Dmitri Kiselyov

Dmitri Kiselyov: "Rusofobiya xroniki xəstəlik deyil"

5110
(Yenilənib 18:24 13.01.2017)
"Rusiyaya qarşı aqressiv və düşmən münasibət bəsləməklə çox şey itirirlər"

BAKI, 13 yan — Sputnik. "Rossiya seqodnya" beynəlxalq informasiya agentliyinin rəhbəri Dmitri Kiselyov Sputnik-ə müsahibəsində 1991-ci ildə Vilnüsdə baş verən proseslərlə bağlı xatirələrini bölüşüb. O, Litva hakimiyyətinin onu niyə "Azadlıq yolunu işıqlandırmaq uğrunda" medalından məhrum etməsindən danışıb və izah edib ki, hazırda hansı səbəblər Baltikyanı ölkələrin rusofobiyadan imtina etməsinə mane olur.

— Yanvar, 1991-ci il, Litva: siz həmin vaxt Litvanın paytaxtında olmusunuz. Orada baş verənləri necə qiymətləndirirsiniz?

— Mən hadisələrin lap başlanğıcından Vilnüsdə olmuşam. Çox həyəcanlı bir izdiham görmüşəm. İnsanlar öz inkişaf yollarını seçmək istəyirdilər. Onlar romantik əhval-ruhiyyədə idilər. Onların insan coşğusu məndə böyük simpatiya yaratmışdı. Mənə elə gəlirdi ki, Baltikyanı ölkələr bizim böyük ölkəmizə — Sovetlər İttifaqına hərəkət istiqaməti verəcək. Sonra məlum oldu ki, onlar hər hansı kompromisə getməyə hazır deyillər. Onda biz hər üç respublikanı məhz "Pribaltika" adlandırırdıq. Bu, sovet sözü idi, indi onu nadir hallarda işlədirlər, ola bilər ki, bu, hətta kimisə narahat etsin. Amma onda "Pribaltika" ifadəsi çox qürurlu səslənirdi, çünki Estoniya, Latviya və Litva üçün tamamilə xüsusi şərait yaradılmışdı. Sovet İttifaqında nisbətən kiçik olan bu üç xalq xüsusi dotasiya, imtiyazlar alırdı və Sovet İttifaqının vitrini idi. Onlar xoşməramlılığın və dözümlülüyün, indiki dillə desək, tolerantlığın simvolu idilər.

 Qayıdaq 1991-ci ilin yanvarına. Siz Mərkəzi Televiziyanın efirində Vilnüs telemərkəzindəki hadisələrə həsr olunmuş SİTA-nın (Sovet İttifaqı Teleqraf Agentliyi) məlumatını oxumaqdan imtina etmişdiniz. Sizin motiviniz nə idi — Litva milli hərəkatına rəğbət? O vaxtkı Sovet rəhbərliyi dirçəliş barədə informasiya verməyin əleyhinə idi? "Kremlin təbliğatı"na qarşı idiniz?

— Bilirsiz, bu, SİTA informasiyaları barədə mif idi. İndi belə başa düşürəm ki, bu, əslində haradasa Kremldə, SSRİ prezidentinin administrasiyasında hazırlanmış mətn idi. Bu, Litva izdihamında metal çubuqlarla silahlanaraq hüquq-mühafizə orqanlarının əməkdaşlarına təcavüz etmiş kimsə haqqında olduqca kobud yazılmış, hər hansı mənbəyə istinad edilməmiş bir mətn idi. Burada təxribatçı komandanın özünü olduqca aqressiv aparması və s. barədə söhbət açılırdı. Mən TSN-in (Televiziya Xəbərlər Xidməti) eksperimental xəbərlər proqramının aparıcısı idim. Mənə elə gəldi ki, bu, açıq-aşkar uydurmadır. Çünki burada xəbəri etibarlı edəcək bir nəfərin adı, hansısa detal yox idi, vaxt, marşrut göstərilməmişdi, bir sözlə, heç bir tam informasiya yox idi.

Dəmir çubuqlar barədə mətn… Qəribədir, necə olursa, həmişə məhz dəmir çubuqlar götürürlər. Bu, çox şübhəlidir. Darvazadan dəmir çubuqları necə qoparmaq olar? Mətndə qeyd olunan sözlərin heç birini bizim hadisə yerindəki müxbirlərimiz təsdiqləmirdi. Bu, digər proqramlardakı məlumat axını ilə həmahəng deyildi. Belə təəssürat var idi ki, bu mətn kütləyə və etiraz edən nümayişçilərə qarşı sonrakı zorakılıq hərəkətlərinə haqq qazandırmaq məqsədilə uydurulmuşdu.

