Rusiyada təlim mərkəzində 160 hərbçi arasında dava düşüb, 14 nəfər yaralanıb

Əsgərlər arasında "dembel" - "molodoy" davası: yaralılar var

1512
(Yenilənib 14:05 03.08.2017)
Təlim mərkəzində baş verən qarşıdurmada 14 nəfər xəsarət alıb

BAKI, 3 avgust — Sputnik. Rusiyanın Sverdlovsk vilayətində, Tuvadan olan müqaviləli 60 hərbçi ilə yerli qarnizonun yüz əsgəri arasında baş verən dava nəticəsində 14 nəfər bıçaq yarası alıb. "Report" "URA.ru"ya istinadən xəbər verir ki, hadisə Sverdlovsk vilayətindəki Yelan 473-cü kiçik hərbi mütəxəssislərin təlim mərkəzində, 31612 saylı hərbi hissədə baş verib.

Məlumata görə, üç ay əvvəl Tuvadan bu mərkəzə 60 müqaviləli hərbçi ezam olunub. Kursun son günü onlar spirtli içki alaraq təlimi başa vurmalarını qeyd etmək istəyiblər. İçdikdən sonra qarnizondakı hərbçilərin onlara verdikləri əzab və işgəncəni yada salıblar. Sonra bıçaqla silahlanaraq onların kazarmasına hücum ediblər.

  • Rusiyada təlim mərkəzində 160 hərbçi arasında dava düşüb, 14 nəfər yaralanıb
    Rusiyada təlim mərkəzində 160 hərbçi arasında dava düşüb, 14 nəfər yaralanıb
    © Photo : REPORT
  • Rusiyada təlim mərkəzində 160 hərbçi arasında dava düşüb, 14 nəfər yaralanıb
    Rusiyada təlim mərkəzində 160 hərbçi arasında dava düşüb, 14 nəfər yaralanıb
    © Photo : REPORT
  • Rusiyada təlim mərkəzində 160 hərbçi arasında dava düşüb, 14 nəfər yaralanıb
    Rusiyada təlim mərkəzində 160 hərbçi arasında dava düşüb, 14 nəfər yaralanıb
    © Photo : REPORT
  • Rusiyada təlim mərkəzində 160 hərbçi arasında dava düşüb, 14 nəfər yaralanıb
    Rusiyada təlim mərkəzində 160 hərbçi arasında dava düşüb, 14 nəfər yaralanıb
    © Photo : REPORT
1 / 4
© Photo : REPORT
Rusiyada təlim mərkəzində 160 hərbçi arasında dava düşüb, 14 nəfər yaralanıb

Yelan təlim mərkəzinə Rusiya Mərkəzi Hərbi Dairəsi Komandanlığının müavini, general-leytenant Xasan Kaloyevin başçılığı altında işçi komissiya gedib. Xəbərdə bildirilir ki, avqustun 3-də Rusiyanın müdafiə naziri Sergey Şoyqu təftiş məqsədi ilə Sverdlovsk vilayətinə səfər edəcək.

Qeyd edək ki, S. Şoyqu əslən Tuvadandır. Onun atası tuvalı, anası isə rusdur.

1512
Teqlər:
Tuva, Sverdlovsk vilayəti, hərbçi, Rusiya, əsgər
Əlaqədar
İsrail əsgərləri namaz qılmaq istəyən gənci gülləbaran etdi
Ermənistan əsgərləri Zamanlını da atəşə tutublar
Müdafiə Nazirliyindən əsgər valideynlərinə çağırış
Qoşunlarımız hərəkətə gətirildi: 23 min əsgər, 120 tank, 30 döyüş aviasiyası
Sergey Lavrov və Ceyhun Bayramov, arxiv şəkli

Sergey Lavrov Moskvada Ceyhun Bayramovla görüşüb

73
Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

BAKI, 21 oktyabr — Sputnik. Rusiya Xarici İşlər naziri Sergey Lavrov Azərbaycandan olan həmkarı Ceyhun Bayramovla görüşüb. Sputnik Azərbaycan Rusiya Xarici İşlər Nazirliyinin mətbuat xidmətinə istinadən bildirdiyinə görə, məlumatda qeyd olunub ki, 20 və 21 oktyabr tarixlərində Rusiya Xarici İşlər naziri Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

"Danışıqlar zamanı Dağlıq Qarabağ münaqişə zonasında atəşkəsə dair daha əvvəl əldə edilmiş razılaşmaların həyata keçirilməsi və onun davamlı həlli üçün şərait yaradılması ilə bağlı təcili məsələlər müzakirə edilib", - deyə məlumatda qeyd olunub.

73
Su-34 təyyarəsi, arxiv şəkli

Rusiyada qırıcı qəzaya uğradı

28
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

28
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

0
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

0
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"