Rusiya yığmasının üzvləri Sürixdə keçirilən yüngül atletika üzrə Avropa çempionatında. 17 avqust 2014-cü il

Rusiya idmançıları Rodçenkovun "hesabını" ödəyirlər

53
Azərbaycanın idman mütəxəssisləri hesab edirlər ki, rus atletlərə qarşı edilən haqsızlığın kökündə siyasət durur

BAKI, 24 iyun — Sputnik. Rusiyanın yüngül atletlərinin Rio-de Janeyro Olimpiadasında iştirak etməməsi azarkeşləri məyus edib. Məsələ ilə bağlı Azərbaycan Yüngül Atletika Federasiyasının vitse-prezidenti Mehdi Nağıyev Sputnik-ə açıqlamasında Rusiya yüngül atletlərin olimpiadada iştirak etməməsinin səbəblərinə toxunub.

"Əslində bu haqsızlığın könündə Rusiya antidopinq komitəsinin keçmiş rəhbəri Qriqori Rodçenkov durur. İllərlə bütün dünya idmançılarına qarşı necə istəyirdisə, o cür qərarlar verərək bir çox idmançının karyerasının üzərindən qara xətt çəkib. ABŞ-a qaçan Qriqori Rodçenkovun kələkləri və hətta ona qarşı cinayət işi açılması indi hər kəsə məlum olub. Bu gün onun nəticəsidir ki, Rusiya idmançıları oyunlardan kənarlaşdırılıb", — M. Nağıyev bildirib.

Onun sözlərinə görə, dünyada bir neçə nüfuzlu anti-dopinq mərkəzi var ki, onlardan biri də Rodçenkovun rəhbərlik etdiyi laboratoriya olub: "Beynəlxalq yarışlara qatılan idmançıların qanında dopinq olub-olmamasını öyrənmək üçün, analizlər həmin laboratoriyaya da göndərilib. Və Rodçenkov öz marağına görə, bəzən yanlış rəy verib. Hazırda Rusiyada ona qarşı açılan cinayət işinin əsas ittihamlarından biri müxtəlif beynəlxalq səviyyəli yarışlarda iştirak edən idmançılardan dopinq testinin nəticələrinin üzə çıxmaması üçün pul tələb etməsidir".

Vitse-prezident Rusiyada güclü atletlərin olduğunu deyib: "Onlar nəinki olimpiadaya, başqa yarışlara da gözəllik verirlər. Əlbətdə, hər bir idmançı, xüsusən də medallara iddialı idmançı, istəyərdi ki, bu böyük yarışda iştirak etsin. Amma rus idmançılarının olimpiya oyunlarında iştirak etməməsinin olimpiadaya o qədər də təsir göstərəcəyini düşünmürəm".

İdman jurnalisti Kənan Məstəliyev isə rus atletlərin yarışdan kənarlaşdırılmasının olimpiadanın səviyyəsinə mənfi təsir göstərəcəyini düşünür. "Təəssüf edirəm ki, federasiya rəsmilərinin yarıtmaz işinə görə idmançılar əziyyət çəkirlər. Onların əməyinə, zəhmətinə, çəkdikləri əziyyətə çox heyiflər olsun", — jurnalist Sputnik-ə açıqlamasında bildirib.

Rusiyanı dünya atletikasının aparıcı qüvvələrindən biri hesab edən idman yazarının fikrincə, rusların iştirak etməməsi həm baxımlılığa, həm də nəticələrə mənfi təsir göstərəcək: "Bu haqda hər gün çıxan xəbərləri izləyirəm və hər xəbərdə də məyus oluram. Bəli, dopinq qəbulu yolverilməzdir və bunu edənlər layiqli cəzasını almalıdırlar. Ancaq cəza hamını əhatə etməlidir, tək rusları yox. Dünya atletikasını izləyənlər bilir ki, bu dopinq bəlası yalnız onların "əməli" deyil".

