İmzalanma

“Rusiya Türkiyə arasında vacib sənədlər imzalana bilər”

597
(Yenilənib 21:22 12.03.2017)
Professor: "Son dövrlər Rusiya-Türkiyə münasibətləri yüksək sürətlə inkişaf edir"

BAKI, 12 mart – Sputnik. Rusiyanın Baş naziri Dmitri Medvedevin Türkiyəyə məxsus kənd təsərrüfatı məhsullarına tətbiq edilən sanksiyaları ləğv etdiyinə dair məlumatı vermişdik. Medvedevin bu qərarı telefonda danışığı zamanı türkiyəli həmkarı Binəli Yıldırıma şəxsən çatdırdığı qeyd olunub.

Cümə günü isə Türkiyə prezidenti Rəcəb Tayyib Ərdoğan Moskvada Rusiyanın dövlət başçısı Vladimir Putinlə görüşüb. Görüş hər iki ölkənin Baş Qərargah rəhbərləri və nazirlər də daxil olmaqla, geniş tərkibdə keçirilib.

Görüşlə bağlı şərh verən tanınmış türk strateq Mətin Gürcan Almaniyanın “Deutsche Welle” qəzetinə maraqlı dəyərləndirmə edib. Strateqin iddiasına görə, Ankara Rusiya və ABŞ arasında seçim eləməyə məcbur qalacaq. 

Mətin Gürcan Rusiya prezidenti Vladimir Putinin Türkiyəyə dair planlarının nə olduğunu yazıb: "Türkiyənin həm Vaşinqtonu, həm də Moskvanı idarə etmək, yola vermək şansları getdikcə azalır. Putin də məhz buna oynayır. Ankara əvvəl-axır bu iki super güc arasında seçim eləməyə məcbur olacaq. Putinin də məqsədi bu seçimin Rusiya olmasıdır”.

“Vladimir Putin Türkiyəni niyə qazanmaq istəyir? Çünki Türkiyəni strateji müttəfiqdən daha çox, troya atı kimi görür. Çünki NATO və Qərb blokunu Türkiyənin vasitəsilə sarsıtmaq və böhrana salmaq istəyir.  Əgər Putin, Türkiyəni NATO-dan uzaqlaşdırmağı bacarsa, bu Rusiya üçün böyük uğur sayılar. Rusiya, Qərb blokunu struktur böhranına soxmaq istəyir, Ərdoğan da bu blokun əsasını təşkil edən Avropa İttifaqına və ABŞ-a meydan oxumaqda davam edir, yəni Rusiyanın görmək istədiyini edir. Mövcud vəziyyət Moskva üçün göydəndüşmə bir fürsətdir. Rusiyanın əli güclənir, ancaq tamamilə duyğusal irəliləyən Türkiyə xarici siyasəti çətinə düşür. Ankara bu cür siyasətdən uzaqlaşmalıdır” — Gürcan bildirib.

“Ərdoğan-Putin görüşündən sonra iki ölkə arasında vacib sənədlərin imzalanacağını gözləyirəm”. Bunu isə Sputnik Azərbaycan-a açıqlamasında Bakı Slavyan Universitetinin professoru, siyasi şərhçi Oqtay Sadıxzadə deyib. Onun sözlərinə görə, iki ölkə münasibətləri tarixdə heç olmadığı qədər yüksək sürətlə inkişaf edir.  

“Son dövrlər Rusiya-Türkiyə münasibətləri yüksək sürətlə inkişaf edir. Artıq 20 gün əvvəl Rusiya prezidenti Vladimir Putin “Türk axını” layihəsini təsdiqləyən imzanı atıb. Həmçinin Türkiyə ərazisində Rusiya tərəfindən “Akkuyu” atom elektrik stansiyasının tikilməsi layihəsinə də start verilib. O cümlədən kənd təsərrüfatı məhsulları, yüngül sənaye, tekstil və digər məhsulların Rusiya ərazisində satışına hərtərəfli şərait yaradılacağına dair fərman imzalanıb. Müvafiq olaraq, rus şirkətlərin Türkiyə ərazisində işgüzar fəaliyyətinə hər cür yardım göstəriləcəyi ilə bağlı Ankara zəmanət verib. Bugünkü Ərdoğan-Putin görüşündən sonra da iki ölkə arasında vacib sənədlərin imzalanacağını gözləyirəm” – Oqtay Sadıxzadə qeyd edib. 

