Aleksey Roqozin

Baş nazirin müavini oğlunu yüksək vəzifəyə təyin etdi

1265
(Yenilənib 15:59 03.03.2017)
O, hərbi sənayenin önəmli qollarından birinə rəhbərlik edəcək

BAKI, 3 mart — Sputnik. Rusiya baş nazirinin müdafiə sənayesi sahəsinə rəhbərlik edən müavini Dmitri Roqozin öz oğlu Aleksey Roqozinə vəzifə verib. Aleksey Roqozin Birləşmiş Aviatikinti Korporasiyasının (BAK) nəqliyyat bölməsinə rəhbərlik edəcək.

Sputnik Azərbaycan Rusiya mediasına istinadla xəbər verir ki, bunu “Vedomosti” Müdafiə Sənayesi Kompleksinin top-menecerlərindən birinə və Rusiya Müdafiə Nazirliyindəki yüksək vəzifəli mənbəyə istinadla xəbər verib. Məlumata görə, kiçik Roqozin Müdafiə Nazirliyinin nəzdində olan departamentin rəis müavini postunu tutacaq. 

Əvvəllər Aleksey Roqozin ticarət markası ORSIS olan yüksək keyfiyyətli atıcı silah istehsal edən özəl “Promtexnologiya” (Sənaye Texnologiyası — red.) şirkətinin baş direktorunun müavini işləyib. 2012–2016-cı illərdə isə o, Tula vilayətindəki Aleksinsk kimya kombinatının (partlayıcılar istehsal edən dövlət müəssisəsi — red.) baş direktoru olub. 

Bir müddət əvvəl BAK rəhbərliyinə yaxın olan top-menecerlərdən biri bildirib ki, aviasiya nəqliyyatı parkında bir sıra nəqliyyat layihələrinin həyata keçirilməsinə ehtiyac var. Nəqliyyat bölməsinin təşkili ağır İl-76, yüngül İl-112 proqramlarının, həmçinin orta və ağır nəqliyyatla bağlı layihələrin vahid mərkəzdən idarə olunması ilə əlaqədardır.  

Roqozinin qarşısında duran əsas məsələlərdən biri də BAK-ın aviasiya nəqliyyatına dair əsas müqavilələrinin uğurla yerinə yetirilməsidir. Müdafiə Nazirliyinin nümayəndəsi bildirib ki, 2012-ci ildə bağlanmış sözügedən müqaviləyə əsasən BAK 2021-ci ilə qədər 140 milyard rubl dəyərində olan 39 ədəd İl-76MD-90A hərbi-nəqliyyat təyyarələrini istehsal etməlidir. 

Qeyd olunur ki, indiyə qədər Ulyanovskdakı “Aviastar-SP” zavodu 5 ədəd sözügedən aviamaşından istehsal etməyə nail olub. Onlardan daha 5-nin isə bu il hazırlanması nəzərdə tutulur. 

Roqozin özü isə oğlunun yeni posta təyinatı ilə bağlı məsələni şərh etməkdən imtina edib. 

“Biz kadr məsələlərini vəzifə təyinatı rəsmən elan olunmadıqda şərh etmirik” – deyə sözügedən korporasiyanın rəsmi nümayəndəsi bildirib. 

1265
Teqlər:
Birləşmiş Aviatikinti Korporasiyası, Rusiya Müdafiə Nazirliyi, Aleksey Roqozin, Dmitri Roqozin, Tula vilayəti, Rusiya
Əlaqədar
Bu əfsanənin oğlunu müsəlman olduğuna görə ölkəyə buraxmadılar
Prezident oğluna hamının qabağında nəsihət verdi
Azərbaycanlı milyarderin oğlu dünyanın ən böyük qızıl yatağını ələ keçirib

Moskvada Qələbə Günü: parad xatirələrə köçmüş yerlərdən video

415
(Yenilənib 12:43 09.05.2021)
Moskvanın Qızıl Meydanında ənənəvi hərbi Qələbə paradı keçirilib. Bu möhtəşəm hadisənin videosunu izləyin.

Bu il dünya Böyük Vətən müharibəsindəki qələbənin 76-cı ildönümünü qeyd edir. Ənənəyə uyğun olaraq Moskvada Qızıl meydanda Qələbə paradı keçirilib.

Şəxsi heyətin və zirehli texnikanın sayına görə bu parad ötənilki yubiley tədbirindən kiçik olub. Ötən il meydandan 14 min  hərbçi keçmişdisə, bu il onların sayı 12,5 min olub. Keçən il tədbirdə 200-dən artıq hərbi maşın iştirak etmişdi, bu il onların sayı 190 olub.

Moskvanın üzərindən 76 təyyarə və helikopter uçub. Bütün detallarla bizim videoda tanış ola bilərsiniz. 

415
Böyük Vətən Müharibəsi veteranının medalları, arxiv şəkli

Moskvada 4095 nəfər Böyük Vətən müharibəsi veteranı yaşayır

123
(Yenilənib 09:18 09.05.2021)
2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir.

