-i xarici ölkəyə səyahət edəcəyini bildirsə də, 7,8%-i isə yayı bağ evində keçirəcəyini qeyd edib.

Qeyd edək ki, sorğuda iştirak edən 760 respondentin 48%-ni qadınlar, 52%-ni kişilər təşkil edib.

Favorit - sərinlikdir

Sorğuya əsasən, insanların daha çox hansı bölgələrdə istirahətə üstünlük verdiyini müəyyənləşdirmək mümkün olub. Bir neçə variant seçmək imkanına malik olan respondentlərin cavabları aşağıdakı kimidir:

Lənkəran – 33%; Şəki-Zaqatala – 32%; Quba-Xaçmaz – 29%; Qarabağ – 29%; Gəncə-Qazax – 19%;

Aran – 18%; Şirvan – 8%; Naxçıvan – 5%. Respondentərin 29 faizi isə bölgələrə getməyi planlaşdırmadığını deyib. Göründüyü kimi, insanlar daha çox havası sərin olan bölgələrimizə üz tutmağa üstünlük verirlər.

Dost-qohum maşınları trenddə, xaricdən həzz alan azalıb

Rəyi soruşulan həmvətənlərimizin 35%-i dost və ya qohumuna məxsus avtomobillə ölkə daxilində səyahət etdiklərini söyləyib. Bölgələrə şəxsi maşını ilə gedənlər cavab verənlərin 29%-ni təşkil edib. Sərnişin avtobusu ilə səyahət edənlər sorğu iştirakçılarının 22%-ni, müxtəlif turlara qoşulanlar 13%-ni əhatə edib. Respondentlərin 1%-i isə təyyarə ilə səyahətə üstünlük verdiyini bildirib.

Pandemiya bitənədək xarici ölkəyə səyahət planlarını təxirə salanlar respondentlərin 12%-ni təşkil edib. Sorğu iştirakçılarının 28%-i bildirib ki, qadağaların davam etdiyi müddətdə ölkə xaricində istirahətdən həzz almaq olmur. Respondentlərin 10%-i xarici ölkəyə səyahətə məhdudiyyət qoymadığını, 50%-i isə əvvəllər də xaricə səyahət etmədiyi üçün hazırkı vəziyyətin istirahət planlarına heç bir təsirinin olmadığını dilə gətiriblər.

Cibdə varsa pul...

Başqalarının istirahətə nə qədər pul xərclədiyi həmişə maraq doğurur - həm məkanları müqayisə edə bilirsən, həm də büdcəni planlaşdırırsan. 

MTM-in keçirdiyi sorğudakı respondentlərin 67%-i yay istirahətinə 300-500 AZN, 15%-i 500-700 AZN, 9%-i 700-1000 AZN, 9%-i isə 1000 AZN-dən çox vəsait ayırdığını qeyd edib.

Bu mövsüm bölgələrdə istirahətin nisbətən baha olacağı gözlənilir. Məsələn, populyar istiqamətlərdən olan Şəki-Zaqatala-Qax bölgəsində günlük kirayə evlərin qiyməti indidən artıb. 

Ötən il yayda paytaxtdan bölgələrə getməklə bağlı məhdudiyyət olduğundan rayonlara üz tutanların sayı xeyli azalmış, bu səbəbdən də günlük kirayə evlərin qiymətləri də xeyli enmişdi. Şəkidə də günlük evlərin kirayəsi 5 dəfəyədək ucuzlaşmışdı. 100, 80 manatlıq evlər ötən il 30-20 manata zorla müştəri tapsa da, bu il maklerlər və yerli sakinlər evləri yenə 80-100 manata razılaşma yolu ilə verə biləcəklərini söyləyirlər.

Aviasəyahət

Azərbaycanda avqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

Azərbaycan Hava Yolları (AZAL) bir müddət əvvəl bildirmişdi ki, iyun ayından Bakıdan Bodrum və Dalaman kurortlarına xüsusi reyslər açılacaq. Bu istiqamətdə uçuşlar iyunun 25-dən başlanır. Cədvələ görə, Bakı-Bodrum-Bakı reysləri hər gün, Dalamana və geriyə uçuşlar isə həftədə üç gün - bazar ertəsi, çərşənbə və cümə günləri yerinə yetiriləcək.

Buta Airways aviaşirkəti də Bakıdan Alanyaya uçuşları bərpa edərək Ankaraya reyslərin sayını artırıb. 

İyulun 3-dən aviaşirkət Bakı-Alanya-Bakı reyslərinə start verir. Uçuşlar həftədə bir dəfə - şənbə günləri gerçəkləşəcək.

Ankaraya uçuşların sayı da artır: iyunun 19-dan Buta Airways Türkiyə paytaxtına həftədə üç dəfə - bazar ertəsi, cümə axşamı və şənbə günləri reyslər təşkil edəcək.

Azərbaycan ərazisinə isə Rusiya və Türkiyə (iyunun 10-dan) ilə yanaşı, ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətərdən (iyunun 21-dən) uçuşlara icazə verilir.

Eləcə də oxuyun:

  • Rusiyaya getmək istəyən azərbaycanlıların nəzərinə - Qaydalar dəyişir

  • Azərbaycanın bölgələrində günlük kirayə ev bazarı canlanıb

  • Azərbaycan turizmi yeni mövsümə hazırdırmı? – Samir Dübəndi danışır

  • AZAL sərnişindaşıma ilə bağlı bir sıra məqamlara aydınlıq gətirib

  • Azərbaycanda gəlmə turizmə "yaşıl işıq" - Siyahı artırıla bilər

  • Umayra Tağıyeva çimərliklərlə bağlı qadınlara müraciət edib

3