İlham Əliyev “Sputnik” Beynəlxalq İnformasiya Agentliyinin suallarını cavablandırıb
© Official website of President of Azerbaijan Republic

Sonra məhkəmə prosesi göstərdi ki, Vilnüsdə damdan hər iki tərəfə atəş açılmışdı. Hər iki tərəfdən adamların öldürülməsi snayperlərin taktikasıdır. Bu, Maydanda da belə olmuşdu. Milisləri, dinc sakinləri öldürmək və sonra da demək ki, qarşıdurma, qan, üsyan… Onda bizim TSN-dəki gecə proqramımız "Zaman" ("Vremya") proqramına alternativ idi. İndi heç də hamı xatırlamır ki, bu, ölkədə cəmi bir xəbər proqramı olan bir televiziya kanalının olduğu dövr idi. O, "Zaman" adlanırdı. Onda hələ Rusiya televiziyası, "Vesti" proqramı, NTV, Ren TV və başqa televiziyalar yox idi. Amma artıq "Qorbaçov aşkarlığı" elan edilmişdi. Aşkarlıq nə idi? Bu, fikir plüralizmi idi. Sonradan bilmişik ki, rəsmi rupor olan "Zaman" proqramına münasibətdə plüralizmi nümayiş etdirmək üçün Siyasi Büronun qapalı qərarı ilə televiziya xəbərlər xidmətinin yaradılmasına icazə verilmişdi. Proqramı Aleksandr Qurnov təsis elədi və onu qısa müddətdə özü apardı. Gecə xəbərlərini gənclər aparırdı: Tanya Mitkova, Yura Rostov və mən. Biz alternativ informasiyaları ətraflı və fərqli intonasiyada təqdim edirdik. Bu, hakimiyyət üçün çox da uyğun olmayan gənclər proqramı idi və çox həssas xəbərləri verirdi. "Zaman" proqramında 21 saat deyirdilər ki, Litvada tanklar yoxdur, amma biz 23 saat eyni kanalda onları göstərirdik…

 — Bunu təsəvvür etmək çətindir…

— Bunu təsəvvür etmək çətindir. Bu, romantik aşkarlıq dövrü idi. Əlbəttə bu, daxili, eyni zamanda hakimiyyətin informasiya-xəbər proqramı ilə uyğunsuzluq yaradırdı. Vilnüs hadisələrinin ən qaynar vaxtlarında birdən Latviyada birinci adamın öldüyü barədə xəbər gəldi. Litvada yox ha, Latviyada. Adamın başına naməlum şəraitdə güllə dəymişdi. Biz başda güllənin olduğu vəziyyətdə çəkilmiş rentgen şəklini aldıq.

Onda internet yox idi. İndi bunu təsəvvür etmək çətindir. Faks var idi. Alternativ məlumat mənbələri də yox idi. Amma fakt var idi ki, Latviyada adam öldürülüb. "Zaman" proqramının gecə növbətçisi bəyan etdi: "Mənə başda güllə lazım deyil". Sonra izah edildi ki, güllə adama geri qayıdarkən dəyib. Biz onda bilmirdik ki, bu, Litvadakı çevriliş kimi böyük hadisələrin başlanğıcı idi. Bəlkə də onda artıq bütün Pribaltika qaynayırdı.

Mən cavab verirəm: "Bizdə rentgen şəkli var və fakt var — adam öldürülüb. Mən bunun hansı şəraitdə baş verdiyini bilmirəm. Biz sadəcə ilk qurban barədə məlumat veririk. Mən bilmirəm onu kim öldürüb — sovet ordusu, ya yox, amma bununla belə, bu faktdır və biz susa bilmərik". O deyir: "Heç bir halda". Mən cavab verirəm: "Onda xəbərlər olmayacaq". İnqilabi hüquqlar efirə doğru hərəkət edirdi, onda münasibətlər belə idi. Mən burada bizim tərəfimizdən heç bir qəhrəmanlıq görmürəm. Biz — televiziya xəbərlər xidmətinin aparıcıları və müxbirləri öz işimizi görürdük.

 Bu efirə görə sizi 13 yanvar hadisələrinin xatirəsi ilə bağlı medala layiq görmüşdülər?

