Xəzər donanmasına aid kiçik raket gəmisi Uqliç Azərbaycanla əməkdaşlıq çərçivəsində Bakıya yan alıb

Rusiyanın döyüş gəmiləri hərbi helikopteri Bakı limanına yan alıb

167
(Yenilənib 18:03 26.09.2016)
Məqsəd iki ölkənin Xəzər dənizindəki donanmaları arasında əməkdaşlığın və inkişafın möhkəmləndirilməsidir

BAKI, 26 sen — Sputnik. Xəzər donanmasına aid kiçik raket gəmisi "Uqliç" Azərbaycanla əməkdaşlıq çərçivəsində Bakıya yan alıb. Səfər zamanı komandanlıqlar arasında peşəkar fikir mübadiləsinin aparılması nəzərdə tutulub.

Sputnik RİA Novosti-yə istinadla xəbər verir ki, bu barədə Rusiyanın Cənub Hərbi Dairəsinin mətbuat xidməti məlumat verib. "Xəzər donanmasının kiçik raket gəmisi "Uqliç" Xəzər donanmasının bayrağı və kontr-admiral Sergey Pinçukun komandanlığı altında Mahaçqala portundakı bazadan yola düşüb və Azərbaycan Respublikasının Bakı portuna yan alıb. Rusiya dənizçiləri Bakı portuna işgüzar məqsədlə, iki ölkənin Xəzər dənizindəki donanmaları arasında əməkdaşlığın və inkişafın möhkəmləndirilməsi çərçivəsində səfər edib" — deyə məlumatda bildirilir.

"Uqliç" gəmisinin Bakıda Azərbaycanın Hərbi Dəniz Qüvvələrinin rəsmi şəxsləri, Rusiyanın Azərbaycandakı səfirliyinin əməkdaşları, Azərbaycanın ali hərbi dənizçilik məktəbinin zabit və kursantları və müəllim heyəti tərəfindən qarşılanması planlaşdırılıb.

Gəminin komanda heyəti ADEX-2016 Azərbaycan Beynəlxalq Hərbi sərgisində iştirak edəcək. Rusiyalı dənizçilər 1977-1984-cü illərdə donanmaya komandanlıq etmiş vitse-admiral Həmid Həbib oğlu Qasımbəyovun qəbrinə, Heydər Əliyevin memorialına və Fəxri Xiyabanda dəfn olunmuş Azərbaycan Respublikasının görkəmli şəxsiyyətlərinin məzarları üzərinə hərbçilər adından gül dəstələri qoyacaqlar.

Qeyd edək ki, Bakıda keçiriləcək ADEX-2016 sərgisinə "Rosoboroneksport"-un stendi altında 300 adda hərbi məhsul təqdim ediləcək. Bu barədə şirkətin mətbuat xidməti məlumat yayıb. ADEX-2016 Beynəlxalq Müdafiə sərgisi 27-30 sentyabr tarixlərində Bakıda keçiriləcək. Burada 30 ölkədən 200-dən artıq şirkət iştirak edəcək.

"Dövlət vasitəçisinin stendində hərbi təyinatlı 300-dən artıq məhsul nümayiş etdiriləcək. Bu stenddə xarici sifarişçilər Rusiyanın perspektivli hərbi texnika modelləri ilə tanış ola biləcəklər. Onların arasında "Тигр" növünə aid xüsusi zirehli maşın, "Бе-200" çoxfunksiyalı patrul təyyarə-amfibiya, "Тор-М2КМ" zenit raket kompleksi, Т-90С tankı, "Molniya" layihəli raket kateri və "1124М" layihəsinə məxsus kiçik qayıq əleyhinə gəmi də var", — deyə məlumatda bildirilir.

Hərbi sənaye kompleksinin müəssisələri həmçinin "ADEX-2016"-ya hərbi texnika və silahların həqiqi nümunələrini gətirəcəklər. Belə ki, "Yüksək dəqiqlikli komplekslər" ASC Bakıda müasir tank əleyhinə "Metis M1" sistemlərini, yüksək dəqiqlikli "Krasnopol-M2" artilleriya komplekslərini, yüksək dəqiqlikli "Qran" minomyot kompleksini, "Pantsir-C1" zenit-raket kompleksləri üçün raketlərini, AQS-30 qranatomyotlarını, həmçinin kiçik ölçülü odlu silahları gətirəcəklər. "Uralvaqonzavod NPK" AC modernləşdirilmiş T-72 tanklarını xüsusi meydançada nümayiş etdirəcək.

