Pxenyan

Rusiyada hidrogen bombası həyəcanı

211
(Yenilənib 19:12 06.01.2016)
Vladimir Putin Pxenyanın hidrogen bombasını sınaqdan keçirməsi barədə məlumatın dəqiqliyini yoxlamaq barədə göstəriş verib.

BAKI, 6 yan-Sputnik. Şimali Koreyanın bu gün səhər  ilk dəfə hidrogen bombasını sınaqdan keçirməsi ilə bağlı verdiyi açıqlamaya Rusiya da ciddi təpki göstərib.  Rusiyanın Xarici İşlər Nazirliyinin mətbuat katibi Mariya Zaxarova Şimali Koreyanın həmləsinin beynəlxalq hüququn və BMT Təhlükəsizlik Şurasının qərarlarının əleyhinə olduğunu, Kremlin, Rusiya prezidenti Vladimir Putinin mütəxəssisələrə məsələ ilə bağlı araşdırmalar üçün təlimat verdiyini açıqlayıb.

Mariya Zaxarova  deyib ki, Şimali Koreyanın hidrogen bombasını sınaqdan keçirməsi ilə bağlı xəbərlər təsdiqlənsə, bu, Pxenyanın nüvə silahlarını artırma yolunda atdığı yeni bir addım mənasını daşıyır. Bu da beynəlxalq hüquq və BMT TŞ-nin qərarının kobud şəkildə pozulması deməkdir.

"İstər sınaqdan keçirilmiş olsun, ya da olmasın, yüksək  hərbi və siyasi cəbhələşmə potensialını reallaşdıra biləcək hər hansı davranış Koreya yarımadasındakı gərginliyi ciddi surətdə artıra bilər" — deyən Zaxarova tərəflərə səbrli olmağı tövsiyə edib. "Bu mərhələdə bütün maraqlı tərəfləri ən yüksək səviyyədə təmkinli olmağa və Asiyanın cənub-şərqində nəzarətdən kənarda qalacaq bir böhrana yol açacaq addımlardan qaçmağa çağırırıq. Altıtərəfli görüşlər çərçivəsində Koreya yarmadasındakı problemlərin aradan qaldırılmasında və regionda sülh və təhlükəsizliyin təmin olunması məsələsində etibarlı bir sistemin qurulması üçün sürətli bir şəkildə dialoq təşkil etməyin tərəfdarı olduğumuzu bir daha qeyd edirik."

Kremlin mətbuat katibi Dmitri Peskov da deyib ki, Şimali Koreyanın hidrogen bombasından istifadə etdiyinə dair xəbərlər Rusiyanı kifayət qədər narahat edir: "Pxenyanın hidrogen bombasını sınaqdan keçirdiyinə dair  xəbərlər Moskvanı həddindən artıq narahat edir."

Peskov həmçinin bildirib ki, "Rusiya prezidenti Vladimir Putin, xəbərlər təsdiqlənəcəyi təqdirdə mütəxəssislərə məsələni araşdırmaları və seysmoloji stansiya ölçülərinin göstəriciləri də daxil olmaqla bütün stansiyalarındakı məlumatları diqqətli şəkildə təhlil etmək istiqamətində təlimat verib".

Digər tərəfdən Rusiya Federaiya Şurasının xarici əlaqələr komitəsinin sədri Konstantin Kosaçev hidrogen bombasının sınaqdan keçirilməsinin  BMT TŞ tərəfindən qəbul edilən Nüvə Sınaqlarının Qadağan Olunması üzrə Müqaviləyə (CTBT) zidd olduğunu və Rusiyanın təhlükəsizliyinə ciddi surətdə təsir edəcəyini deyib.

Rusiyanın bu addımı qulaqardına vurmayacağını qeyd edən Kosaçev, özünün Facebook səhifəsində verdiyi açıqlamada, "Şimali Koreyanın Rusiya ilə sərhəddi var. Pxenyanla Vladivostok şəhəri arasındakı məsafə 700 kilometrdən azdır. Bu səbəbdən Şimali Koreya Demokratik Xalq Respublikasının bu bölgədəki fəaliyyətləri Rusiyanın milli təhlükəsizliyinə ciddi şəkildə təsir göstərəcək" — deyib.

BMT TŞ-nın qərarlarının tətbiq olunması üçün Rusiyanın əlindən gəldiyini etdiyini vurğulayan Kosaçev, "ancaq müzakirə mövzusu "xırmanda yabalaşmaq" olduğunda, ikili standart tətbiq olunmamalıdır" deyə bildirib.

Digər tərəfdən Rusiyanın beynəlxalq təşkilatların Vyana ofisindəki daimi nümayəndəsi Vladimir Voronkov, Rusiyanın Şimali Koreyanın hidrogen  bombasını sınaqdan keçirməsini qınadığını və bunu beynəlxalq hüququn pozulması kimi qəbul etdiklərini bildirib.

Sputnik-ə açıqlama verən Voronkov "Rusiya bu cür sınaqları qınayır. Bu həm də beynəlxalq hüququ açıq-aydın pozmaq deməkdir" — deyib.

