Vladmir Putin və Rəcəb Tayyip Ərdoğan. Arxiv şəkli

Rusiya-Türkiyə yaxınlaşması Suriyaya vəd edir?

83
(Yenilənib 12:59 22.08.2016)
Ekspertlərin qənaətincə, Suriyanın gələcək taleyi ilə bağlı beynəlxalq aləm ortaq fikrə gəlməlidir

Rusiya-Türkiyə yaxınlaşması Suriyaya nə vəd edir?
BAKI, 22 avq — Sputnik. Rusiya "Tu-22M3" və "Su-34" bombardmançı təyyarələrinin İranın Həmədandakı bazasından Suriyadakı mövqeləri bombalamasını, gözlənildiyi kimi beynəlxalq ictimaiyyət o qədər də təqdir etməyib. Rusiya Müdafiə Nazirliyi qarşıya qoyulmuş məqsədə çatdıqlarını bildirərək terrorçuların üç idarəetmə məntəqəsinin məhv edildiyini bəyan etsə də, Vaşinqton fərqli qənaətdədir. Pentaqondan bildiriblər ki, Rusiyanın İrandakı hərbi hava bazasından həyata keçirdiyi uçuşlar ABŞ-ın rəhbərlik etdiyi beynəlxalq koalisiyanın İŞİD terrorçu qruplaşmasına qarşı yönəlmiş fəaliyyətlərinə təsir göstərməyib.

Elxan Şahinoğlu, politoloq
© Sputnik / Murad Orujov
Elxan Şahinoğlu, politoloq

İş orasındadır ki, Rusiyanın Suriya böhranının həllində yenidən fəallaşması artıq dəyişilmiş geopolitik situasiyada baş verir. Belə ki, Rusiya-Türkiyə yaxınlaşması öz təsirlərini yalnız ölkələr arasındakı iqtisadi münasibətlərin əvvəlki səviyyəyə çatdırılmasına hesablanmayıb, eyni zamanda siyasi hədəfləri də var. Ərdoğan-Putin görüşündə də bu vaxta kimi regionun iki güc mərkəzi arasında problemə çevirilmiş siyasi anlaşılmazlıqların da aradan qaldırılmasına ümid verən fikirlər səsləndi.

Dövlət başçılarının görüşünü şərh edən, Rusiya XİN nəzdində Diplomatik Akademiyanın professoru Lev Klepaskiy Sputnik-ə bildirib ki, yaxın vaxtlarda siyasi anlaşılmazlığın aradan qalxacağına ümid etmək mümkündür: "Ehtimal etmək olar ki, Suriya məsələsində də irəliləyiş olacaq. Burada söhbət Suriyanın ərazi bütövlüyünün qorunub saxlanmasından və o ölkədə yaşayan kürdlərin muxtariyyət məsələsinə münasibətdən gedir".

"Burada da Türkiyə öz baxışlarını korrektə edəcək, buna şübhə yoxdur. Əgər belə bir yanaşma olmasaydı, onda Ərdoğanın Moskva səfəri əhəmiyyətsiz olardı", — deyə Lev Klepaskiy bildirib.

Amma bir çox ekspertlərin fikrincə, Suriyada əldə olunmuş atəşkəs razılaşmasının davamlı olacağı şübhə doğurur və Bəşər Əsəd hakimiyyətdə qalmağa israr etdikcə, münaqişənin həllinin uzanması ehtimalı böyüyür. "Atlas" Araşdırmalar Mərkəzinin rəhbəri, politoloq Elxan Şahinoğlu hesab edir ki, Əsədin hələ də hakimiyyətdə qalması beynəlxalq terrora qarşı mübarizəni zəiflədir.

"Rusiyanın Əsədin getməsi ilə bağlı hər hansı bir fikrə gəldiyini düşünmürəm", —deyə siyasi təhlilçi vurğulayıb.