597

Putin seçki kampaniyası, vaksinasiya demoqrafik çuxur barədə

263
(Yenilənib 17:01 19.06.2021)
Moskvada hakim "Vahid Rusiya" partiyasının seçkiqabağı qurultayı keçirilir. Prezident Vladimir Putin qurultayda çıxış edir.

BAKI, 19 iyun - Sputnik. RF prezidenti Vladimir Putin seçki kampaniyasının məsuliyyətli dövr olduğunu, parlamentin formalaşmasının dövlətin həyatında vacib mərhələ olduğunu bəyan edib.

"Seçki kampaniyası həmişə sınaqdır və ümumilikdə siyasi sistemin möhkəmliyinin yoxlanılmasıdır. "Vahid Rusiya"nın burada da xüsusi rolu var. Lider partiya açıq, rəqabətli siyasi yarış atmosferinin yaradılmasında nümunə olmağa borcludur", - o bildirib.

Seçki siyahısı

Rusiya prezidenti həmçinin "Vahid Rusiya"nın seçki siyahısı barədə də danışıb. O müdafiə naziri Sergey Şoyqunu və xarici işlər naziri Sergey Lavrovu seçki siyahısının ilk beşliyinə düşməyə namizədlər olduğunu deyib.

Rusiya lideri deyib ki, "Vahid Rusiya"nın seçki siyahısının ilk beşliyi çoxdan siyasətdə olan adamlardan ibarət olmalıdır.

Vaksinasiya

Rusiya prezidenti koronavirus pandemiyası mövzusuna da toxunub. O deyib ki, xəstələnməkdənsə, peyvəndlənmək yaxşıdır.

"Bir daha xatırladıram ki, peyvəndlənmək xəstələnməkdən yaxşıdır. Hər halda, ölkəmizdəki və dünyadakı aparıcı mütaəxəssislərin mövqeyi belədir", - o qeyd edib.

Demoqrafik artım

Putin bəyan edib ki, Rusiya hazırda "demoqrafik çuxur"a düşür və bunu dəyişmək üçün səyləri cəmləmək lazımdır.

"Builki müraciətimdə demişdim ki, demoqrafik sahədə vəziyyət mürəkkəbdir. Bir məqamda biz sizinlə təxminən eyni vəziyyətdən çıxmışdıq, lakin bir sıra obyektiv səbəblərdən, iki tarixi uğursuluqdan indi yenə eyni demoqrafik çuxura düşürük. Biz bilirik ki, mürəkkəb vəziyyətdir, lakin, neqativ tendensiyaları dayandırmaq üçün biz bütün səylərimizi bu hədəfə yönəltməliyik", - RF lideri "Vahid Rusiya" partiyasının qurultayındakı çıxışında deyib.

Rusiya Dövlət Dumasına seçkilər

2021-ci il iyunun 17-də Rusiya prezidenti Vladimir Putin 2021-ci il sentyabrın 19-na VIII çağırış RF Dövlət Dumasına seçkilərin təyin edilməsi barədə fərman imzalayıb. Onlar Rusiyada regional və bələdiyyə orqanlara seçkilərlər bir yerdə vahid səsvermə günündə keçiriləcək.

263
Krımda sel suları

Məşhur kurort şəhəri selə təslim oldu, evlər, maşınlar su altında

13
(Yenilənib 14:58 19.06.2021)
Turistlərin sevimli məkanlarından olan Yalta şəhərinin sakinləri təbiətin qəzəbini öz üzərlərinə hiss ediblər.

BAKI, 19 iyun — Sputnik. Rusiyanın Yalta şəhərini sel basıb. Yüzdən artıq ev suyun altında qalıb. Şəhərdə su təchizatı dayandırılıb. Bu barədə şəhər administrasiyasının başçısı Yanina Pavlenko məlumat verib.

Bundan əlavə, onun sözlərinə görə, 7 211 abonentin elektrik təchizatı dayandırılıb.

608 nəfər təxliyə olunub, onlardan 50-si həddi-buluğa çatnmayanlardı. 235 abonentin qaz təchizatı dayandırılıb.

