Neft Araşdırmaları Mərkəzinin (NAM) rəhbəri İlham Şaban

OPEC+ hasilatının azaldılması sazişinin şərtlərini dəyişəcəkmi? - İlham Şaban şərh edir

18
(Yenilənib 14:45 01.09.2021)
Neft Araşdırmaları Mərkəzinin rəhbəri İlham Şaban deyib ki, qiymətin 70 dollardan yüksək olması Meksika körfəzində hasilatın kəskin azaldılması ilə bağlıdır
İlham Şaban: “Bazar hələki 70 dollar ətrafındakı qiymətləri həzm edir”

Sentyabrın 1-də OPEC+ neft hasilatının azaldılması sazişinə qatılan ölkələr müqavilənin şərtlərini yenidən nəzərdən keçirə və qarşıdakı bir neçə ay ərzində əvvəlcədən razılaşdırılmış gündə 400 min barrel artımdan imtina edə bilərlər.

Neft Araşdırmaları Mərkəzinin rəhbəri İlham Şaban Sputnik Azərbaycan-a bildirib ki, indi iyul və vaqust ayı ilə bağlı qərarlara baxılacaq: “Hələki bazarlardakı mövcud qiymətlərdə hər hansı korreksiyalara ehtiyac görülmür. Qiymətin 70 dollardan yüksək olması Meksika körfəzində hasilatın kəskin azaldılması ilə bağlıdır. Amma bunlar bazar üçün müvəqqəti xarakter daşıyır. İstehlakın artımına uyğun olaraq hasilat kvotasının artırılması normaldır. Bazar hələki 70 dollar ətrafındakı qiymətləri həzm edir”.

İlham Şabanın fikirlərinə audiofaylda qulaq asa bilərsiniz

18
Politoloq, təhlükəsizlik məsələləri üzrə ekspert Arzu Nağıyev

Millət vəkili: “Biz qələbə ilə ermənilərin yaratdıqları mifi darmadağın etdik”

8
(Yenilənib 16:38 27.09.2021)
Millət vəkili Arzu Nağıyev deyib ki, Ermənilər bu istiqamətdəki yüksəklikləri ələ keçirməklə Azərbaycandan keçən kommunikasiya xətlərini nəzarətə götürmək istəyirdilər.
Arzu Nağıyev: “Tovuz hadisələri vaxtı ermənilərin sülhlə bağlı limiti başa çatdı”

“Vətən Müharibəsinin başlanma səbəblərindən biri azğınlaşmış ermənilərin Azərbaycan yaşayış məntəqələrini iriçaplı silahlardan atəşə tutması, sərhədboyu rayonlarımıza qarşı təxribatlar törətməsi idi”. Bunu Sputnik Azərbaycan-a Vətən Müharibəsinin anım günü ilə bağlı danışarkən millət vəkili Arzu Nağıyev deyib.

Millət vəkili bildirib ki, Azərbaycan əks-həmlə əməliyyatları ilə 44 gün ərzində qələbəyə nail oldu: “Biz bu qələbə ilə ermənilərin özləri haqqında yaratdıqları mifi darmadağın etdik. Bu müharibəyə gətirib çıxaran səbəblər var idi. Müharibədən öncə Ermənistan tərəfi Tovuz istiqamətində təxribat törətmişdi. Ermənilər bu istiqamətdəki yüksəklikləri ələ keçirməklə Azərbaycandan keçən kommunikasiya xətlərini nəzarətə götürmək istəyirdilər. Tovuz hadisələri vaxtı ermənilərin sülhlə bağlı limiti başa çatdı. Bu ölkə BMT-nin qətnamələrini önəm vermədiyini göstərdi. Eyni zamanda münaqişənin həlli ilə məşğul olmağı öhdəsinə götürmüş ATƏT-in Minsk qrupunun fəaliyyəti deklarativ bəyanatlardan uzağa getmədi.  Bütün bunlara görə Vətən Müharibəsi başladı. Azərbaycan ərazi bütövlüyünü bərpa etmək üçün BMT qətnamələrini hərbi yolla icra etdi. Azərbaycan Ali Baş Komandan İlham Əliyevin qətiyyəti, rəşadətli ordumuz və şəhadəti şərəf sayan xalqımızın vəhdəti hesabına bu qələbəyə nail oldu”.

Qeyd edək ki, 2020-ci ilin sentyabrın 27-də Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə bütün cəbhə boyu əks-hücum əməliyyatlarına başlayıb. 2020-ci il noyabrın 10-da Azərbaycan, Rusiya liderləri və Ermənistan Baş naziri atəşkəsin və hərbi əməliyyatların dayandırılması barədə birgə bəyanat imzaladılar. Sənədə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonu Ermənistanın işğalından azad olunaraq Azərbaycana təhvil verildi. Azərbaycan Ordusu heç bir itki, şəhid vermədən, qan tökmədən hər üç rayona daxil oldu.

Arzu Nağıyevin fikirlərinə audiofaylda qulaq asa bilərsiniz

 

8

Politoloq: “Bütün yalan ittihamların, mifik vədlərin vaxtı ötüb”

6
(Yenilənib 14:40 27.09.2021)
Politoloq Tofiq Abbasov deyib ki, Proseslərin ucunda olan tərəflər də Ermənistanın inteqrasiyasızlıq böhranını yaşayan tərəf olduğunu anlayır.
Tofiq Abbasov: “Onların nə siyasi, nə hərbi rəhbərliyi düşünülmüş hazırlığa malikdir”

“Ermənistan sülh prosesini bərpa etməyə hazırdır”. Bu barədə Ermənistan Xarici İşlər Nazirliyi məlumat yayıb.

