Tramp

"Rusiyaya qarşı sanksiyaların tam aradan qalxması mümkün deyil"

2157
(Yenilənib 18:01 27.01.2017)
Yeni ABŞ administrasiyasının Moskvaya qarşı tətbiq olunan saknsiyaları aradan qaldırmağa hazırlaşdığı xəbəri yayılsa da, rəsmi Kreml bu məlumatları etibarlı saymır

BAKI, 27 yan — Sputnik. ABŞ prezidenti Donald Trampın administrasiyası Rusiyaya qarşı sanksiyaların aradan qaldırılması ilə bağlı sənədlər hazırlayır. Sputnik Azərbaycan xəbər verir ki, bu barədə Atlantic Council Analitik Mərkəzinin elmi əməkdaşı Fabris Potye özünün Twitter hesabında yazıb.

"Mənbələr xəbər verir ki, Trampın administrasiyası Rusiyaya qarşı sanksiyaların qaldırılması ilə bağlı prezidentin sərəncamını hazırlayır" — yazan Potye bildirib ki, Vaşinqton bu barədə artıq Berlinlə (Angela Merkel) danışıb və şənbə günü də Moskva (Vladimir Putin) ilə danışıqlar aparacaq.

Rusiyaya qarşı sanksiyaların aradan qaldırılması ilə bağlı tədbirlərin görüldüyü barədə xəbəri Amerikanın Politico nəşrinin əməkdaşı Syuzen Qlasser də təsdiqləyib. "Bir neçə mənbə xəbər verir ki, bu sərəncamla sanksiyalar birtərəfli qaydada qaldırılacaq" — o yazıb.

Rusiya prezidentinin mətbuat katibi Dmitri Peskov isə bildirib ki, Kreml ABŞ-ın yeni prezidenti Donald Trampın Rusiayaya qarşı sanksiyaları qaldırmaq planlarından xəbərsizdir: "Bu barədə heç nə məlum deyil. Belə başa düşürəm ki, bu məlumatlar əsassızdır. Bunun həqiqətə nə qədər yaxın olduğunu bilmirəm".

Kreml nümayəndəsinin sözlərinə görə, şənbə günü Putin şəxsən Trampı inauqurasiya münasibətilə təbrik edəcək. Telefon danışığı zamanı prezidentlər, həmçinin Moskva və Vaşinqtonun ikitərəfli münasibətlərinə də aydınlıq gətirəcəklər.

Peskov qeyd edib ki, bu, Trampla ABŞ prezidenti qismində ilk söhbət olacaq. Bu səbəbdən də prezidentlərin həmin söhbət zamanı bütün məsələlər barədə incəliklərinə qədər danışacaqlarını gözləmək olmaz.

Politoloq Fikrət Sadıxov
© Sputnik / Murad Orujov
Politoloq Fikrət Sadıxov

Donald Tramp özü isə daha əvvəl Fox News-a müsahibəsində demişdi ki, Rusiya ilə münasibətləri yaxşılaşdırmaq üçün var gücü ilə çalışacaq. ABŞ prezidentinin sözlərinə görə, bu, hər iki tərəf üçün faydalı olacaq.

Qeyd edək ki, Rusiya ilə Qərb arasında münasibətlər 2014-cü ildə Ukrayna hadisələri ilə əlaqədar pisləşmişdi. Əvvəlcə Avropa İttifaqı ölkələri, ABŞ və Kanada fiziki şəxslərə qarşı fərdi sanksiyalarin tətbiqinə başlamışdı. Sonra isə sektorlar üzrə məhdudlaşdırıcı tədbirlər iqtisadiyyatın bütün sahələrini tədricən əhatə etməyə başladı. Cavab tədbiri olaraq Rusiya ona qarşı sanksiya tətbiq edən ölkələrdən ərzaq idxalını qadağan edən qərar qəbul etdi.

Mövzunu Sputnik Azərbaycan-a dəyərləndirən politoloq Fikrət Sadıxovun fikrincə, sanksiyalar yaxın müddətdə tam aradan qalxmayacaq: "Çox güman ki, bu proses tədricən olacaq. Sanksiyaların aradan qaldırılması məsələsi hələ müzakirə olunur. Sərəncam hələ ki, imzalanmayıb".