"Rosoboroneksporta"nın mütəxəssisləri işgüzar proqram çərçivəsində xarici şirkətlərdən olan tərəfdaşları ilə danışıqlar aparmağı planlaşdırır. Sərgi çərçivəsindəki görüşlər zamanı Rusiya silahlarının və hərbi texnikasının müxtəlif variantları, onların çatdırılması və satışdan sonrakı xidmətlərlə bağlı məsələlər müzakirə ediləcək. Xüsusi silah ixracatçıları bu sərgi çərçivəsində özlərinin müxtəlif təyinatlı silahlarının istehsalı və təkmilləşdirilməsi, hərbi təyinatlı məhsulların yeni nümunələri ilə bağlı məlumatlar verəcək, Rusiya silahlı qüvvələrinin və müdafiə strukturlarının xarici tərəfdaşlarla əməkdaşlığına dair müzakirələr aparacaqlar.

"Vertolyotı Rossii" holdinqi də Bakıda açılacaq ADEX-2016 sərgisində yeni döyüş və mülki helikopterləri təqdim edəcək. Şirkətin mətbuat xidmətinin yaydığı məlumata görə, "Vertolyotı Rossii" ADEX-2016-ya 300 adda silah nümunəsi gətirəcək.

Holdinqin baş direktorunun müavini İqor Çeçikov bildirib ki, Azərbaycan "Vertolyotı Rossii" holdinqinin vacib tərəfdaşlarından biridir. Onun sözlərinə görə, Azərbaycan hökuməti hava nəqliyyatı parkının yenilənməsinə xüsusi diqqət yetirir, daim onu müasir helikopterlərlə yeniləyir.

"Tədbir çərçivəsində "Vertolyotı Rossii" mülki və hərbi vertolyotların aktual modellərini nümayiş etdirəcək. Eyni zamanda özünün yeni məhsullarını təqdim edəcək. Tamaşaçılar Mi-38 sərnişin-nəqliyyat vertolyotu, Mi-28NE və Ka-52 "Alliqator" modelləri ilə tanış olacaqlar." — deyə şirkətin mətbuat xidmətinin məlumatında bildirilir.

167
Teqlər:
Xəzər donanması, gəmi, helikopter, raket, Rusiya, Azərbaycan
Əlaqədar
NATO donanması Egey dənizində keşik çəkəcək
ABŞ hərbi gəmisi İran katerinə xəbərdarlıq atəşi açıb
Hərbi gəmidə üsyan
Yanan Rusiya gəmisinin mexaniki həlak olub
Rusiya hərbi gəmisi Çanaqqala boğazından keçərək Mərmərə dənizinə yön alıb
Tu-160 strateji raket daşıyıcısı, arxiv şəkli

Komandor adalarında desant Anadırdakı Tu-160 Rusiyanın "tərəfdaşlara cavabı"

8
(Yenilənib 15:39 14.08.2020)
Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər

BAKI, 14 avqust — Sputnik, Aleksandr Xrolenko, hərbi şərhçi. Pentaqonun Şərqi Avropadakı hərəkətləri Rusiyanı məcbur edir ki, Birləşmiş Ştatlara planetdə mövqelərinin zəif olduğu barədə xatırlatsın. Rusiyanın Sakit okean donanmasının dəniz piyadaları avqustun 12-də tarixdə ilk dəfə olaraq ABŞ ərazisindən cəmi 350 kilometr aralıda yerləşən Komandor adalarına (Berinq dənizi) paraşütlə desant enişini həyata keçirib.

Bir gün əvvəl isə Tu-160 strateji raket daşıyıcılarının ekipajları Saratov vilayətindən Birləşmiş Ştatların ərazisindən 530 kilometr məsafədə yerləşən Anadır (Çukotka yarımadası) aerodromuna köçürülüb.

Dəniz piyadaları bölməsi planlı taktiki təlim zamanı Komandor adalarındakı meydançaya paraşütlə eniş ediblər. Qüvvələrin köçürülməsinin məqsədi adaların birində yerləşən hərbi obyektin müdafiəsinin gücləndirilməsi və şərti düşmənin kəşfiyyat-təxribat qruplarının hücumlarının qarşısının alınmasıdır.