İdman mütəxəssisi Natiq Muxtarlı da Rusiya idmançılarının olimpiadaya buraxılmamasını mənfi hal hesab edir: "Rusiya idmançıları medallara əsas namizədlərdən hesab olunurdular və onlar istənilən yarışın favoritləri arasındadırlar. Təbii ki, bu məqam ABŞ-ın xeyrinədir. İndi Olimpiadada ABŞ idmançılarının aşkar üstünlüyü bir qədər də artacaq. Bu da yarışın nüfuzuna zərbə olacaq".

Ekspert rus idmançıların iştirak etməməsinin olimpiadaya marağın azalması ilə nəticələnə biləcəyini söyləyib: "Medalların əksəriyyətini amerikalı idmançıların qazanması, rəqabətliliyin azalması Olimpiadaya marağı azalda bilər. Ancaq indiki vaxtda kimsə olimpiya oyunlarının nüfuzunu düşünmür. Təəssüf ki, idman artıq siyasiləşib. Rusiyanın sərt cəzaya məruz qalması da bu siyasi oyunun tərkib hissəsidir".

"Artıq Rusiyanı idman sahəsində də sıxışdırırlar. Hələ yaxşı ki, Beynəlxalq Olimpiya Komitəsi (BOK) Rusiyanı ümumiyyətlə Olimpiadadan uzaqlaşdırmadı. Ancaq buna cəhd edilirdi. Yoxsa, olimpiya oyunlarının nüfuzu təhlükə altında olacaqdı", — N. Muxtarlı söyləyib.

Jurnalist Elşən Məmmədov Sputnik əməkdaşı ilə söhbətində həmkarları ilə eyni fikiri bölüşüb: "Rusiya yığması bütün olimpiadaların favoriti olub, daim ümumi medal sıralamasında ABŞ və Çinlə birgə ilk 3-lükdə yer alıb. Avropa Oyunlarında isə şimal qonşularımız 79 qızıl, 40 gümüş, 45 bürünc olmaqla, 164 medalla bütün qitə ölkələrini böyük fərqlə qabaqladılar. Bu nəticənin özü də Rusiyanın olimpiadada ABŞ-la Çinə ciddi rəqib olacağından xəbər verirdi".

"Atletika isə olimpiadada xüsusi çəkiyə malikdir. Rio-de Janeyro Yay Olimpiya Oyunlarında "idmanın kraliçası" adlandırılan bu növ üzrə 47 dəst medal uğrunda mübarizə gedəcək. Rusiyanı isə 80-dən artıq atlet təmsil etməli idi. London 2012-də Rusiyanın qazandığı 78 medaldan 18-i atletikanın payına düşüb", — E. Məmmədov qeyd edib.

O, bunları nəzərə alaraq, hesab edir ki, şimal qonşularımızın atletlərinin "Rio-2016"dan uzaqlaşdırılması medal sayına, digər ölkələrin ümumi sıralamada irəliləməsinə, Rusiyanın isə geriləməsinə səbəb ola bilər.

53
Teqlər:
Elşən Məmmədov, Qriqori Rodçenkov, Mehdi Nağıyev, Rio-de Janeyro Olimpiadası, yüngül atlet, Natiq Muxtarlı, Kənan Məstəliyev, Rusiya
Əlaqədar
Azərbaycanla Dünya Ağır Atletika Federasiyası arasında dopinq qalmaqalı davam edir
Nazirlik dopinqə düşən idmançılarla bağlı açıqlama yaydı
"Şarapovanın qəbul etdiyi dərmanda dopinqlik heç bir effekt yoxdur"
"Dopinq ittihamı siyasi təzyiq vasitəsidir"
Azərbaycanlı idmançılar növbəti dəfə dopinq qalmaqalı ilə üzləşiblər

Rusiyalıların 55%-i Vladimir Putinə etibar edir - SORĞU

27
Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib.

BAKI, 14 may — Sputnik. Rusiyalıların yarıdan çoxu (55%) RF prezidenti Vladimir Putinə etibar edir. RİA Novosti xəbər verir ki, bunu Rusiyanın "İctimai fikir" fondunun keçirdiyi sorğunun nəticələri göstərir.

