Rusiyada sürücülük vəsiqəsi

Sürücülük vəsiqəsinin verilməsində inqilabi dəyişiklik

7815
(Yenilənib 17:54 05.09.2016)
Əgər ərizəçi 30 saniyə vaxt ərzində maşını heç yerindən tərpədə bilməsə, ona vəsiqə verilməyəcək

Sürücülük vəsiqəsinin verilməsində inqilabi dəyişiklik
BAKI, 5 sen — Sputnik. Rusiyada sürücülük vəsiqəsi almaq üçün yeni imtahan qaydaları tətbiq olunub. Vəsiqələrin verilməsi prosesində də yeniliklər var. Rusiyanın Dövlət Yol Təhlükəsizliyi Müfəttişliyində hesab edirlər ki, dəyişikliklər sürücülər üçün daha rahat mühit yaradaraq onların bacarıqlarının qiymətləndirilməsini daha obyektiv edəcək.

Daha növbədə gözləməyə ehtiyac olmayacaq

Sputnik RİA-ya istinadən xəbər verir ki, əvvəlki imtahan qaydaları 2001-ci ildə tətbiq olunub və bu vaxtadək onlarda dəyişiklik olmayıb. Əsas yenilik vaxtla bağlıdır. Belə ki, indi imtahan götürənlər potensial sürücüləri 15 dəqiqə ərzində imtahana qəbul etməlidirlər. İmtahanın özünə bir saat vaxt ayırılır, uğurlu nəticə əldə olunanda isə, sürücülük vəsiqəsini 30 iş günü ərzində sürücüyə təhvil verirlər.

"Vaxt məhdudiyyəti haqda danışarkən biz bunu ilk növbədə yol polisi məmuruna aid edirik. Əgər o, ərizəçini 15 dəqiqədən artıq növbədə yubadarsa, buna görə müvafiq cəza ala bilər. Əgər ayrılan vaxt ərzində o, imtahanı keçirməzsə və ya vəsiqəni nəzərdə tutulan vaxtdan gec təhvil verərsə, yenə onu cəza gözləyəcək".

Bunu jurnalistlərə açıqlamasında Rusiya Dövlət Yol Təhlükəsizliyi Müfəttişliyi (DYTM) başçısının birinci müavini Vladimir Şvetsov deyib. Onun sözlərinə görə, əvvəl imtahanın hər mərhələsinə müəyyən vaxt ayırmaq planlaşdırılırdı, lakin sonra bunun effektiv olmayacağı nəticəsinə gəlinib.

"Bu səbəbdən, müfəttişlik imtahanın bütün mərhələləri üçün vahid vaxt tətbiq edib. Əgər ərizəçi 30 saniyə vaxt ərzində maşını heç yerindən də tərpədə bilməsə, demək onun imtahanı davam edib digər namizədlərin də vaxtını alması düzgün deyil", — deyə Şvetsov bildirib.

Yol polisi imtahanın ayrı-ayrı mərhələlərinin fərqli yerlərdə keçirildiyini də nəzərə alıb. Ayırılan bir saata, meydançalar arasındakı məsafəni qət edərək növbə tutmaq üçün tələb olunan vaxt da aiddir. Bununla yanaşı, Şvetsov qeyd edib ki, yeniliklər qaydaları bilən şəxslərdə çətinlik yaratmayacaq.

Korrupsiya ilə video vasitəsilə mübarizə aparılacaq

DYTM bütün ərizəçilərə öz imtahanlarını videoya çəkməyə icazə verib. Polislərin fikrincə, bu, imtahanın düzgünlüyü ilə bağlı yaranan mübahisələri həll etməyə imkan verəcək.

Yeni qaydalara əsasən, sürücülər digər güzəştlər də qazanıblar. Belə ki, suala səhv cavab verərkən onlar əlavə beş sual tələb edə bilərlər.

Bununla yanaşı, biletlər əvvəlki kimi tematik bloklara bölünüb və imtahan verən şəxslər hər blokda yalnız bir suala səhv cavab verə bilərlər.

Biletlər özləri də dəyişilib. Bu, son zamanlar yol nəqliyyat qaydalarının dəyişilməsi ilə bağlıdır.

İmtahanın avtomatlaşdırılması

Yeni qaydalara əsasən, imtahan prosesi daha avtomatlaşdırılmış olur. Əgər sürücülük məktəbinin DYTM tərəfindən təsdiq olunmuş meydançası varsa, imtahanın bir hissəsini orada qəbul edə bilərlər. Şvetsovun sözlərinə görə, bəzi kursantlar real yol şəraitində sınaqdan keçəcəklər.