"Lakin yada salmaq lazımdır ki, seçkiqabağı kampaniyası dövründə Donald Tramp dəfələrlə bəyan etmişdi ki, bu sanksiyaları ləğv edəcək. ABŞ-ın yeni rəhbəri Rusiya ilə əməkdaşlığın son dərəcə əhəmiyyətli olduğunu bildirmişdi. Xüsusilə terrorizmə qarşı Moskva ilə birgə işləməyin vacibliyinə toxunmuşdu. Ona görə də, CNN telekanalının yaydığı xəbərə təəccüblənməmək lazımdır. Bununla belə, hesab edirəm ki, sanksiyalar tam aradan qalxmayacaq. Çox güman ki, bu proses tədricən olacaq" — F. Sadıxov bildirib.

Politoloq hesab edir ki, hətta sanksiyalar tam ləğv edilsə belə, bu, Suriya məsələsini həll etməyəcək: "Suriyada bir çox mürəkkəb məqamlar var. Amerikanın Rusiyaya qarşı sanksiyaları ləğv etməsi ilə, Suriyada problem öz həllini tapmayacaq. Çünki İranın da bu məsələdə qəti mövqeyi var. Rəsmi Tehran ABŞ-a qarşı çox sərt mövqedə durur. Türkiyənin də mövqeyi bizə bəllidir. Daha sonra kürd amili var. Yəni "Suriya düyünü"ndə bir sıra oyunçuların öz maraqları var".

2157
Teqlər:
Donald Tramp, Putin, Fikrət Sadıxov, sanksiya, Suriya, Moskva, Rusiya, Vaşinqton, ABŞ, politoloq, prezident
Əlaqədar
ABŞ Bəşər Əsədə dəstək verən ölkələrə sanksiyalar tətbiq edəcək
ABŞ Kubaya qarşı sanksiyaları yüngülləşdirib
Avropada Türkiyəyə qarşı sanksiyalar gündəmə gətirilib
Rusiyaya qarşı sanksiyaların miqyası genişlənə bilər
Almaniya Rusiyaya qarşı yeni sanksiyalara hazırdır
Almaniyada Rusiya əleyhinə yeni sanksiyalar müzakirəyə çıxarıldı
ABŞ Rusiyanı növbəti sanksiyalarla hədələdi
ABŞ Rusiyaya qarşı sanksiyaları genişləndirir
COVİD-19 qarşı eksperemental peyvənd, arxiv şəkli

Rusiyada koronavirus peyvəndlərini ilk kimlərin alacağı açıqlandı

422
(Yenilənib 08:15 08.08.2020)
Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

BAKI, 8 avqust — Sputnik. Rusiyada koronavirus əleyhinə peyvəndləri ilk olaraq həssas qruplar – tibb işçiləri və yaşlı şəxslər alacaq. Sputnik Azərbaycan xəbər verir ki, bunu Rusiyanın Səhiyyə nazirinin müavini Oleq Qridnev bildirib.

Qridnev əlavə edib ki, hazırda preparatın kütləvi şəkildə hazırlanması üzrə "maksimum iş" görülür. Onun sözlərinə görə, peyvəndlənmənin effekti populyasiya immuniteti formalaşdıqdan sonra, virusun ötürülməsi praktiki olaraq mümkün olmadığı vaxt nəzərə çarpacaq: "Lakin bu peyvəndlənənlərin sayından asılı olacaq".

Qeyd edək ki, Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - deyə mərkəzin direktoru Aleksandr Gintsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

422
 Rusiyanın hərbi polisi Suriyada, arxiv şəkli

"Onları qiymətləndirmədik": Qərb ilk dəfə rusların Suriyada hərbi uğurunu tanıyıb

11
Amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

BAKI, 7 avqust — Sputnik, Andrey Kots. Rusların yardımı olmasaydı Bəşər Əsəd müharibəni uduzardı – amerikalılar etiraf edirlər ki, məhz Moskvanın, həmçinin İranın və "Hizbullah"ın müdaxiləsi Suriya ordusuna ölkənin böyük bir hissəsini qanunsuz silahlı qruplardan geri almağa imkan verib. Konqresin tədqiqat xidməti "Suriyada Silahlı Münaqişəyə və ABŞ-ın Reaksiyasına Dair İcmal" adlı 49 səhifəlik məruzəsində belə bir qənaətə gəlib. Hərbi analitiklər başqa nəyə diqqət yetirir və hansı proqnozları veriblər? Cavabı RİA Novosti-nin materialında.

