Ramzan Kadırov. Arxiv şəkli

"Qərb Rusiyanı yıxmaq üçün xüsusi adamlar yetişdirib"

23
(Yenilənib 17:05 19.04.2017)
Ramzan Kadırov: "Rusiya bütün bunlara dözdü və güclü bir ölkə olduğunu, heç kimin onunla zarafat edə bilməyəcəyini sübut elədi"

BAKI, 19 aprel — Sputnik. Rusiya Federasiyasının tərkibində yer alan Çeçenistan Respublikasının prezidenti Ramzan Kadırov, Rusiyanı yıxmaq üçün Qərb kəşfiyyatının xüsusi adamlar yetişdirdiyini iddia edib. Sputnik Azərbaycan RİA-ya istinadən xəbər verir ki, R. Kadırov bu barədə "Russia Today" telekanalına özəl müsahibəsi zamanı danışıb.

"Bütün bu illər ərzində Qərb və Avropanın gizli təşkilatları, müstəqil Rusiya dövlətini yıxmaq üçün mümkün olan hər şeyi etdi. Gərginliyin mərkəzi olaraq da Çeçenistanı seçdilər. Son 10 ildə burada şiddətli qarşıdurmalar yaşandı. Söhbət təkcə hansısa cinayətkar şəbəkədən getmir, Qərbdə təlim keçən avropalı döyüşçülərdən gedir. Bu adamlar 50-dən çox ölkəni təmsil edir" — çeçen lider deyib.

"Rusiya bütün bunlara dözdü və güclü bir ölkə olduğunu, heç kimin onunla zarafat edə bilməyəcəyini sübut elədi" — Ramzan Kadırov əlavə edib.

23
Teqlər:
Ramzan Kadırov, Çeçenistan Respublikası, Rusiya Federasiyası, Qərb
Əlaqədar
Liviyadan Rusiyaya sürpriz
Rusiyadan Türkiyəyə referendum açıqlaması
Ekspert: “ABŞ və Rusiya arasındakı gərginliyin azalacağını düşünmürəm”
Türkiyə və Rusiya prezidentləri Suriyadakı vəziyyəti müzakirə ediblər
"Rusiya həlledici qarşıdurmadan geri çəkilməyəcək"
ABŞ-dan Rusiyaya ultimatum

Sülhməramlı kontingent üçün növbəti maddi-texniki təminat vasitələri gətirilib - VİDEO

15
(Yenilənib 21:01 30.11.2020)
Azərbaycan Müdafiə Nazirliyindən bildirilib ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün noyabrın 30-da növbəti maddi-texniki təminat vasitələri ölkəmizə gətirilib.
Sputnik Azərbaycan Müdafiə Nazirliyinə istinadən bildirir ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

15
Teqlər:
dəmiryolu, Rusiya, Azərbaycan, sülhməramlılar
Rusiya hökumətinin rəhbəri Mixail Mişustin, arxiv şəkli

Paşinyan indi Rusiyanın Baş nazirinə zəng etdi

16
(Yenilənib 18:28 30.11.2020)
Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

BAKI, 30 noyabr — Sputnik. Ermənistanın və Rusiyanın baş nazirləri – Nikol Paşinyan və Mixail Mişustin arasında telefon danışığı baş tutub. Sputnik Ermənistan xəbər verir ki, telefon danışığı Ermənistan tərəfinin təşəbbüsü ilə baş tutub.

Telefon danışığı zamanı tərəflər Ermənistan-Rusiya münasibətlərinə dair bir sıra məsələləri müzakirə ediblər.

Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

16
Teqlər:
telefon danışığı, Mixail Mişustin, Nikol Paşinyan, Rusiya, Ermənistan
Taxılçılıqla məşğul olan fermer

Rayonda bir ilki sınaqdan keçirən Balakən sakini ayın fermeri oldu

0
(Yenilənib 21:10 30.11.2020)
"Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir

BAKI, 30 noyabr — Sputnik. Azərbaycanda aqrar sahədə fəaliyyətin daha da stimullaşdırılması üçün fermerlər arasında elan edilən "Ayın fermeri" müsabiqəsinin qalibi müəyyənləşib.

Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat veriblər ki, müsabiqədə iştirak üçün 40 rayondan ümumilikdə 56 fermer müraciət edib. Müsabiqənin iki mərhələsi üzrə ayrı-ayrılıqda fermerlərin fəaliyyəti qiymətləndirilib.

Komissiya üzvlərinin qiymətləndirməsi nəticəsində qarğıdalı istehsalı sahəsində yüksək məhsuldarlıq əldə etdiyinə görə fermer Zaur Əhmədiyev "Ayın fermeri" müsabiqəsinin qalibi elan edilib. Balakən rayonunda fermer təsərrüfatı quran Zaur Əhmədiyev düzgün aqrotexniki qulluq nəticəsində 35 ha qarğıdalı sahəsindən 308 ton dənlik qarğıdalı istehsal edib. Rayonda ilk dəfə qarğıdalı sahəsində damlama üsulu ilə suvarma sistemini quran fermerin qarğıdalı sahəsində orta məhsuldarlıq 88 sentner təşkil edib. O, ötən il 175 ha sahədən 460 ton taxıl əldə edib. 2019-cu ildə 20 hektar sahədə intensiv bağ salan Zaur Əhmədiyev heyvandarlıq sahəsində də fəaliyyət göstərir və hazırda təsərrüfatında 298 baş iribuynuzlu heyvan var.

Qeyd edək ki, "Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir.

Xatırladaq ki, müsabiqənin təşkili ilə bağlı təsdiqlənən qaydalara əsasən, müsabiqədə "Elektron Kənd Təsərrüfatı" İnformasiya Sistemində (EKTİS) qeydiyyatdan keçmiş və 2 ildən az olmayan müddətdə kənd təsərrüfatı məhsullarının istehsalı ilə məşğul olan fermerlər iştirak edə bilər.

0
Teqlər:
qarğıdalı, fermer, Balakən