Rusiya və NATO

ELN: Rusiya NATO müharibəyə hazırlaşır

536
(Yenilənib 10:46 12.08.2015)
“An-26” təyyarəsində təlim aviabombalardan birinin üzərində kiril əlifbası ilə “Berlinə doğru” yazılıb.

BAKI, 12 avq-Sputnik. Rusiya və NATO müharibəyə hazırlaşır.

Sputnik strateq-ə istinadən xəbər verir ki, European Leadership Network (ELN) mərkəzinin ekspertləri Rusiya və NATO-nun keçirdiyi hərbi təlimlərin miqyasına və ssenarililərinin təhlilinə əsasən bu nəticəyə gəliblər.

Təşkilatın təhlilçiləri, hər iki tərəfin daha çox zəif olan sərhəd ərazilərini mümkün qarşıdurmaya hazırladıqlarına diqqət çəkiblər.

Mərkəzin analitikləri İan Kerens, Lukaş Kulesa və Tomas Frer Rusiyanın mart ayında 80 min hərbiçi və NATO-nun iyunda 15 minlik kontingentin iştirakı ilə keçirdikləri geniş miqyaslı hərbi təlimləri ətraflı analiz edublər. Ekspertlər hazırladıqları “Pis varianta hazırlaşırıq: Rusiya və NATO-nun hərmi təlimləri Avropada müharibə ehtimalını artırırmı?” adlı hesabata hərbi təlimlərin ssenarisi barədə əyani təssürat yaradan interaktiv xəritə də əlavə olunub.

Rusiya Hərbi Hava Qüvvələrinin döyüş hazırlığının növbədənkənar yoxlanılması 16-21 mart tarixlərində baş tutub. Bu dəfə Arktikada mümkün hərbi əməliyyatların sınaqdan çıxarılmasına üstünlük verilib. Təlimlərə Rusiyanın Şimal Donanmasının qüvvələri, Qərb hərbi dairəsinin desantçıları da cəlb olunub. Ümumilikdə, təlimlərə 80 min hərbiçi, min hərbi texnika, onlarla təyyarə, gəmi və sualtı qayıq cəlb olunub.

8-19 iyunda isə Polşa, Litva,Latviya və Estoniyanın ərazisində NATO-nun Saber Strike-15 hərbi təlimləri keçirilib. Təlimin keçirilməsində əsas məqsəd beynəlxalq müttəfiq koalisiyalar tərkibində birgə hərbi əməliyyatların aparılmasının sınaqdan çıxarılması olub.

Bu təlimlər NATO-nin Şərqi Avropadakı  Allied Shield adı verilən təlimlər seriyasından biridir.

Hərbi təlimlərin ssenari və məqsədlərini təhlil edən ekspertlər bu nəticəyə gəliblər ki, NATO və Rusiya daha zəif hesab etdikləri regionalarda mümkün hərbi əməliyyatlara hazırlaşmaq istəyirlər. NATO Baltikyanı ölkələrə və Polşaya, Rusiya isə Arktika, Kalninqrad, Krım və Estoniya, Latviyaya diqqət ayırır.

Ekspertlər tərəflərin bir-birinin təlimlərini çox diqqətlə izlədiklərini də qeyd edirlər. Təyyarələrin hava məkanında bir-birilərinə çox yaxınlaşması, gəmilərin su sərhədlərini pozması ilə bağlı çoxsaylı faktlar bununla izah edilir.

Təlimlər arasında da çox oxşarlıq olub. Hər iki tərəf tez bir qüvvələrin cəmləşdirilməsi, uzaq məsafələrə dislokasiya yerinin dəyişməsini, yerüstü qüvvələrin təyyarə və gəmilərdən dəstəklənməsi, hava məkanında və dənizdə üstünlüyə nail olmaq kimi tapşırıqları icra ediblər.

Ekspertlət mövcud gərginliyin azaldılması üçün təkliflərini də veriblər. Onlar hesab edirlər ki, NATO ilə Rusiya arasında hərbi təlimlərin planlaşdırılmasında komminikasiyanı gücləndirmək çox vacibdir. Tərəflər,  həmçinin  etimad mühtinin yaradılması üçün ATƏT-in imkanlarından yararlanmalıdırlar. Hər iki tərəfdə siyasətçilər bu cür təlimlərin müsbət və mənfi tərəflərini çox ciddi götür-qoy etməldirlər.

