Rusiya siyasi icmalçısı və jurnalist Yevgeni Mixaylov

Yevgeni Mixaylov: “Dünya birliyi reallıqların dəyişdiyini tam olaraq dərk etmir”

24
(Yenilənib 16:49 12.07.2021)
Rusiya siyasi icmalçısı və jurnalist Yevgeni Mixaylov deyir ki, bir çox ölkələr, xüsusən İngiltərə, Fransa, ABŞ və Almaniya bölgədə öz maraqlarına sahibdir və oynamağa çalışırlar
Yevgeni Mixaylov: “Onlar vəziyyətə nəzarəti itirdilər”

“Sabitlik var, amma hamımız başa düşürük ki, bir çox dünya oyunçuları Qarabağ müharibəsi bitdikdən sonra yaranmış vəziyyətdən qıcıqlanırlar”.  Bunu Sputnik Azərbaycan Multimedia Mərkəzində keçirilən tədbirdə Rusiya siyasi icmalçısı və jurnalist Yevgeni Mixaylov deyib.

“Dünya birliyi reallıqların dəyişdiyini tam olaraq dərk etmir. Ermənistanın işğal mövqeyi və revanşist hissləri uğrunda mübarizə aparanlar yanıldılar. Bu mərhələdə vəziyyəti Azərbaycan və Ermənistan arasında sülh müqaviləsinin imzalanmasına çatdırmaq lazımdır. Bir çox ölkələr, xüsusən İngiltərə, Fransa, ABŞ və Almaniya bölgədə öz maraqlarına sahibdir və oynamağa çalışırlar. Onlar vəziyyətə nəzarəti itirdilər, ancaq Rusiya situasiyanı idarəetməyi bacardı və münaqişənin həllinin moderatoru və bölgədə təhlükəsizliyin qarantı kimi çıxış etdi. İndi Ermənistan üçün qonşuları ilə dost olmaq, nəqliyyat dəhlizlərini açmaq və sərhədlərin delimitasiyasını başa çatdırmaq vacibdir” – deyə o bildirib.

Yevgeni Mixaylovun fikirlərinə audiofaylda qulaq asa bilərsiniz

24
Peşəkar Futbol Liqasının prezidenti Ramin Musayev

Ramin Musayev: “Klubların uğursuzluğunu çox xırdalamaq lazım deyil”

11
(Yenilənib 16:17 30.07.2021)
Peşəkar Futbol Liqasının prezidenti Ramin Musayev deyib ki, komandalar avrokuboklarda uğurlu çıxış üçün daha tez hazırlaşmalıdırlar
Ramin Musayev: “Dünənki oyunlar bir az üzücü oldu”

“Dünənki oyunlar bir az üzücü oldu. Amma bu, futboldur, belə hallar olur. "Neftçi" və "Qarabağ"a uğurlar arzu edirəm. İnanırıq ki, bizi sevindirərlər. Yeni mövsümdə maraqlı çempionat gözləyirik”. Sputnik Azərbaycan-ın məlumatına görə, bu barədə Peşəkar Futbol Liqasının prezidenti Ramin Musayev Azərbaycan Premyer Liqasında 2021/2022 mövsümünün püşkatma mərasimində deyib.

Musayevin sözlərinə görə, komandalar avrokuboklarda uğurlu çıxış üçün daha tez hazırlaşmalıdırlar: "Bəzən komandaya yeni gələn futbolçu öz baş məşqçisinin adını bilmir. Avrokubok mövsümünə qışda hazırlaşmaq lazımdır ki, sonra başqasında günah axtarmasınlar. Klubların uğursuzluğunu çox xırdalamaq lazım deyil. "Neftçi" və "Qarabağ"ı ruhdan salmaq olmaz. İnanıram ki, qrup mərhələsinə vəsiqə qazanarlar”.

Ramin Musayevin fikirlərinə audiofaylda qulaq asa bilərsiniz

11
AQTA-nın aparat rəhbəri Elxan Mikayılov

Elxan Mikayılov: “AQTA toxumların virusa görə müayinəsini həyata keçirir”

9
(Yenilənib 14:39 30.07.2021)
AQTA-nın aparat rəhbəri Elxan Mikayılov deyib ki, Rusiyaya ixrac olunan bir neçə yük partiyasında qonur qarışıqlıq və pepina virusunun aşkarlanması ilə bağlı agentliyə bildirişlər daxil olub
Elxan Mikayılov: “Təsərrüfatlarda monitorinqlərin aparılmasına başlanılıb”

“Bitki mənşəli viruslar insan sağlamlığına təsir etməsə də, məhsuldarlığı qismən və ya tamailə məhv etmək gücündədir”. Sputnik Azərbaycan xəbər verir ki, bunu AZƏRTAC-a açıqlamasında AQTA-nın aparat rəhbəri Elxan Mikayılov deyib.