Bölgədə maraqlarından geri çəkilməyən Rusiya üçün vacib amillərdən biri də Suriyanın ərazi bütövlüyünün qorunub saxlanması məsələsidir. E. Şahinoğlunun fiukrincə, bundan sonra Suriyanın ərazi bötüvlüyünü təmin etmək çox çətin olacaq.

"Düzdür, müəyyən uğurlar var. Amma, Suriyada tək terrorçular fəaliyyət göstərmir, axı? Əsədə tabe olmayan silahlı kürd və sünni qruplaşmaları var. Yəni artıq Suriyanın İraq kimi bir neçə yerə parçalanmasının şahidi oluruq", — politoloq vurğulayıb.

Ekspertlərin qənaətincə, Suriyanın gələcək taleyi ilə bağlı beynəlxalq aləm ortaq fikrə gəlməlidir. Türkiyə-Rusiya yaxınlaşmasının münaqişənin həllinə necə təsir göstərəcəyini isə yaxın vaxtlarda baş verəcək proseslər göstərəcək.

83
Teqlər:
Lev Klepaskiy, İlham Elxanoğlu, İran, Suriya, Rusiya, Türkiyə, ABŞ
Əlaqədar
"Rusiya-Türkiyə ittifaqı qurulmalıdır"
Ərdoğan: Ümidvaram ki, Türkiyə-Rusiya münasibətləri əvvəlki səviyyəyə qayıdacaq
"Rusiya ilə Türkiyənin yaxınlığı Azərbaycanın inkişafına müsbət təsir göstərir"
Türkiyədən sensasiyalı Rusiya qərarı
Rusiya prezidenti Vladimir Putin

Putin seçicilərə təşəkkür etdi

5
(Yenilənib 17:52 02.07.2020)
Rusiya Prezidenti Vladimir Putin Konstitusiya düzəlişləri üzrə səsverməyə və onu dəstəkləməsinə görə rusiyalılara təşəkkür edib

BAKI, 2 iyul — Sputnik. Rusiya Prezidenti Vladimir Putin Konstitusiya düzəlişləri üzrə səsverməyə və onu dəstəkləməsinə görə rusiyalılara təşəkkür edib. Bu barədə Sputnik Azərbaycan "RİA Novosti"-yə istinadən xəbər verir.

"Əleyhinə səs verənləri anlayıram, həll edilməmiş xeyli sayda problemlərimiz var. Bu həqiqətdir", - deyə Putin qeyd edib.

O vurğulayıb ki, indi düzəlişlərin lehinə səs verən vətəndaşların etimadını doğrultmaq üçün hər şeyi etmək lazımdır.

Putin qeyd edib ki, SSRİ-nin dağılmasından sonra az vaxt keçib, siyasi sistemi də daxil olmaqla, müasir Rusiya formalaşma mərhələsindədir:"Biz çox şeydə hələ də həssasıq, xalq dilində desək "tələsik edilib". Ölkəni, onun bütün institutlarını gücləndirmək üçün daxili sabitliyə və zamana ehtiyacımız var".

Qeyd edək ki, iyulun 1-i keçirilən seçkilərdə Rusiyada seçicilərin 77,92% Rusiya Federasiyası Konstitusiyasına düzəlişlərin edilməsini dəstəkləyib.

Rusiya Federasiyası Konstitusiyasına dəyişikliklərin əlavə edilməsi üzrə ümumi Rusiya üzrə səsvermə 22 aprel tarixinə təyin edilmişdi, amma ölkədə epidemioloji vəziyyətə görə daha sonraya təxirə salınmışdı. Daha sonra Rusiya Prezidenti Vladimir Putin səsvermənin 1 iyulda keçiriləcəyini bəyan etmişdi. 25 iyundan 30-na qədər keçən və məsafədən təşkil edilən səsvermədə isə iki pilot regionun – Moskva və Nijeqorod vilayətlərinin sakinləri iştirak edə biliblər.

Konstitusiyaya dəyişikliklər nəticələrin rəsmi elan olunduğu gündən etibarən qüvvəyə minəcək.