Almaniyanın “Bild”  nəşrinin jurnalistləri isə Kalininqradda keçirilən Rusiya ordusunun təlimləri ilə bağlı Flot.com saytında yayılan şəkillərdən birində “An-26” təyyarəsində təlim aviabombalardan birinin üzərində kiril əlifbası ilə “Berlinə doğru” yazıldığına diqqət yetiriblər. Alman jurnalistləri qeyd edirlər ki, avqustun əvvəlində Baltik dənizində Rusiya Hərbi Dəniz Qüvvələrinin təlimi keçirilib, bu isə Almaniya paytaxtının 500 kilometrliyindədir.

“Bild” qeyd edir ki, II Dünya Müharibəsində tez-tez işlədilən bu cür şüarların indiki zamanda ruslar tərəfindən yenidən istifadəsi Rusiya ordusundakı təhlükəli tendensiyadan xəbər verir.

536
Teqlər:
NATO və Rusiya, Rusiya və NATO, Rusiya NATO müharibə, ELN, European Leadership Network, Tomas Frer, Lukaş Kulesa, İan Kerens
Arxeoloji qazıntılar

Xəzər xaqanlığı xalqlarının oturaq həyat tərzini sübut edən faktlar aşkar olunub

1130
(Yenilənib 12:22 26.07.2021)
Əldə olunmuş tapıntılar köçəri hesab edilən insanların həyətyanı heyvandarlıqla məşğul olduğunu, dənli bitkilər yetişdirdiklərini sübut edir.

BAKI, 26 iyul — Sputnik. Belqorod Dövlət Milli Tədqiqat Universitetinin (BelDU MTU) arxeoloqları Xəzər xaqanlığı tayfalarının VIII – X əsrlərə aid yaşayış məskənlərində qazma işləri apararkən saxsı qabların, gil örtüyünün qırıntılarını və müxtəlif heyvan sümüklərini aşkar ediblər.

Sputnik Azərbaycan Rusiya mediasına istinadən xəbər verir ki, əldə olunmuş tapıntılar köçəri hesab edilən insanların əkinçilik və həyətyanı heyvandarlıqla məşğul olduğunu, at, iri və xırdabuynuzlu mal-qara, donuz saxladıqlarını, dənli bitkilər yetişdirdiklərini sübut edir.

"Arxeoloqlarımızın əldə etdikləri nəticələr müasir Belqorod vilayəti ərazisində olmuş Saltov-Mayatsk mədəniyyəti nümayəndələrinin oturaq həyat tərzi keçirməsi ilə bağlı mülahizələri təsdiq edir", – deyə BelDU MTU pedaqoji institutunun tarix-filologiya fakültəsinin dekanı Andrey Papkov bildirib.

VII əsrdən X əsrə qədər xəzərlər Şərqi Avropa çöllərində əhəmiyyətli qüvvəyə çevrilir. Onlar özündə çoxsaylı bolqar, alan, hun tayfalarını özündə birləşdirirdi.

VIII əsrdə xəzərlər "Xəzər xaqanlığı" adlı geniş bir dövlət yaradırlar ki, onun da hakimiyyəti Şərqi Avropa xalqlarının böyük hissəsini əhatə edirdi. IX əsrdə xəzərlərin başçıları iudaizmi qəbul edir. Bu, daxili müharibələrə və xəzərlərin zəifləməsinə gətirir.

Xəzər xaqanlığının süqutu X əsrə, Kiyev knyazı Svayotoslavın yürüşü və onların əsas qalalarının məhv edildiyi dövrə təsadüf edir.

Xəzər xaqanlığına dair arxeoloji tapıntılar xəzəryanı bölgələrdə etnik cəhətdən yekcins olmayan əhali tərəfindən yaradılmış Saltov-Mayatsk mədəniyyətinə aiddir.

Bir qayda olaraq Saltov-Mayatsk mədəniyyətinə Podonye çölü, Azovyanı, Taman, Şərqi Krım, Aşağı Volqaboyu və Xəzəryanı Dağıstan əraziləri şamil olunur. Bununla yanaşı, çöl tayfalarının əksəriyyəti köçəri həyat tərzi keçirməkdə davam edirdi.

2021-ci ildə arxeoloqlar Belqorod vilayəti ərazisində iki abidəni tədqiq ediblər. Bunlar Veydelev rayonu ərazisində, Urayeva çayı dərəsində yerləşən "Şpenqarevo kəndi-1" və Alekseyevsk şəhər dairəsində, Qara Kalitva çayının yuxarı axarı boyunca yerləşən "Oturaq kənd-1" yaşayış məskənləridir.

