Ural Airlines aviaşirkətinə məxsus Airbus А319 təyyarəsi

Rusiyadan Türkiyəyə turist axını: aviareyslər çatdırmır

3426
Aviaşirkətlər çarter üçün lazımı qədər təyyarə tapmaqda çətinlik çəkir. Türkiyəyə istirahətə getmək istəyən ruslar təyyarə reyslərinin çatışmazlığı problemi ilə üzləşirlər.

BAKI, 5 iyul — Sputnik. Türkiyə ilə Rusiya arasında yaranmış böhranın aradan qaldırılması istiqamətində görülən işlər ən çox aviaşirkətlərin və turizmçilərin işinə yarayıb. Belə ki, Rusiya vətəndaşları hər şeyə rəğmən yay tətillərini yenidən Türkiyənin istirahət guşələrində keçirmək qərarına gəliblər.

Amma aviareyslərin çatışmazlığı çox sayda rus turisti Türkiyədəki yay əyləncəsindən məhrum edəcək. Rusiya Turoperatorlar Assosiasiyası (RTA) bəyan edib ki, Türkiyəyə istirahətə getmək istəyən Rusiya vətəndaşları çarter reyslərinin çatışmazlığı problemi ilə üzləşirlər.

Sputnik "Vedomosti"-yə istinadla xəbər verir ki, iyunun 30-da Rusiya prezidenti Vladimir Putin Türkiyə ilə münasibətlərin düzəlməsinə yönəlik fərman verib. Bu fərmanla iki məhdudiyyət — Türkiyəyə turlar təşkil etməkdən çəkinmək və çarter aviadaşımaların qadağan edilməsi aradan qaldırılıb.

"Əlbəttə ki, aviauçuşlarla bağlı problemlər olacaq. Çünki bir çox aviaşirkətlər böhran səbəbindən uçuşları ixtisara salıb" — deyə RTA-nın vitse-prezidenti Dmitri Qorin bildirib.

"Turistik uçuşlar cədvəlində problem onsuz da Prezidentin göstərişindən əvvəl yaranmışdı. Öz növbəsində iri aviasiya daşıyıcısı olan "Transaero"nun bazardan çıxması da ümumi vəziyyətə təsir göstərib", — Qorin əlavə edib.

Vitse-prezidentin sözlərinə görə, kütləvi çarter reysləri avqustdan tez açılmayacaq: "O cür reyslərin açılması üçün "Rosaviasiya"nın icazəsi tələb olunur. Həmçinin bu bazarın bütün oyunçuları praktiki olaraq eyni vaxtda müraciətlər əsasında nizamlama işlərini yerinə yetirməlidirlər".

"Mövsümün ən qaynar vaxtında (iyun-avqust) Türkiyəni ayda 700 000 rus turist ziyarət edirdi. Hazırda bu rəqəm bir qədər aşağı olacaq. Kütləvi çarterlər yəqin ki, avqustda açılacaq. "Rosaviasiya"dan çarterlərə icazə almaq üçün aviaşirkətlər onların texniki imkanlarının olduğunu sübut etməlidir və yay proqramlarını dəyişdirməlidir", deyən Qorinin dediyinə görə, "Rosaviasiya" hazırda Türkiyəyə uçuşla bağlı bütün müraciətləri araşdırır.

"Rosaviasiya"dan isə bildiriblər ki, artıq bir çox aviaşirkətlərin reyslərindəki gecikmələr qeydə alınıb. Uçuş qrafiklərinin formalaşdırılmasına baxmayaraq, sərnişin daşıyan aviaşirkətlər vəziyyətdən çıxacaqlarına söz veriblər. Onlar bildiriblər ki, reyslərə əlavə təyyarələr buraxacaqlar, ya da populyar olmayan istiqamətlərdə uçan çarterləri təxirə salaraq Türkiyə istiqamətinə yönləndirəcəklər.

Bununla belə, heç də aviaşirkətlərin hamısı çarter üçün lazımı qədər təyyarə tapacaqlarından əmin deyil. "Biz hazırda ardıcıl reyslərlə Soçi və Simferopola, əsas çarterlərlə isə Tunis, Yunanıstan, Bolqarıstan istiqamətlərinə uçuruq. 2014-cü ilin yayından etibarən hər bir istiqamətdə uçuşlar 24-dən 10-na qədər azalıb. Buna görə də Türkiyə ilə bağlı nəsə etmək çətin olacaq. Bütün reyslərə çoxlu bilet satılıb. Yayın sonuna qədər bütün biletlər axıra qədər satılacaq", — "Şimal küləyi" (Nord Wind) aviaşirkətinin top-menecerlərindən biri "Vedomosti"yə açıqlamasında deyib.

"Şimal küləyi" Türkiyə və Misir çarterlərinin ixtisara salınmasına qədər bu bazarın ən böyük aviadaşıyıcısı hesab olunurdu. Top-menecerin sözlərinə görə, Türkiyə istiqamətində uçuşlar həmişə Rusiya aviaşirkətlərinə böyük qazanc gətirib. Çünki ikitərəfli uçuşlara bilet satışı əksər hallarda 100% olub ki, bu da şübhəsiz şirkətin gəlirlərinə müsbət təsir göstərib.

