BAKI, 2 noy — Sputnik. Rusiya Suriyanın Hələb şəhərində növbəti humanitar fasilənin tətbiq olunması barədə qərar verib.
RİA Novosti-nin məlumatına görə, bu barədə Rusiya Silahlı Qüvvələrinin Baş Qərargah rəisi, general Valeri Gerasimov bildirib.
O deyib ki, Hələbdə atəşkəs rejimi noyabrın 4-də saat 09-dan 19-a kimi tətbiq olunacaq: “Bu qərar prezident Vladimir Putinin tapşırığı ilə mənasız qurbanların olmaması üçün qəbul olunub. Qərar Suriya rəhbərliyi ilə razılaşdırılıb".
Gerasimovun sözlərinə görə, bu müddət ərzində Suriyadakı Rusiya Barışdırıcı Mərkəzinin yardımı ilə dinc əhali münaqişə bölgəsindən humanitar dəhliz vasitəsilə çıxarılacaq.