5
The New York Times nəşrinin binası, arxiv şəkli

"Əsassız iddialar". Rusiya NYT nəşrinin yeni məqaləsini dəyərləndirib

4
(Yenilənib 15:47 02.07.2020)
Dünən "The New York Times" nəşri dərc etdiyi məqalədə Əfqanıstanda Rusiya ilə Talibanın sövdələşməsinə "vasitəçi" olmuş şəxsin adını açıqlayıb.

BAKI, 2 iyul — Sputnik. Rusiya Xarici İşlər Nazirliyi guya Rusiyanın taliblərlə "sövdələşməsi" ilə bağlı sübutların olduğuna dair bəyanatı şərh edib.

Sputnik Azərbaycan RİA Novosti-yə istinadən xəbər verir ki, Rusiya prezidentinin Əfqanıstan üzrə xüsusi nümayəndəsi, Rusiya Xarici İşlər Nazirliyinin Asiya üzrə ikinci departamentinin direktoru Zamir Kabulovun sözlərinə görə, məqalədə yalnız əsassız ittihamlar səslənib.

"Bizə sübutlar lazımdır, amma onlar yoxdur. Bunlar əsassız iddialardır", – Kabulov bildirib.

O, həmçinin qeyd edib ki, məqalədə adıçəkilən narkotik qaçaqmalçısı Rahmat Əzizi barədə heç vaxt eşitməyib. Qəzetin məlumatına görə, guya o, iki tərəfin əsas vasitəçisi olub.

Onun sözlərinə görə, məqaləni oxuyarkən cavablardan daha çox sual yaranır. "Saxtanı da diqqətlə hazırlamaq lazımdır", – Kabulov əlavə edib.

Dünən "The New York Times" nəşri dərc etdiyi məqalədə Əfqanıstanda Rusiya ilə Talibanın sövdələşməsinə "vasitəçi" olmuş şəxsin adını açıqlayıb. Məqalə müəlliflərinin sözlərinə görə, bu, narkotik qaçaqmalçısı Rahmat Əzizidir.

Bundan əvvəl, NYT xüsusi xidmət orqanlarının adı açıqlanmayan nümayəndələrinə istinadən yazdığı məqalədə iddia edib ki, Rusiya hərbi kəşfiyyatı guya Əfqanıstanda amerikalı əsgərlərə hücum üçün taliblərə bağlı yaraqlılara mükafat təklif edib. Məqalədə heç bir sübut təqdim edilməyib. Taliban hərəkatının nümayəndəsi Zabiul Mucahid Amerika nəşrinin bu iddialarını təkzib edib.

4
Mərkəzi Neftçilər Xəstəxanasının əməkdaşı İlhamə Şirinova

Ön cəbhədə vuruşan həkim: “Sona qədər buradayam, mübarizə aparacağam” - MÜSAHİBƏ

0
(Yenilənib 21:59 02.07.2020)
İlhamə Şirinova deyir ki, həkim kimi yoluxub həyatını itirə bilər. Amma ən azı nə qədər insanı sevdiklərinə qovuşdurduğuna görə rahatdır.

Nigar İsgəndərova, Sputnik Azərbaycan

BAKI, 2 iyul — Sputnik. Onlara həmişə ehtiyacımız var. Hər gün müraciət etməsək də, vaxtaşırı onlara işimiz düşür. Bu gün – dünyada koronavirus pandemiyasının yayıldığı bir dövrdə isə onlara xüsusi ehtiyacımız yaranıb.

Özümüz olmasaq da, yaxınlarımızın bu gün həkimlərə daha çox ehtiyacının olduğunu duyuruq. Hələ də virusa inanmayanlar, yaşananların böyük bir oyunun tərkib hissəsi olduğunu hesab edənlər olsa da, onlar ağır vəziyyətdə xəstəxanalara gətiriləndə, burada reallığı aydın şəkildə dərk edirlər. Reallıq isə sağ qalmaq üçün həkimlərə daha çox ehtiyacımızın olduğunu deyir.

