Politoloq Elşən Manafov

Politoloq: “Ermənistandan təzminatın alınması bir neçə formada həyata keçirilə bilər”

43
Politoloq Elşən Manafov deyir ki, Azərbaycan Haaqa Konvensiyasının Protokollarına qoşulan ölkələrdən biridir və bu protokollar işğalçı tərəfi vurduğu ziyanlara görə təzminata məsul edir
Elşən Manafov: “İşğal nəticəsində bölgənin flora və faunası məhv edilib”

“Ermənistanın təcavüzkar işğalçı siyasəti Azərbaycanın sosial-iqtisadi həyatına külli miqdarda ziyan vurulub”. Bunu Sputnik Azərbaycan-a açıqlamasında politoloq Elşən Manafov deyib.

Politoloq bildirir ki, işğal nəticəsində dağıntılar törədilməklə yanaşı, bölgənin flora və faunası məhv edilib: “Bu gün Azərbaycana vurulan ziyan milyardlarla ölçülür. İşğal və təcavüz nəticəsində Azərbaycan vurulmuş ziyanın ödənilməsi təbii ki, beynəlxalq hüquq normaları əsasında həllini tapmalıdır. Azərbaycan Haaqa Konvensiyasının Protokollarına qoşulan ölkələrdən biridir və bu protokollar işğalçı tərəfi vurduğu ziyanlara görə təzminata məsul edir. Beynəlxalq hüququn qüvvədə olan normativ aktları əsasında təzminatın ödənilməsi bir neçə formada həyata keçirilə bilər”.

Qeyd edək ki, illi Məclisin Hüquq siyasəti və dövlət quruculuğu komitəsinin üzvü Nizami Səfərov mətbuata açıqlamasında Azərbaycana vurulmuş ziyanın ödənilməsi ilə bağlı BMT çərçivəsində müəyyən hüquqi səlahiyyətlərin olduğunu və bununla bağlı müraciətlər ediləcəyini bildirib.

Elşən Manafovun fikirlərinə audiofaylda qulaq asa bilərsiniz

 

 

43

Xaricdə təhsil alanların diplomları niyə tanınmır ekspert açıqlayır

24
(Yenilənib 01:15 15.04.2021)
Təhsil eksperti Kamran Əsədov deyir ki, övladlarının xaricdə təhsil almasını istəyən valideynlər ilk növbədə bu sahənin mütəxəssislərinə müraciət etməlidirlər.
Kamran Əsədov: “Diplomların tanınması üçün müəyyənləşdirilmiş qaydalar var”

Bu ilin I rübü ərzində Azərbaycanda diplomların tanınması üzrə müraciətlərin statistikası açıqlanıb. Ötən dövr ərzində Təhsildə Keyfiyyət Təminatı Agentliyinə 678 müraciət daxil olub.

Təhsil eksperti Kamran Əsədov Sputnik Azərbaycan-a deyir ki, xaricdə təhsil mərkəzləri bir çox hallarda öz kommersiya maraqlarına görə müraciət edənlərin taleyi ilə oynayırlar: “Belə mərkəzlər diplomu tanınmayan, lisenziyasız fəaliyyət göstərən universitetlərə qəbul aparırlar. Azərbaycan tərəfindən diplomların tanınması üçün müəyyənləşdirilmiş qaydalar var. Diplomların tanınmasına səbəb təhsilalanların mövcud parametrlərə uyğun gəlməməsidir. Övladlarının xaricdə təhsil almasını istəyən valideynlər ilk növbədə  bu sahənin mütəxəssislərinə müraciət etməlidirlər. Təəssüf ki, bu işlərlə məşğul olduğunu iddia edən şirkətlər hər il bir ad altında fəaliyyət göstərirlər”.

