BAKI, 5 apr — Sputnik. "Sankt-Peterburq metrosunda baş verən partlayış təsdiq edir ki, terror təhlükəsi ilə bağlı situasiya yaxşılaşmır, MDB-nin hər bir ölkəsi praktiki olaraq terror aktlarının potensial obyektidir".
Sputnik Azərbaycan RİA Novosti-yə istinadla xəbər verir ki, bunu Rusiya prezidenti Vladimir Putin bəyan edib. "Biz görürük ki, situasiya təəssüf ki, yaxşılaşmır. Bunun ən bariz nümunəsi bu yaxınlarda Sankt-Peterburqda baş verən faciəvi hadisələrdir. Terror aktı nəticəsində insanlar öldü, çoxlu zərərçəkən oldu" — deyə Putin MDB ölkələrinin təhlükəsizlik orqanlarının rəhbərləri ilə görüşdə deyib.
"Biz bilirik ki, ölkələrimizdən hər biri, praktiki olaraq hər biri, terror hücumlarının potensial obyektidir. Bizim ölkələrimizə qarşı çoxsaylı digər təhdidlər də var" — deyə prezident əlavə edib.
