Vladimir Putin, arxiv şəkli

Putin Türkiyəyə yeni səfir təyin edib

1625
(Yenilənib 16:00 19.06.2017)
Buna qədər o, Rusiya XİN-in Böhran Vəziyyəti Mərkəzi Departamentinin direktoru vəzifəsini tutub

BAKI, 19 iyun — Sputnik. Prezident Vladimir Putin Aleksey Yerxovu Rusiyanın Türkiyədəki yeni fövqəladə və səlahiyyətli səfiri təyin edib. Sputnik Azərbaycan-ın məlumatına görə, bu barədə fərman hüquqi informasiyalar rəsmi portalında yerləşdirilib.

Buna qədər Yerxov Rusiya XİN-in Böhran Vəziyyəti Mərkəzi Departamentinin direktoru vəzifəsini tutub. Daha əvvəl o, İstanbulda Baş konsul olub. Hazırda 1-ci dərəcəli fövqəladə və səlahiyyətli səfir statusunu daşıyır. Yerxovun bu posta təyinatını 2017-ci ilin mayında Dövlət Dumasının Beynəlxalq məsələlər üzrə Komitəsi dəstəkləyib.

Rusiyanın Türkiyədəki diplomatik missiyasının rəhbəri Andrey Karlov 2016-cı ilin dekabrında Ankarada öldürülüb. Onun səlahiyyətlərini müvəqqəti olaraq Ankaradakı səfirliyin müşaviri Sergey Panov icra edirdi.

1625
Teqlər:
Aleksey Yerxov, Vladimir Putin, Ankara, Rusiya, Türkiyə, səfir, prezident
Əlaqədar
Rusiya səfirliyi Lapşinlə görüş barədə məlumat verdi
Amerikalı səfirin Rusiya haqda işlətdiyi ifadə diqqət çəkib
Türkiyədəki Rusiya səfirini öldürən şəxs polisdir
Rusiya səfiri İŞİD liderinin öldürülməsindən danışdı
Türkiyə Rusiya və Almaniyadakı səfirlərini dəyişdi
COVİD-19 xəstəsi, arxiv şəkli

Anticisimdən başqa heç kömək etmir Rusiyalı həkimdən qəti mövqe

533
(Yenilənib 22:46 08.08.2020)
Bir müddət əvvəl KİV-də şərabın, kakaonun, müxtəlif paxlakimilərin tərkibində olan ACE2 fermentinin yüksək konsentrasiyasının koronaviruslu xəstələrin vəziyyətini yüngülləşdirə biləcəyinə dair məlumatlar yayılıb

BAKI, 8 avqust — Sputnik. Koronavirus xəstəsinin vəziyyətini hazırda yalnız anticisimlər yüngülləşdirə bilər, onları isə yalnız damar daxilinə yeridirlər, qalanı isə ölüyə dərman vermək kimidir. Bu sözləri RİA Novosti-yə Qamaleya adına Rusiya Milli tədqiqat mərkəzinin direktoru Aleksandr Ginsburq deyib.

Bir müddət əvvəl KİV-də şərabın, kakaonun, müxtəlif paxlakimilərin tərkibində olan ACE2 fermentinin yüksək konsentrasiyasının koronaviruslu xəstələrin vəziyyətini yüngülləşdirə biləcəyinə dair məlumatlar yayılıb.

"Sizə düzünü deyə bilərəm ki, xəstənin vəziyyətini hazırda yalnız bu virus növünə qarşı olan anticisimlər yaxşılaşdıra bilər, başqa heç nə. Qalan şeylər isə, çox üzr istəyirəm, ölüyə dərman vermək kimidir", - Ginsburq deyib.

Onun sözlərinə görə, peyvənd profilaktik, anticisim isə terapevtik, yəni, insan xəstələndikdən sonra təsir göstərir.

"Yəni, əgər insan xəstələnibsə, dediyiniz kimi, hansısa qoz və araxis yemək əvəzinə, ona virusu bloklamaq üçün hazır anticisim vurmaq lazımdır", - Ginsburq əlavə edib.

O anticismin damar daxilinə, sistem vasitəsilə yeridildiyini də bildirib.

