Sankt-Peterburqda terror

Sankt-Peterburq terroruna dair mühüm detallar üzə çıxıb

1903
(Yenilənib 17:25 04.04.2017)
Terrorunun təşkilində şübhəli bilinən şəxsin valideynləri dindirilir

BAKI, 4 apr — Sputnik. Qırğızıstanın Milli Təhlükəsizlik üzrə Dövlət Komitəsi (MTDK) dünən Sankt-Peterburq metrosunda baş verən partlayışları törətməkdə şübhəli bilinən şəxsin adını açıqlayıb. Sputnik Qırğızıstan-ın xəbərinə görə, terror aktının, 1995-ci ildə Qırğızıstanın Oş vilayətində anadan olmuş, hazırda Rusiya vətəndaşı olan Akberjon Cəlilov tərəfindən törədildiyi ehtimal edilir. Hazırda Qırğızıstan MTDK-nın Oşdakı müvafiq strukturları Cəlilovla bağlı bütün məlumatları, əlaqələri araşdırır.

"Ötən gün Sankt-Peterburq metrosunda baş verən partlayışın Qırğızıstan vətəndaşı tərəfindən törədildiyi ehtimal edilir. Bombanın, partlamış üçüncü vaqonda cəsədi aşkarlanan şəxs tərəfindən metroya gətirildiyi güman edilir. Artıq bu adamın şəxsiyyəti müəyyənləşib".

Sputnik Azərbaycan RİA Novosti-yə istinadla xəbər verir ki, bunu jurnalistlərə Rusiya İstintaq Komitəsinin rəsmi nümayəndəsi Svetlana Petrenko bildirib. O, qeyd edib ki, terrorçu olduğu iddia edilən şəxslə bağlı məlumatlar hələlik istintaqın gedişi ilə əlaqədar açıqlanmır.

Akbarjon Cəlilov
© Photo : A.Cəlilovun sosial şəbəkədəki profilindən
Akbarjon Cəlilov

Qırğızıstanın Moskvadakı səfirliyindən isə bildiriblər ki, hələlik Rusiya tərəfi Cəlilovla bağlı Bişkekə müraciət etməyib. Sputnik Qırğızıstan-ın məlumatına görə, terrorun təşkilində şübhəli bilinən şəxsin valideynləri dindirilir. Bu barədə Qırğızıstanın MTDK-nın mətbuat xidməti məlumat verib.

"Qanunvericiliyə görə, MTDK-nın əməliyyat-axtarış tədbirləri görmək səlahiyyəti var. Şübhəli şəxsin valideynləri və yaxınları sorğu-sual edilir" — deyə Qırğızıstan MTDK-dən bildiriblər.

Qeyd olunur ki, bu məsələ ilə dövlət komitəsinin Oş vilayət idarəsi məşğul olur. KİV terrorçu olduğu güman edilən Qırğızıstanın Oş vilayətinin sakininin fotolarını yayıb.

Sankt-Peterburq terrorunu törətməkdə şübhəli bilinən Akbarjon Cəlilov
© Photo : PUBLIC DOMAIN
Sankt-Peterburq terrorunu törətməkdə şübhəli bilinən Akbarjon Cəlilov

Qazaxıstan mediası isə terror aktını törədən şəxsin Qazaxıstan vətəndaşı ola biləcəyini ehtimal edir. Çünki partlayış baş verən yerdən Orta Asiya əsilli şəxsin meyiti tapılıb.

Qeyd edək ki, Rusiya və Qırğızıstan xarici işlər nazirləri Sankt-Peterburqda törədilən terror aktının icraçısı ilə bağlı məsələni müzakirə ediblər. Qırğızıstanın xarici işlər naziri Erlan Abdıldayev rusiyalı həmkarı Sergey Lavrovla keçirdiyi birgə mətbuat konfransında bildirib ki, terroru törədən şəxs Qırğızıstan əsillidir.

Putin terror qurbanlarının xatirəsini anır
© Sputnik / Mikhail Klimentyev

"Lakin o, Rusiya vətəndaşlığını qəbul edib. Qırğızıstanın Milli Təhlükəsizlik üzrə Dövlət Komitəsi də terrorçu-kamikadzenin Qırğızıstan əsilli Rusiya vətəndaşı olduğunu təsdiqləyib" — deyə Abdıldayev bildirib.