Kamran Əsədovun geniş şərhinə audiofaylda qulaq asa bilərsiniz

24
Teqlər:
xarici ölkə, Azərbaycan, tanınma, diplom, ali təhsil
Azər Həsrət

Türk xalqlarının Media Koordinasiya Komitəsindən hansı gözləntilər var ekspert şərhi

16
(Yenilənib 00:03 13.04.2021)
Mətbuat Şurasının İdarə Heyətinin üzvü Azər Həsrət deyir ki, dezinformasiyaların qarşısının alınması və yaxud informasiya sahəsində koordinasiyalı fəaliyyətin təmin edilməsi üçün belə bir platformanın qurulması əhəmiyyətlidir
Azər Həsrət: “Bu yaxınlaşma sadəcə müstəqil türk dövlətləri arasında olmamalıdır”

“Türk Şurası çərçivəsində media sahəsində əməkdaşlığın daha da sistemləşdirilməsinin tərəfdarıyıq. Bu günə kimi yaxşı təşəbbüslər olub. Lakin gəldiyimiz qənaətlərdən biri odur ki, təşkilat çərçivəsində Media Koordinasiya Komitəsi yaradılmalıdır. Necə ki, digər sahələrdə davamlı müvafiq komitələr çərçivəsində iş aparılır, bu istiqamətdə də işlər görülməlidir”. Bunu Prezidentin köməkçisi Hikmət Hacıyev Bakıda keçirilən Türkdilli Dövlətlərin Əməkdaşlıq Şurasının (Türk Şurası) informasiya və media üzrə məsul nazirləri və yüksək vəzifəli rəsmilərinin 3-cü toplantısından sonra jurnalistlərin suallarını cavablandırarkən deyib.

Mətbuat Şurasının İdarə Heyətinin üzvü Azər Həsrət Sputnik Azərbaycan-a deyir ki, türk dövlətləri və xalqları arasında informasiya sferasında belə yaxınlaşma sevindiricidir: “Biz düşünürük ki, bu yaxınlaşma sadəcə müstəqil türk dövlətləri arasında olmamalıdır. Eyni zamanda bu əməkdaşlığa müstəqil dövləti olmayan türk xalqları arasın belə yaxınlaşma olmalıdır. Dezinformasiyaların qarşısının alınması və yaxud informasiya sahəsində koordinasiyalı fəaliyyətin təmin edilməsi üçün belə bir platformanın qurulması əhəmiyyətlidir. Belə bir platforma dezinformasiyaların qarşısını almaqla yanaşı, ortaya çıxa biləcək hər hansı anlaşılmazlıqların doğru şəkildə qarşısının alınmasına imkan verəcək”.

Azər Həsrətin geniş şərhinə audiofaylda qulaq asa bilərsiniz

16
Elmin Guliyev, arxiv şəkli

Azərbaycanlı reperi hansı cəza gözləyir?

0
(Yenilənib 18:49 15.04.2021)
Qəza 21 sentyabr 2020-ci ildə baş verib. Qəza nəticəsində iki piyada - kişi və qadın, habelə qəzanı törədənin sərnişini müxtəlif dərəcəli bədən xəsarətləri alıb və xəstəxanaya yerləşdirilib

BAKI, 15 aprel — Sputnik. Rusiyada üç nəfərin xəsarət aldığı qəzaya görə azərbaycanlı reper Elmin Quliyev dörd il müddətinə azadlıqdan məhrum edilib.

Sputnik Azərbaycan Rusiya mətbuatına istinadən xəbər verir ki, bu barədə Moskvanın Xamovniçeski Məhkəməsinin mətbuat xidmətindən bildiriblər. O, cəzasını ümumi rejimli cəzaçəkmə müəssisəsində çəkəcək. Məhkəmə zərərçəkmişlərin mülki iddialarını da qismən təmin edib.

Xatırladaq ki, qəza 21 sentyabr 2020-ci ildə baş verib. Qəza nəticəsində iki piyada - kişi və qadın, habelə qəzanı törədənin sərnişini müxtəlif dərəcəli bədən xəsarətləri alıb və xəstəxanaya yerləşdirilib. Quliyev qəzada günahını boynuna alsa da, ayıq olduğunu israr edib.

0