BAKI, 9 may — Sputnik. Rusiya paytaxtında yaşayan Böyük Vətən müharibəsi veteranlarının sayı dəqiqləşdirilib. Sputnik Azərbaycan Rusiya mediasına istinadən xəbər verir ki, hazırda Moskvada 4095 nəfər veteran yaşayır.

"Arxa cəbhə zəhmətkeşləri ilə birlikdə veteranların sayı 37351 nəfərdir", — deyə "Exo Moskvı" radiostansiyasının baş redaktoru Aleksey Venediktov "Telegram" kanalında bildirib.

Xatırladaq ki, 2021-ci ildə Moskvada yaşayan bütün veteranlara verilməli olan birdəfəlik müavinətin həcmi 10 mindən 25 min rubla qədərdir (təqribən 230-575 AZN).

Həmin müavinət veteranlara onların müharibə dövründə harada olmasından asılı olmayaraq veriləcək. Beləliklə, həmin müavinəti hazırda Moskvada rəsmi qeydiyyatda olan Leninqrad blokadası iştirakçıları da ala bilərlər.

Şəhər meriyasının qənaətinə görə isə, birdəfəlik maddi yardımı təqribən 83,2 min nəfər almalıdır.

123
Goranboyda küləyin fəsadları

Külək Goranboy sakinlərini müharibə dövrünə qaytardı - FOTO

0
(Yenilənib 10:58 10.05.2021)
Təbiət hadisəsinin Goranboyda yaratdığı fəsad Bəsti Allahverdiyevanın qəzalı evini daha da təhlükəli vəziyyətə salıb. Rayonun 1 qəsəbəsi, 10-a yaxın kəndi isə işıqsız qalıb.

Rahim Məmmədov, Sputnik Azərbaycan

BAKI, 10 may — Sputnik. Qeyri-sabit hava şəraiti Goranboyda fəsadlar törədib. Qəfil güclənən külək irigövdəli ağacları aşırıb. Bir neçə kənd elektrik enerjisiz qalıb. Sputnik Azərbaycan xəbər verir ki, Goranboy şəhərinin Məmməd Məhərrəmov küçəsi 14 ünvanında yaşayan 10 nömrəli evin sakinləri heç də xoş olmayan sürprizlə qarşılaşıblar. Həmin ünvanda yerləşən ikimərtəbəli qəzalı binanın sakinlərindən olan Bəsti Allahverdiyevanın yataq otağının damını iri gövdəli qovaq ağacı dəlib. Yaşlı qadın Sputnik Azərbaycan-a bildirib ki, yatmaq istəyərkən başına az qala qovaq ağacının iri budağı düşəcəkmiş:

“Külək əsdi, ardından elə bir səs gəldi, elə bildim, evə raket düşdü. Tez oğlumu çağırdım, baxdıq gördük ki, küləyin təsirindən ağacın iri budağı dam örtüyünü dağıdıb, otağıma daxil olub. Azyaşlı nəvələrim var, onlardan lap kiçiyi çox qorxdu, özümün həyəcandan qan təziyiqim qalxdı. Yağış da bərk yağırdı, hamısı evə doldu. Bizim bu yaşadığımız bina 2 il əvvəldən qəzalı vəziyyətdədir. Adiyyatı qurumlar gəlib baxıb, söz verdilər ki, yeni bina tikiləcək. Hələ də gözləyirik. Hər gün burada təhlükə artır”.
  • Goranboyda küləyin fəsadları
    © Sputnik / Rahim Mammadov
  • Goranboyda küləyin fəsadları
    © Sputnik / Rahim Mammadov
  • Goranboyda küləyin fəsadları
    © Sputnik / Rahim Mammadov
1 / 3
© Sputnik / Rahim Mammadov
Goranboyda küləyin fəsadları

Goranboyun Məmməd Məhərrəmov 14 ünvanında yerləşən ikimərtəbəli qəzalı binada 12 ailə yaşayır. Sakinlərin əksəriyyəti kiçik, məktəb yaşlı uşaqlardır. Həmin ünvanda yaşayanlar tezliklə müasir bina tikilməsini vacib sayırlar.

Qeyd edək ki, güclü külək rayonun Qızılhacılı qəsəbəsində irigövdəli ağacı Goranboy-Tərtər yoluna aşırıb. Dayanacağın yaxınlığında baş verən hadisə zamanı, xoşbəxtlikdən, xəsarət alan olmayıb. Həmçinin təbiət hadisəsi zamanı rayonun Qızılhacılı qəsəbəsi, Balakürd, Boluslu, Məşədiqaralar, Eyvazlılar kəndləri gecədən səhərə qədər elektrik enerjisiz qalıb.

"Nur şəhəri" gecə boyu işıqsız qaldı - FOTO

* FHN küləkli hava şəraiti ilə bağlı əhaliyə müraciət edib

* Umayra Tağıyeva: “Mayın 11-dən 14-dək havanın temperaturu gündən-günə yüksələcək

 

0
Teqlər:
qəzalı ev, ağac, fəsad, Goranboy, külək