Pavlenko bildirib ki, artıq problemlər həll olunur, bir çox yerlərdə elektrik bərpa olunur, suyun verilməsinin bərpası isə axşama planlaşdırılıb.

Şəhərdə sel suyunun kənara və xüsusi yerlərə vurulması prosesi təşkil edilib. Bundan əlavəı, maşınlarla içməli suyun təchizatı təşkil olunub.

Krımda yağan yağışlar iyunun 17-də güclü daşqınlara səbəb olub, nəticədə yarımadanın şərqində 300-dən artıq ev suyun altında qalıb, bir gecəyə buraya iki aylıq normada yağıntı düşüb. Cümə günü kəskin hava şəraiti Yaltaya doğru irəliləyib, nəticədə çaylar məcralarından çısıb, küçə evlər suyun altında qalıb.

13

XİN: Azərbaycan Ermənistanla münasibətlərin normallaşdırılması istiqamətində addımlar atır

0
(Yenilənib 18:06 19.06.2021)
Antalya Diplomatiya Forumu çərçivəsində “Cənubi Qafqaz: Regional sülh və əməkdaşlıq üçün yeni imkanlar” mövzusunda panel müzakirələri təşkil edilib.

BAKI, 19 iyun - Sputnik. "Vasitəçilik olmadan regionda sülhə nail olmaq mümkün deyil. Mehriban qonşuluq münasibətləri yaradılmalıdır. Bunun alternativi yoxdur".

Bu fikirləri Azərbaycanın xarici işlər naziri Ceyhun Bayramov Türkiyənin Antalya şəhərində keçirilən Antalya Diplomatiya Forumu çərçivəsində “Cənubi Qafqaz: Regional sülh və əməkdaşlıq üçün yeni imkanlar” mövzusunda təşkil edilmiş panel müzakirələri zamanı bildirib.

Onun sözlərinə görə, noyabrın 10-da imzalanmış üçtərəfli bəyanatdan sonra Azərbaycan Ermənistanla münasibətlərin normallaşdırılması istiqamətində addımlar atır. Buna misal kimi Bayramov ötən qış Rusiya qazının Azərbaycan ərazisindən keçməklə Ermənistana ötürülməsinə icazə verilməsini göstərib.

Ceyhun Bayramovun Antalya görüşləri - Rumıniya XİN başçısı ilə

Antalya Diplomatiya Forumunda iştirakı çərçivəsində Azərbaycanın xarici işlər naziri Ceyhun Bayramov Rumıniyanın xarici işlər naziri Boqdan Auresku ilə görüşüb.

C.Bayramov Azərbaycan və Rumıniya arasında qarşılıqlı hörmət və dəstəyə əsaslanan münasibətləri məmnunluqla qeyd edib. İkitərəfli iqtisadi, humanitar, təhsil və s. istiqamətlərdə əməkdaşlığın genişləndirilməsi üçün əlverişli imkanların olduğu vurğulanıb.

Nazir, həmçinin həmkarına münaqişə sonrası bölgədə mövcud olan vəziyyət, üçtərəfli bəyanatların icrası, Azərbaycan tərəfindən bu xüsusda atılan addımlar, azad olunmuş ərazilərdə həyata keçirilən bərpa və quruculuq işləri haqqında geniş məlumat verib. İşğal faktorunun aradan qaldırılması ilə iki ölkə arasında münasibətlərin normallaşdırılması imkanının yarandığı qeyd olunub.

Rumıniyanın xarici işlər naziri Boqdan Auresku öz növbəsində Azərbaycan ilə münasibətlərin strateji tərəfdaşlıq baxımından böyük əhəmiyyət kəsb etdiyini vurğulayıb. Post-münaqişə dövüründə regionada baş verən proseslərə toxunan nazir Boqdan Auresku, demarkasiya və mina məsələləri üzrə danışıqların aparılmasının vacibliyini dilə gətirib. Nazir, həmçinin mina partlaması nəticəsində həyatını itirən jurnalistlərə görə dərin təəssüf hissi keçirdiyini ifadə edib.

Daha sonra B.Auresku ölkəsinin Azərbaycanla müxtəlif istiqamətlər üzrə əlaqələri genişləndirməkdə maraqlı olduğunu bildirib və bu xüsusda , Azərbaycan-Rumıniya Birgə Komissiyasının fəaliyyətinin vacibliyini qeyd edib.