— Litvalılar müstəqil olduqdan sonra TSN-də Vilnüs hadisələrinin işıqlandırılması faktını öz tarixlərinə yazdılar. Onlar aparıcıları qeyd etmək və onlara təşəkkür bildirmək qərarına gəldilər. Tanya Mitkova ilə məni səfirliyə dəvət edərək Litvanın azadlıq və müstəqillik tarixinə aid olduğumuza görə medalla təltif etdilər.

Bu, mənim həyatımda ilk və uzun müddətli yeganə dövlət mükafatı idi. Biz də minnətdarlıq olaraq onu saxlayırdıq. Eyni zamanda hesab etmirdik ki, nəsə qəhrəmanlıq etmişik və buna xüsusi əhəmiyyət vermirdik. Sonra mən o medalı itirdim. Litvalılar, deyəsən Krımdan sonra elan etdilər ki, etiraz əlaməti olaraq məni bu medaldan məhrum edirlər. Bu hərəkətə etiraz əlaməti olaraq Tatyana Mitkova da həmin medaldan imtina etdi.

Fakt odur ki, biz onların azadlıq yolunu işıqlandırmışdıq. Fakt odur ki, o, dövlət mükafatı idi və peşəkar dürüstlüyə görə verilmişdi, vəssalam. Zamanın o dövründə. Bu, onların tarixinin məşum həlledici hissəsi idi. İndi isə Litva hakimiyyəti özünü dözümsüz apararaq Rusiyaya qarşı gülünc iddialara görə məni o medaldan məhrum etdi. Onu geri almaqla onlar həm özlərini, həm də o hadisələr barədə həqiqəti deyən jurnalistlərə olan minnətdarlığı alçaltdılar.

 Siz indi Baltikyanı ölkələrdə söz azadlığını necə qiymətləndirirsiniz?

— Mənə elə gəlir ki, Litva Avropa İttifaqının bir hissəsi olmaq istəyirdi və ona nail oldu. Qərbi Avropada və Avropa İttifaqında söz azadlığı Rusiyadan daha dardır. O, siyasi korrektələrlə və açıq rusofobiya ilə məhdudlaşdırılıb. Siz Rusiyada "Mən Putini sevirəm" və "Mən Putini sevmirəm" deyə bilərsiniz. Rusiyada siz "Mən geyləri sevirəm" və "Mən geyləri sevmirəm" deyə də bilərsiniz. Buna görə sizə heç nə etməyəcəklər. Bu, sizin mövqeyinizdir və sizə tamamilə neytral yanaşacaqlar. Yox əgər siz Avropada desəniz ki, "Mən Putini sevirəm, amma geyləri sevmirəm", onda bu, sizin bir jurnalist kimi peşəkar karyeranıza son qoyacaq. Orada bir tərəfdən siyasi korrektliliklə bağlı məhdudiyyətlər var, digər tərəfdən də ağrılı rusofobiya var.

Pribaltikada, Litvada təəssüf ki, bura həm də yerli komplekslər, Rusiyaya qarşı süni surətdə yaradılan narazılıq da əlavə edilib. Onlar özlərini elə aparırlar ki, sanki kimsə onlara qarşı zorakılıq həyata keçirməlidir. Onlar sanki özlərini zorakılıq üçün təklif edirlər. Çünki bu onların mövcudluğuna hansısa mənanı verir.

Rusiyaya qarşı belə aqressiv və düşmən münasibətlə onlar çox şey itirirlər. Litvadan kütləvi axın nəticəsində yaranmış depopulyasiyanı xatırlatmaq kifayətdir. Bunun Rusiya ilə yaxşı münasibətlər olmadan həlli yoxdur. Hələlik məsələ belədir ki, təki Rusiya ilə münasibətləri pis olsun, təki ölkənin gələcəyi olmasın, amma Rusiya ilə birlikdə olmasınlar. Düzünü desək, Rusiya sadəcə bunu hiss etmir. Bizim üçün, bizim gündəlik həyatımız üçün, bizim siyasətimiz üçün Litva nədir? Elə də çox şey deyil. Onlar özlərini təcrid ediblər və Rusiya üçün öz mövcudluqlarını itiriblər.

