Сотрудники полиции в поселке Кратово Московской области, 10 июня 2017 года

Qvardiyanın 200 üzvü ilə təkbaşına vuruşdu öldürüldü

3956
(Yenilənib 16:37 11.06.2017)
Dörd nəfəri öldürən və 7 saat polislə atışan şəxsi məhv etmək üçün zirehli texnikadan istifadə etməli olublar

BAKI, 11 iyun — Sputnik. Xəbər verdiyimiz kimi, iyunun 10-da Rusiya Fövqəladə Hallar Xidmətinin keçmiş əməkdaşı, 50 yaşlı İqor Zenkov axşam saatlarında Moskva ətrafındakı Ramensk rayonu, Kratovo qəsəbəsində kütləvi qırğın törədib.

O yaşadığı qəsəbənin 4 sakinini öldürüb, 3 sakini və bir neçə xüsusi təyinatlını yaralayıb.

Onun məhv edilməsi üçün əməliyyata Rusiya Qvardiyasının 200-ə yaxın əməkdaşı cəlb edilib.


Zenkov mühasirəyə alındıqdan sonra 7-8 saat ərzində güc strukturlarının əməkdaşları ilə atışıb, onların üzərinə qumbara atıb. Nəhayət cinayətkar məhv edilib.

Rusiyanın daxili işlər naziri Vladimir Kolokoltsevin sözlərinə görə, cinayətkar 14 qumbara partladıb və 4 xüsusi təyinatlını yaralayıb. Onun məhv edilməsi əməliyyatında yük maşınları və zirehli texnikadan da istifadə olunub.

İqor Zenkovun hadisə baş verən vaxt sərxoş olduğu bildirilib. O, ailə üzvləri və qonşularla daim dava-dalaş edirmiş. Xüsusilə də iki ay əvvəl dünyasını dəyişmiş anasının ölümündən sonra o özünü qeyri-adekvat aparırmış. Bu dəfə isə evindəki silahlarla qəsəbə sakinlərini gülləbaran edib və güc strukturlarının əməkdaşları ilə vuruşub.

 

O, əvvəlcə tüfənglə pəncərədən sakinləri atəşə tutsa da, hüquq-mühafizə orqanlarının üzvlərini görüb təslim olmamaq qərarına gəlib və pəncərədən tullanaraq yaxınlıqdakı meşəyə qaçıb. Üzərindəki qumbaraları qvardiyanın xüsusi təyinatlılarının üstünə atıb.

Məlum olub ki, Zenkov 8 növ hərbi silah-sursatdan, o cümlədən, Böyük Vətən Müharibəsindən qalmış qumbaralardan, İJ-18 markalı tüfəngdən və "Mauzer" tapançasından istifadə edib.  

Zenkovun Əfqanıstanda, sonra isə Çeçenistanda xidmət etdiyi bildirilib.

Zenkov Fövqəladə Hallar Nazirliyinin sabiq əməkdaşı olub. O, FHN-in Xidmətindən psixoloji problem səbəbindən yaranan əlilliyinə görə çıxarılıb.

3956
Teqlər:
Çeçenistan, İkinci Dünya Müharibəsi, Əfqanıstan, Fövqəladə Hallar Nazirliyi, Rusiyanın daxili işlər naziri Vladimir Kolokoltsev, İqor Zenkov, Moskva
Əlaqədar
Çeçenistanda döyüşmüş şəxs Moskvada qətliam törədib
Bu ölkədə "sərxoş terroru" 13 can aldı
Buğda, arxiv şəkli

Rusiya buğdanın ixrac rüsumunu artırdı: Azərbaycan çörək imtahanından necə çıxacaq?

19
(Yenilənib 15:48 04.03.2021)
"Hesablamalar göstərir ki, işğaldan azad edilmiş ərazilərdə buğda istehsalının artması nəticəsində Azərbaycanda ərzaqlıq buğda ilə özünütəminat səviyyəsinin 70-75 faizə çatması mümkündür".

Xalid Məmmədov, Sputnik Azərbaycan

BAKI, 5 mart — Sputnik. Martın 1-dən etibarən Rusiya buğdanın ixrac rüsumunu iki dəfə artıraraq bir tonu üçün 50 avroya çatdırıb. Sputnik Azərbaycan RİA Novosti-yə istinadla xəbər verir ki, bununla bağlı fərman 2021-ci il yanvarın 26-da imzalanıb. Yeni rüsumlar bu ilin iyunun 1-dək qüvvədə olacaq. İyunun 2-dən etibarən isə dəyişkən ixrac rüsumu tətbiq ediləcək. 

