BAKI, 29 okt — Sputnik. Yeni Zelandiyadan olan fotoqraf Amos Chapple dünyanın ən soyuq yerində məskunlaşan insanların fotolarını çəkib. Rusiya torpaqlarında, Şimal Qütb Dairəsinin 350 kilometr cənubundakı Oymyakon kəndində, 1926-ci ildə ölçülən mənfi 71.2 dərəcə, Şimal yarımkürəsində ölçülən ən aşağı istilik olma xüsusiyyəti daşıyır.
Sputnik haberler-ə istinadla xəbər verir ki, bitki mənşəli istehlak məhsullarının yetişmədiyi kənddə, marketlər balıq və ət məhsulları ilə doludur. Günəş şüalarının dondurucu sis təbəqəsini deşməkdə belə, çətinlik çəkdiyi kənddə, təxminən 500 insan yaşayır.
Evlərin içinə şaxta ucbatından su xətləri çəkmək qeyri-mümkündür. Bu baxımdan sakinlər tualetləri evlərin çölündə inşa ediblər.
Bölgədə avtomobillər yalnız qarajlarda işə düşür. Qarajdan çıxan avtomobillər dayanmadan hərəkət etməlidir. Əgər maşın dayansa, təzədən onu işə sala bilməyəcəksiniz.
Rus dilində "Donmayan su" mənasını verən bölgəyə, 1930-cu illərə qədər maral sürülərinin su ehtiyaclarını qarşılamaq üçün gəlindiyi bilinir. Bura ölkənin şimal-şərqində, dəniz səviyyəsindən 750 metr yüksəklikdədir. Günlərin uzunluğu qışda üç saat ilə yayda 21 saat arasında dəyişir.
Kənddə anomal hava şəraiti hökm sürməsinə və yüksək tibbi xidmətin olmamasına baxmayaraq, sakinlərin ciddi sağlamlıq problemləri yoxdur. Elm adamları burada yaşayan insanların səhiyyə problemi yaşamamasını maral südündəki qida dəyərlərinin yüksək olmasına bağlayırlar.
Bu kənddə uşaqlar da soyuğa adət ediblər. Məktəblər, havanın temperaturu —52 dərəcənin altına endiyində bağlanır. Oymyakon sakinlərinin ən sevdiyi fəaliyyət isə buz tutmuş göldə balıq ovlamaqdır.