Bu arada Rusiya Federasiya Şurasının Müdafiə və təhlükəsizlik Komitəsinin sədr müavini Frants Klintseviç isə deyib: Hidrogen bombasının sınaqdan keçirilməsinə dair xəbərlər doğrudursa, bu, Koreya yarımadasındakı və bütün dünyadakı vəziyyəti ciddi mənada ağırlaşdıracaq.  Bütün dünya BMT TŞ-nin nəzarəti altında beynəlxalq təhlükəsizlik məsələsinə yeni bir baxış ortaya qoymağa istiqamətlənməlidir. Bu vəziyyət qlobal təhlükəsizliyin təmin olunması üçün başda Rusiya və ABŞ olmaqla lider ölkələrin üzərinə düşən məsuliyyəti artırır. Bəlkə də dünya yeni bir təhlükə ilə qarşı-qarşıyadır. Buna zəruri reaksiya verilməlidir."

Rusiya Strateji Raket Qoşunları Baş Qərargahının sabiq rəisi, general-polkovnik Viktor Yesin isə deyib ki, Şimali Koreyanın hidrogen bombasını sınaqdan keçirməsi xəbərləri ilə bağlı təşviş bu ölkənin nə edəcəyi bəlli olmayan rejimə görədir.

"Cənubi Koreya və Yaponiya ilə münasibətlər gərginləşsə, Pxenyan rejimi nüvə silahını tətbiq edə bilər. Bu, isə çox böyük qorxu yaradır" — deyə Yesin əlavə edib.

211
Teqlər:
Viktor Yesin, Rusiya Federasiya Şurasının Müdafiə və təhlükəsizlik Komitəsinin sədr müavini Frants Klintseviç, Şimali Koreya Demokratik Xalq Respublikası, BMT Təhlükəsizlik Şurası, BMT, Vyana, Vladimir Voronkov, facebook, bomba, Nüvə Sınaqlarının Qadağan Olunması üzrə Müqavilə, hidrogen, Konstantin Kosaçev, Yaponiya, Şimali Koreya, Prezident, prezident, Rusiya, Vladimir Putin, Moskva, Dmitri Peskov, Mariya Zaxarova, Pxenyan
Əlaqədar
Şimali Koreyadan dünyanı heyrətə salan növbəti addım
Şimali Koreya hidrogen bombasına malikdir
Şimali Koreya Cənubi Koreyaya dostluq əlini uzadıb
BMT baş katibi ilk dəfə olaraq Şimali Koreyaya səfər edəcək
Koreya yarımadasında sülh danışıqları aparılır
Rusiya Prezidenti Vladimir Putin, arxiv şəkli

Vladimir Putin Təhlükəsizlik Şurasının iclasını keçirib

4
Təhlükəsizlik Şurasının iclasında həmçinin strateji sabitlik və silahlara nəzarət məsələlərinə dair fikir mübadiləsi aparılıb.

BAKI, 22 yanvar — Sputnik. Rusiya Prezidenti Vladimir Putin Rusiya Təhlükəsizlik Şurasının daimi üzvləri ilə strateji sabitlik məsələlərini müzakirə edib. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

O, Prezident Vladimir Putinin iclasda Təhlükəsizlik Şurasının daimi üzvləri ilə strateji sabitlik, eləcə də ölkə daxili problemləri müzakirə etdiyini qeyd edib.

"İclasda Rusiyanın sosial-iqtisadi inkişafına dair gündəmdə duran məsələlər müzakirə olunub. Strateji sabitlik və silahlanma üzərində nəzarət məsələləri ilə bağlı fikir mübadiləsi aparılıb", - deyə Kremlin nümayəndəsi bildirib. 

4
Teqlər:
Vladimir Putin, Putin

“Rus dili olimpiadasına bu qədər şagirdin qatıldığı başqa ölkə tanımıram” İrek Zinnurov

17
(Yenilənib 17:01 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.

Su polosu üzrə ikiqat olimpiya çempionu, Dövlət Dumasının Tatarıstandan seçilmiş sabiq deputatı İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.

"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.

Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.

17
Müdafiə naziri general-polkovnik Zakir Həsənov və Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp arasında görüş

Azərbaycan Britaniya hərbi sahədə əməkdaşlıq edəcəklər?

0
(Yenilənib 16:41 22.01.2021)
Səfir Ceyms Şarp deyib ki, Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcək.

BAKI, 22 yanvar — Sputnik. Müdafiə naziri general-polkovnik Zakir Həsənov yanvarın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp ilə görüşüb. Bu barədə Sputnik Azərbaycan-a Müdafiə Nazirliyindən məlumat verilib.

Müdafiə naziri azad edilmiş ərazilərdə ordumuz tərəfindən həyata keçirilən tədbirlər, həmçinin Azərbaycan Ordusunda aparılan islahatlar və digər məsələlər barədə səfirə məlumat verib.

Görüş zamanı iki ölkə arasında müdafiə sahəsində, o cümlədən hərbi-texniki sahədə əməkdaşlıq üçün böyük potensialın olduğu və bu imkanların genişləndirilməsinin vacibliyi vurğulanıb.

Tərəflər ölkələrimiz arasında hərbi təhsil sahəsində əldə olunan razılaşmaların həyata keçirilməsinin, hərbi ingilis dili kurslarında dinləyicilərin sayının artırılmasının zəruriliyini xüsusi qeyd edib.

Öz növbəsində diplomat Vətən müharibəsində qazanılan qələbə münasibətilə Azərbaycan xalqını təbrik edib.

Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.

Görüşdə regional və ikitərəfli əməkdaşlıq, həmçinin qarşılıqlı maraq doğuran bir sıra digər məsələlər müzakirə edilib.

0
Teqlər:
Böyük Britaniyanın Azərbaycandakı səfiri, Böyük Britaniya