Bəs, maraqlıdır Rusiyanın bu addımının Azərbaycana təsiri necə olacaq? Azərbaycanın işğaldan azad edilmiş ərazilərində taxıl əkilirmi?

İqtisadi İslahatların Təhlili və Kommunikasiya Mərkəzinin icraçı direktorunun müavini, aqrar sahə üzrə ekspert Ramil Hüseyn Sputnik Azərbaycan-a deyib ki, ölkəmizdə tarixən formalaşmış ərzaq istehlakı modelində çörək və çörək məhsullarının istehlakı mühüm yer tutur: "Bu baxımdan Azərbaycanın ərzaq təhlükəsizliyi konsepsiyasında da ərzaqlıq buğda ilə özünü təminat səviyyəsinin yüksəldilməsi məsələsi önə çıxır. Son illər ölkəmizdə ərzaqlıq buğda istehsalının artırılması istiqamətində kompleks işlər görülür və dövlət tərəfindən bu sahənin inkişafı subsidiyalaşdırılır".

O bildirib ki, Azərbaycanda ərzaqlıq buğda ilə özünütəminat səviyyəsi 60 faiz ətrafındadır və ölkəmiz bu sahədə idxaldan asılıdır:

"İşğaldan azad edilən ərazilərimizin təsərrüfat dövriyyəsinə cəlb edilməsi idxaldan asılılığın aradan qaldırılması istiqamətində mühüm rol oynayacaq. Ermənistan tərəfi işğal etdikləri ərazinin təxminən 90-100 min hektarlıq sahəsində taxıl becərdiklərini bəyan edirdi və hazırda həmin ərazilərin 70 faizindən çoxu Azərbaycan Ordusunun nəzarətinə keçib. Azərbaycan Ordusu əraziləri işğaldan azad etdikdən dərhal sonra həmin sahələr təsərrüfat dövriyyəsinə cəlb edilməyə başlayıb. İlk olaraq Cəbrayıl rayonu ərazisində 7 min hektar sahədə taxıl bitkisi əkilib. Yaz əkinlərinin davam edəcəyi, 20-25 min hektar sahədə taxıl əkiləcəyi proqnozlaşdırılır. Növbəti illərdə bu sahələrin daha da artırılması istiqamətində iş aparılacaq".

Ekspertin sözlərinə görə, orta müddətli dövrdə işğaldan azad edilmiş ərazilərimizin təsərrüfat dövriyyəsinə cəlb edilməsi nəticəsində kənd təsərrüfatında ümumi məhsul istehsalının 10 faiz artacağı proqnozlaşdırılır:

"Həmin ərazilərin təsərrüfat dövriyyəsinə cəlb edilməsi xüsusən də heyvandarlığın inkişafına töhfə verəcək. Eyni zamanda buğda ilə özünütəminat səviyyəsinin yaxşılaşdırılması istiqamətində nailiyyətlər əldə oluna bilər. Hesablamalar göstərir ki, həmin ərazilərdə buğda istehsalının artması nəticəsində Azərbaycanda ərzaqlıq buğda ilə özünütəminat səviyyəsinin 70-75 faizə çatması mümkündür. Hazırda həyata keçirilən siyasət də bu istiqamətdə qarşıya qoyulan hədəflərə nail olunacağını göstərir. Eyni zamanda Azərbaycanda iri təsərrüfatların yaradılması da buğdada məhsuldarlığın artırılmasına hesablanıb. Və qarşıdakı illərdə bu istiqamətdə daha yaxşı nəticələrin əldə edilməsi mümkündür".

"Ötən ilin rəqəmlərinə baxdıqda isə bizə aydın olur ki, hazırda əsasən ərzaqlıq buğdanı Rusiyadan idxal edirik. Belə ki, 2020-ci ildə 297 milyon ABŞ dolları dəyərində 1,3 milyon ton həcmində ərzaqlıq buğda Rusiyadan idxal edilib. İdxal edilən buğdanın orta qiyməti 216 ABŞ dolları olub. Azərbaycan ərzaqlıq buğdanın 98 faizindən çoxunu Rusiyadan idxal edib. Həmçinin cüzi miqdarda Qazaxıstandan da idxal həyata keçirilib", - deyə o qeyd edib.

Ekspert bildirib ki, 2020-ci ildə və 2021-ci ilin yanvar ayında dünya bazarında ərzaqlıq buğdanın qiymətində artım müşahidə olunub: "Şübhəsiz ki, bu da öz təsirini idxala göstərir. Azərbaycan hökuməti qabaqlayıcı tədbir olaraq 2021-ci ilin fevral ayının 1-dən may ayının 1-dək un istehsalçılarına satdıqları hər ton una görə 35 manat subsidiya verməyi qərarlaşdırıb. Bu qərar eyni zamanda ölkə daxilində unun qiymətinin artmamasına xidmət edir. Digər tərəfdən Azərbaycanda Dövlət Taxıl Fondu yaradılıb. Dövlət Taxıl Fondu da zəruri hallarda bazara məhsul təklif edir və bu sahədə qiymət artımının qarşısını almaq istiqamətində fəaliyyət göstərir".