Sputnik Azərbaycan Ermənistan tərəfindən verilmiş bu açıqlama ilə bağlı politoloq Tofiq Abbasovun fikirlərini öyrənib.

Politoloq bildirib ki, Ermənistan tərəfi danışmaq, dil məharətini göstərmək baxımından pərgardır: “Onların faciəsi onsan ibarətdir ki, ancaq danışmağı bacarırlar. Real işə gəldikdə isə nə bir iş görürlər, nə də belə bir niyətə sahibdirlər. Onlar o qədər devalvasiyaya uğrayıblar ki, artıq bizim üçün hə hansı təəssürat doğurmur. Proseslərin ucunda olan tərəflər də anlayır ki, Ermənistan inteqrasiyasızlıq böhranını yaşayan tərəfdir. Onların nə siyasi, nə hərbi rəhbərliyi düşünülmüş hazırlığa malikdir. Ona görə də onlar sözlərini əməlləri ilə təsdiq edə bilmirlər. Azərbaycan necə öz torpaqlarında işğal siyasəti apara bilər?! Bu cəfəng iddiadır. Bütün yalan ittihamların, mifik vədlərin vaxtı ötüb”.

Tofiq Abbasovun fikirlərinə audiofaylda qulaq asa bilərsiniz

6
Şuşada Azərbaycan bayrağı

Mais Bərxudarov Şuşada Azərbaycan bayrağını qaldırdı - video

0
(Yenilənib 19:09 27.09.2021)
Aydın Kərimov bildirib ki, bu gün Anım Günü ilə bağlı Şuşanın Bayraq meydanında dövlət himnimizin sədaları altında general-mayor Mais Bərxudarovla üçrəngli bayrağımızı qaldırıblar.

BAKI, 27 sentyabr — Sputnik. General -mayor Mais Barxudarov Anım Günü münasibətilə Şuşanın Bayraq Meydanında Azərbaycan bayrağını qaldırıb. Bu barədə Prezidentin Şuşa bölgəsindəki xüsusi nümayəndəsi Aydın Kərimov şəxsi Twitter hesabında bildirib.

"Bu gün Anım Günü ilə bağlı Şuşanın Bayraq meydanında dövlət himnimizin sədaları altında general-mayor Mais Bərxudarovla üçrəngli bayrağımızı qaldırdıq. Sonra qəhrəman Azərbaycan əsgərləri Şuşa qalası istiqamətində yürüş etdilər", - o vurğulayıb.

Mais Şükür oğlu Bərxudarov Azərbaycan Silahlı Qüvvələrinin general-mayoru, 2016-cı ilin Aprel döyüşləri və 2020-ci ilin Vətən müharibəsinin Komandanlarından biridir.

O, 1976-cı il aprelin 20-də Qubadlı rayonunun Dəmirçilər kəndində anadan olub. Uşaq yaşlarında Əliyar Əliyevin məşqçiliyi altında idmanın güləş növü ilə məşğul olub. 1993-cü ilin avqustunda Qubadlı rayonunun Ermənistan Silahlı Qüvvələri tərəfindən işğal edilməsindən sonra Cəmşid Naxçıvanski adına hərbi liseyə daxil oldu. 1993-cü ildə cəbhəyə yollanmağı qərara alsa da, general Valeh Bərşadlı onu yanına çağırır və cəbhəyə yollanmaq üçün hələ tez olduğunu bildirir.

Baş leytenant rütbəsində olarkən Azərbaycan Prezidenti Heydər Əliyevin 24 iyun 1998-ci il tarixli 735 nömrəli Sərəncamına əsasən "Azərbaycan Bayrağı" ordeni ilə təltif edilib.

Polkovnik rütbəsini daşıyarkən isə Azərbaycan Prezidenti İlham Əliyevin 25 iyun 2012-ci il tarixli 2305 nömrəli Sərəncamına əsasən "Vətən uğrunda" medalı ilə təltif edilib.

Azərbaycanın Cəbrayıl, Xocavənd, Füzuli və Zəngilan rayonlarının işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Mais Bərxudarov "Cəbrayılın azad olunmasına görə" medalı, 25.12.2020-ci il tarixli Sərəncamlarına əsasən isə "Xocavəndin azad olunmasına görə" medalı, "Füzulinin azad olunmasına görə" medalı, "Zəngilanın azad olunmasına görə" medalı və "Qubadlının azad olunmasına görə" medalı ilə təltif edilib.

2016-cı il, aprelin 1-5-i Qarabağda gedən döyüşlər zamanı korpus komandiri olan polkovnik Mais Bərxudarov döyüşlər başlayan kimi, özü də əsgərlərə qoşularaq, birbaşa döyüşlərə atılmış, Lələtəpə yüksəkliyini və on kilometrlərlə ərazini azadetmə əməliyyatında şəxsən iştirak edib. Erməni silahlı qüvvələrinin çoxsaylı qüvvələrini çox məhdud sayda əsgər və zabitləri ilə məhv edib sıradan çıxarıb. Hadisə şahidlərinin verdiyi məlumata görə, Mais Bərxudarov şəxsən tankın üzərində əyləşərək, özü öndə olmaqla bütün əsgərlərini döyüşə çağırıb. Mənbə bildirir ki, Bərxudarovun tankı ən öndə getdiyindən, bütün ordu xüsusi fəallıq və qəhrəmanlıqla döyüşməyə başlayıb.

Mais Bərxudarova Lələtəpənin alınmasında göstərdiyi şücaətə və hərbi bacarığa görə general-mayor rütbəsi verilib.

0