ABŞ prezidenti Barak Obama

ABŞ "Rusiya təbliğatı"na qarşı 100 milyonluq layihəyə başlayır

42
(Yenilənib 10:55 05.07.2016)
Analitiklərə görə, hazırda Qərb ölkələri Rusiya təbliğatının qarşısında çıxılmaz vəziyyətdə qalıb: "Onlar informasiya texnologiyalarının köməyi ilə bu təbliğat materiallarının effektivliyini azalda bilmir"

ABŞ “Rusiya təbliğatı”nın qarşısını almaq üçün yüz milyonluq layihəyə başlayır
BAKI, 24 iyun — Sputnik. Amerika Birləşmiş Ştatları "Rusiya təbliğatı"na qarşı duruş gətirmək üçün Litva və Ukraynadan olan jurnalistlərə təlim keçəcək. Sputnik xəbər verir ki, bu barədə Vaşinqitonda keçirilən dinləmələrdə, bu ölkələrə təyin olunacaq səfir postuna namizədlər Yenn Holl və Mari Yovanoviç çıxış ediblər.

"Biz artıq Litvadan olan həmkarlarımızla bu barədə danışıqlar aparmışıq. Bu proqrama eyni zamanda digər rusdilli reportyorların da cəlb olunması nəzərdə tutlub", — deyə Holl bildirib.

"Litva uzun müddətdir ki, Rusiya təbliğatının təsirlərinə məruz qalır və bu proses heç vaxt dayanmır. Təbliğat maşını 2014-cü ildən sonra daha da güclənib və bunun ictimai rəydə çox dağıdıcı təsirləri özünü göstərə bilər", — deyə diplomat əlavə edib.

Öz növbəsində Yanoviç də deyib ki, proqramın əsas məqsədi ondan ibarətdir ki, konkret olaraq jurnalistlər özləri Rusiya təbliğatçılarına cavab verə bilsinlər. Dinləmələrdə iştirak edən ABŞ-ın Yunanıstana göndəriləcək Ukraynadakı hazırkı səfiri Ceferi Payettu təsdiq edib ki, Rusiya informasiyadan "özünün Ukraynaya qarşı apardığı hərbi kampaniyasının tərkib hissəsi kimi" istifadə etməkdədir.

Bundan az öncə ABŞ dövlət katibinin köməkçisi Viktoriya Nuland açıqlama verib ki, Birləşmiş Ştatlar "Rusiya təbliğatı ilə" mübarizə aparmaq üçün 100 milyon dollara yaxın həcmdə vəsait ayırıb. O, həmçinin Vaşinqton qarşısında məsələ qaldırıb ki, bu məqsəd üçün ayrılan vəsaiti bir az da artırmaq lazımdır.

"Hazırda Qərb ölkələri Rusiya təbliğatının qarşısında naçar vəziyyətdə qalıb. Onlar hər hansı müasir informasiya texnologiyalarının köməyi ilə bu təbliğat materiallarının effektivliyini azalda bilmir", — Nuland deyib.

Bu fikirləri isə "Atlantico" analitik saytı üçün yazdığı məqaləsində Beynəlxalq və Strateji Tədqiqatlar İnstitutunun əməkdaşı Fransua-Berner Yuiq bildirib. Onun fikrincə, son vaxtlar Rusiya jurnalistləri xarici informasiya istifadəçilərində inam qazanmaq sahəsində ciddi nailiyyətlər əldə edərək, xeyli qabağa gediblər. Amerikanın "Pew Institute" tədqiqat mərkəzi araşdırmalarında göstərir ki, avropalılar öz KİV-lərinin verdiyi məlumatlara skeptik yanaşırlar.

Bunula yanaşı, müəllif qeyd edir ki, ruslar öz təbliğatlarını yeridərkən, Amerikanın 1950-ci illərdə istifadə etdiyi "ictimai diplomatiya" metodundan yararlanır: "Amma bu köhnəlmiş ritorika forması ilə yanaşı Moskva müasir informasiya texnologiyalarını da mənimsəyərək, xüsusən sosial şəbəkələrin gücündən yararlanır".

Qeyd edək ki, Rusiyanın "ixrac etdiyi" təbliğat materiallarına cavab vermək üçün Avropa Komissiyası da mütəxəssislərdən ibarət qrup formalaşdırıb. Onu da xatırladaq ki, ABŞ-ın Respublikaçılar Partiyasından olan konqresmen Adam Kinzinger bu ilin mayında "Rusiya və Çin təbliğatı ilə mübarizə" məqsədilə Federal Agentliyin yaradılmasını nəzərdə tutan qanunvericilik təşəbbüsü ilə çıxış edib.

Təklif olunan qanun layihəsi Dövlət Departamentinin nəzdində informasiyaların təhlili və ona reaksiya verilməsi ilə məşğul olacaq departamentin yaradılmasını nəzərdə tutur. Departamentin məqsədi "rəsmi informasiya müharibəsinin" və "dezinformasiya tədbirlərinin" öyrənilməsi və həyata keçirilməsi olmalıdır.

"Belə qanunvericilik təşəbbüsünün irəli sürülməsi Amerikanın Rusiya və Çin qarşısında artan isterikasının nəticəsidir. Konqres tərəfindən belə addımın atılacağı təqdirdə Rusiya ABŞ ərazisində öz informasiya təsirlərini daha da artıra bilər".