"Səhvlər zamanı maşından siqnal verilir. Bu səbəbdən, imtahan götürən şəxsin maşında olması vacib deyil. Səhvlər haqda bütün məlumatlar onun kompüterinə ötürülür. Beləcə, tam avtomatlaşdırılmış imtahan alınır", — o, qeyd edib.

Yeni qaydalar avtomatik sürət qutusu olan avtomobil həvəskarlarını da sevindirib. Belə ki, bundan sonra sürücülük imtahanlarını belə avtomobillərlə vermək olar.

Müfəttişlik dəyişikliklərə hazırdır

Yol Təhlükəsizliyi Müfəttişliyində bildiriblər ki, yeni qaydaların tətbiqi ilə problemlər yaranmalı deyil: sürücülük məktəblərinin əksəriyyəti artıq lazım olan dəyişikliklər ediblər, onların qalan hissəsi də yaxın zamanda belə edəcəklər.

"Biz özümüz də ayrılan vaxt ərzində buna tam hazırlaşmışıq. Bütün əməkdaşlarımız testlərdən keçərək müəyyən imtahanlar veriblər ki, yeni qaydalarla necə fəaliyyət göstərəcəklərini bilsinlər", — deyə müfəttişliyin nümayəndəsi bildirib.

Onun sözlərinə görə, əgər bu prosesdə nəsə alınmasa, onlar əlavə dəyişiklər edəcəklər: "Heç nə əbədi deyil və dəyişiklik etməkdə qorxulu heç nə yoxdur".

7815
Teqlər:
Vladimir Şvetsov, Dövlət Yol Təhlükəsizliyi Müfəttişliyi, sürücülük vəsiqəsi, imtahan, Rusiya, polis
Əlaqədar
Yol polisi qəzaların artma səbəblərinə aydınlıq gətirdi
2 gündə 22 mindən artıq yol hərəkəti qayda pozuntusu aşkarlanıb
Yol polisindən qorxunc açıqlama
Yol qırağında dayanan adamı vurdu, maşını ilə birlikdə çaya düşdü
Şəkidə zəncirvari yol qəzası baş verib
Yol qəzasına düşən 15 mindən çox insana təcili tibbi yardım göstərilib
Dövlət Yol Polisindən xəbərdarlıq
NATO-nun hərbi təlimləri, arxiv şəkli

"Rusların zəif yerindən vuraq": NATO-da fikirləşiblər

13
(Yenilənib 23:44 24.01.2021)
NATO qüvvələri tərəfindən Kalininqrada hücumun məşq edilməsi və rusiyalı hərbçilərin şəhər döyüşlərinə hazırlığı aşkar şəkildə kimin kiminlə döyüşməyə hazırlaşdığını göstərir.

BAKI, 24 yanvar - Sputnik, Andrey Kots. Hərbi kontingentin artırılması, ordu infrastrukturunun qurulması və beynəlxalq konsolidasiya - 2021-ci ildə NATO Rusiyanın qərb sərhədlərinə təzyiqi gücləndirəcək. May-iyun aylarında alyans soyuq müharibədən sonra ən iri Defender Europe 2021 manevrlərini keçirəcək. Onlara cavab olaraq sentyabrda Rusiya və Belarusun birgə “Qərb-2021” təlimləri baş tutacaq. Bütün bunların nə ilə nəticələnəcəyi barədə RİA Novosti-nin məqaləsində.

Döyüş meydanı - Avropa

Defender Europe 2021-də əvvəlki kimi Şərqi Avropa və Pribaltikada müdafiə və hücum əməliyyatlarını məşq edəcəklər. Təlimlərin əfsanəsinə görə, NATO qoşunları Kalininqrad vilayətinə hücum etməli, Rusiyanın qərb vilayətlərini mühasirəyə almalı və rusların genişmiqyaslı hücumunun qarşısını almalıdırlar. Ötən illərdən fərqli olaraq, 2021-ci ildə xüsusi diqqət Şərqi yox, Cənubi Avropaya ayrılacaq. Manevrlər Monteneqro, Kosovo və Albaniyada keçirilməlidir. Bolqarıstan və Rumıniyada HƏM təlimləri və “yer-yer” tipli raketlərin atışı olacaq. Macarıstan isə “müharibə”nin dərin arxa cəbhəsi olacaq.