"Bizim 8 laynerimizdən ikisi daimi reysləri həyata keçirir. Onların cədvəlləri dəyişmir. Amma biz Türkiyəyə reysləri təmin edə bilərik. Artıq bir sıra çarter istiqamətlərini (məsələn, Krasnoyarskdan Yunanıstan və Kiprə) aşağı tələbat səbəbindən ixtisara salmışıq. Biz daha bir neçə çarteri də Türkiyə istiqamətinə yönləndirə bilərik. Türkiyəyə çarter aviadaşımalarına qoyulan məhdudiyyətin aradan qaldırılmasından sonra ora ciddi turist axınının olacağı gözlənilir" — deyə "İkar" aviaşirkətinin baş direktor müavini Dmitri Zotin bildirib.

"Azur air"in nümayəndəsi isə qeyd edib ki, onların uçuş proqramı artıq formalaşıb: "Bununla belə, biz Türkiyəyə çarter daşımalarına başlamağa hazırıq. İlk olaraq biz Türkiyənin beş şəhərinə uçacağıq. Tələbatları nəzərə alaraq, avqustda həmin istiqamətə uçuşları artıracağıq".

O əlavə edib ki, ötən il aviaşirkət Rusiyanın 23 şəhərindən Türkiyəyə uçuşlar təşkil edirdi. Şirkət nümayəndəsi bu il həmin intensivliklə uçuşları praktiki baxımdan bərpa etməyin mümkün olmadığını da vurğulayıb.

3426
Teqlər:
təyyarə, rus, istirahət, aviareys, turizm, Rusiya, Türkiyə, turist
Əlaqədar
Azərbaycanda niyə "turizm partlayışı" baş vermədi?
İranlı turistlər Azərbaycana axın edirlər
Qaxda keçirilən qeyri-adi bayram turistləri valeh edib
Bakıda polislər turistin itirdiyi pulları taparaq sahibinə veriblər
"Yaşıl turizmi" necə stimullaşdırmalı?
Paytaxt sakinlərinə və turistlərə müjdə

“Rus dili olimpiadasına bu qədər şagirdin qatıldığı başqa ölkə tanımıram” İrek Zinnurov

4
(Yenilənib 15:54 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.

Su polosu üzrə ikiqat olimpiya çempionu, Tatarıstandan Dövlət Dumasına deputat seçilmiş İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.

"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.

Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.

Qeyd edək ki, İrek Zinnurov 2016-cı ildə Dövlət Dumasının VII  çağırışına “Vahid Rusiya” partiyasından millət vəkili seçilib.

4
Sputnik V peyvəndini, arxiv şəkli

Ekspert "Sputnik-V" peyvəndinin digər preparatlardan yenilikçi fərqini açıqladı

2
(Yenilənib 14:28 22.01.2021)
"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı"

BAKI, 22 yanvar — Sputnik. Rusiyanın koronavirus əleyhinə "Sputnik-V" peyvəndi birvektorlu preparatlardan daha yaxşı nəticə göstərir – bu fikri Rusiya vaksini üzrə beynəlxalq elmi məsləhət şurasının mütəxəssisi Karlos Sala səsləndirib.

"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı, çünki eyni platformadakı peyvəndlərlə müqayisədə nəticələr daha yaxşıdır", – deyə RİA Novosti ondan sitat gətirərək bildirir. Ekspert bunu "yenilikçi nəticə" adlandırıb.

Qeyd edək ki, "Sputnik-V" peyvəndi SARS-CoV-2 virusunun spark zülalının daxil olduğu adenoviral vektorlar əsasında yaradılıb. Adenovirusların özləri çoxalma qabiliyyətindən məhrumdur - onlar insan orqanizminin hüceyrələrinə genetik material (antigen) çatdırma funksiyası daşıyır.

Rusiyanın COVID-19 əleyhinə peyvəndi

Avqust ayında Rusiya Səhiyyə Nazirliyi Qamaleya Mərkəzi tərəfindən hazırlanmış və Rusiya Birbaşa İnvestisiyalar Fondu ilə birlikdə istehsal olunan COVID-19 əleyhinə dünyada ilk peyvəndi qeydə aldı. Ona "Sputnik-V" adı verildi. Preparat üç həftəlik fasilə ilə iki komponentin tətbiq edilməsini nəzərdə tutur.

Koronavirusa qarşı ikinci rus peyvəndi olan "EpiVacCorona" "Vektor" Novosibirsk mərkəzinin preparatıdır. Bundan başqa, Rusiya Elmlər Akademiyasının Çumakov adına İmmunobioloji Tədqiqatların Araşdırılması və İnkişafı Mərkəzində "canlı" peyvəndin klinik sınaq mərhələsi davam edir. Artıq qeydiyyatı üçün sənədlər Səhiyyə Nazirliyinə təqdim olunub.

Xatırladaq ki, bir qədər bundan əvvəl Sputnik radiosu Macarıstanda bu məsələləri tənzimləyən qurumun "Sputnik-V" peyvəndinin təsdiqlənməsini tövsiyə etdiyi barədə məlumat vermişdi.

 

2
Teqlər:
Sputnik-V peyvəndi, vaksin, vaksinasiya, Koronavirus, epidemiya, COVID-19
Mövzu:
Yeni tip koronavirus pandemiyası