Sorğunun nəticələinə görə, respondentlərin 55%-i prezidentə inandıqlarını, 32%-i isə inanmadıqlarını bildiriblər. 13% rspondent cavab verməkdə çətinlik çəkib.

Rəyi soruşulanların 58%-i hesab edirlər ki, Putin öz vəzifəsinin öhdəsindən yaxşı gəlir. 26% əks fikirdədir. 16% respondent bu suala cavab verməkdə çətinlik çəkib.

Bu sorğu mayın 6-8-də Rusiya Federasiyasının 53 subyektində 104 yaşayış məntəqəsində 18 yaşdan yuxarı 1,5 min respondentin arasında keçirilib. Statistik xəta 3,6%-də yuxarı deyil.

27
Rusiya Prezidenti Vladimir Putin, arxiv şəkli

Putinlə Paşinyan Ermənistan-Azərbaycan sərhədindəki vəziyyəti müzakirə ediblər

569
(Yenilənib 14:06 14.05.2021)
Rusiya Prezidenti vasitəçilik səylərinin və Bakı və Yerevanla kontaktların davam etdirilməsinə olan qətiyyətini təsdiq edib.

BAKI, 14 may — Sputnik. Rusiya Prezidenti Vladimir Putinlə Ermənistan baş naziri vəzifəsini cra edən Nikol Paşinyan arasında telefon söhbəti olub. Bu barədə Kremlin mətbuat xidməti məlumat yayıb.

"RF prezidenti Vladimir Putinlə Ermənistan Respublikası baş naziri vəzifəsini icra edən Nikol Paşinyan arasında telefon söhbəti olub. Dağlıq Qarabağ ətrafındakı vəziyyətin müzakirəsi davam etdirilib. Ermənistan-Azərbaycan sərhədində bu yaxınlarda baş vermiş insidentə dair fikir mübadiləsinin gedişində Vladimir Putin 2020-ci il noyabrın 9-da və bu il yanvarın 11-də Rusiya, Ermənistan və Azərbaycan liderlərinin verdikləri bəyanatların bütün müddəalarının - ilk növbədə atəşkəs rejiminə əməl olunması baxımından tam yerinə yetirilməsinin zəruriliyinə diqqət yönəldib", - məlumatda deyilir.

Rusiya Prezidenti vasitəçilik səylərinin və Bakı və Yerevanla kontaktların davam etdirilməsinə olan qətiyyətini təsdiq edib.

"Rusiya tərəfinin bölgədə sabitliyin təmin olunması naminə fəal vasitəçilik səylərinin və Bakı və Yerevanla sıx təmasların davam etdirilməsinə olan qətiyyəti təsdiq edilib. Rusiya prezidentinə minnətdarlığını ifadə edən Nikol Paşinyan bütün ortaya çıxan problemlərin yalnız dinc, siyasi-diplomatik vasitələrlə həll olunması naminə konstruktiv dialoq və qarşılıqlı fəaliyyət tərəfdarı olduğunu bildirib", - məlumatda bildirilir.

Söhbət zamanı həmçinin Cənubi Qafqazda iqtisadi və nəqliyyat-logistika əlaqələrinin bərpa olunması məsələlərinə toxunulub. Müxtəlif səviyyələrdə təmasların davam etdirilməsi barədə razılıq əldə olunub.

Xatırladaq ki, dünən Azərbaycan Xarici İşlər Nazirliyi məsələ ilə bağlı bəyanatla çıxış edib.

"10 noyabr 2020-ci il tarixində imzalanmış üçtərəfli bəyanata əsasən, işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir.

Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirləri Ermənistan və Azərbaycan arasında sərhəd xəttini müəyyən edən və tərəflərdə olan xəritələr əsasında aparılır. Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir.

12 may tarixindən etibarən AR Dövlət Sərhəd Xidmətinin rəhbərliyi əraziyə ezam olunub, qarşı tərəfin sərhədçiləri ilə danışıqlar aparılır və vəziyyətin normallaşması istiqamətində müvafiq addımlar atılır. 