Amerikalılar Avropaya böyük qüvvələr atacaqlar. Onların arasında 1-ci kavaleriya və 82-ci hava-desant diviziyalarının bölmələri də olacaq. Atlantikadan müxtəlif təyinatlı yüzlərlə texnika vahidi göndəriləcək. Bundan əlavə, Florida ştatından 53-cü piyada briqadası gələcək. İstisna edilmir ki, təlimlərdən sonra silahların bir hissəsini amerikalılar yenidən Avropada “unudacaqlar”. Mütəxəssislərin fikrincə, bu şəkildə Pentaqon ildən-ilə bölgədəki hücum imkanlarını artırır.

Defender Europe 2021-ə cavab olaraq Rusiya və Belarus sentyabrda “Qərb-2021” manevrlərini keçirəcəklər. Belarusun müdafiə naziri Viktor Xreninin bildirdiyinə görə, "birgə təlimlər yüksək şəhərləşmiş ərazidə birləşmiş hücum bölmələrinin birgə hərəkətlərinin yeni üsullarını sınaqdan keçirməyə imkan verəcək", həmçinin "yeni və müasir silah və texnika  nümunələrinin effektivliyi qiymətləndiriləcək". Minskdə vurğulayıblar ki, strateji manevrlər "İttifaq dövlətinin hərbi təhlükəsizliyini təmin etmək baxımından Belarus və Rusiya müdafiə qurumlarının möhkəm müttəfiq münasibətlərini və yekdil baxışlarını" əks etdirir.

Güc nümayişi

Heç bir tərəf manevrlərin hansısa dövlət və ya hərbi bloka qarşı yönəlmiş olmaması barədə ənənəvi diplomatik ifadələrdən istifadə etmir. NATO qüvvələri tərəfindən Kalininqrada hücumun məşq edilməsi və rusiyalı hərbçilərin şəhər döyüşlərinə hazırlığı aşkar şəkildə kimin kiminlə döyüşməyə hazırlaşdığını göstərir. Əlbəttə, tammiqyaslı hərbi münaqişə ehtimalı azdır, amma realdır.

Mütəxəssislərin fikrincə, 2021-ci ildə NATO-nun hərəkətlərinə ABŞ-da hakimiyyətin dəyişməsi birbaşa təsir edəcək. Donald Trampın 4 illik prezidentliyi dövründə Şimali Atlantika blokunun birliyi xeyli zəifləyib. Ağ Evin sahibi ilk növbədə ABŞ-ın maraqlarını güddüyünü gizlətmirdi, hətta alyansı tərk etmək variantını istisna etmirdi. Belə ritorika Avropada ciddi narahatlıq doğurdu, yenə də Aİ ordusu məsələsi gündəmə gəldi. Yeni prezident yəqin ki, hər şeyi düzəltməyə çalışacaq.

"Rusiya və NATO arasında münasibətlər bu il pisləşəcək. Bayden alyansı bərpa və səfərbər etmək istəyir. Bunun üçün isə xarici düşmən lazımdır. Rusiya bu rola yaxşı yarayır, çünki Çin çox uzaqdır. Xarici düşmən obrazı Vaşinqtona Amerika cəmiyyətini konsolidasiya etmək üçün lazımdır” – deyə Geosiyasi problemlər akademiyasının birinci vitse-prezidenti Konstantin Sivkov bildirir.

Pul qazanmaq

Ekspertlər onu da qeyd edirlər ki, həqiqətdə NATO-nun Rusiyaya dair aqressiv planları yoxdur. Alyansın getdikcə genişlənməsi isə amerikalılar üçün pul qazanmaq və Avropanı özlərinə daha sıx bağlamaq üsuludur. Vaşinqton Trampaqədərki dövrə qayıdacaq və Köhnə qitənin işlərinə qarışmağı gücləndirəcək.

“Mənə elə gəlir ki, 2021-ci ildə NATO hərbi təşkilatdan qlobal korporasiyaya çevrildiyini nümayiş etdirəcək. Alyansın əsas problemi yenə aktualdır. Söhbət maliyyələşmədən gedir. Pulu verən musiqini dı sifariş edir. Büdcənin üçdə ikisini ABŞ doldurur, bu heç kimə sirr deyil. Biz gözəl başa düşürük ki, xərclər artıq trilyon dolları keçib. İlk növbədə Vaşinqtonun sayəsində. Avropa dövlətləri ABŞ-dan tədarüklərə ümid edirlər. Bu ABŞ-ın nəhəng müdafiə büdcəsini ayaq üstə saxlayır. NATO-nun maraqların xidmət edən korporasiyalar böyük pullar qazanırlar”, - politoloq Sergey Sudakov bu fikirdədir.