"Azərbaycanın ərzaq təhlükəsizliyi konsepsiyasının tərkib hissəsi olaraq əhalinin un və un məmulatları ilə təminatı, xüsusən də çörək istehsalçılarına davamlı olaraq un təminatı istiqamətində işlər aparılır. Bu istiqamətdə son illər ölkə bazarında da sabitliyin qorunub saxlanması görülən işlərin əyani nəticəsidir. 2020-ci ildə quraqlıq buğda istehsalına müəyyən təsir etsə də 2021-ci illə bağlı proqnozlar daha müsbətdir. Belə ki, ölkədə buğda istehsalı artacaq. Ümumiyyətlə, 2021-ci ildə qlobal bazarda da daha çox buğda təklif olunacağı gözlənilir. Dünyada da buğda istehsalının artması ilə bağlı proqnozlar var. Bu isə onu deməyə əsas verir ki, görülən tədbirlər Azərbaycanda un və un məmulatlarının qiymətində kəskin dəyişmələrin qarşısını almağa yönəlib və hər hansı bir kəskin dəyişmələr proqnozlaşdırılmır", - deyə mütəxəssis əlavə edib.

Kənd Təsərrüfatı Nazirliyinin Aqrar Tədqiqatlar Mərkəzinin Analitika Departamentinin müdiri Səadət Hacıyeva Sputnik Azərbaycan-a deyib ki, 2020-ci ildə Azərbaycanın cəmi buğda idxalı 1 milyon 365.1 min ton olub: "Bunun da 1 milyon 349.8 min tonu Rusiyanın payına düşüb. Ötən il Azərbaycanın cəmi buğda idxalında 13.9% azalma olub. Azərbaycanın Rusiyadan buğda idxalının həcmi isə 3 faiz çoxalıb".

19
Rusiya Prezidenti Vladimir Putin, arxiv şəkli

Vladimir Putin "daha bir sarayı" haqda

883
(Yenilənib 23:34 04.03.2021)
Daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib.

BAKI, 4 mart — Sputnik. Rusiya Prezidenti Vladimir Putin "Biz birlikdəyik" ümumrusiya qarşılıqlı yardım aksiyasının iştirakçıları ilə görüşü zamanı "daha bir saray" haqqında zarafat edib. Bu barədə Sputnik Azərbaycan "RİA Novosti"-yə istinadən xəbər verir.

Belə ki, görüş zamanı prezidentlə əlaqəyə Leninqrad vilayətindən qız çıxıb. O, bildirib ki, Sterlnidən (Rusiya Federasiyası Prezidentinin İşlər üzrə idarəsi, "Konqreslər sarayı"nın yerləşdiyi yer) iki kilometr aralıda yerləşir.

"Yaxşı, əla. Daha bir saray kimi görünür, ona görə gələcəyəm. Amma onu mənim adıma yazmayın", - deyə Putin zarafatla deyib.

Qeyd edək ki, daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib. Putin isə öz növbəsində bəyan edib ki, materialda göstərilən heç bir şey nə ona, nə də onun qohumlarına məxsus deyil".

883
Polis Şöbəsi

Bakıda itkin düşən 13 yaşlı qız tapılıb

0
(Yenilənib 10:18 05.03.2021)
Ailə məsələyə operativ reaksiyaya göstərərək yetkinlik yaşına çatmayan övladlarının tapılmasına görə polis əməkdaşlarına təşəkkür edib

BAKI, 5 mart — Sputnik. Ötən gün Suraxanı rayonu, Hövsan qəsəbəsində 13 yaşlı Aleksandra Dünyamalızadənin evdən çıxıb geri qayıtmaması barədə məlumat yayılıb.

Daxili İşlər Nazirliyinin Mətbuat xidmətindən Sputnik Azərbaycan-a verilən məlumata görə, Hövsan qəsəbəsində yerləşən Suraxanı Rayon Polis İdarəsinin 30-cu Polis Şöbəsinin əməkdaşları tərəfindən qısa zamanda görülən tədbirlər nəticəsində A.Dünyamalızadə tapılaraq ailəsinə təhvil verilib.

Ailə məsələyə operativ reaksiyaya göstərərək yetkinlik yaşına çatmayan övladlarının tapılmasına görə polis əməkdaşlarına təşəkkür edib.

0