Avropa İttifaqı

Avropa İttifaqı Rusiyaya qarşı sanksiyaların müddətini uzatdı

17
Kreml: "Bu addımın Ukraynadakı vəziyyətlə bağlı heç bir aidiyyəti yoxdur. Tamamilə siyasi bir qərardır"

BAKI, 19 dek — Sputnik. Avropa İttifaqı (Aİ) Rusiyaya qarşı tətbiq etdiyi iqtisadi sanksiyaların müddətini, 2017-ci ilin iyulunadək uzatmaqla bağlı qərar verib. Sputnik RİA-ya istinadən xəbər verir ki, sözügedən qərar Avropa Parlamentinin bu gün keçirilən iclası zamanı qəbul edilib.

Qərarın qəbul edilməsinə səbəb kimi, Rusiyanın Ukrayna məsələsi ilə bağlı Minsk razılaşmasının şərtlərini yerinə gətirmədiyi göstərilib. Aİ-nin qərarına Rusiyanın cavabı da gecikməyib. Rəsmi Kreml Aİ-nin son qərarını absurd adlandırıb.

"Əslində Avropa İttifaqının atdığı bu addımın Ukraynadakı vəziyyətlə bağlı heç bir aidiyyəti yoxdur. Tamamilə siyasi bir qərardır" — deyə Kremldən bildirilib.

17
Teqlər:
Kreml, Ukrayna, Avropa Parlamenti, qərar, sanksiya, Rusiya, , Avropa İttifaqı
Əlaqədar
ABŞ Bəşər Əsədə dəstək verən ölkələrə sanksiyalar tətbiq edəcək
ABŞ Kubaya qarşı sanksiyaları yüngülləşdirib
Avropada Türkiyəyə qarşı sanksiyalar gündəmə gətirilib
Rusiyaya qarşı sanksiyaların miqyası genişlənə bilər
Almaniya Rusiyaya qarşı yeni sanksiyalara hazırdır
Almaniyada Rusiya əleyhinə yeni sanksiyalar müzakirəyə çıxarıldı
ABŞ Rusiyanı növbəti sanksiyalarla hədələdi
ABŞ Rusiyaya qarşı sanksiyaları genişləndirir
Raket buraxılışı

Rusiya hansı halda nüvə zərbəsi endirə bilər? Baş Qərargah açıqlayıb

8
(Yenilənib 14:47 07.08.2020)
Baş Qərargahda bildiriblər ki, düşmən raketlərinin buraxılması halında onların nüvə və ya qeyri-nüvə silahı olub-olmadığını müəyyən etmək mümkün olmayacaq.

BAKI, 7 avqust — Sputnik. Rusiya öz ərazisinə istənilən raket hücumu vəziyyətində nüvə potensialından istifadə edəcək.

Bu barədə Rusiya Silahlı Qüvvələrin Baş Qərargahı tərəfindən hazırlanmış "Rusiya Federasiyasının Nüvə Silahından İstifadənin Qarşısının Alınması Sahəsində Dövlət Siyasətinin Əsasları Haqqında" sənəddə deyilir.

Sputnik Azərbaycan xəbər verir ki, sənəd "Krasnaya Zvezda" qəzeti tərəfindən dərc edilib.

Baş Qərargahda bildiriblər ki, düşmən raketlərinin buraxılması halında onların nüvə və ya qeyri-nüvə silahı olub-olmadığını müəyyən etmək mümkün olmayacaq. Sənəddə göstərilir ki, istənilən hücum raketi nüvə ilə təchiz olunmuş raket kimi qiymətləndiriləcək.

Qeyd edilir ki, Rusiyanın hərbi rəhbərliyi raketin buraxılması haqqında dərhal məlumat alacaq və cavab tədbirlərinin miqyasını müəyyənləşdirəcək.

Müdafiə Nazirliyi bildirir ki, düşmənin nüvə və digər kütləvi qırğın silahlarından istifadə etməsi, Rusiyanın vacib obyektlərinə təsir göstərməsi, həmçinin, adi məhvetmə vasitələrinin tətbiqi ilə təcavüz etməsi ilə bağlı şərtlər ekspertlərdə sual yaratmamalıdır.

