Suriyadakı rus hərbi bazasına məxsus qırıcı təyyarə

Rusiya aviasiyasının Suriyada müddətsiz yerləşdirilməsi təsdiqləndi

3376
Rusiya Prezidenti Moskva ilə Dəməşq arasında razılaşmanın ratifikasiyası haqqında qanunu imzalayıb

BAKI, 14 okt — Sputnik. Prezident Vladimir Putin Rusiya Hava-Kosmik Qüvvələrinin aviasiya qruplarının Suriya ərazisində yerləşdirilməsinə dair Moskva ilə Dəməşq arasında razılaşmanın ratifikasiyası haqqında qanunu imzalayıb. Sputnik xəbər verir ki, bu barədə Kremlin mətbuat xidməti məlumat yayıb.

"Federal qanun 26 avqust 2015-ci ildə Dəməşqdə Rusiya Federasiyası ilə Suriya Ərəb Respublikası arasında imzalanmış Rusiya Federasiyası Silahlı Qüvvələrinin aviasiya qruplarının Suriya Ərəb Respublikası ərazisində yerləşdirilməsinə dair razılaşmanı ratifikasiya edir", — deyə açıqlamada bildirilir.

Qeyd olunur ki, sözügedən razılaşma Rusiyanın aviasiya qruplarının Suriya ərazisində mövcudluğu şərtlərini tənzimləyir. Bununla yanaşı, qeyd olunur ki, Rusiya aviaqrupu Suriya ərazisində Suriya tərəfinin xahişi ilə yerləşdirilib. Latakiyadakı Xmeymim aerodromunun infrastrukturu və zəruri ərazisi pulsuz olaraq RF-in aviaqruplarının istifadəsinə verilib.

Qanun Dövlət Duması tərəfindən 7 oktyabr 2016-cı ildə qəbul edilib və 12 oktyabr 2016-cı ildə Federasiya Şurasında təsdiqlənib.

3376
Teqlər:
Suriya, Moskva, Dəməşq, qırıcı, aviasiya, Rusiya, Vladimir Putin, prezident
Əlaqədar
Putin: Suriyadakı vəziyyətə görə ABŞ məsuliyyət daşıyır
Suriya-Türkiyə sərhədi qana boyandı
Türkiyə ordusu daha 13 ay İraq və Suriyada qalacaq
Suriyada qadın və uşaqların qətliamı davam edir
Qərb koalisiyası Suriyada "bufer zona" yaradır
Koalisiya aviasiyası Suriya ordusuna zərbələr endirib
 Koronavirus qarşı peyvənd, arxiv şəkli

COVID-19 vaksininin uşaqlar üzərində sınaqlarının tarixi məlum olub

131
(Yenilənib 16:00 04.08.2020)
Sınaqlar qışda başlayacaq çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

BAKI, 4 avqust — Sputnik. Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

Sputnik Azərbaycan RİA Novosti-yə istinadən xəbər verir ki, bu barədə mərkəzin direktoru Aleksandr Gintsburq bildirib.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - Ginsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

131
Moskvada koronavirusa yoluxanan xəstələrin müalicə aldığı hospital

Bir gündə 5 min yoluxma: Rusiyada ölənlərin sayı artır

2
(Yenilənib 12:21 04.08.2020)
Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib

BAKI, 4 avqust — Sputnik. Son bir sutka ərzində Rusiyada 5159 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 144 nəfər ölüb.

Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib. Bir sutka ərzində virusdan sağalanların sayı isə 7878 nəfər olub. Bununla da bu ölkədə virusdan sağalanların sayı 661471-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,2 milyonu keçib, 693 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

2
Пульты дистанционного управления телевизором, фото из архива

MTRŞ: “Space” telekanalının yayımı 3 saat dayandırılacaq

0
(Yenilənib 18:28 04.08.2020)
“Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edilib.

BAKI, 4 avqust — Sputnik. Milli Televiziya və Radio Şurasının (MTRŞ) videoformatda iclası keçirilib.

MTRŞ-dan APA-ya verilən məlumata görə, iclasda 20 – 31 iyul 2020-ci il tarixlərində ümum-ölkə televiziya kanallarının monitorinqinin nəticələri müzakirə olunub.

23 iyul 2020-ci il tarixdə “Space” televiziya kanalının efirində saat 19.00 – 20.00 arası müddətdə 20 dəqiqə 48 saniyə reklam yayımlanması ilə “Televiziya və radio yayımı haqqında” Azərbaycan Respublikasının Qanununun 35.7-ci maddəsinin tələbləri pozulub.

Qanunun 23.1-ci maddəsini rəhbər tutaraq “Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edib.

0