Politoloq Zaur Məmmədov

Politoloq: “Vaksinlər üçün BMT tərəfindən nəzarət mexanizmi tətbiq edilə bilər”

19
(Yenilənib 08:43 28.04.2021)
Prezident yanında Dövlət İdarəçilik Akademiyasının müəllimi, politoloq Zaur Məmmədov deyir ki, ölkələrə ya vaksin çatmayıb, ya da onların vaksin almaq üçün imkanları yoxdur
Zaur Məmmədov: “Anqlo-sakson ölkələri dünyadakı vaksinlərin böyük bir qismini alıblar”

““Vaksin millətçiliyi”, vaksinlərin inkişaf etmiş və inkişaf etməkdə olan ölkələr arasında ədalətsiz bölgüsü bizi dərindən narahat edir. Dünyada mövcud vaksinlərin 53 faizi 30-dan çox zəngin dövlət tərəfindən sifariş edilib”. Bunu  BMT-nin qərargahı Tailandda yerləşən Asiya və Sakit okean üçün İqtisadi və Sosial Komissiyasının "Asiya və Sakit okean hövzəsində regional əməkdaşlıq vasitəsilə böhranlardan sonra daha güclü inkişafın təmin olunması" mövzusuna həsr edilən 77-ci sessiyasında Asiya və Sakit okean regionu ölkələrinin dövlət və hökumət başçılarının çıxışları seqmentində Azərbaycan Respublikasının Prezidenti İlham Əliyev videoformatda çıxışı zamanı deyib.

Prezident yanında Dövlət İdarəçilik Akademiyasının müəllimi, politoloq Zaur Məmmədov Sputnik Azərbaycan-a deyir ki, Prezident İlham Əliyev tərəfindən müxtəlif beynəlxalq toplantılarda vaksinlərin ədalətsiz bölgüsü ilə bağlı çıxışlar olub: “Biz görürük ki, anqlo-sakson ölkələri, böyük səkkizlik dünyadakı vaksinlərin böyük bir qismini alıblar. Yerdə qalan ölkələrə isə ya vaksin çatmayıb, ya da onların vaksin almaq üçün imkanları yoxdur. Düşünürəm ki, qlobal pandemiya şəraitində vaksinlərin ədalətli bölüşdürülməsi üçün BMT tərəfindən müvafiq nəzarət mexanizmi tətbiq edilə bilər”.

Politoloqun geniş şərhinə audiofaylda qulaq asa bilərsiniz

19

Professor: “Transsərhəd kapital hərəkətinə nəzarət edilməsi mühümdür”

5
(Yenilənib 01:37 06.05.2021)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, Türkiyə ilə dövriyyənin artmasının strukturuna nəzər salmaq lazımdır.
Elşad Məmmədov: “Azərbaycan Türkiyə üçün önəmli investordur”

2021-ci ilin martında Türkiyə ilə Azərbaycanın ticarət dövriyyəsi 258,31 milyon dollar təşkil edib ki, bu da ötən ilin martı ilə müqayisədə 90,473 milyon dollar çoxdur. Bu barədə Türkiyə Ticarət Nazirliyindən bildiriblər.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, Azərbaycan-Türkiyə ticarət dövriyyəsindəki artımı normal qarşılamaq lazımdır: “Son dövrlər iki ölkə arasında bütün sahələr üzrə əlaqələr gücləndirilib. Bu baxımdan həmin güclənmənin iqtisadi göstəricilərdə təsdiq olunması məntiqəuyğundur. Eyni zamanda dövriyyənin artmasının strukturuna nəzər salmaq lazımdır. Yalnız bundan sonra ümumi ticarət dövriyyəsindəki artımın dəqiq səbəblərini müəyyən etmək mümkün olar. Bundan sonra da dövriyyənin artacağını ehtimal edirəm. Həmçinin iki ölkə kapital hərəkəti ilə bağlı da qarşılıqlı əlaqələrini davam etdirir. Azərbaycan Türkiyə üçün önəmli investordur. Burada mühüm məqamlardan biri transsərhəd kapital hərəkətinə nzəarət edilməsidir”.

