Прямая линия с президентом РФ В. Путиным

Putin ABŞ-la konstruktiv dialoqa hazır olduğunu bəyan edib

87
(Yenilənib 17:26 15.06.2017)
Vladimir Putin: "Ruslar ABŞ-ı özünün düşməni hesab eləmir"

BAKI, 15 iyun — Sputnik. Rusiya prezidenti Vladimir Putinin bu gün keçirdiyi mətbuat konfransında bir amerikalı ondan məsləhət istəyib ki, rusofobiya dalğası ilə necə rəftar etsin.

Putin cavabında Rusiya və ABŞ-ın iki dünya müharibəsində eyni tərəfdə vuruşduğunu xatırladıb.

"Rusiyada çoxları Amerika xalqının nailiyyətlərinə hörmətlə yanaşır" — deyə Putin bildirib.

Rusofobiya və antirusiya təşəbbüsləri, həmçinin ABŞ-la münasibətlərin yaxşılaşdırılması ilə bağlı suala cavabında Putin deyib ki, hər iki ölkə nüvə silahının yayılmaması sahəsində əməkdaşlıq edə bilərlər. Bununla yanaşı, ekologiya mövzusunda da diskussiyalar təşkil etmək mümkündür.

"Biz dünyada yoxsulluqla mübarizə üzərində işləməliyik. Radikalizm və terrorizmin mənbələrindən biri bu fəlakətdir" — deyə prezident bildirib.

O xatıdladıb ki, Moskva ilə Vaşinqton İranın nüvə proqramı üzərində işləyiblər. Deməli, əməkdaşlıq üçün uğurlu nümunələr var.

Dövlət başçısı Rusiya və ABŞ-ın birlikdə Suriya və Ukrayna problemlərini həll edəcəyinə inamını ifadə edib.

"Biz konstruktiv dialoqa hazırıq" — deyə Putin əlavə edib.

87
Teqlər:
İranın nüvə proqramı, Suriya, Ukrayna, Moskva, Amerika, Vaşinqton, ABŞ, Vladimir Putin, Rusiya
Əlaqədar
Putin: "Rusiya həmişə sanksiyalar altında yaşayıb"
Putin "Şanxay" zirvəsində vacib mesajlar verdi
Rusiya prezidentinə iki milyonadək sual verilib