Bir neçə gün ərzində tədqiqatçılar "Şpenqarevo kəndi-1" ərazisində tabaşir qatını yumağa və mədəni qata çıxmağa nail olublar. Burada onlar saxsı qabların, gil örtüyünün qırıntılarını və müxtəlif heyvan sümüklərini aşkar ediblər. Bundan əlavə taxıl və ağac kömür qalıqlarının aşkar edilməsi üçün ərazidən qrunt nümunələri götürülüb.

"Oturaq kənd-1" yaşayış məskənində isə qalınlığı 1,5 m olan mədəni qat aşkar olunub. Burada tapılmış ən qiymətli tapıntılar arasında dəmir biz və metal bıçaq fraqmenti var. Bundan sonra tədqiqatçılar aşkar edilmiş tapıntıları tədqiq etməlidirlər.

Həmçinin oxuyun:

* Beşbarmaq dağının sirri – Pir, inanc yeri və qədim istehkam

Şəkidəki məsciddə xanın qəbri aşkarlandı

Şəkidə alban döyüşçülərin qəbirləri aşkarlanıb

1130

Vətəndaşlara külli miqdarda ziyan vuran şəxs Rusiyadan ekstradisiya olunub

343
(Yenilənib 22:47 25.07.2021)
Aprel ayında D.Rəsulovun Tula şəhərində olması müəyyən edilib. 25 iyul 2021-ci il tarixdə Rəsulov Daxili İşlər Nazirliyinin xüsusi konvoyunun müşayiəti ilə ölkəmizə gətirilib.

BAKI, 25 iyul - Sputnik. Azərbaycan Respublikası Baş Prokurorluğunun Beynəlxalq hüquqi əməkdaşlıq idarəsinin vəsatəti əsasında Rusiya Federasiyasının Baş Prokurorluğu tərəfindən Azərbaycan vətəndaşı Rəsulov Dilafir Tariyel oğlunun ekstradisiyası haqqında qərar qəbul edilib.

Bu barədə "Report"a Baş Prokurorluqdan məlumat verilib.

Dilafir Rəsulovun “Konstra” MTK-nin direktor vəzifəsində işləyərkən satış hüquqları olmadığı halda vəzifə səlahiyyətlərindən sui-istifadə edib rəsmi sənədlərə bilə-bilə yalan məlumatlar daxil etməklə mənzilləri ayrı-ayrı şəxslərə qanunsuz sataraq əldə edilmiş pul vəsaitini dələduzluq yolu ilə ələ keçirməsinə dair əsaslı şübhələr müəyyən edilib.

Bununla bağlı, Baş prokuror yanında Korrupsiyaya qarşı Mübarizə Baş İdarəsində barəsində Cinayət Məcəlləsinin 178.4 (dələduzluq xüsusilə külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda )və 313-cü (vəzifə saxtakarlığı) maddələri ilə təqsirləndirilən şəxs qismində cəlb olunması haqqında qərar qəbul edilməklə cinayət təqibi orqanından gizləndiyinə görə beynəlxalq axtarış elan edilib.

2021-ci ilin aprel ayında D.Rəsulovun Rusiyanın Tula şəhərində olması müəyyən edilib. 25 iyul 2021-ci il tarixdə Dilafir Rəsulov Daxili İşlər Nazirliyinin xüsusi konvoyunun müşayiəti ilə ölkəmizə gətirilib.

Həmçinin oxuyun:

Beynəlxalq axtarışa verilən şəxslər ekstradisiya edildi

Axtarışda olan şəxs Azərbaycana ekstradisiya olunub

Fərarilik edib Rusiyaya qaçan və orada sevgilsini öldürən şəxs ekstradisiya edildi

343
Qəza, arxiv şəkli

Bakıda təkərin partlayaraq iki nəfəri ağır yalaralamsının GÖRÜNTÜLƏRİ

0
Adi ehtiyatsızlıq paytaxtın Nərimanov rayonunda iki vətəndaşın ağır şəkildə yaralanmasına səbəb olub.

BAKI, 26 iyul — Sputnik. Bakıda təkərin partlaması üç nəfərin yaralanmasına səbəb olub.

Sputnik Azərbaycan xəbər verir ki, hadisə iyulun 24-də Nərimanov rayonu, Ə.Qayıbov küçəsində baş verib.

Yük avtomobilinin təkərinə atmosfer vurularkan yanlışlığa yol verildiyindən təkər havaya uçub. Onun diski isə yaxınlıqda kafedə əyləşmiş insanların masasına düşüb.

Hadisə nəticəsində iki nəfərin ağır xəsarətlər aldığı bildirilir.

0