Son vaxtlar həkimlər barədə o qədər də xoş olmayan fikir formalaşsa da, bu işdə canla-başla çalışan, hətta lazım olarsa, peşəsinə görə hər şeyi qurban verməyə hazır olan həkimlərimiz də var. Döyüş meydanına atılan və hər an ölümü gözə alan belə həkimlərdən biri də bu gün Mərkəzi Neftçilər Xəstəxanasında xəstələrin sevimlisinə, əzizinə çevrilən İlhamə Şirinovadır. O, qadın, ana, iki övladı, ailəsi, yaşlı valideynləri olmasına baxmayaraq döyüş meydanına atılan bu günün qəhrəmanlarındandır.

© Photo : Courtesy of İlhama Shirinova
Mərkəzi Neftçilər Xəstəxanasının əməkdaşı İlhamə Şirinova

Sputnik Azərbaycan həkimlə portret müsahibəni təqdim edir:

-  Hər gün MNX-da COVID-19-dan müalicə alan xəstələrlə təmasdasınız. Demək olar ki, hər gün həyatınız riskdədir. Sizi tanımaq olarmı? 

- 1984-cü ildə Göyçə mahalında anadan olmuşam. Azərbaycan Tibb Universitetini bitirdikdən sonra artıq 7 ildir ki, infeksionist olaraq çalışıram. Ailəliyəm, 10 və 12 yaşlarında iki qız övladım var.

- Nə zamandan COVID-19 xəstələrinin müalicəsi prosesinə qoşulmusunuz?

- Bildiyiniz kimi, martın 24-dən etibarən çalışdığım Mərkəzi Neftçilər Xəstəxanası da COVID-19 xəstələrinin müalicəsi üçün ayrılıb. Martın 27-dən artıq bu komandada çalışmağa başladım. Bu xəstələrin müalicəsində ilk dəfə olaraq gecə növbəsində işə çıxdım. Xəstələrin ümumi durumunu, narahatlıqlarını gördüm, ağır idilər. Həmin gün MNX-nın digər infeksionisti Natiq Əliyevlə birgə gecə növbəsində idik. İlk günlər həkim çatışmazlığı var idi və mən də bu komandaya könüllü olaraq qoşuldum.

- Çətinlikləriniz yəqin ki, çox olar. Burada məsuliyyət yükü də var...

- Burada insanların taleləri bizdən asılıdır. Burada söhbət insan həyatından gedir. Çətinlik dedikdə, çalışırıq ki, xəstənin səhhəti ilə bağlı bütün şikayətləri dinləyək, tədbir görək və elə edək ki, xəstə həm yaxşı olsun, müalicəsi düzgün getsin, onu itirməyək, həm də bizdən məmnun qalsın. Çünki bir insanın müalicəsi, onun sağalması ətrafında nə qədər insanın sevinc xəbəri alması, üzlərinin gülməsi, qəlblərinin fərəhlənməsi deməkdir. Onlar bir canı, əzizlərini bizə etibar edirlər. Yəni ən böyük çətinlik budur.

- Sırf bu pandemiya dövründə əsas çətinlikləriniz nə oldu?