Bizə şər atırlar ki, guya Pribaltikanı işğal etmək istəyirik. Qulaq asın, divardan aralanın və xəritəyə baxın. Başa düşəcəksiniz ki, bizim hələ çox əsrlər ərzində görəcəyimiz başqa işlərimiz var. Bizim Litvaya girmək üçün heç bir motivimiz yoxdur. Bizim Kalininqraddakı "İskəndər" raketlərimiz təhlükəsizliyimizi daha etibarlı şəkildə təmin edir.

Litva öz yolunu seçib. Hazırda onun əhalisinin əksəriyyəti Qərbin təbliğatı nəticəsində Rusiyaya mənfi münasibət bəsləyir. Və bu, Rusiyanın siyasətinin nəticəsi deyil, yerli siyasətçilərin və mətbuatın işinin nəticəsidir. Litvalılar bundan yaxşı heç nə əldə etməyəcəklər. Litvada yaşamaq necə də kədərlidir. Amma ola bilsin, zaman-zaman nələrsə dəyişsin. O da var ki, bu rusofobiya sancıları Ukraynada olduğu kimi daha ağır diaqnoz təhlükəsi yaradır. Sabiq baş nazir Nikolay Azarovun sözləri ilə desək, siyasi palitrada yalnız 50 qəhvəyi çalar qalıb. Belə dövrlər gəlib keçir. İspanlar, almanlar, italyanlar bunu keçiblər, sonra sağlamlaşıblar. Tarixi dövrlərdəki belə şeylər vicdan əzabı və utanc hissi ilə müalicə olunur. Litvanın şansı var ki, zamanla öz qonşusu Rusiya ilə daha mehriban davransın. Bizim Litvaya qarşı heç bir iradımız, mənfi hisslərimiz yoxdur. Biz başqa miqyaslı insanlarıq. Biz hesab edirik ki, bütün xırda narazılıqlar keçid infeksiyaları kimi keçib gedəcək. Bu, xroniki xəstəlik deyil.

5110
Teqlər:
Pribaltika, İttifaq, fobiya, Dmitri Kiselyov, Litva, Baltikyanı, "Rossiya seqodnya", rus, Putin, Latviya, Rusiya, Avropa, medal
Əlaqədar
ABŞ-dan Rusiyaya ağır ittiham
Rusiyadan Amerikaya şillə kimi cavab
35 rusiyalı diplomat ABŞ-dan qovulur
Putin: Heç kəs Rusiyaya onun öhdəsindən gələ bilməyəcəyi problem yarada bilməz
Rusiya ilə Türkiyə arasında tarixi razılıq əldə olundu
Amerikalı səfirin Rusiya haqda işlətdiyi ifadə diqqət çəkib
COVİD-19 qarşı eksperemental peyvənd, arxiv şəkli

Rusiyada koronavirus peyvəndlərini ilk kimlərin alacağı açıqlandı

567
(Yenilənib 08:15 08.08.2020)
Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

BAKI, 8 avqust — Sputnik. Rusiyada koronavirus əleyhinə peyvəndləri ilk olaraq həssas qruplar – tibb işçiləri və yaşlı şəxslər alacaq. Sputnik Azərbaycan xəbər verir ki, bunu Rusiyanın Səhiyyə nazirinin müavini Oleq Qridnev bildirib.

Qridnev əlavə edib ki, hazırda preparatın kütləvi şəkildə hazırlanması üzrə "maksimum iş" görülür. Onun sözlərinə görə, peyvəndlənmənin effekti populyasiya immuniteti formalaşdıqdan sonra, virusun ötürülməsi praktiki olaraq mümkün olmadığı vaxt nəzərə çarpacaq: "Lakin bu peyvəndlənənlərin sayından asılı olacaq".

Qeyd edək ki, Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - deyə mərkəzin direktoru Aleksandr Gintsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

567
 Rusiyanın hərbi polisi Suriyada, arxiv şəkli

"Onları qiymətləndirmədik": Qərb ilk dəfə rusların Suriyada hərbi uğurunu tanıyıb

13
Amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

BAKI, 7 avqust — Sputnik, Andrey Kots. Rusların yardımı olmasaydı Bəşər Əsəd müharibəni uduzardı – amerikalılar etiraf edirlər ki, məhz Moskvanın, həmçinin İranın və "Hizbullah"ın müdaxiləsi Suriya ordusuna ölkənin böyük bir hissəsini qanunsuz silahlı qruplardan geri almağa imkan verib. Konqresin tədqiqat xidməti "Suriyada Silahlı Münaqişəyə və ABŞ-ın Reaksiyasına Dair İcmal" adlı 49 səhifəlik məruzəsində belə bir qənaətə gəlib. Hərbi analitiklər başqa nəyə diqqət yetirir və hansı proqnozları veriblər? Cavabı RİA Novosti-nin materialında.

