Rusiya Dövlət Duması

Bir az canlı "oynayın"

47
(Yenilənib 11:47 26.08.2016)
Rusiya Mərkəzi Seçki Komissiyası və ekspertlər parlament seçkiləri ərəfəsində televiziya debatlarında intriqa və kəskin tənqid çatışmazlığından narazıdırlar

Bir az canlı "oynayın"
BAKI, 26 avq — Sputnik. Rusiya Federasiyası Mərkəzi Seçki Komissiyası (MSK) regional strukturlarının iştirakı ilə, yaxınlaşan parlament seçkilərinə seçici marağını artırmaq üçün müzakirələr aparır. Bu barədə Rusiya MSK-nın sədri Ella Pamfilova məlumat verib.
Rusiya Dövlət Duması
© Sputnik / Владимир Федоренко

"Seçici fəallığını artırmaq üçün addımlar atmağı planlaşdırırıq. Elə şüarlar seçilməlidir ki, hamı səsvemədə iştirakda maraqlı olsun", — Pamfilova deyib.

Onun fikrincə, bunun üçün Moskva da daxil olmaqla, yerli strukturlardan kifayət qədər tərkliflər var. MSK sədrinin sözlərinə görə, elə etmək lazımdır ki, insanlar səsverməyə gəlməyə həvəslənsinlər.

Pamfilovaya görə, sentyabrın 6-dan 20-nə kimi komissiyanın pulsuz "qaynar xətt"i fasiləsiz rejimdə işləyəcək. Avqust ayı ərzində isə "qaynar xətt"ə 440 vətəndaş müraciət edib ki, onların da əksəriyyəti prosedurlarla bağlı suallarına cavab axtaran seçicilər olub. Bununla yanaşı, namizədlərin təşviqat zamanı hüquqlarının pozulması ilə bağlı da şikayətlər olub ki, komissiya onları adiyyatı qurumlara yönləndirib.

"Rusiyada seçkiqabağı debatlarda intriqa və kəskin tənqid çatışmır, hazırda mövcud olan sistemi daha müasir tələblər səviyyəsinə qaldırmaq üçün islahatlara ehtiyac var. Ancaq televiziyalar və tamaşaçılar üçün maraqlı olacaq debatların təşkilində, problemləri hazırda federal seçki kampaniyasının gedişində yox, gələcəkdə mütləq dəyişmək lazımdır".

Bu fikirləri RİA Novosti-nin rəyini soruşduğu ekspertlər deyiblər. Mütəxəssislər hesab edirlər ki, seçicini cəlb etmək üçün indiki debatların əhəmiyyəti aşağıdır. Bu bir tərəfdən partiyaların seçki təbliğatını qızışdırmaqda maraqlı olmamasından irəli gəlirsə, digər tərəfdən mövcud debat formatının səmərəsizliyini göstərir.

"O debatlara ki, mən baxmışam, onlar çətin ki, seçicilərdə partiyalara qarşı simpatiya yaratsın", — Vətəndaş Cəmiyyətinin İnkişafı Fondunun sərdi Konstantin Kostin belə deyir.

Ekspertin fikrincə, "hamı hamıya qarşı" metodu ilə və püşk atmaqla opponentin müəyyənləşməsi sovet dövründən qalmış köhnəlmiş formadır, nə tamaşaçılar, nə də seçicilər üçün cəlbedici deyil.

Politiloq Qleb Kuznetsov isə, debatlarda namizədlərin bir-birilərinə açıq formada irad bildirməkdən çəkinmədikləri Amerika modelinin tərəfdarıdır: "Orada namizədlər bir-birilərinin şəxsiyyətini alçaltmadan, normal və səmimi ortamda dialoq qururlar. Belə ki, Tramp və Klintonun debatları kimi maraqlı müzakirələr bir daha olmayacaq".