- Sırf pandemiya dövründə isə bir ana olaraq əsas çətinliklərim övladlarımla bağlı olur. Onlardan uzaq olmağım həm övladlarıma, həm də mənə çətindir. Dörd aydır onlardan uzaq düşmüşəm. İki ay ərzində övladlarımı demək olar ki, heç görməmişəm. İki aydan sonra isə övladlarımı ancaq uzaqdan görmüşəm. Övladlarımı qucaqlaya, onlarla təmas qura, onları doya-doya öpə bilmirəm. Onlar da mənim sevgimə həsrət qalıblar. Bilirsiniz, xüsusən də qız övladları anaya daha çox bağlı olur. Məni hər gün nə qədər öpüb-qucaqlayırdılar. Amma indi o hissləri yaşa bilməməyimiz məni çox üzür. Böyük qızım Məryəm vəziyyəti başa düşür. Deyir ki, ana eybi yoxdur, biz hər şeyə dözərik, səninlə fəxr edirik ki, bu cür xəstələri müalicə edirsən. Deyir ki, orada sənə ehtiyac var. Amma həqiqətən də vəziyyət çox çətindir. Həyat yoldaşım, övladlarım, anam-atamdan artıq aylardır ki, uzağam. Bir ana kimi övladlarım üçün darıxdığım kimi, mənim üçün də darıxan ana var. Anam-atam mənim üçün darıxır. Yəni, ailə, həsrət mənasında çox çətindir. Amma yenə də bu işdə, bu komandada olmaqdan məmnunam. Nə vaxta kimi burada olduğumuzu bilməsək də, COVID-19-la mübarizə sona çatanacan mən burada, xəstələrin yanında olacam. 7 illik fəaliyyətim dövründə ilk dəfədir ki, belə bir vəziyyətlə qarşılaşırıq. Arzu edirəm ki, xalqımızın bu əzablı günləri tezliklə geridə qalsın. Bu günlərin geridə qalması üçün hər kəsdən bu virusa inanmağı xahiş edirik. Pandemiyanın qısa zamanda bitməsini hər birimiz arzulayırıq. Çünki bu virus bizə hərtərəfli zərər vurdu. İtkilər, stresslər... COVID-19-a tutulan şəxslərin yanaşı xəsətlikləri də artdı. Bu itkilər sırasında tanınmış həkimlərimiz, ziyalılarımız da var.

© Photo : Courtesy of İlhama Shirinova
Mərkəzi Neftçilər Xəstəxanasının əməkdaşı İlhamə Şirinova

- Həqiqətən də çətindir. Və bu durumun hələ uzun müddət davam edəcəyi görünməkdədir. Nə zamansa bezə bilərsinizmi?

- Mövcud vəziyyət bir daha göstərdi ki, həkimlik sənəti peşələrin ən ağırı və ən şərəflisidir. Sənətim üçün həyatda demək olar ki, hər şeyi qurban verə bilərəm. Düşünürəm ki, mən heç vaxt bu sənətdən bezmərəm. Hətta COVID-19 virusu arzulamadığımız halda belə, illərlə davam etsə, mən yenə də bu xəstələrin müalicəsində indiki kimi yaxından iştirak edərəm. Düşünürəm ki, hər bir işdə əsas olan amil peşəyə olan sevgidir. Bu gün elə həkimlər var ki, yaşı, səhhəti ilə əlaqədar olaraq COVID-19 xəstələrinin müalicəsi prosedurundan kənarda qalıblar. Amma mənim üçün yaş, səhhət, heç bir önəm daşımır. Bu sənət üçün demək olar ki, hər şeyi qurban verərəm.

- Gündəlik iş saatınız nə qədərdir?

- Biz hər gün 12 saat fasiləsiz işləyirik. Hətta olur ki, işdən sonra da xəstələrə baxırıq.  İşdən sonra telefonla belə xəstələrlə danışırıq, onların şikayətlərini, narahatlıqlarını cavablayırıq.

- İstənilən peşə, sənət kişilərlə müqayisədə qadınlar üçün daha çətindir...

