Ekspert: “Regionlardakı hava limanlarının potensialından istifadə edə bilməmişik”

28
(Yenilənib 17:26 07.05.2021)
DAİR Otellər və Restoranlar Assosiasiyası İdarə Heyətinin sədri Samir Dübəndi deyir ki, xarici ölkələrdən turistlərin birbaşa bu ərazilərə gəlməsini təmin etmək üçün hava limnalrının potensialından istifadə edə bilərik
Samir Dübəndi: “Hava limanlarından regional turizmin inkişafı üçün istifadə edə bilərik”

Füzuli Beynəlxalq Hava Limanı regionun inkişafı üçün vacib infrastruktur layihələrindən biridir. Bunu  Milli Məclisin deputatı Vüqar Bayramov deyib.

DAİR Otellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a deyir ki, işğaldan azad edilmiş ərazilərin geniş turizm potensialı var: “Bu baxımdan həmin ərazilərdə hava limanlarlnln qurulması önəmlidir. Gələcəkdə xarici ölkələrdən turistlərin birbaşa bu ərazilərə gəlməsini təmin etmək üçün həmin hava limnalrının potensialından istifadə edə bilərik. Biz həmin hava limnaları vasitəsilə Qarabağa turistlərin üz tutmasını görə biləcəyik. Azərbaycanın regionlarında indiyə qədər də bir neçə hava limanının tikintisi həyata keçirilib. Lakin əfsuslar olsun ki, biz onların potensialından turizm üçün yetərincə istifadə edə bilməmişik. Düşünürəm ki, həmin hava limanlarından da regional turizmin inkişafı üçün istifadə edə bilərik”.  

Samir Dübəndinin geniş şərhinə audiofaylda qulaq asa bilərsiniz

28

Fuad Sadıqov: “Bizdən bu tipli hadisələrlə bağlı təminat istəyirlər”

4
(Yenilənib 17:27 18.06.2021)
Aqrar Sığorta Fondunun İdarə Heyətinin sədri Fuad Sadıqov deyir ki, ilkin olaraq təbiət hadisələrinin siyahısının genişləndirilməsi gözlənilir
Fuad Sadıqov: “Bu fermerlərə də sığorta xidmətləri göstərilə biləcək”

“Ölkəmizə idxal və ixrac olunan bütün bütün bitkilərin sığortalanması həyata keçiriləcək”. Sputnik Azərbaycan xəbər verir ki, bunu Atv-yə açıqlamasında Aqrar Sığorta Fondunun İdarə Heyətinin sədri Fuad Sadıqov deyib.

O bildirib ki, artıq ətlik iri buynuzlu heyvanlar, həmçinin xırda buynuzlu heyvanların və arıçılıqla məşğul olan fermərlərə sığorta xidmətləri göstərilə biləcək: “İlkin olaraq təbiət hadisələrinin siyahısının genişləndirilməsi gözlənilir. Misal olaraq deyim ki, biz hər zaman fermerlərimizin quraqlıqdan əziyyət çəkdiyini eşidirik. Lakin elə təsrrüfatlar var ki, izafi yağıntılardan əziyyət çəkir. Bizdən bu tipli hadisələrlə bağlı təminat istəyirlər. Artıq bununla bağlı təminatları da layihəyə daxil etmişik”.

Fuad Sadıqovun fikirlərinə audiofaylda qulaq asa bilərsiniz

4
Sədrəddin Soltan, siyasi ekspert

Politoloq İran seçkiləri barədə: fərqli siyasi düşüncənin adamları yoxdur

10
(Yenilənib 14:56 18.06.2021)
Orta Doğu araşdırmalar mərkəzinin rəhbəri Sədrəddin Soltan deyir ki, seçki qabağı dövrdə bir sıra namizədlərin öz namizədliyini mühafizəkar xəttin xeyrinə geri çəkməsi onların eyni xəttin adamları olmasını göstərir
Sədrəddin Soltan: “İranda budəfəki seçkilər zəif və sönük keçir”

Bu gün İran xalqı özünün 13-cü prezidentini seçəcək.

Orta Doğu araşdırmalar mərkəzinin rəhbəri Sədrəddin Soltan Sputnik Azərbaycan-a deyir ki, İranda keçirilən budəfəki seçkilər əvvəlkilərlə müqayisədə daha zəif və sönük keçir: “Seçkilər İranın sosial, siyasi həyatına elə də təsir göstərmir. İnsanların seçkiqabağı kampaniyalardakı qeyri-fəallığı da seçkilərə olan marağı göstərir. Seçki qabağı dövrdə bir sıra namizədlərin öz namizədliyini mühafizəkar xəttin xeyrinə geri çəkməsi onların eyni xəttin adamları olmasını göstərir.Yəni namizədlər arasında fərqli siyasi düşüncənin adamları yoxdur. Prezidentin ölkənin sosial-siyasi həyatına təsiri haqqında danışmaq isə düzgün olmazdı. Çünki İranda prezident dövlət başçısı deyil. İranın dövlət başçısı İranın Ali Rəhbəri Seyid Əli Xameneidir”.

Sədrəddin Soltanın fikirlərinə audifaylda qulaq asa bilərsiniz

10
Приморский парк в Баку

Bazar günü 40 dərəcəyədək isti olacaq

0
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

 

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

0