Pərviz Musayev

Avropa çempionatının ilk finalçısı kim olacaq? Pərviz Musayevin şərhi

16
(Yenilənib 12:56 06.07.2021)
İdman şərhçisi Pərviz Musayev deyir ki, İspaniya komandasının hücum potensialı yaxşı olsa da, bu komandanın müdafiə ilə bağlı problemləri var
Pərviz Musayev: “Biz buna Xorvatiya ilə oyunda şahid olduq”

Bu gün futbol üzrə Avropa çempionatında yarımfinal mərhələsinə start veriləcək. Bu raundun hər iki görüşü İngiltərənin paytaxtı Londondakı "Uembli" stadionunda keçiriləcək. İlk oyun günündə turnirin əsas favoritlərindən ikisi - İtaliya və İspaniya yığmaları finala vəsiqə uğrunda meydana çıxacaqlar.

İdman şərhçisi Pərviz Musayev Sputnik Azərbaycan-a deyir ki, bugünkü oyunda İtaliyanı favorit hesab edir: “Proqnozum odur ki, bu gün İtaliya İspaniyaya qalib gəlməklə finala çıxacaq. İspaniya komandasının hücum potensialı yaxşı olsa da, bu komandanın müdafiə ilə bağlı problemləri var. Xüsusilə biz buna Xorvatiya ilə oyunda şahid olduq. İspaniya topa sahib olmaqda üstünlük qazansa da, müdafiə xətti sarıdan problemlər yaşayır. İtaliya komandasında isə əksinə, rəqibi təzyiq altında saxlaması bu komandanın İspaniya qarşısında daha çox üstünlüyə malik olduğunu deməyə əsas verir”.

Pərviz Musayevin geniş şərhinə audiofaylda qulaq asa bilərsiniz

16
İqtisadçı-ekspert Rəşad Həsənov

Manatın dövretmə sürətinə hansı amillər təsir edib? ekspert şərh edir

12
(Yenilənib 16:28 26.07.2021)
İqtisadçı ekspert Rəşad Həsənov deyir ki, biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir
Rəşad Həsənov: “Qeyri-neft iqtisadiyyatında nisbətən daha sürətli artım qeydə alınır”

Bu il iyulun 1-nə Azərbaycanın milli valyutası - manatın dövretmə sürəti 3,72 bənd təşkil edib. Bu, iyunun 1-i ilə müqayisədə 0,22 bənd çox, yanvarın 1-nə nisbətən 0,15 bənd çox, ötən il iyulun 1-i ilə müqayisədə isə 0,22 bənd azdır.

İqtisadçı ekspert Rəşad Həsənov Sputnik Azərbaycan-a deyir ki, manatın dövretmə sürətinin artması müəyyən qədər pandemiyanın təsirlərinin aradan qalxması ilə bağlıdır: “Bura həm də şəffaflaşma ilə bağlı görülən tədbirlərin təsirini də aid etmək olar. Bu baxımdan müəyyən qədər artım müşahidə edilməkdədir. Amma biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir. Son illərdə qeyri-neft iqtisadiyyatında nisbətən daha sürətli artım qeydə alınır. Burada manatın dövretmə sürəti neft sektoru ilə müqayisədə daha yüksəkdir. Amma düşünürəm ki, maliyyə, bank sektorunun tam inkişaf mərhələsinə daxil ola bilməməsi, iqtisadiyyatın müəyyən qədər risklər qarşısında olması manatın dövretmə sürətini orta göstəriciyə yaxınlaşdırmasının qarşısını alan məsələlərdir”.

Rəşad Həsənovun fikirlərinə audiofaylda qulaq asa bilərsiniz

12
Rusiya Jurnalistlər Birliyinin beynəlxalq şöbəsinin rəhbəri Timur Şafir

Saxta xəbərləri yaymaqda məqsəd nədir? - Timur Şafir danışır

18
Rusiya Jurnalistlər Birliyinin beynəlxalq şöbəsinin rəhbəri Timur Şafir deyib ki, mediadakı dezinformasiya yeni bir fenomen deyil və uzun müddətdir mövcuddur
Timur Şafir: “Saxta xəbərləri yaymaq üçün bir çox məqsəd var”

“Saxta xəbərlər mediada və sosial şəbəkələrdə yayılan məlumatlardır”. Bunu Sputnik Azərbaycan Multimedia Mərkəzində SputnikPro layihəsi çərçivəsində KİV təmsilçiləri üçün keçirilən ustad dərslərində Rusiya Jurnalistlər Birliyinin beynəlxalq şöbəsinin rəhbəri Timur Şafir deyib.

“Pandemiya bizə əhalinin "çiplənməsi", sarımsaq və arağın virusla mübarizədə faydaları və müxtəlif nəzəriyyələr barədə şayiələri ortaya çıxardı. İndi sosial şəbəkələrdə uydurma və saxta xəbərlərin əsas mövzusu peyvənd və onunla əlaqəli hər şeydir. Mediadakı dezinformasiya yeni bir fenomen deyil və uzun müddətdir mövcuddur. Feyk nyusu yayanlar düşünür ki, yalan nə qədər dəhşətli olsa, o qədər çox inanan olacaq. Saxta xəbərlər yeni texnologiyalardan istifadə edilərək yayılmağa başladığı üçün günümüzün realllığına çevrilib. Belə xəbərlər yalnız hər hansısa xəbər saytında, bir qəzetdə və ya bəzi anonim telegram kanallarında yayımlandıqdan sonra reallığa çevrilir. Qeyd etmək lazımdır ki, saxta xəbərləri yaymaq üçün bir çox məqsəd var.Bu səbəblər ticarətdən tutumuş siyasi məqsədlərə qədər dəyişir” – deyə Timur Şafir bildirib.

Timur Şafirin fikirlərinə audiofaylda qulaq asa bilərsiniz

18

Londonun su batmış küçələri

0
(Yenilənib 22:21 26.07.2021)
Böyük Britaniyanın paytaxtı son onillikdə ən güclü daşqınlardan biri ilə qarşılaşıb. Sputnik Azərbaycan-ın fotolentində Londonun təbii fəlakətlə necə mübarizə apardığını görə bilərsiniz.

Londonda bazar günü günortadan sonra güclü yağış yağıb.

Su basması ilə əlaqədar yol-nəqliyyat polisi tunellərin və yol qovşaqlarının bağlanması barədə məlumat yayıb.

Şəhər yanğın xidməti bazar günü daşqınla əlaqədar insidentlərlə bağlı 600-dən artıq zəng qəbul edib.

Londonda bir neçə saat ərzində aylıq yağıntı miqdarı düşüb, sel metro stansiyalarına doğru axaraq turniketlərin yanında burulğanlar yaradıb. Daşqın nəticəsində bazar ertəsi nəqliyyatın hərəkətində ciddi ləngimələr olub. 

Britaniyalılara uzunboğaz çəkmələrini şkaflardan çıxarmağı məsləhət görüblər. Sinoptiklərin proqnozlrına görə, yay ən azı üç həftəlik olmayacaq.

 

0
  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.