Vladimir Putin, arxiv şəkli

Putinin avtomobilindəki müəmma çözüldü

1337
(Yenilənib 13:26 14.07.2017)
Sosial şəbəkələrdə yayılan video ilə bağlı sorğu-sual o həddə çatıb ki, axırda bütün bu suallara prezidentin mətbuat katibi Dmitri Peskov son qoymaq məcburiyyətində qalıb

BAKI, 13 iyul — Sputnik. Rusiya prezidenti Vladimir Putin, "Əziz Sergey" və "Herman" monastırlarının qalıqlarını görmək üçün ölkənin şimalındakı Valaam monastırını ziyarət edib. Sputnik Azərbaycan "Daily Mail"-ə istinadən xəbər verir ki, Putin sözügedən məbədə gələrkən avtomobili özü sürüb.

Monastıra çatarkən maraqlı bir an yaşanıb. Prezident maşından düşdükdən sonra, arxa qapını açaraq, üzü görülməyən, qırmızı çantalı bir nəfərdən nə isə istəyib. Həmin şəxs isə Putinə əli ilə mühafizəçini göstərərək, prezidentin axtardığı şeyin özündə olmadığını bildirib.

Sosial şəbəkələrdə sürətlə yayılan video, Putinin monastıra kim ilə getdiyi marağına səbəb olub. Çoxlarına görə, prezident ora qırmızı geyimli qadınla gedib. Bəzi internet istifadəçiləri isə daha da irəli gedərək, Vladimir Putinin monastıra "Game of Thrones" filmindəki qırmızı qadın Melisandra ilə getdiyini irəli sürüb.

Sosial şəbəkələrdə yayılan video ilə bağlı sorğu-sual o həddə çatıb ki, axırda bütün bu suallara prezidentin mətbuat katibi Dmitri Peskov son qoymaq məcburiyyətində qalıb. O, Vladimir Putinin avtomobilin arxa qapısını açaraq mühafizəçisindən pencəyini istədiyini söyləyib.

Beləliklə aydın olub ki, Putinin idarə etdiyi avtomobilin arxa qoltuğunda əyləşən şəxs onun mühafizəçisi, prezidentin axtardığı şey isə pencək olub.

1337
Teqlər:
Rusiya prezidenti, Vladimir Putin, qadın, avtomobil
Əlaqədar
Putindən qəribə Tramp etirafı
Ərdoğan-Putin görüşü başladı
Putin və Tramp gələcək münasibətlərə aydınlıq gətirdi
Tramp və Putinin ilk görüşü belə oldu
Putinin qaldığı hotelə hücum edildi
Putinlə Tramp Hamburq görüşündə Qarabağdan danışacaqlarmı
Sergey Lavrov və Ceyhun Bayramov, arxiv şəkli

Sergey Lavrov Moskvada Ceyhun Bayramovla görüşüb

4
Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

BAKI, 21 oktyabr — Sputnik. Rusiya Xarici İşlər naziri Sergey Lavrov Azərbaycandan olan həmkarı Ceyhun Bayramovla görüşüb. Sputnik Azərbaycan Rusiya Xarici İşlər Nazirliyinin mətbuat xidmətinə istinadən bildirdiyinə görə, məlumatda qeyd olunub ki, 20 və 21 oktyabr tarixlərində Rusiya Xarici İşlər naziri Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

"Danışıqlar zamanı Dağlıq Qarabağ münaqişə zonasında atəşkəsə dair daha əvvəl əldə edilmiş razılaşmaların həyata keçirilməsi və onun davamlı həlli üçün şərait yaradılması ilə bağlı təcili məsələlər müzakirə edilib", - deyə məlumatda qeyd olunub.

4
Su-34 təyyarəsi, arxiv şəkli

Rusiyada qırıcı qəzaya uğradı

13
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

13