- Düzdür, bir qadın və bir ana üçün belə bir vəziyyət həqiqətən də çox çətindir. Belə bir vəziyyətdə təbii ki, hər bir qadının ailədə onu başa düşən həyat yoldaşı olmalıdır. Ailəmin mənə dəstəyi bu işdə çox köməyimə çatır. Amma deyim ki, həkimlik sənətində qadın-kişi olmağın fərqi yoxdur. Öncədən, bu sənəti seçərkən artıq məsuliyyətini dərk etmiş olursan. Hər hansı xəstənin sağalaraq evə getməsi bizim üçün qəhrəmanlıqdır. Saturasiyası 78-85 olan xəstələr balonla, aparat vasitəsi ilə nəfəs alır. Bu xəstələrin sağalması, saturasiyalarının yenidən 95+ olması özü böyük qəhrəmanlıqdır. Mən sənətimin vurğunuyam. Xəstələr sağalıb evə gedəndə içimizi böyük bir fərəh hissi bürüyür. Bizim gördüyümüz iş, yəni bir insanın həyatını xilas etmək, onu əzizlərinə yenidən qovuşdurmaq böyük bir qəhrəmanlıqdır. Mən bu komandaya qoşulanda hər şeyi, hətta həyatımı itirə biləcəyimi də gözə almışam. Mən də bir həkim kimi yoluxub həyatımı itirə bilərəm. Amma ən azı rahatam ki, nə qədər insanı sevdiklərinə qovuşdurmuşam. Sənətimin vurğunuyam, bu mənim üçün böyük fəxrdir. Bu gün biz sanki cəbhə bölgəsindəyik. Mən sonuna qədər burada döyüşəcəm. İnanın, müharibə olsa belə, ön cəbhədə vuruşaram. Biz həkimlər ölümdən qorxmuruq. Bəzən valideynlərim deyir ki, 4 aydır işləmisən, çıx bir ay dincəl. Deyirəm, belə bir vəziyyətdə bunu edə bilmərəm. Çünki pandemiya şəraitində bu gün sırf infeksionistə böyük tələbat var.

- Xəstələr yəqin ki, həm qorxu, həm də stress içindədirlər. Onların bəziləri psixoloji olaraq gərgin olduqlarını müxtəlif sosial şəbəkələrdən bəyan edirlər. Onlarla necə dil tapırsınız?

- Ümumiyyətlə, müxtəlif xəstəliklər zamanı xəstələrdə psixoloji durumu, sinir sistemi pozulur. Belə xəstələrlə gərək ki, dil tapaq. Bu isə təbii ki, təkcə biz həkimlərin işi deyil, ümumilikdə bütün tibb personalının işidir. Xadiməsindən həkiminədək, hər birimiz xəstə ilə dil tapmalıyıq. Bizim üçün xəstə hər zaman haqlıdır. Hətta haqsız olduğu halda belə, xəstə bizim üçün hər zaman haqlı sayılır. Biz xəstə ilə xəstənin dilində danışırıq. Ən azından özünü, doğmalarını xəstənin yerinə qoymalısan. Biz başa düşürük ki, xəstənin yerində öz əzizlərimiz də ola bilər. Ona görə hər bir xəstəmə əzizim kimi yanaşıram. Çalışıram ki, xəstəni başa düşüm.

© Photo : Courtesy of İlhama Shirinova
Mərkəzi Neftçilər Xəstəxanasının əməkdaşı İlhamə Şirinova

- Tezliklə öncəki həyatımıza qayıtmaq üçün tövsiyəniz nədir?

- Heç kəs "bu xəstəlik mənim yaxınımda, qohumumda, qonşumda yoxdur, inanmıram", deməsin. Bu gün bu pandemiya bütün dünyada tüğyan edir. Virusdan qorunmaq üçün hər kəs şəxsi gigiyena qaydalarına əməl etməlidir. Tək olmadığı hər bir yerdə maska taxmalıdır. Sosial məsafə də gözlənilməlidir. Maska taxmadığı üçün ətrafındakı insanları da qınamalıdırlar. Artıq vəziyyət elə bir həddədir, virus elə alovlanıb ki, daha onun varlığına inanmayan qalmaycaq. Özümüzü qorumasaq, virus daha da alovlanacaq. Baxın, hazırda mart-aprel ayları ilə müqayisədə həm virusun yayılma dərəcəsi, həm də ağırlıq dərəcəsi artıb. Virus artıq mayın sonlarından etibarən mutasiya olunmuş formadadır. Bir də hər kəsi səhhəti ilə bağlı hansısa şikayət olduqda dərhal həkimə məlumat verməyə səsləyirəm.

0
Teqlər:
müalicə, Koronavirus, COVID-19, həkim