Sənədin müəllifləri vurğulayırlar ki, potensial düşmən zərbə endirməyə qərar verərsə, cavab sarsıdıcı olacaq.

Bununla yanaşı, nazirlikdə qeyd ediblər ki, Rusiyanın nüvə siyasəti sırf müdafiə xarakteri daşıyır.

8
Kommunarkada karantin mərkəzi, arxiv şəkli

Rusiyada bir gündə 119 nəfər koronavirusdan öldü

1
(Yenilənib 13:41 07.08.2020)
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 7 avqust — Sputnik. Son bir sutka ərzində Rusiyada 5241 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 119 nəfər ölüb.

Koronavirus vaksini, arxiv şəkli
© REUTERS / REUTERS / Dado Ruvic / Illustration / File Photo

Ümumilikdə Rusiyada bu xəstəliyə yoluxanların sayı 877135-ə çatıb. Rusiyada pandemiya yayılandan 14725 nəfər COVID-19-dan vəfat edib. Ümumilikdə Rusiyada bu virusdan sağalanların sayı 683592-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 19 milyonu keçib, 714 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

1
Mövzu:
Dünyanı cənginə almış bəla
Azərbaycan Respublikasının Prezidenti İlham Əliyev

Azərbaycan İnvestisiya Holdinqi yaradıldı - FƏRMAN

0
(Yenilənib 15:28 07.08.2020)
Azərbaycan İnvestisiya Holdinqinin fəaliyyətinə rəhbərliyi həyata keçirmək üçün Müşahidə Şurası və İdarə Heyəti yaradılır

BAKI, 7 avqust – Sputnik. Azərbaycan Respublikasının Prezidenti İlham Əliyev Azərbaycan İnvestisiya Holdinqinin yaradılması haqqında Fərman imzalayıb.

Sputnik Azərbaycan-ın xəbərinə görə, Fərmanda bildirilib ki, Azərbaycanda həyata keçirilən davamlı struktur islahatları iqtisadiyyatın səmərəliliyinin daha da artırılması məqsədlərinə xidmət edir. 

Bu istiqamətdə ölkədə institusional və tənzimləyici çərçivə təkmilləşdirilmiş, milli iqtisadiyyatın özəyi olan təsərrüfat strukturlarında idarəetmənin sağlam prinsiplər əsasında inkişafı və tam şəffaflaşması üçün möhkəm zəmin yaradılmışdır.

Sözügedən islahatlar biznes mühitinin xeyli yaxşılaşmasını şərtləndirmişdir. Həmçinin ölkədə sosial-iqtisadi infrastruktur inkişaf etmiş, yeni strateji mərhələnin çağırışlarına adekvat formada qurulan idarəetmənin çevikliyi artmışdır.

Ötən müddətdə struktur islahatlarının əhəmiyyətini nəzərə alaraq dövlət xidmətləri və məhsul istehsalı sferasının da qabaqcıl prinsiplər əsasında idarə olunmasına xüsusi önəm verilmişdir. Bu istiqamətdə ölkədə iri dövlət şirkətlərinin maliyyə-təsərrüfat fəaliyyətində dayanıqlılığın artırılması, onların gəlir və xərclərinə nəzarətin daha da gücləndirilməsi üçün bir sıra işlər görülmüş, paylarının nəzarət zərfi dövlətə məxsus hüquqi şəxslərin idarə olunmasının təkmilləşdirilməsi məqsədilə mühüm islahatlar həyata keçirilmişdir.

Müasir dövrdə yalnız azad bazar münasibətlərinin hərtərəfli inkişafına, dayanıqlı özəl mülkiyyətin genişlənməsinə, daha sağlam prinsiplərə söykənən idarəçiliyə əsaslanmaqla iqtisadi inkişafı sürətləndirmək mümkündür. Buna görə də dövlətə məxsus müəssisələrin idarə olunması sisteminin təkmilləşdirilməsi, fəaliyyətinin səmərəliliyinin və şəffaflığının artırılması, xərclərini və risklərini optimallaşdırmaq yolu ilə onların tam sağlamlaşdırılması istiqamətində struktur islahatlarının dərinləşdirilməsi tələb olunur.