Ermənistanın siyasi-hərbi dairələrinə təşvişə düşməməyi, Azərbaycanın Zəngilan, Qubadlı, Laçın və Kəlbəcər rayonları boyunca dövlətlərarası sərhəd rejimi reallığını qəbul etməyi və əsassız olaraq bölgədə vəziyyəti gərginləşdirməməyi tövsiyə edirik.

Azərbaycan öz tərəfindən, qeyd olunan bölgədə gərginliyin aradan qaldırılmasına sadiqdir və bu istiqamətində müvafiq addımların atılmasına çağırır" - bəyanatda deyilir.

Həmçinin oxuyun:

Azərbaycan XİN-dən sərhəd hay-küyünə cavab: "Təşvişə düşməyin"

ABŞ Azərbaycan-Ermənistan sərhədindəki olaylara münasibət bildirdi

Azərbaycan-Ermənistan sərhədində gərginliklə bağlı zənglər: ATƏT də narahatdır

569
Kosmos, arxiv şəkli

Alimlər Kainatın genişlənməsi haqqında yeni məlumatlar əldə ediblər

0
Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

BAKI, 14 may - Sputnik. Astronomlar ifrat yeni ulduzların alışmasına dair kataloqdakı informasiyanı analiz ediblər və belə nəticəyə gəliblər ki, müşahidələrin məlumatları Kainatın dəyişən sürətlə genişlənməsi modelinə daha çox uyğundur. Tədqiqatın nəticələri ilə bağlı məqalə “Astrophysical Journal” nəşrində dərc edilməsi üçün hazırlanıb və “arXiv.org” preprint serverində yerləşdirilib.

Kainatın genişlənməsi sürəti kosmologiyanın vacib parametrlərindən biridir. Astrofiziklər adətən Habbl sabitindən çıxış edirlər. Lakin alimlər Kainatın genişlənməsi sürətini onun tarixinin müxtəlif dövrlərində müqayisə etməyə başlayanda müşahidələr nəzəri modellərlə tez-tez ziddiyyət təşkil edir.

AZƏRTAC bildirir ki, bu problemi həll etmək üçün Yaponiya Milli Astronomiya Rəsədxanasından və SOKENDAI perspektiv tədqiqatlar universitetindən Maria Ciovanna Dainottinin rəhbərliyi ilə Yaponiya və İtaliya alimləri Kainat tarixinin müxtəlif vaxtlarında partlamış 1048 yeni ulduzun kataloqunu analiz ediblər. Tədqiqatçılar bu məlumatlar əsasında rəqəmsal model qurublar. Onu düzgün təsvir etmək üçün müəlliflər zamandan asılı yeni dəyişən təqdim etməli olublar ki, Habbl sabiti zamanla dəyişəcəyi təqdirdə, onun qarşısını almaq mümkün olsun.

Müşahidələrdə sistematik səhv ehtimalını istisna etmək üçün tədqiqatçılar nəticələrini Havayda Mauna-Kea rəsədxanasında Yaponiya Milli Astronomiya Rəsədxanasının “Subaru” teleskopunda quraşdırılmış “Hyper Suprime-Cam” alətinin köməyilə ayrıca yoxlayıblar.

İfrat geniş görmə sahəsi olan bu 900-meqapiksel kamera ən böyük sahədə zəif yeni ulduzların müşahidəsi üçün nəzərdə tutulur. Tədqiqatçılar onun köməyilə erkən Kainatda müşahidə edilən ifrat yeni ulduzlar seçimini böyütməyə və məlumatlarda qeyri-müəyyənliyi azaltmağa nail olublar.

Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

Tədqiqatçılar nəticələrini “Subaru” teleskopundan və digər rəsədxanalardan əldə olunmuş əlavə və ya daha keyfiyyətli məlumatların köməyilə təsdiq etmək məqsədilə müşahidələrini davam etdirməyi planlaşdırırlar.

0