O bildirib ki, son dövrlə dünyada və qonşu ölkələrdə bu tip virusların yayılma halları müşahidə edilir: “Bu həmin virusların bizim ərazilərimizdə də yayılma riskini artırır. AQTA dövrü olaraq gömrük rəsmiləşməsindən keçən idxal olunmuş toxumların virusa görə müayinəsini həyata keçirir. Qeyd edim ki, Rusiyaya ixrac olunan bir neçə yük partiyasında qonur qarışıqlıq və pepina virusunun aşkarlanması ilə bağlı agentliyə bildirişlər daxil olub. O cümlədən ixrac olunmuş kartofda da Azərbaycan mənşəli viruslar aşkarlanıb. Bununla bağlı olaraq təsərrüfatlarda monitorinqlərin aparılmasına başlanılıb”.

Elxan Mikayılovun fikirlərinə audiofaylda qulaq asa bilərsiniz

9
Пульт дистанционного управления телевизором

CBC teleradio şirkətində kadr dəyişiklikləri baş verib

0
(Yenilənib 00:08 31.07.2021)
Qarabağ regionunda yayımlanan CBC FM radiosunun baş redaktoru və bir sıra bölmələrə baş redaktorlar təyin edilib.

BAKI, 30 iyun - Sputnik. Dünyanın rus dilli informasiya məkanında teleradio yayımının inkişafı və son bir neçə ildə əldə olunmuş uğurların nəticəsi kimi CBC teleradio şirkətində bir sıra kadr dəyişiklikləri aparılıb.

Teleradio şirkətindən AZƏRTAC-a bildiriblər ki, Məmmədov Orxan Elşən oğlu Qarabağ regionunda yayımlanan CBC FM radiosunun baş redaktoru vəzifəsinə təyin olunub.

Bundan əlavə, Əliyeva Nigar Əli qızı telekanalın “İctimai siyasi verilişlər” bölməsinin baş redaktoru, Musazadə Elmira İlqar qızı “Müəllif verilişləri” bölməsinin baş redaktoru, Rzayev Sənan Məhəmməd oğlu redaktor-baş siyasi icmalçı, Lavrina Anastasiya Vitalyevna beynəlxalq münasibətlər üzrə ekspert – aparıcı, Cəbrayılov Həbib Mikayıl oğlu isə “Xarici dilli yayım” departamentinin baş rejissoru vəzifələrinə təyin ediliblər.

Telekanal barədə

CBC (Caspian Broadcasting Company) - 10 aprel 2013-cü il tarixində ATV International telekanalı əsasında yaradılaraq yayıma başlayan beynəlxalq televiziya kanalıdır.

Yarandığı bir neçə ay ərzində loqosu hər 7 saniyədən sonra "ATV Int." loqosuna çevrilirdi. 9 may 2014-cü il tarixindən etibarən ATV Plus kabel televiziyasında yayımlanır. 2015-ci ildə Futbol üzrə Azərbaycan çempionatı 2015/2016 mövsümünün yayım hüququnu əldə edib.

9 avqust 2015-ci il tarixində "Neftçi - Kəpəz" oyunu ilə yayıma start verib. Yayım Azərbaycan dilində həyata keçirilib. Həmçinin həmin gün "CBC Sport" adlı qardaş kanalı da yayıma başlayıb.

2020-ci ilin dekabrında Milli Televiziya və Radio Şurasının (MTRŞ) video formatda keçirilən iclasında “Caspian İnternational Broadcasting Company” MMC-nin regional televiziya yayımı lisenziyasının alınması üçün Milli Televiziya və Radio Şurasına müraciətinə baxılıb.

Azərbaycan həqiqətlərini müxtəlif dillərdə dünyaya çatdıran bir kanalın işğaldan azad olunmuş ərazilərdə yayımının təşkilinin xüsusi əhəmiyyətini və təxirəsalınmazlığını nəzərə alaraq Şura “Caspian İnternational Broadcasting Company” MMC-yə (CBC televiziya kanalı) Dağlıq Qarabağ və ətraf ərazilərdə yerüstü yayımın həyata keçirilməsi məqsədilə müddətsiz regional televiziya yayımı lisenziyasının verilməsi barədə qərar qəbul edib.

 

 

0