Qüvvələr nisbəti

Sənəd Suriyanın xəritəsini göstərir. Ölkənin mərkəzi, qərb və cənub hissələrinə Bəşər Əsəd hökuməti nəzarət edir – ABŞ-ın Ət-Tənf hərbi bazasının yerləşdiyi İordaniya ilə sərhəddəki kiçik anklav istisna olmaqla. Şimal-qərbdə İdlib əyaləti silahlı qrupların əlindədir. Fəratın şimal və şərqindəki ərazilər – yəni Suriyanın təxminən üçdə biri – kürdlərin nəzarətindədir.

Amma burada analitiklər səhv edirlər, çünki faktiki olaraq həmin ərazilərə məhz Vaşinqton nəzarət edir. Burada amerikalıların sayı azdır – məruzəyə görə, təxminən 600 nəfər. Lakin onlar karbohidrogenlərlə zəngin olan bu regionda əsas neft yataqları ətrafında mövqe tutublar. Bundan başqa, Suriyanın şərqində özəl hərbi şirkətlərin yüzlərlə döyüşçüsü fəaliyyət göstərirlər. Sənəddə bildirilir ki, Suriyanın rəsmi hökuməti ABŞ-ın bu regionda hərbi iştirakını qanunsuz hesab edir. Ancaq Vaşinqtonda deyirlər ki, neft yataqlarını terrorçulardan qorumaq lazımdır.

Məruzə müəllifləri bəzən Əsəd ordusu ilə toqquşmaların baş verdiyini gizlətmirlər. Belə ki, onlar bu ilin fevralında Qamışlı yaşayış məntəqəsindəki blokpostda Suriya hərbçilərinin ABŞ Silahlı Qüvvələrinin patrulunu atəşə tutduğunu iddia edirlər. Heç kəs xəsarət almayıb.

Bundan başqa, ölkənin şimal-şərqində Rusiya və Amerika hərbçilərinin birbaşa qarşıdurmasının artması da qeyd olunur. İnternetdə ABŞ ordusunun zirehli avtomobillərinin Rusiya hərbi polis avtomobillərinin hərəkətinə maneə törətməyə çalışdığını göstərən onlarla videoçarx yayılıb. İş, xoşbəxtlikdən, atışmaya çıxmayıb.

Rusiya getməyəcək

Ümumilikdə amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

Analitiklər yazır: "ABŞ Moskvanın Suriyadan Yaxın Şərqdə öz nüfuzunu artırmaq üçün plasdarm kimi istifadə etmək imkanlarını və istəyini lazımı səviyyədə qiymətləndirməyib. Rusiya, İran və ya onların "proksi"ləri ilə birbaşa hərbi toqquşmaları istisna etmək olmaz".

Məruzənin müəllifləri təəssüflə qeyd edirlər ki, Dəməşqə təzyiq göstərmək getdikcə daha da çətinləşir. Cəbhə xəttini, ilk növbədə, Rusiya aviasiyası və xüsusi təyinatlılarının yardımı ilə Suriya paytaxtından uzağa atmaq mümkün olub, ölkənin böyük bir hissəsi isə "rejim"in nəzarəti altındadır. Bəşər Əsədin siyasi əleyhdarlarının əlində praktiki olaraq kart qalmayıb. Eyni zamanda, kürdlər getdikcə Dəməşqlə yaxınlıq qururlar. Deməli, mərkəzi hökumət şərq və şimal üzərində nəzarəti özünə qaytara bilər.

İŞİD hələ də təhlükəlidir

2018-ci ilin dekabrında Donald Tramp İŞİD üzərində qələbəni elan edib. Lakin analitiklər hesab edirlər ki, qruplaşma hələ də darmadağın edilməyib. ABŞ-ın müttəfiqləri 2019-cu ilin martında İŞİD-in Suriyadakı son istinad məntəqələrini ələ keçiriblər. Lakin terrorçular həm Suriyada, həm də İraqda komandanlıq və idarəçilik strukturunu qoruyub saxlayıblar. Deməli, hələ də zərbə vura bilərlər.