Nazir terrorçu-kamikadzenin İŞİD-lə əlaqəli olub-olmadığını söyləməyin hələ tez olduğunu bildirib. O, buna cavab vermək üçün xüsusi xidmət orqanlarının apardıqları işin başa çatmasını gözləmək lazım gəldiyini bildirib.

Sergey Lavrov isə sözügedən mətbuat konfransında, terrorçunun milliyyətinin olmadığını, terrorçuluğun bütün bəşəriyyətə və bütün dünya dinlərinə qarşı olduğunu deyib.

Xatırladaq ki, ötən gün Sankt-Peterburq metrosunun "Sennaya ploşad" və "Texnoloqiçeskiy institut-2" stansiyalarında baş verən partlayış nəticəsində 14 nəfər ölüb, 49 nəfər isə xəsarət alıb. Hadisənin terror aktı olduğu təsdiqlənib.

1903
Teqlər:
MTDK, Milli Təhlükəsizlik üzrə Dövlət Komitəsi, kamikadze, partlayış, Qırğızıstan, metro, Sankt-Peterburq, Rusiya, terror
Əlaqədar
Azərbaycanlı qız Sankt-Peterburqdakı partlayışda həyatını itirdi
Azərbaycan XİN Peterburqdakı terror aktını pisləyib
Peterburqda terror aktında yaralananlar arasında azərbaycanlı var
Rusiyada terror qurbanlarının sayı artır
Baş Prokurorluq: Peterburq metrosunda baş verənlər terror aktıdır
Domodedovo aeroportu

"Domodedovo" aeroportunda peyvənd pasportlarının verilməsinə başlanıldı

6
Bu gündən etibarən hava limanının tibbi-sanitar hissəsində ÜST-ün standartlarına uyğun yeni tip sənəd əldə etmək mümkündür.

BAKI, 20 aprel — Sputnik. Moskvanın "Domodedovo" hava limanı peyvənd pasportlarını – Ümumdünya Səhiyyə Təşkilatının (ÜST) standartlarına uyğun olaraq COVID-19-a qarşı peyvənd haqqında sənədi  – verməyə başlayıb. Sputnik Azərbaycan bu barədə "RİA Novosti"-yə istinadla məlumat yayıb.

"Bu, peyvənd və profilaktika haqqında beynəlxalq sertifikatdır", – deyə məlumatda bildirilir.

Qeyd edək ki, bu ilin mart ayından etibarən "Domodedovo" Rusiya hava limanları arasında ilk dəfə olaraq COVID-19-a qarşı rus, ingilis, alman və fransız dillərində beynəlxalq peyvənd sertifikatları təqdim etməyə başlayıb.

"Bu gündən isə "Domodedovo"nun tibbi-sanitar hissəsində yeni tip sənəd - rus və ingilis dillərində ÜST-ün standartlarına uyğun peyvənd pasportu əldə etmək mümkündür", – deyə hava limanının məlumatında qeyd olunur.

"Domodedovo" aeroportunun baş həkimi Sergey Maxnevin sözlərinə görə, təyyarə ilə tez-tez uçan sərnişinlərin yalnız koronavirus deyil, bütün vaksinlərlə bağlı məlumatların əks olunduğu peyvənd pasportu əldə etmələri daha məqsədəuyğundur.

"Bu sənəd artıq xarici dövlətlərdə də tanınır", – deyə baş həkim vurğulayıb.

Peyvənd pasportu əldə etmək üçün aeroportun tibb məntəqəsinə yaxınlaşıb Rusiya Federasiyasının dövlət xidmətləri portalında qeydiyyatdan keçmiş peyvənd sertifikatını, eləcə də şəxsiyyət vəsiqəsi və pasportu təqdim etmək lazımdır.

"Domodedovo" aeroportunun ərazisində, həmçinin COVID-19-a qarşı vaksinasiya məntəqəsi də fəaliyyət göstərir. Həftə içi saat 9.00-dan 16.00-dək sərnişin terminalının ikinci mərtəbəsindəki "Uçub gələn sərnişinlər" ("Arrival") zonasında pulsuz peyvənd olunmaq mümkündür.

6
 Rusiya XİN-nin rəsmi nümayəndəsi Mariya Zaxarova, arxiv şəkli

Rusiya XİN: "Çexiyanın hərəkətlərinin arxasında ABŞ-ın dayandığına şübhə yoxdur"

9
Mariya Zaxarova bəyan edib ki, Çexiya hakimiyyəti aradan keçən yeddi il ərzində hərbi anbarlarda baş verən partlayışın səbəbini araşdırıb başa çıxa bilməyib.