"Arbalet" paraşüt sistemlərinin istifadəsi ilə eniş tam döyüş şəraitində, silahlarla və sıx vaxt çərçivəsində müdafiənin təşkilatı ilə həyata keçirilib. Təlimə 50-dən çox hərbçi, dəniz aviasiyası təyyarələri və Sakit okean donanmasının təminat gəmilərinin ekipajları cəlb olunub. Bu, təlim-döyüş əməliyyatları simvolik olub və Pentaqona xatırladıb ki, Rusiyanın təhdidlərin qarşısının almaq və onlara reaksiya vermək üçün əhəmiyyətli imkanlara malikdir.

Amerikalı "tərəfdaşlar" üçün daha bir siqnal Saratov vilayətindən Rusiyanın iki Tu-160 strateji raket daşıyıcılarının Anadır vilayətinə köçürülməsi olub. Aviasiya texnikasının operativ aerodromlara köçürülməsindən sonra ekipajlar aviasiya zərbə vasitələrinin döyüş tətbiqini məşq ediblər və digər vəzifələri yerinə yetiriblər. Əslində, raket daşıyıcılarının təyinatı ilə hər şey aydındır – bu, Rusiyanın strateji nüvə qüvvələrinin bir komponentidir.

Sakit okeanın (700-ə yaxın əhalisi olan) Komandor adalarına dəniz piyadalarının paraşütlə desantı Rusiya qoşunlarının daimi dislokasiya məntəqələrindən minlərlə kilometr aralıda səmərəli fəaliyyət göstərmək və planetin istənilən nöqtəsində hərbi obyektləri operativ nəzarətə götürmək qabiliyyətini bir daha nümayiş etdirdi.

Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər və Frans-İosif Torpağı arxipelaqında uğurla fəaliyyət göstəriblər. Yüksək hündürlükdən eniş xüsusi qüvvələrin bölmələrinin gizliliyini və istənilən bölgədə düşmən obyektindən uzaqlıqda əməliyyatlarının effektivliyini təmin edir.

"Arbalet-2" ən yeni paraşüt sistemləri ən mürəkkəb şəraitdə xüsusi təyinatlı hərbi qulluqçulara 400-4000 metr yüksəklikdən silahları ilə təhlükəsiz şəkildə eniş etməyə imkan verir. Çantasız "Şturm" paraşütü 80 metr hündürlükdən atlamağa imkan verir. Yalnız Rusiyanın zirehli texnikası çoxgünbəzli sistemlərin vasitəsilə ekipajları ilə birlikdə 1500 metrə qədər yüksəklikdən eniş edə bilir. Hərçənd istənilən paraşüt sadəcə hərbi qulluqçunun və onun silahlarının döyüş meydanına çatdırılması vasitəsidir.

Hava desantları düşmən xətlərinin arxasında, lokal münaqişələrdə və irimiqyaslı müharibələrdə (müstəqil və ya hərbi qrupların tərkibində) əməliyyat-taktiki döyüş vəzifələrinin həlli üçün nəzərdə tutulub. Desantın eniş etməsinə yalnız effektiv hava hücumundan müdafiə sistemləri mane ola bilər, lakin uzaqdan aviasiya vasitələrinin ilkin zərbəsi bu problemi də aradan qaldırır.

Burada vurğulamaq lazımdır ki, Rusiya heç kimi müharibə ilə təhdid etmir, lakin öz imkanlarını da heç kimdən gizlətmir.

Avqustun 11-də Sakit okean sahillərində yerləşdirilmiş Rusiya aviasiyasının zərbə qrupu Rusiyanın hava məkanından çıxmadan 5500 km-ə qədər məsafədə düşmən obyektlərinə zərbə vura bilər. Sakit okean üzərindəki beynəlxalq hava məkanından yeni imkanlar açılır.

Məsələn, strateji Tu-160M təyyarəsi Suriyada sınaqdan keçirilmiş X-101 qanadlı raketlərdən istifadə edə bilər. Tu-160M-in revolver buraxılış qurğuları 12-dək qanadlı raketi daşımağa imkan verir. Xüsusi X-102 raketləri isə termonüvə döyüş başlığı ilə təchiz oluna bilər (250 kilotonndan bir meqatona qədər).