Qüvvələr nisbəti

Sənəd Suriyanın xəritəsini göstərir. Ölkənin mərkəzi, qərb və cənub hissələrinə Bəşər Əsəd hökuməti nəzarət edir – ABŞ-ın Ət-Tənf hərbi bazasının yerləşdiyi İordaniya ilə sərhəddəki kiçik anklav istisna olmaqla. Şimal-qərbdə İdlib əyaləti silahlı qrupların əlindədir. Fəratın şimal və şərqindəki ərazilər – yəni Suriyanın təxminən üçdə biri – kürdlərin nəzarətindədir.

Amma burada analitiklər səhv edirlər, çünki faktiki olaraq həmin ərazilərə məhz Vaşinqton nəzarət edir. Burada amerikalıların sayı azdır – məruzəyə görə, təxminən 600 nəfər. Lakin onlar karbohidrogenlərlə zəngin olan bu regionda əsas neft yataqları ətrafında mövqe tutublar. Bundan başqa, Suriyanın şərqində özəl hərbi şirkətlərin yüzlərlə döyüşçüsü fəaliyyət göstərirlər. Sənəddə bildirilir ki, Suriyanın rəsmi hökuməti ABŞ-ın bu regionda hərbi iştirakını qanunsuz hesab edir. Ancaq Vaşinqtonda deyirlər ki, neft yataqlarını terrorçulardan qorumaq lazımdır.

Məruzə müəllifləri bəzən Əsəd ordusu ilə toqquşmaların baş verdiyini gizlətmirlər. Belə ki, onlar bu ilin fevralında Qamışlı yaşayış məntəqəsindəki blokpostda Suriya hərbçilərinin ABŞ Silahlı Qüvvələrinin patrulunu atəşə tutduğunu iddia edirlər. Heç kəs xəsarət almayıb.

Bundan başqa, ölkənin şimal-şərqində Rusiya və Amerika hərbçilərinin birbaşa qarşıdurmasının artması da qeyd olunur. İnternetdə ABŞ ordusunun zirehli avtomobillərinin Rusiya hərbi polis avtomobillərinin hərəkətinə maneə törətməyə çalışdığını göstərən onlarla videoçarx yayılıb. İş, xoşbəxtlikdən, atışmaya çıxmayıb.

Rusiya getməyəcək

Ümumilikdə amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

Analitiklər yazır: "ABŞ Moskvanın Suriyadan Yaxın Şərqdə öz nüfuzunu artırmaq üçün plasdarm kimi istifadə etmək imkanlarını və istəyini lazımı səviyyədə qiymətləndirməyib. Rusiya, İran və ya onların "proksi"ləri ilə birbaşa hərbi toqquşmaları istisna etmək olmaz".

Məruzənin müəllifləri təəssüflə qeyd edirlər ki, Dəməşqə təzyiq göstərmək getdikcə daha da çətinləşir. Cəbhə xəttini, ilk növbədə, Rusiya aviasiyası və xüsusi təyinatlılarının yardımı ilə Suriya paytaxtından uzağa atmaq mümkün olub, ölkənin böyük bir hissəsi isə "rejim"in nəzarəti altındadır. Bəşər Əsədin siyasi əleyhdarlarının əlində praktiki olaraq kart qalmayıb. Eyni zamanda, kürdlər getdikcə Dəməşqlə yaxınlıq qururlar. Deməli, mərkəzi hökumət şərq və şimal üzərində nəzarəti özünə qaytara bilər.

İŞİD hələ də təhlükəlidir

2018-ci ilin dekabrında Donald Tramp İŞİD üzərində qələbəni elan edib. Lakin analitiklər hesab edirlər ki, qruplaşma hələ də darmadağın edilməyib. ABŞ-ın müttəfiqləri 2019-cu ilin martında İŞİD-in Suriyadakı son istinad məntəqələrini ələ keçiriblər. Lakin terrorçular həm Suriyada, həm də İraqda komandanlıq və idarəçilik strukturunu qoruyub saxlayıblar. Deməli, hələ də zərbə vura bilərlər.