533
Teqlər:
Rusiya, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Koronavirusun daha bir qeyri-adi simptomu üzə çıxıb
Bizimkilər qərar verərkən bu rəqəmlərə mütləq baxırlar
Azərbaycanda COVID-19-a yoluxanların sayı xeyli azaldı
O gün yetişir! Rusiyada ilk koronavirus peyvəndi qeydiyyatdan keçəcək
COVID-19-dan ölüm riskini artıran gözlənilməz amil açıqlanıb
 Rusiya XİN-nin rəsmi nümayəndəsi Mariya Zaxarova, arxiv şəkli

Rusiya Bakı ilə Yerevanın münasibətlərinin normallaşması üçün hər şeyi edir Zaxarova

18
(Yenilənib 01:24 09.08.2020)
Rusiya XİN-in nümayəndəsinin sözlərinə görə, həm vasitəçi, həm də Azərbaycan və Ermənistanla qan bağına malik bir ölkə kimi Rusiya münaqişənin közərən ocağına yağ tökülməsini minimallaşdırmağa cəhd edir

BAKI, 8 avqust — Sputnik. Yerevanla Bakı arasında münasibətlərin normallaşması üçün Moskva əlindən gələni edir.

Sputnik Azərbaycan bildirir ki, bunu Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova “Mənalar məkanı – 2020” Ümumrusiya təhsil forumunda çıxışı zamanı deyib. 

O qeyd edib ki, Ermənistanla Azərbaycan arasında baş verənlər, sözsüz ki, bu iki ölkənin öz işidir, amma həm ATƏT-in Minsk qrupunun üzvü, həm vasitəçi, həm də Azərbaycan və Ermənistanla, demək olar ki, qan bağına malik bir ölkə kimi Rusiya münaqişənin közərən ocağına kiminsə yağ tökməsini minimallaşdırmağa cəhd edir.

Zaxarovanın sözlərinə görə, RF “baş verənlərin ziyanının azaldılmasına çalışır və bunun yenidən başlanmaması üçün əlindən gələni edir”.

Qeyd edək ki, iyulun 12-si günorta saatlarından etibarən Ermənistan silahlı qüvvələrinin bölmələri Tovuz rayonunun Azərbaycan-Ermənistan  dövlət sərhədində  atəşkəs rejimini kobud surətdə pozaraq Azərbaycan SQ-nin mövqelərini artilleriya qurğularından atəşə tutublar. Azərbaycan ordusunun mövqelərinin ələ keçirilməsi məqsədilə Ermənistanın hərbi hissələri hücuma keçməyə cəhd göstərib. Cavab tədbirlərilə onlar itki verərək geri oturdulublar.

Ermənilərin hücumunu dəf edərkən AR SQ-nin müddətdən artıq xidmət keçən hərbi qulluqçuları serjant Sadıqov Vüqar Lətif oğlu, baş əsgər Məmmədov Elşad Dönməz oğlu və əsgər Daşdəmirov Xəyyam Məhəmməd oğlu şəhid olublar.

İyulun 13-nə keçən gecə sərhəddə vəziyyət yenidən gərginləşib. Ermənistanın silahlı qüvvələri Tovuz rayonunun Ağdam kəndini 120 mm-lik minomyotlardan atəşə tutub. Azərbaycan ordusu artilleriya, minomyot və tankları hərəkətə gətirərək dəqiq atəşlə Ermənistan SQ-nin hərbi hissəsinin ərazisində yerləşən dayaq məntəqəsi, artilleriya qurğuları, avtomobil texnikası və canlı qüvvəsini məhv edib.

Döyüşlər zamanı Azərbaycan ordusunun hərbçisi, baş leytenant Mahmudov Rəşad Rəşid oğlu şəhid olub.

İyulun 14-ü səhər Azərbaycan ordusunun mövqeləri və yaşayış məntəqələri yenidən atəşə tutulub. Hücumun dəf edilməsi zamanı general-mayor Polad Həşimov və polkovnik İlqar Mirzəyev, mayorlar Namiq Əhmədov və Anar Novruzov, gizirlər  İlqar Zeynallı və Yaşar Babayev, müddətdən artıq xidmət keçən Elçin Mustafazadə şəhid olublar.

İyulun 16-da Ermənistan SQ Azərbaycan mövqelərinə yenidən hücum etməyə cəhd göstərib. Tovuz rayonunun Dondar Quşçu, Ağdam və Vahidli kəndləri iriçaplı silahlardan və minomyotlardan atəşə tutulub.

Döyüşlər zamanı hərbçimiz, müddətdən artıq hərbi xidmət keçən əsgər İsmayılov Nazim Əfqan oğlu şəhid olub.

 

18
Əlaqədar
Tovuz istiqamətində döyüş gedir: hər iki tərəfdən itki var
Tovuzda vəziyyət yenidən gərginləşdi
Tovuzda kənd sakini evsiz qaldı - FOTOLAR
Tovuz atəş altında: yerli sakinlər öz evlərini tərk etmək fikrində deyillər
Tovuz hadisələri dünya nəhənginin rəhbərliyinin müzakirə masasında
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0