BAKI, 20 aprel — Sputnik. Rusiya Xarici İşlər Nazirliyi bəyan edib ki, Çexiya hakimiyyətinin Moskvaya qarşı hərəkətlərinin arxasında ABŞ-ın dayandığına şübhə yoxdur. Bu barədə Sputnik Azərbaycan RİA Novosti-yə istindən məlumat yayıb.

Qeyd edək ki, bir neçə gün bundan əvvəl Çexiya Rusiya diplomatlarını ölkədən qovub. Bu qərar 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə əlaqələndirilib. Bundan sonra Rusiya XİN-i Çexiya Respublikasının Moskvadakı səfirliyinin 20 əməkdaşını "persona non qrata" elan edib. Həmin şəxslər aprelin 19-na kimi Rusiya ərazisini tərk etməli idilər.

Eyni zamanda, Çexiya respublikasının fövqəladə və səlahiyyətli səfiri Vitezslav Pivonka Rusiya XİN-ə çağırılıb.

Baş verənlərlə bağlı Rusya diplomatiya idarəsi Çexiya hökumətinə sərt etirazını bildirib və cavab tədbirlərinin görüləcəyini bəyan edib.

Bu gün isə Rusiya XİN-in nümayəndəsi Mariya Zaxarova bəyan edib ki, Çexiya hakimiyyəti aradan keçən yeddi il ərzində hərbi anbarlarda baş verən partlayışın səbəbini araşdırıb başa çıxa bilməyib.

"Biz bütün kollektivlə birlikdə məsələnin nədən ibarət olduğunu aydınlaşdırmağa çalışdıq. Praqadakı səfirlik mənə kömək etdi, hamımız bu işə cəlb olunduq ki, Çexiyadakı anbarlarda nə baş verdiyini anlayaq. Yeddi il ərzində Çexiya hakimiyyəti nəinki kimin günahkar olduğu ilə bağlı sualı cavablandırmayıb, hətta ümumiyyətlə, o anbarlarda nə baş verdiyinə aydınlıq gətirə bilməyib", – deyə Zaxarova vurğulayıb.

"Sözügedən hadisə ilə bağlı ortada demək olar ki, rəsmi material yoxdur. Bu, paradoksdur", – deyə Rusiya XİN-in nümayəndəsi qeyd edib.

Zaxarova Çexiyada partlayış hadisəsinin araşdırılması ilə bağlı vəziyyəti isə "marazm" adlandırıb.

"Yerli hakimiyyət orqanları 2006-cı ildən bəri silah-sursat anbarının ordu tərəfindən istifadə edilmədiyindən və Müdafiə Nazirliyinin anbar binalarını xüsusi silah şirkətlərinə icarəyə verdiyindən xəbərsiz idi. Anbarlarda çox sayda silah səkkiz il səlahiyyətlilərin heç bir nəzarəti olmadan qalıb", - deyə o vurğulayıb.

9
Məktəb, arxiv şəkli

Övladları 1-ci sinfə gedəcək valideynlərin nəzərinə - Yenidən şəxsi kabinet açmağa...

0
(Yenilənib 16:25 20.04.2021)
Aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

BAKI, 20 aprel — Sputnik. Təhsil Nazirliyi sosial şəbəkə hesabında 2021-2022-ci tədris ili üzrə canlı yayımda birinci sinfə qəbulla bağlı vətəndaşların suallarını cavablandırır.

Sputnik Azərbaycan-ın məlumatına görə, canlı yayımda çıxış edən Təhsil Nazirliyinin Ümumi təhsilin təşkili və idarəolunması şöbəsinin əməkdaşı Elçin Kərimov məktəbəhazırlıq qruplarına cəlb olunan uşaqların cari tədris ilindən elektron kabinetlərinin mövcud olduğunu bildirib: "Onlar üçün yenidən şəxsi kabinet açmağa və elektron qeydiyyata ehtiyac yoxdur. Valideynlər sadəcə həmin login və şifrə ilə özlərinə məxsus şəxsi kabinetlərinə daxil olaraq övladlarının məktəb seçimini və digər prosesləri həyata keçirə bilərlər".

Xatırladaq ki, aprelin 27-dən 2021-2022-ci tədris ili üzrə ümumi təhsil müəssisələrinin birinci siniflərinə şagird qəbuluna start veriləcək.

0
Teqlər:
"Şəxsi kabinet", valideynlər, qəbul, birinci sinif