Azərbaycan Rieltorlar Assosiasiyasının sədri Elnur Azadov

Azərbaycanlıları Türkiyədə mənzil almağa sövq edən əsas səbəblər ekspert açıqlayır

187
(Yenilənib 17:18 17.07.2021)
Azərbaycanın Rieltorlar Birliyinin sədri Elnur Azadov deyir ki, Türkiyə ilə Azərbaycanın mədəni və siyasi cəhətdən yaxınlığı da insanları bu istiqamətdə yatırımlar etməyə sövq edir
Elnur Azadov: “Türkiyədə daşınmaz əmlak bazarında xidmət yüksəkdir”

Bu ilin iyun ayında Azərbaycan vətəndaşları Türkiyədə 164 mənzil alıb. Türkiyənin Statistika İdarəsinə istinadən verdiyi məlumata görə, bu, 2020-ci ilin iyun ayı ilə müqayisədə 94 mənzil və ya 2,3 dəfə artıb.

Azərbaycanı Türkiyədə mənzil almağa təşviq edən səbəblər hansılardır?

Sputnik Azərbaycan mövzu ilə bağlı Azərbaycanın Rieltorlar Birliyinin sədri Elnur Azadovun fikirlərini öyrənib.

Ekspert bildirib ki, il-ildən Azərbaycan vətəndaşlarının Türkiyədə daşınmaz əmlak almaq üçün yatırdıqları investisiyaların həcmi artmaqdadır: “Bunun müxtəlif səbəbləri var. İlk olaraq buna uyğun mühit səbəb olur. Zəngin insanlar xarici ölkələrdə daşınmaz əmlaka sahib olmaqda maraqlıdırlar. Türkiyə ilə Azərbaycanın mədəni və siyasi cəhətdən yaxınlığı da insanları bu istiqamətdə yatırımlar etməyə sövq edir. Türkiyədə daşınmaz əmlak bazarında xidmət yüksəkdir və buna uyğun olaraq da bazarda əlverişli mühit mövcuddur. Son illər vətəndaşlarımız Türkiyədə təhsil alacaq övladlarının yaşam şəraitini yaxşılaşdırmaq üçün mənzil alırlar”.

Elnur Azadovun fikirlərinə audiofaylda qulaq asa bilərsiniz

187
Peşəkar Futbol Liqasının prezidenti Ramin Musayev

Ramin Musayev: “Klubların uğursuzluğunu çox xırdalamaq lazım deyil”

11
(Yenilənib 16:17 30.07.2021)
Peşəkar Futbol Liqasının prezidenti Ramin Musayev deyib ki, komandalar avrokuboklarda uğurlu çıxış üçün daha tez hazırlaşmalıdırlar
Ramin Musayev: “Dünənki oyunlar bir az üzücü oldu”

“Dünənki oyunlar bir az üzücü oldu. Amma bu, futboldur, belə hallar olur. "Neftçi" və "Qarabağ"a uğurlar arzu edirəm. İnanırıq ki, bizi sevindirərlər. Yeni mövsümdə maraqlı çempionat gözləyirik”. Sputnik Azərbaycan-ın məlumatına görə, bu barədə Peşəkar Futbol Liqasının prezidenti Ramin Musayev Azərbaycan Premyer Liqasında 2021/2022 mövsümünün püşkatma mərasimində deyib.

Musayevin sözlərinə görə, komandalar avrokuboklarda uğurlu çıxış üçün daha tez hazırlaşmalıdırlar: "Bəzən komandaya yeni gələn futbolçu öz baş məşqçisinin adını bilmir. Avrokubok mövsümünə qışda hazırlaşmaq lazımdır ki, sonra başqasında günah axtarmasınlar. Klubların uğursuzluğunu çox xırdalamaq lazım deyil. "Neftçi" və "Qarabağ"ı ruhdan salmaq olmaz. İnanıram ki, qrup mərhələsinə vəsiqə qazanarlar”.

Ramin Musayevin fikirlərinə audiofaylda qulaq asa bilərsiniz

11
AQTA-nın aparat rəhbəri Elxan Mikayılov

Elxan Mikayılov: “AQTA toxumların virusa görə müayinəsini həyata keçirir”

9
(Yenilənib 14:39 30.07.2021)
AQTA-nın aparat rəhbəri Elxan Mikayılov deyib ki, Rusiyaya ixrac olunan bir neçə yük partiyasında qonur qarışıqlıq və pepina virusunun aşkarlanması ilə bağlı agentliyə bildirişlər daxil olub
Elxan Mikayılov: “Təsərrüfatlarda monitorinqlərin aparılmasına başlanılıb”

“Bitki mənşəli viruslar insan sağlamlığına təsir etməsə də, məhsuldarlığı qismən və ya tamailə məhv etmək gücündədir”. Sputnik Azərbaycan xəbər verir ki, bunu AZƏRTAC-a açıqlamasında AQTA-nın aparat rəhbəri Elxan Mikayılov deyib.

