Rusiya Dövlət Duması

Rusiya Dumasına seçkilərdə 22 partiya iştirak edəcək

206
Yeddinci çağırış Dumaya seçkilər 18 sentyabr 2016-cı ildə keçiriləcək. Seçkilər qarışıq sistem üzrə baş tutacaq: 450 deputatdan 225-i partiya siyahılarından, 225-i isə birmandatlı dairələrdən seçiləcək.

BAKI, 14 iyul — Sputnik. Dövlət Dumasına keçiriləcək seçkilərdə iştirak etmək üçün 22 partiya öz siyahılarını Rusiya MSK-sına təqdim edib. Onlardan yalnız biri ancaq federal siyahı təqdim edib. Daha 3 partiya isə əksinə, öz namizədlərini yalnız birmandatlı seçki siyahısından irəli sürüb.

Sputnik-in məlumatına görə, bu barədə Rusiya MSK-nın sədri Ella Pamfilova məlumat verib. "Biz iyulun 13-də sənədlərin qəbulunu başa çatdırdıq. 24 partiya öz qurultayını keçirərək seçkidə iştirak etmək niyyətlərini açıqlasa da, onlardan 22-si MSK-ya sənədlərini təqdim edib. Partiyalardan 3-ü federal siyahıya malik deyil, onların namizədləri ancaq birmandatlı dairələr üzrə seçkiyə qatılacaqlar. Bir partiya isə yalnız ümumfederal siyahı təqdim edib, dairələrdən namizədlər irəli sürməyib", — deyə Pamfilova MSK-nın bugünkü iclasında bildirib.

O xatırladıb ki, iki partiya — "Xeyirxah əməllər partiyası" və "Xalq korrupsiyaya qarşı" partiyaları seçkiqabağı qurultaylarını keçirsələr də, yekunda sənədlərini təqdim etməyiblər: "Cəhdlər edildi, iradlar bildirildi, onlara sənədləri düzəldib gətirmək üçün imkan verildi, amma onlar bu imkanı dəyərləndirmədilər".

Qanuna görə, MSK partiyaların siyahıları ilə bağlı sənədlərə onların daxil olduğu gündən etibarən 7 gün ərzində baxmalıdır. Bu mənada MSK iyulun 20-nə qədər partiya siyahılarından irəli sürülmüş hər bir namizədin sənədlərinə baxmalı, müvafiq qərar qəbul etməlidir. MSK artıq beş partiyanın (RLDP, RFKP, "Ədalətli Rusiya", "Rusiya kommunistləri" və "Böyük vətən") sənədlərinə baxıb.

Novbəti mərhələ siyahıların təsdiqidir. Artıq iyulun 4-dən MSK namizədlərin federal siyahılarının qeydiyyatı üçün sənədlərin qəbulunu açıq elan edib. Namizədlərinin siyahıları təsdiq edilmiş partiyaların bu gündən başlayaraq avqustun 3-ü, saat 18.00-a qədər lazımi sənədləri MSK-ya təqdim etmək imkanı var. Öz növbəsində partiyalar hər bir namizədin xüsusi seçki hesabını yaratmalı, onların gəlirləri, ölkə və xarici banklardakı hesabları barədə arayış təqdim etməlidir.

Rusiyanın 14 partiyası parlament seçkilərində iştirak üçün seçici imzaları toplamamaq hüququna malikdir. Digər partiyalar və onların birmandatlı seçki dairələri üzrə namizədləri seçkidə iştirak üçün müəyyən olunmuş həddə imza toplamalıdır: 200 min imza partiyalar, namizədi olduqları dairənin seçicilərinin ümumi sayının 3%-dən az olmayaraq birmandatlılar.

VII çağırış Rusiya Dumasına seçkilər 18 sentyabr 2016-cı ildə keçiriləcək. Seçkilər qarışıq sistem üzrə keçiriləcək: 450 deputatdan 225-i partiya siyahılarından (proporsional sistem), 225-i isə birmandatlı dairələrdən (majoritar sistem) seçiləcək. Proporsional sistem üzrə Dumaya düşmək üçün partiyalar 5%-li baryeri keçməlidirlər, birmandatlı dairələr üzrə namizədlər isə ümumi səslərin ən çoxunu toplamalıdırlar.

1 yanvar 2016-cı ildə Rusiya Federasiyasında 109 820 679 seçici qeydiyyatdan keçib. Rusiyadan kənardakı və Baykonur şəhərindəki seçicilərlə birlikdə hazırda bu ölkənin seçici siyahılarında 111 724 534 adamın adı var.

206
Teqlər:
Ella Pamfilova, partiya, deputat, seçki, MSK, Rusiya, Dövlət Duması
Əlaqədar
Ağdaş seçki dairəsinin nəticələri Konstitusiya Məhkəməsinə göndərildi
MSK: Ağdaş dairəsi üzrə Milli Məclisə təkrar seçkilərdə seçici fəallığı 57,9% olub
Milli Məclisə təkrar seçkilərdə qeydə alınan namizədlərin adları məlum oldu
Bu da Mərkəzi Seçki Komissiyasının yeni tərkibi
Demokratik seçki olsa, İran türk dövlətinə çevriləcək
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada bir gündə 500-dən çox adam koronavirusdan öldü

7
(Yenilənib 15:15 25.11.2020)
Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

BAKI, 25 noyabr — Sputnik. Son bir sutka ərzində Rusiyada 23 675 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 507 nəfər ölüb.

Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Teqlər:
ÜST, korona virusu, Koronavirus, epidemiya, COVID-19, Rusiya
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Ərdoğan Qarabağa görə Putinə zəng vurdu

64
(Yenilənib 09:58 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

64
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

6
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

6
Teqlər:
Azərbaycan, test, Koronavirus, COVID-19, yoluxma