Qeyd edək ki, yeddinci çağırış Dövlət Dumasına seçkilər, qarışıq sistemlə sentyabrın 18-də baş tutacaq. 225 deputat partiya siyahısı üzrə (proporsional sistemlə), 225 nəfəri isə birmandatlı dairələrdən (majoritar sistemlə) seçiləcək.

47
Teqlər:
debat, Ella Pamfilova, Mərkəzi Seçki Komissiyası, Dövlət Duması, Rusiya Federasiyası, seçki
Əlaqədar
Rusiya Dumasından Azərbaycandakı seçkilərə dəstək
Vladimir Putin: Qərb Rusiyada keçiriləcək seçkilərə müdaxilə etməyə hazırlaşır
Narışkin: Rusiyada növbədənkənar prezident seçkilərinə ehtiyac yoxdur
Rusiya Dövlət Dumasının sabiq spikeri Gennadi Seleznyov vəfat edib

Sülhməramlı kontingent üçün növbəti maddi-texniki təminat vasitələri gətirilib - VİDEO

14
(Yenilənib 21:01 30.11.2020)
Azərbaycan Müdafiə Nazirliyindən bildirilib ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün noyabrın 30-da növbəti maddi-texniki təminat vasitələri ölkəmizə gətirilib.
Sputnik Azərbaycan Müdafiə Nazirliyinə istinadən bildirir ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

14
Teqlər:
dəmiryolu, Rusiya, Azərbaycan, sülhməramlılar
Rusiya hökumətinin rəhbəri Mixail Mişustin, arxiv şəkli

Paşinyan indi Rusiyanın Baş nazirinə zəng etdi

15
(Yenilənib 18:28 30.11.2020)
Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

BAKI, 30 noyabr — Sputnik. Ermənistanın və Rusiyanın baş nazirləri – Nikol Paşinyan və Mixail Mişustin arasında telefon danışığı baş tutub. Sputnik Ermənistan xəbər verir ki, telefon danışığı Ermənistan tərəfinin təşəbbüsü ilə baş tutub.

Telefon danışığı zamanı tərəflər Ermənistan-Rusiya münasibətlərinə dair bir sıra məsələləri müzakirə ediblər.

Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

15
Teqlər:
telefon danışığı, Mixail Mişustin, Nikol Paşinyan, Rusiya, Ermənistan
Bülənt Ərsoy, arxiv şəkli

Bülent Ersoyun "yaxşılığını" başına çırpdılar

0
(Yenilənib 20:24 30.11.2020)
Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib

BAKI, 30 noyabr — Sputnik. Türk musiqisinin divası adlandırılan Bülent Ersoy ötən həftə hər biri 40 min TL dəyərində olan iki ədəd bəyaz tülkü dərisindən olan kürk alıb.

Sputnik Azərbaycan xəbər verir ki, üzərində tülkünün başı olan kürklər sosial mediada tənqid obyektinə çevrilib. Heyvanların qətl edilərək, dərisindən kürk, papaq, ayaqqabı, çanta hazırlanmasına etiraz edən heyvansevərlər Bülent Ersoyu sərt tənqid ediblər.

Vəziyyəti belə görən B.Ersoy: "Kürklərimi "Çağdaş Yaşamı Dəstəkləmə Vəqfi"nə bağışlayacam" deyərək, açıqlama edib.

Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib.

Vəqfin açıqlamasında deyilir: "Çağdaş Yaşamı Dəstəkləmə Dərnəyi Atatürk fikir və düşüncələrini müasir təhsil yoluyla çağdaş toplumlar səviyyəsinə çatdırmağı hədəfləyən örnək cəmiyyət birliyidir. Dərnəyimiz özündə təbiət, çevrə və canlı haqlarına sayğı ilə yanaşmağı birləşdirir. Bu səbəbdən heyvanların qətl edilməsi ilə hazırlanan məhsulların və ya həmin məhsullardan əldə edilən gəlirin Vəqfimizə bağışlanması qanun və dəyərlərimizə ziddir".

0
Teqlər:
dəri, kürk, Bülənt Ərsoy