Daha bir təhlükə hazırda İŞİD-in təxminən on min döyüşçüsünün saxlanıldığı hərbi əsirlər düşərgəsidir. Onlar əsasən ölkənin şimalında yerləşir və kürd bölmələri tərəfindən qorunur. Bundan başqa, ekstremistlərin ailə üzvləri üçün düşərgələr var. Onların ən böyüyü – Əl-Holda 66 minədək terrorçu arvadları və uşaqları saxlanılır. Analitiklərin fikrincə, yaraqlılar orada təbliğatı davam etdirirlər, məhbusların döyüş ruhunu dəstəkləyirlər. İŞİD isə tərəfdarlarını azad etmək üçün basqınlar planlaşdırır.

Kürd rəhbərliyi əsirlərin mühafizəsi üçün güc çatışmazlığı olduğunu dəfələrlə bəyan edib. Amerikalılar kömək etməyə tələsmirlər – Vaşinqton yaraqlıların doğma ölkələrinin onları cəza çəkmək üçün evlərinə repatriasiya etməsinə təkid edir. Amma heç kim "öz" terrorçularını qaytarmaq istəmir və bundan yayınmaq üçün müxtəlif bəhanələr ortaya qoyur.

Problemli əyalət

Ən isti nöqtə İdlib əyalətidir. Orada indi Suriya, Rusiya, İran və Türkiyə fəaldır. Orada ABŞ ordusu yoxdur, amma amerikalılar dəfələrlə "Əl-Qaidə" ilə bağlı dəstələrə zərbələr endiriblər. Qeyri-dövlət birləşmələri "Həyat Təhrir Əş-Şam", "Xurəs Əd-Din", "Suriya Milli Ordusu", "Hizbullah" və digər qruplaşmalarla təmsil olunurlar. İŞİD döyüşçüləri də oradadır.

"İdlibin şimal rayonları müxalifət qüvvələrinin nəzarətində olan yeganə regiondur. Yerli qruplar 2011-ci ildə Dəməşqə meydan oxuyanların qalığıdır. Martın 5-dən etibarən İdlibdə Türkiyə və Rusiya prezidentlərinin razılığı əsasında sülh elan edilib. Onların qoşunları M4 strateji marşrutunu birgə patrul edirlər", - analitiklər vurğulayırlar.

Məruzənin müəllifləri bildirirlər ki, silahlıların atəş açmasına baxmayaraq, atəşkəs rejimini saxlamaq hələ ki, mümkündür.

13

Beyrutda “daş dövrü” paytaxtda iğtişaşlar başlayıb - VİDEO

0
(Yenilənib 18:39 08.08.2020)
Vaxtaşırı polislər kütlənin və atılan daşların təzyiqi altında geri çəkilirlər. İğtişaş bölgəsinə güc strukturlarının əlavə qüvvələri göndərilir

BAKI, 8 avqust — Sputnik. Livanın paytaxtı Beyrutun mərkəzində, parlament binasının qarşısında etiraz edən insanlarla polis arasında toqquşma olub, tərəflər bir-birinə qarşı gözyaşardıcı qaz və daşlardan istifadə edirlər.

Sputnik Azərbaycan RİA Novosti-yə istinadən bildirir ki, yerli vaxtla 16:00-da hökumət əleyhinə mitinq başlayıb və dərhal da iğtişaşa çevrilib.

RİA Novosti-nin müxbirinin bildirdiyinə görə, polis insan kütləsini parlamentdən uzaqlaşdırmaq üçün gözyaşardıcı qazdan istifadə edir. Mitinq edənlər isə cavabında polisə daş yağdırırlar.

​Vaxtaşırı polislər kütlənin və atılan daşların təzyiqi altında geri çəkilirlər. İğtişaş bölgəsinə güc strukturlarının əlavə qüvvələri göndərilir.

Qeyd edək ki, bir neçə gün əvvəl, avqustun 4-də Livan paytaxtı güclü partlayışdan sarsılmışdı. Liman ərazisindəki anbarlarda saxlanan 2,7 ton ammonium nitrat partlayaraq 158 nəfərin ölümünə, 5 mindən artıq insanın xəsarət almasına səbəb olmuşdu.

0
Əlaqədar
Makron təcili Beyruta gedir - Niyəsi bilinmir
Qafqazdan Afrikaya – Beyrutdakı partlayışın detalları
Ərəblərə nəsə olub! İndi də BƏƏ-də böyük yanğın başlayıb - VİDEO
Beyrutda baş verən partlayışda ölən və yaralıların sayı artdı
Türkiyədən Livana böyük dəstək