Bu fikirləri isə Rusiya Dövlət Dumasının Beynəlxalq məsələlər komitəsinin sədr müavini Leonid Kalaşnikov deyib. Onun sözlərinə görə, Birləşmiş Ştatlar çoxdan Rusiya əleyhinə informasiya müharibəsi apamaqdadır.

"Bunula yanaşı, Amerika siyasatçiləri bir qayda olaraq özlərinin və müttəfiqlərinin xeyrinə informasiya lobbiçiliyi imkanlarından da istifadə edirlər", — Kalaşnikov vurğulayıb.

Rusiyalı deputat deyir ki, hazırki situasiyada informasiya sahəsində işləmək heç vaxt ikinci dərəcəli məsələ olmamalıdır.

42
Teqlər:
təbliğat, Viktoriya Nuland, Vaşinqiton, Amerika Birləşmiş Ştatları, Ukrayna, Rusiya, jurnalist
Əlaqədar
Rusiyaya qarşı sanksiyalar barədə ABŞ və Avropanın mövqeləri ayrıdır
ABŞ prezidentliyinə namizəddən Rusiyaya təhdid
Rusiya və ABŞ prezidentləri nə danışıblar?
Bahar Muradova: Arzu edərdik ki, Rusiyanın təkliflərinə ABŞ da razı olsun
ABŞ-dan Rusiyaya qorxulu xəbərdarlıq
ABŞ və Rusiya Suriyada razılığa gəldilər

Sülhməramlı kontingent üçün növbəti maddi-texniki təminat vasitələri gətirilib - VİDEO

17
(Yenilənib 21:01 30.11.2020)
Azərbaycan Müdafiə Nazirliyindən bildirilib ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün noyabrın 30-da növbəti maddi-texniki təminat vasitələri ölkəmizə gətirilib.
Sputnik Azərbaycan Müdafiə Nazirliyinə istinadən bildirir ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

17
Teqlər:
dəmiryolu, Rusiya, Azərbaycan, sülhməramlılar
Rusiya hökumətinin rəhbəri Mixail Mişustin, arxiv şəkli

Paşinyan indi Rusiyanın Baş nazirinə zəng etdi

19
(Yenilənib 18:28 30.11.2020)
Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

BAKI, 30 noyabr — Sputnik. Ermənistanın və Rusiyanın baş nazirləri – Nikol Paşinyan və Mixail Mişustin arasında telefon danışığı baş tutub. Sputnik Ermənistan xəbər verir ki, telefon danışığı Ermənistan tərəfinin təşəbbüsü ilə baş tutub.

Telefon danışığı zamanı tərəflər Ermənistan-Rusiya münasibətlərinə dair bir sıra məsələləri müzakirə ediblər.

Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

19
Teqlər:
telefon danışığı, Mixail Mişustin, Nikol Paşinyan, Rusiya, Ermənistan
Türkiyədə epidemioloji vəziyyət

Türkiyə qaydaları sərtləşdirir: artıq günlərində də...

0
(Yenilənib 22:19 30.11.2020)
"Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq" - Ərdoğan

BAKI, 30 noyabr – Sputnik. Koronavirusa yoluxmanın artması səbəbindən  çərşənbə axşamından etibarən Türkiyədə hamam, hovuz və idman zallarının fəaliyyəti dayandırılacaq.

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğan deyib.

“Hamamlar, saunalar, hovuzlar, idman zalları çərşənbə axşamından etibarən işini dayandırır. Ticarət mərkəzlərinə məhdud sayda insanları rəqəmsal şifrə ilə buraxacaqlar. Küçələrdə insanların toplaşması da məhdudlaşdırılacaq. İş günlərində 21.00-dan 05.00-dək, eləcə də cümə axşamı 21.00-dan bazar ertəsi 05.00-dək komendant saatı tətbiq olunacaq. Dövlət müəssisələri 10-dan 16-dək işləyəcək”, - deyə Ərdoğan televiziya ilə müraciətində deyib.

“Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq. Vaksinasiya gələn aydan başlanacaq. Artıq 50 milyon doza vaksin sifariş etmişik”, - Türkiyə lideri əlavə edib.

Ölkənin Səhiyyə naziri Fahrettin Koca bildirib ki, koronavirus pandemiyası Türkiyənin bir sıra bölgələrində, eləcə də İstanbulda üçüncü pik həddinə çatıb. Son həftə ərzində koronavirusa yoluxma və COVID-19-dan ölüm faktları üzrə rekord göstəricilər bir-birini əvəzləyib.

Bu gün qardaş ölkə yenə antirekordu təzələyib - COVID-19-dan 188 xəstə ölüb. Bir gün ərzində 31219 yeni yoluxma faktı aşkarlanıb. İndiyədək Türkiyədə 13746 nəfər COVID-dən dünyasını dəyişib. 5190 xəstənin vəziyyəti ağırdır.

0
Teqlər:
komendant saatı, sərt karantin rejimi, yoluxma, Koronavirus, epidemiya, COVID-19, Türkiyə
Mövzu:
Dünyanı cənginə almış bəla