Vladimir Putin

Rusiya Prezidenti keçmiş arvadının evliliyindən danışdı

106
Vladimir Putin: "Bilmirəm, şəxsi həyatımdan bəhs etməliyəm, ya yox. Amma onu bilirəm ki, bunu etsəm, pulun dəyəri, yaxud da neftin qiymətləri oynaya bilər"

BAKI, 14 apr — Sputnik. "Əvvəlki həyat yoldaşımla münasibətlərim çox yaxşıdır. Hətta əvvəlkindən daha yaxşı".

Sputnik xəbər verir ki, bu sözləri Rusiya prezidenti Vladimir Putin, hazırda davam edən canlı yayımda, vətəndaşların "Qəzetlər keçmiş həyat yoldaşınız Lyudmilanın yenidən evləndiyini yazıb. Sizin yanınızda nə vaxt biz First Lady görəcəyik?" sualını cavablandırarkən deyib.

"Bilmirəm, şəxsi həyatımdan bəhs etməliyəm, ya yox. Amma onu bilirəm ki, bunu etsəm, pulun dəyəri, yaxud da neftin qiymətləri oynaya bilər", — Kreml başçısı əlavə edib.

O qeyd edib ki, insanların onun şəxsi həyatında nələrin baş verdiyini bilmək istədiyinin fərqindədir: "Amma bu, çox da əhəmiyyətli deyil. Həyatımdan məmnunam. Hər şey yaxşıdır. Amma bəlkə də gələcəkdə bu marağınızı nəzərə alaram".

Xatırladaq ki, bundan əvvəlki canlı yayında analoji suala cavabında Putin demişdi: "Əvvəlcə keçmiş yoldaşım Lyudmilaya birini tapıb onu ərə verməliyəm. Yalnız ondan sonra özümü düşünə bilərəm".

106
Teqlər:
Lyudmila, canlı yayım, Vladimir Putin, Rusiya Prezidenti
Əlaqədar
Kreml Vladimir Putinlə Nursultan Nazarbayevin nədən danışdığına aydınlıq gətirdi
İlham Əliyev Vladimir Putinə zəng edib
Putin: Əsədə sığınacaq vermək, Snoudenə sığınacaq verməkdən asandır
Əhməd Davudoğlu Vladimir Putinə cavab verdi
Putin: “Suriyada hələ bütün imkanlarımızdan istifadə etməmişik”
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

10
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

10
Teqlər:
sülhməramlılar, Rusiya, Mina
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

12
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

12
Teqlər:
müsabiqə, COVID-19, Koronavirus
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

0
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

0
Teqlər:
dəstək, proqram, teatr