Ekspert vurğulayır ki, NATO-nun fəaliyyəti artıq bu gün pulların bir cibdən digərinə ötürülməsi kimi görünür. Vaşinqton NATO-ya vəsait ayırır, müttəfiqlər o pullara ABŞ texnikası və silahlarını alırlar və dairə qapanır.

Avropa Baydenin dövründə ABŞ üçün hərbi məmulatın əsas tədarük bazarlarından biri olaraq qalacaq. Demək, okeanın o tayından anti-Rusiya ritorikasının güclənməsini gözləmək lazımdır. Lakin mütəxəssislərin çoxu əmindir: çətin ki, Vaşinqton və Brüssel gücünə görə dünyanın ikinci ordusunu həqiqətən sınağa çəkmək istəsinlər.

 

13
Teqlər:
Ağ Ev, Belarus, Rumıniya, Bolqarıstan, Macarıstan-Serbiya sərhədi, Macarıstan, Avropa, Monteneqro, Kosovo, ABŞ, Rusiya, NATO
Həkim, arxiv şəkli

Məşhur həkim xərçəng xəstəliyinin indiyədək elmə məlum olmayan əlamətini açıqlayıb

33
(Yenilənib 19:36 24.01.2021)
Həkim uzunmüddətli uçuşların və ya uzun müddət avtomobil sürməyin qan laxtalanmasına səbəb ola biləcəyini əlavə edib.

BAKI, 24 yanvar - Sputnik. Rusiyalı məşhur həkim və televiziya aparıcısı Aleksandr Myasnikov, insanda onkoloji xəstəliyə dəlalət edən və indiyədək elmə məlum olmayan daha bir əlaməti qeyd edib. Sputnik Azərbaycan xəbər verir ki, o, bu barədə "Rossoya 1" telekanalının efirində danışıb.

Həkim qan laxtalanmasının xərçəngin əlaməti ola biləcəyini söyləyib. Myasnikov qeyd edib ki, qan laxtası aşkar edilərsə, onun mövcudluğunun səbəbini mümkün qədər dəqiq müəyyən etmək üçün həkimə müraciət etmək və tam müayinədən keçmək lazımdır. 

"Əgər hər hansı bir səbəb varsa - çox çəkənsizsə, hormonal dərman qəbul edirsizsə, (...) omba əməliyyatı etdirmisizsə və ya üç gündən çox xəstəxanada yatmısızsa - bunların hamısı risk faktorlarıdır", - deyə o, bildirib. 

Həkim uzunmüddətli uçuşların və ya uzun müddət avtomobil sürməyin də qan laxtalanmasına səbəb ola biləcəyini əlavə edib.

Bundan əvvəl Myasnikov, koronavirusa qarşı peyvəndlə bağlı ən çox yayılan yeddi sualı cavablandırıb. O, bu məsələdə bir həkimin tövsiyəsinə etibar etməyin daha yaxşı olduğunu söyləyib. Çünki bəzi peyvəndlər daha uzun müddət qoruyur, bəziləri isə xroniki xəstəlikləri olan insanlar üçün daha uyğundur.

 

33
Teqlər:
Xərçəngin müalicəsi, xərçəng xəstəliyi, xərçəng riski, Xərçəng
SpaceX şirkətinin  Falcon 9 raketinin buraxılışı, arxiv şəkli

Orbitə bir dəfəyə rekord sayda kosmik aparat çıxarılıb

0
(Yenilənib 23:34 24.01.2021)
Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. orbitə bir dəfəyə rekord sayda kosmik aparat çıxarılan ilk buraxılışdır.

BAKI, 24 yanvar - Sputnik. "SpaseX" şirkəti bu gün "Falcon-9" raket daşıyıcısının 143 raketlə orbitə buraxılışını həyata keçirib.

Sputnik Azərbaycan xəbər verir ki, start ABŞ-ın şərq sahili vaxtı ilə saat 10:00-da (19:00 GMT+4) Kanaveral (Florida ştatı) kosmodromunda baş tutub.

Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. Şirkətdən bildirirlər ki, bu, orbitə bir dəfəyə rekord sayda kosmik aparat çıxarılan ilk buraxılışdır.

Peyklər sartdan təxminən bir saat sonra yerətrafı orbitə buraxılıb.

0
Teqlər:
kosmik stansiya, kosmik, orbit, "SpaceX", İlon Mask