Nazir Auresku bu il Azərbaycan ilə Rumıniya arasında diplomatik münasibətlərin qurulmasının 30 illiyinin qeyd olunacağını bildirərək, bununla əlaqədar həmkarını ölkəsinə səfər etməyə dəvət edib.

İraq XİN başçısı ilə görüş

Xarici işlər naziri Ceyhun Bayramov Antalya Diplomatiya Forumunda iştirakı çərçivəsində İraq Respublikasının xarici işlər naziri Fuad Hüseyn ilə görüşüb.

Ceyhun Bayramov iraqlı həmkarına Ermənistanın onilliklər ərzində həyata keçirdiyi təcavüzkar siyasəti və onun fəsadları, həmçinin Ermənistanın növbəti hərbi təxribatına cavab olaraq Azərbaycanın cavab əməliyyatı, ərazilərin işğaldan azad edilməsi barədə məlumat verib. Nazir azad edilmiş ərazilərdəki vəziyyət, həyata keçirilən yenidən qurma işlərindən danışıb.

Ceyhun Bayramov ölkələrimiz arasındakı səmimi münasibətlərin təməlində xalqlarımız arasındakı tarixi, dini, mədəni bağların durduğunu qeyd edib. Azərbaycanın ədalətli mövqeyinə verilən dəstəyə görə qarşı tərəfə minnətdarlıq ifadə olunub.

Fuad Hüseyn məlumata görə təşəkkürünü bildirərək, ölkələrimiz arasındakı münasibətlərin inkişafını qeyd edib. O, müharibədən əziyyət çəkən ölkə kimi İraqın müharibənin doğurduğu fəsadlara yaxşı bələd olduğunu, bu səbəbdən problemlərin sülh yolu ilə həllinin tərəfdarı olduğunu söyləyib. Bu xüsusda, İraq naziri Azərbaycan və Ermənistan arasında hərbi əməliyyatların dayandırılması ilə bağlı razılığın əldə olunmasını məmnunluqla qeyd edib.

Tərəflər həmçinin enerji, humanitar, təhsil, kənd təsərrüfatı, turizm və digər sahələrdə ikitərəfli əməkdaşlıq perspektivlərini müzakirə ediblər.

Türkdilli Dövlətlərin Əməkdaşlıq Şurasının Baş katibi ilə görüş

Antalya Diplomatiya Forumunda iştirakı çərçivəsində Azərbaycan Respublikasının xarici işlər naziri Ceyhun Bayramov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyev ilə görüşüb.

Azərbaycan Respublikası Xarici İşlər Nazirliyinin Mətbuat xidməti idarəsindən “Report”a verilən məlumata görə, görüş zamanı Bağdad Amreyev Azərbaycan və Türkiyə Prezidentləri tərəfindən imzalanmış Şuşa Bəyannaməsini yüksək qiymətləndirib. O, Bəyannamənin bölgədə sülh, təhlükəsizliyin təmin olunmasına, əməkdaşlığın genişləndirilməsinə xidmət edəcəyindən əminliyini vurğulayıb.

Görüş zamanı Türk Şurasının qarşıdan gələn Zirvə görüşünün təfərrüatları, o cümlədən yüksək səviyyəli tədbir çərçivəsində hazırlanacaq sənədlər barədə fikir mübadiləsi aparılıb.

Eyni zamanda Türk Şurasının gündəmində olan digər məsələr, habelə növbəti aylarda keçirilməsi nəzərdə tutulan görüşlər barədə müzakirələr aparılıb.

Ceyhun Bayramov Türk Şurası tərəfindən Azərbaycan və Türkiyə liderləri tərəfindən imzalanmış Şuşa Bəyannaməsinə verdiyi dəstəyə görə təşəkkürünü bildirib. Nazir bu sənədin imzalanmasının Azərbaycan və Türkiyə arasındakı sıx münasibətlərin nəticəsi olduğunu və əməkdaşlıq və müttəfiqlik nümunəsi olduğunu vurğulayıb.

Antalya Diplomatiya forum iyunun 18-dən 20-dək davam edəcək.

0