Fərmanla “Azərbaycan İnvestisiya Holdinqi” publik hüquqi şəxs yaradılıb, “Azərbaycan İnvestisiya Holdinqinin Nizamnaməsi” təsdiq edilib (əlavə olunur).

3. Müəyyən edilib ki:

3.1. Azərbaycan İnvestisiya Holdinqinin (bundan sonra – AİH) fəaliyyətinə rəhbərliyi həyata keçirmək üçün Müşahidə Şurası və İdarə Heyəti yaradılır;

3.2. idarəetməsinə veriləcək dövlət şirkətlərinin və müəssisələrinin, habelə dövlət payı olan təsərrüfat cəmiyyətlərinin (bundan sonra – dövlət müəssisələri) Azərbaycan Respublikasının Mülki Məcəlləsinə uyğun olaraq ali idarəetmə orqanının müstəsna səlahiyyətinə aid edilmiş məsələləri AİH Azərbaycan Respublikasının Prezidenti ilə razılaşdırmaqla həll edir.

4. AİH-in təsisçisinin səlahiyyətlərinin həyata keçirilməsi aşağıdakılara həvalə edilib:

4.1. Azərbaycan Respublikasının Prezidentinə:

4.1.1. nizamnaməsinin təsdiqi və nizamnamə fondunun miqdarının müəyyən edilməsi, onların dəyişdirilməsi;

4.1.2. idarəetmə orqanlarının yaradılması;

4.1.3. Müşahidə Şurası üzvlərinin (o cümlədən sədrinin), habelə İdarə Heyəti sədrinin vəzifəyə təyin və vəzifədən azad edilməsi;

4.1.4. ləğvi və yenidən təşkili.

4.2. AİH-ə:

4.2.1. bu Fərmanın 4.1-ci bəndində qeyd edilənlər istisna olmaqla, “Publik hüquqi şəxslər haqqında” Azərbaycan Respublikası Qanununun 8.2-ci maddəsində publik hüquqi şəxsin təsisçisinin səlahiyyətlərinə aid edilmiş digər məsələlərin həlli.

5. Azərbaycan Respublikasının Nazirlər Kabineti:

5.1. AİH-in yaradılması ilə əlaqədar Azərbaycan Respublikası qanunlarının təkmilləşdirilməsi ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

5.2. AİH-in idarəetməsinə veriləcək dövlət müəssisələri ilə bağlı təkliflərini iki ay müddətində hazırlayıb Azərbaycan Respublikasının Prezidentinə təqdim etsin;

5.3. AİH-in fəaliyyətinin təşkili və təmin edilməsi xərclərinin maliyyələşdirilməsi üçün dövlət müəssisələrinin AİH-ə ödəyəcəkləri haqqın formalaşma mexanizmi ilə bağlı təkliflərini iki ay müddətində hazırlayıb Azərbaycan Respublikasının Prezidentinə təqdim etsin;

5.4. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

5.5. Azərbaycan Respublikası Nazirlər Kabinetinin normativ-hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

5.6. dövlət qeydiyyatına alındığı gündən AİH-in inzibati bina ilə təmin olunması və maddi-texniki təminatı məsələlərinin həlli üçün bir ay müddətində tədbirlər görüb Azərbaycan Respublikasının Prezidentinə məlumat versin;

5.7. mərkəzi icra hakimiyyəti orqanlarının normativ-hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

5.8. dövlət qeydiyyatına alınması üçün bu Fərmanın qüvvəyə mindiyi tarixdən üç gün müddətində “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada Azərbaycan Respublikasının İqtisadiyyat Nazirliyinə müraciət etsin;

5.9. bu Fərmandan irəli gələn digər məsələləri həll etsin.

6. Azərbaycan Respublikasının Maliyyə Nazirliyi bu Fərmanla təsdiq edilmiş Nizamnamənin 5.1-ci bəndində göstərilən məbləğdə maliyyələşməni Azərbaycan Respublikasının İqtisadiyyat Nazirliyi ilə birlikdə təmin etsin.

7. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ-hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

0