O bildirib ki, son dövrlə dünyada və qonşu ölkələrdə bu tip virusların yayılma halları müşahidə edilir: “Bu həmin virusların bizim ərazilərimizdə də yayılma riskini artırır. AQTA dövrü olaraq gömrük rəsmiləşməsindən keçən idxal olunmuş toxumların virusa görə müayinəsini həyata keçirir. Qeyd edim ki, Rusiyaya ixrac olunan bir neçə yük partiyasında qonur qarışıqlıq və pepina virusunun aşkarlanması ilə bağlı agentliyə bildirişlər daxil olub. O cümlədən ixrac olunmuş kartofda da Azərbaycan mənşəli viruslar aşkarlanıb. Bununla bağlı olaraq təsərrüfatlarda monitorinqlərin aparılmasına başlanılıb”.

Elxan Mikayılovun fikirlərinə audiofaylda qulaq asa bilərsiniz

9
Пульт дистанционного управления телевизором

CBC teleradio şirkətində kadr dəyişiklikləri baş verib

0
(Yenilənib 00:09 31.07.2021)
Qarabağ regionunda yayımlanan CBC FM radiosunun baş redaktoru və bir sıra bölmələrə baş redaktorlar təyin edilib.

BAKI, 30 iyun - Sputnik. Dünyanın rus dilli informasiya məkanında teleradio yayımının inkişafı və son bir neçə ildə əldə olunmuş uğurların nəticəsi kimi CBC teleradio şirkətində bir sıra kadr dəyişiklikləri aparılıb.

Teleradio şirkətindən AZƏRTAC-a bildiriblər ki, Məmmədov Orxan Elşən oğlu Qarabağ regionunda yayımlanan CBC FM radiosunun baş redaktoru vəzifəsinə təyin olunub.

Bundan əlavə, Əliyeva Nigar Əli qızı telekanalın “İctimai siyasi verilişlər” bölməsinin baş redaktoru, Musazadə Elmira İlqar qızı “Müəllif verilişləri” bölməsinin baş redaktoru, Rzayev Sənan Məhəmməd oğlu redaktor-baş siyasi icmalçı, Lavrina Anastasiya Vitalyevna beynəlxalq münasibətlər üzrə ekspert – aparıcı, Cəbrayılov Həbib Mikayıl oğlu isə “Xarici dilli yayım” departamentinin baş rejissoru vəzifələrinə təyin ediliblər.

Telekanal barədə

CBC (Caspian Broadcasting Company) - 10 aprel 2013-cü il tarixində ATV International telekanalı əsasında yaradılaraq yayıma başlayan beynəlxalq televiziya kanalıdır.

Yarandığı bir neçə ay ərzində loqosu hər 7 saniyədən sonra "ATV Int." loqosuna çevrilirdi. 9 may 2014-cü il tarixindən etibarən ATV Plus kabel televiziyasında yayımlanır. 2015-ci ildə Futbol üzrə Azərbaycan çempionatı 2015/2016 mövsümünün yayım hüququnu əldə edib.

9 avqust 2015-ci il tarixində "Neftçi - Kəpəz" oyunu ilə yayıma start verib. Yayım Azərbaycan dilində həyata keçirilib. Həmçinin həmin gün "CBC Sport" adlı qardaş kanalı da yayıma başlayıb.

2020-ci ilin dekabrında Milli Televiziya və Radio Şurasının (MTRŞ) video formatda keçirilən iclasında “Caspian İnternational Broadcasting Company” MMC-nin regional televiziya yayımı lisenziyasının alınması üçün Milli Televiziya və Radio Şurasına müraciətinə baxılıb.

Azərbaycan həqiqətlərini müxtəlif dillərdə dünyaya çatdıran bir kanalın işğaldan azad olunmuş ərazilərdə yayımının təşkilinin xüsusi əhəmiyyətini və təxirəsalınmazlığını nəzərə alaraq Şura “Caspian İnternational Broadcasting Company” MMC-yə (CBC televiziya kanalı) Dağlıq Qarabağ və ətraf ərazilərdə yerüstü yayımın həyata keçirilməsi məqsədilə müddətsiz regional televiziya yayımı lisenziyasının verilməsi barədə qərar qəbul edib.

CBC özü haqqında

CBC telekanalı öz tamaşaçılarına hadisələrin obyektiv qiymətləndirməsini, əhatəli proqramlarını təqdim edir. Ən əsası isə, CBC bunu üç dildə - Azərbaycan, rus, və erməni dillərində edir.

Azərbaycanın ilk beynəlxalq televiziyası olan CBC yüksək enerji ilə start götürərək ölkəmizin uğurları, problem və nailiyyətləri haqqında bütün dünyaya məlumat çatdırmaqdadır. Telekanal fasiləsiz olaraq yayımlanır və yayım sahəsi Rusiyanın Avropa hissəsindən tutmuş Hindustan yarımadasına kimi, Balkan yarımadasından Çinin şərq sahillərinədək geniş ərazini əhatə edir.

CBC-nin üç redaksiyasının hər birində yayım dilinin xüsusiyyətlərinə uyğun olaraq xəbərlərin seçimində vahid sistem tətbiq olunur. Redaksiya siyasətimiz - hadisələrə qiymət vermədən, olay tərəflərinin hər birinin fikrini təqdim etməkdən ibarətdir. CBC-nin yaradıcı və texniki potensialı ən müxtəlif janrlarda keyfiyyətli və reytinqli proqramlar hazırlamağa imkan verir. Məqsədimiz – hər bir tamaşaçıya özünün şəxsi fikrini formalaşdıra bilmək üçün materialı cəld və keyfiyyətli surətdə təqdim etməkdir.

0