Daha bir təhlükə hazırda İŞİD-in təxminən on min döyüşçüsünün saxlanıldığı hərbi əsirlər düşərgəsidir. Onlar əsasən ölkənin şimalında yerləşir və kürd bölmələri tərəfindən qorunur. Bundan başqa, ekstremistlərin ailə üzvləri üçün düşərgələr var. Onların ən böyüyü – Əl-Holda 66 minədək terrorçu arvadları və uşaqları saxlanılır. Analitiklərin fikrincə, yaraqlılar orada təbliğatı davam etdirirlər, məhbusların döyüş ruhunu dəstəkləyirlər. İŞİD isə tərəfdarlarını azad etmək üçün basqınlar planlaşdırır.

Kürd rəhbərliyi əsirlərin mühafizəsi üçün güc çatışmazlığı olduğunu dəfələrlə bəyan edib. Amerikalılar kömək etməyə tələsmirlər – Vaşinqton yaraqlıların doğma ölkələrinin onları cəza çəkmək üçün evlərinə repatriasiya etməsinə təkid edir. Amma heç kim "öz" terrorçularını qaytarmaq istəmir və bundan yayınmaq üçün müxtəlif bəhanələr ortaya qoyur.

Problemli əyalət

Ən isti nöqtə İdlib əyalətidir. Orada indi Suriya, Rusiya, İran və Türkiyə fəaldır. Orada ABŞ ordusu yoxdur, amma amerikalılar dəfələrlə "Əl-Qaidə" ilə bağlı dəstələrə zərbələr endiriblər. Qeyri-dövlət birləşmələri "Həyat Təhrir Əş-Şam", "Xurəs Əd-Din", "Suriya Milli Ordusu", "Hizbullah" və digər qruplaşmalarla təmsil olunurlar. İŞİD döyüşçüləri də oradadır.

"İdlibin şimal rayonları müxalifət qüvvələrinin nəzarətində olan yeganə regiondur. Yerli qruplar 2011-ci ildə Dəməşqə meydan oxuyanların qalığıdır. Martın 5-dən etibarən İdlibdə Türkiyə və Rusiya prezidentlərinin razılığı əsasında sülh elan edilib. Onların qoşunları M4 strateji marşrutunu birgə patrul edirlər", - analitiklər vurğulayırlar.

Məruzənin müəllifləri bildirirlər ki, silahlıların atəş açmasına baxmayaraq, atəşkəs rejimini saxlamaq hələ ki, mümkündür.

11
Federal Təhqiqatlar Bürosunun avtomobili, arxiv şəkli

Dünyaca məşhur "yutuber"in evindən çıxanlar hər kəsi şok etdi

0
(Yenilənib 15:10 08.08.2020)
Dünyaca məşhur "youtuber"in evindən çıxanlar hər kəsi şok etdiDünyaca məşhur "youtuber"in evindən çıxanlar hər kəsi şok etdi

BAKI, 8 avqust — Sputnik. Məşhur “YouTube” vlogeri Jak Polun Los-Ancelesdəki lüks villasında əməliyyat keçirilib. Sputnik Azərbaycan bildirir ki, ABŞ-ın Federal Təhlükəsizlik Xidməti ulduzun yeddi milyon dollarlıq villasına zirehli maşınla daxil olub. Onun malikanəsindən çox sayda silah-sursat ələ keçirilib. Qonşuları gecə vlogerin evindən partlayış səslərinin gəldiyini deyiblər.

23 yaşlı J.Pol ABŞ-da qaradərililərin etirazlarında iştirakda ittiham edilir.

Arizona ştatında alış-veriş mərkəzinin talanmasından sonra onun tutulması ilə əlaqədar evində axtarış barədə qərar çıxarılıb.

Qeyd edək ki, sosial media fenomeninin 20 milyondan çox izləyicisi var. Məşhur, eyni zamanda, ABŞ-ın yerli mətbuatında ötən ildən 2 milyon vergi borcu olması ilə gündəmi zəbt edib.

0
Əlaqədar
Azərbaycanlı bloger rus müğənni Yeqor Kridlə sevgili olmasına aydınlıq gətirib
Səhvi yüz on dörd il sonra yada saldılar, üzr istədilər
Biz şokdayıq: azərbaycanlılar ABŞ-dakı iğtişaşlardan danışdılar
Qəflətən: ABŞ-dakı qaradərili hərəkatına Rus Pravoslav Kilsəsindən irad
Azərbaycanlı model Los Ancelesdəki dəbdəbəli villasını göstərdi