Professorun geniş şərhinə audiofaylda qulaq asa bilərsiniz

5
Teqlər:
nəzarət, transsərhəd, kapital, Azərbaycan, Türkiyə

Bayden Azərbaycana hərbi yardıma niyə icazə verir politoloq şərhi

25
(Yenilənib 10:40 05.05.2021)
Politoloq Fikrət Sadıxov deyir ki, Azərbaycanın burada bir sıra layihələri həyata keçirməsi, Avropa ölkələri və qərblə münasibətləri ABŞ üçün önəmli amildir
Fikrət Sadıxov: “Baydenin qərarı münasibətlərin inkişafına yönələn addım olacaq”

ABŞ Prezidenti Co Bayden Azərbaycana hərbi yardımın göstərilməsinə icazə verib. Bayden administrasiyası aprelin 26-da “Azadlığa Dəstək Aktı”na 907-ci düzəlişin təxirə salınması barədə Konqresi məlumatlandırıb.

Politoloq Fikrət Sadıxov Sputnik Azərbaycan-a deyir ki, Baydenin bu addımı yeni geo-siyasi maraqlarla bağlıdır: “Cənubi Qafqazda Azərbaycanın rolu kifayət qədər yüksəkdir. Azərbaycanın burada bir sıra layihələri həyata keçirməsi, Avropa ölkələri və qərblə münasibətləri ABŞ üçün önəmli amildir. “Azadlığa Dəstək Aktı”na 907-ci düzəliş konqres tərəfindən hələ o vaxt qəbul olunarkən də, ABŞ dövlət başçıları buna razılıq verməmişdi. Düşünürəm ki, Baydenin bu addımı ABŞ-Azərbaycan münasibətlərin  inkişafına yönələn addımlardan biri olacaq”.

Politoloqun geniş şərhinə audiofaylda qulaq asa bilərsiniz

25
Türkiyənin Xarici İşlər naziri Mövlud Çavuşoğlu, arxiv şəkli

Mövlud Çavuşoğlu: "O boyda Avropa İttifaqı bir kresloya görə dava etməməlidir"

0
(Yenilənib 16:25 06.05.2021)
"Biz protokol qaydalarının nə olduğunu bilirik. Bu günə kimi heç vaxt bu cür problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmamışdı".

BAKI, 6 may — Sputnik. Bu gün Türkiyənin xarici işlər naziri Mövlud Çavuşoğlu almaniyalı həmkarı Hayko Maasla keçirdiyi birgə mətbuat konfransında Avropa Komissiyasının rəhbəri Ursula Von der Lyayenin Türkiyəyə səfəri zamanı yaşanan protokol böhranına da toxunub. Sputnik Azərbaycan xəbər verir ki, mətbuat konfransı hər iki ölkənin nümayəndə heyətlərinin iclasından sonra baş tutub.

"Biz protokol qaydalarının nə olduğunu bilirik. Bu günə kimi heç vaxt belə bir problemlə qarşılaşmamışıq. Türk qonaqpərvərliyi hamıya yaxşı məlumdur. O mənzərə bizim ucbatımızdan yaranmayıb. Bu, Avropa Komissiyası ilə Avropa İttifaqı arasındakı rəqabət və mübahisələrdən doğan problemdir. O boyda Avropa İttifaqı bir kresloya görə davam etməməlidir. Öz aralarındakı problemləri Türkiyəyə sirayət etdirməsinlər", - Çavuşoğlu deyib.

Qeyd edək ki, Avropa İttifaqı Komissiyasının rəhbəri Ursula Von der Lyayen Türkiyə səfərindən sonra "qadın olduğum için mənə kreslo vermədilər" – deyə şikayət etmiş və məsələ protokol böhranı səviyyəsinə gəlib çatmışdı.

 

0