Ekspert: "Biz bunu etməsək, məsələ qeyri-sağlam qüvvələr tərəfindən idarə oluna bilər"

76
(Yenilənib 00:45 02.05.2021)
Azərbaycan Gənc Alim, Aspirant və Magistrlər Cəmiyyətinin sədri İlqar Orucov Sputnik Azərbaycan-a deyir ki, şagirdlər ilkin dini bilikləri düzgün əldə etməsələr, həmin məlumatları xurafata və fanatizmə meylli insanlardan alacaqlar.
İlqar Orucov: “Orta məktəblərdə din dərslərinin keçilməsi doğrudur”

Ciddi mütəxəssislər tərəfindən dinlər tarixi və ixlas bilgisi adlı kitab hazırlamaq lazımdır. Əks təqdirdə bu boşluq daha da genişlənəcək və gənclərimiz zərərli dini düşüncələrə gedəcəklər”. Bunu Milli Məclisin iclasında deputat Etibar Əliyev deyib.

Azərbaycan Gənc Alim, Aspirant və Magistrlər Cəmiyyətinin sədri İlqar Orucov Sputnik Azərbaycan-a deyir ki, Azərbaycan dünyəvi dövlətdir və dinlə bağlı məsələlərin daha sağlam müstəvidə tənzimlənməsi ilə bağlı dövlətin mövqeyi birmənalı olaraq dəstəklənməlidir: “Orta məktəblərdə din dərslərinin müəyyən çərçivə daxilində keçilməsi doğrudur. Şagirdlər ilkin dini bilikləri düzgün əldə etməsələr, həmin məlumatları xurafata və fanatizmə meylli insanlardan alacaqlar. Bu isə dövlət və cəmiyyət üçün zərərlidir. Mən dinlə bağlı təhsilin və tədrisin dövlət tərəfindən tənzimlənməsinin tərəfdarıyam. Bu baxımdan şagirdlər üçün keçilməli olan dini dərslər, mövzular müvafiq qurumlarla razılaşdırılmalıdır. Biz bu işi etməsək, bu məsələ qeyri-sağlam qüvvələr tərəfindən idarə oluna bilər”.

İlqar Orucovun geniş şərhinə audiofaylda qulaq asa bilərsiniz

76
Teqlər:
tədris, məktəb, din

Professor Türkiyə prezidentinin təsdiqlədiyi sazişin əhəmiyyətini şərh edir

16
(Yenilənib 09:57 16.05.2021)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, hazırkı əməkdaşlığın prioriteti xarici texnologiyalar vasitəsilə emal sənayesinin inkişaf etdirilməsi ola bilər
Elşad Məmmədov: “Bu saziş əməkdaşlığın dərinləşməsinə istiqamətlənib”

Türkiyə Prezidenti Rəcəb Tayyib Ərdoğan ölkəsi ilə Azərbaycan arasında imzalanan daha bir sazişi təsdiqləyib.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, Azərbaycan və türkiyə arasında enerji sahəsində əməkdaşlıq indiyə qədər də intensiv şəkildə reallaşdırılırdı: “Saziş də bu əməkdaşlığın daha da dərinləşməsinə istiqamətlənib. Azərbaycan Türkiyədə ən böyük investorlardan biridir. Düşünürəm ki, hazırkı əməkdaşlığın prioriteti xarici texnologiyalar vasitəsilə emal sənayesinin inkişaf etdirilməsi ola bilər. Çünki Azərbaycanın xammal, resurs, o cümlədən intellektual potensialıimkan verir ki, emal sənayesinə investisiya yatırılsın. Bu məsələlərin həlli ölkəmizin xarici siyasətində və Türkiyə ilə qarşılıqlı iqtisadi münasibətlərimizdə mühim rolu oynayır”.

Elşad Məmmədovun geniş şərhinə audiofaylda qulaq asa bilərsiniz

16
İqtisadçı-ekspert Fuad İbrahimov

Ekspert Asiya İnkişaf Bankının Azərbaycanla bağlı proqnozlarını şərh edir

14
(Yenilənib 16:25 08.05.2021)
İqtisadçı ekspert Fuad İbrahimov deyir ki, hazırda ölkəmizdə geniş quruculuq işlərinin aparılması da ÜDM-dəki artımda öz rolunu oynayacaq
Fuad İbrahimov: “Strateji valyuta ehtiyyatlarının artacağı ilə proqnoz əsaslıdır”

Asiya İnkişaf Bankının (AİB) yenilənmiş proqnozların əsasən gələn il Azərbaycanda inflyasiyanın yavaşlayacağı, ölkəmizin strateji valyuta ehtiyatlarının və ümumdaxili məhsulun artacağı gözlənilir.

İqtisadçı ekspert Fuad İbrahimov Sputnik Azərbaycan-a deyir ki, AİB-in proqnozlarına nəzər salsaq, burada maraqlı məqamlara rast gələ bilərik: “İnflyasiya ilə bağlı proqnozlarda bu il ərzində baş vermiş qiymət dəyişiklikləri də nəzərə alınıb. Stimullaşdırıc tədbirlərin görülməsi ilə bu proqnozların özünü doğrultmasını görə bilərik. Strateji valyuta ehtiyyatlarının artacağı ilə proqnoz isə əsaslıdır. Biz pandemiya dövründə də bunun artımını gördük. Gəlirlərin optimal idarə edilməsi bununla nəticələndi. Qeyd edilməli məqamlardan biri də ÜDM-nin artımı ilə bağlıdır. Biz post-müharibə dövrünü yaşayırıq. Hazırda ölkəmizdə geniş quruculuq işlərinin aparılması da ÜDM-dəki artımda öz rolunu oynayacaq”.

Fuad İbrahimovun geniş şərhinə audiofaylda qulaq asa bilərsiniz

14

İsraillilər dua edərkən tribuna çökdü - VİDEO

0
(Yenilənib 23:05 16.05.2021)
İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb. Hadisə yerindən video sosial şəbəkələrdə yayılıb.

KİV-in məlumatına görə, hadisə zamanı yaralananların sayı artıq 160 nəfəri ötüb. İki nəfərin həlak olduğu deyilir. Daha altı nəfərin vəziyyəti ağırdır. 

Hüquq mühafizə orqanları dini ayin keçirilən zaman bütün təhlükəsizlik qaydalarına riayət olunub-olunmamasını araşdırır.

0
Teqlər:
yaralılar, çökmə, tribuna, sinaqoq, İsrail