Uzaqmənzilli Tu-22M3M bombardmançı təyyarəsi effektiv şəkildə yerüstü və dəniz hədəflərini vurur. Onun dünyada analoqu yoxdur. Tu-22M3M-in maksimal sürəti saatda 2300 kilometrdir, döyüş yükü isə 24 tona qədərdir. Tu-22M3M təyyarəsi X-101 və ya X-102 qanadlı raketlərin buraxılması üçün nəzərdə tutulub. X-32 raketlərini və X-47M2 "Kinjal" hipersəs raketlərini daşıya bilir. X-32 hipersəs raketi 1000 kilometrədək məsafəyə 40 kilometrə qədər yüksəklikdə 5 Max sürəti ilə uçur.

Tu-22M3M bombardmançısı aviadaşıyıcı qrupun 700 kilometrlik hava hücumundan müdafiə zonasına daxil olmadan onu məhv etməyə qadirdir. Tu-95MS strateji bombardmançı‑raketdaşıyan təyyarəsi də düşmən xətlərinin arxasında mühüm obyektləri qanadlı raketlərlə vurmaq üçün nəzərdə tutulub.

Qeyd edək ki, yuxarıda qeyd olunan bütün təyyarələr modernləşdirilib və ən yeni silahları daşıyırlar.

Rusiya Silahlı Qüvvələrinin uzaqmənzilli aviasiyasının 70-ə yaxın Tu-160 və Tu-95 strateji bombardmançısı, 40-dan çox Tu-22M3M bombardmançısı var.

Pentaqon və NATO Şərqi Avropada Rusiyanın "qarşısının alınması", yəni ABŞ qoşunlarının Almaniyadan Polşa və Rumıniyaya köçürülməsi ilə məşğuldur, manevrlər aparırlar, onların döyüş və kəşfiyyat aviasiyası Baltik və Qara dənizlər üzərində, Rusiya sərhədləri yaxınlığında uçuşlar aparır.

Müttəfiqlər və tərəfdaşlar sanki öz təhlükəsizliyini unudaraq (sanki ehtiyatda başqa bir planet var), bloklama, hava hücumundan müdafiə və desant salma, düşmən mövqelərinə raket zərbələrinin imitasiyası ilə "böhranlı regionlarda tənzimlənmə" üsullarını işləyib hazırlayırlar.

Pentaqon kiçik gücü olan nüvə silahının "humanist" potensialını artırmağa çalışır. Əgər Rusiyanın "qarşısını almaq" (Amerikanın maraqlarına tabe etmək) mümkün olmayacaqsa, ona hücum etmək lazım gələcək. Bu xətt 2015-ci ildən məlumdur.

Müasir reallıq ondan ibarətdir ki, Rusiya iqtisadi cəhətdən təcrid edilə və ya hərbi üsullarla məğlub edilə bilməz. Çoxillik təzyiq cəhdləri puç olub. Bunu hətta "The American Conservative" jurnalı etiraf edir: "Rusiyanın bilavasitə yaxınlığında cızdığı sərhədlər var ki, ABŞ onları keçməyə cəhd göstərməməlidir".

8
Əlaqədar
Rusiya donanması Be-200 aldı: amfibiya-təyyarələr Azovda və Xəzərdə olacaqlar
Rusiya silahı: 155 km/saat sürət yığa bilən zirehli "Strela" avtomobili
Termonüvə “Tülpan”ı – dünyanın ən güclü minomyotu
Rusiya yeni donanma yaradır: bir anda altı gəminin tikintisi başlayır
Türkiyə S-400-ün ABŞ qırıcıları ilə ikinci sınağını keçirir: geriyə dönüş yoxdur
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

436
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

436
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Kəndir, arxiv şəkli

Ayrılıq ölümə səbəb oldu

0
(Yenilənib 16:45 14.08.2020)
Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izləri aşkarlanmayıb

BAKI, 14 avqust — Sputnik. Son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

Bu barədə Sputnik Azərbaycan-a DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov məlumat verib.

Onun sözlərinə görə, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olublar, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib: "Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmayıb, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanıb".

Hazırda faktla bağlı araşdırmalar davam etdirilir.

0