Politoloq, təhlükəsizlik məsələləri üzrə ekspert Arzu Nağıyev

Deputat: “Gürcüstandakı parlament seçkisi münasibətlərimizin inkişafına xidmət edəcək”

105
(Yenilənib 01:56 03.11.2020)
Milli Məclisin üzvü, Azərbaycan-Gürcüstan parlamentlərarası işçi qrupunun rəhbəri Arzu Nağıyev deyir ki, Azərbaycanlıların kompakt yaşadığı Marneuli və Qardebani rayonlarında aktiv və şəffaf seçki keçirilib
Arzu Nağıyev: “Azərbaycan-Gürcüstan münasibətləri strateji əhəmiyyət daşıyır”

“Gürcüstandakı parlament seçkisi qanunauyğun şəkildə baş tutdu”. Bunu Sputnik Azərbaycan-a açıqlamasında Milli Məclisin üzvü, Azərbaycan-Gürcüstan parlamentlərarası işçi qrupunun rəhbəri Arzu Nağıyev deyib.

Millət vəkili bildirib ki, seçki prosesində hər hansı qanun pozuntusu ilə qarşılaşmayıblar: “Normal bir seçkinin müşahidəçisi olduq. Azərbaycanlıların kompakt yaşadığı Marneuli və Qardabani rayonlarında da aktiv və şəffaf seçki keçirildi. Azərbaycan-Gürcüstan münasibətləri strateji əhəmiyyət daşıyır. Bizi iqtisadi, siyasi, mədəni, həm də mənəvi cəhətdən bağlayan mühüm tellər var. Buna görə də keçirilən seçkilər gələcəkdə Azərbaycan-Gürcüstan münasibətlərinin daha da inkişaf etdirilməsinə xidmət edəcək”.

Qeyd edək ki, oktyabrın 31-də Gürcüstanda parlament seçkisi keçirilib. Gürcüstanın Mərkəzi Seçki Komissiyası (MSK) parlament seçkisinin ilkin nəticələrini açıqlayıb. Nəticələrə əsasən, Gürcü Arzusu Partiyası 49,32%, Vahid Milli Hərəkat Partiyası 25,94%, Avropalı Gürcüstan Partiyası isə 3,77% səs əldə edib.

Arzu Nağıyevin geniş şərhinə audiofaylda qulaq asa bilərsiniz

105
Teqlər:
Arzu Nağıyev, münasibətlər, Azərbaycan, seçki, parlament, Gürcüstan
Əlaqədar
Gürcüstan parlamentinə doqquz siyasi qüvvə daxil olacaq - MSK
Siyasi şərhçi: “Gürcüstanda köhnə demokratik idarəetməyə tələbat özünü büruzə verir”
Prezident İlham Əliyev Georgi Qaxariyaya zəng edib
İlham Əliyev Bidzina İvanişvilini təbrik etdi
İvanişvili birinci, Saakaşvili ikinci oldu - Gürcü parlamentində yer nisbəti

Politoloq: “Bir çox hallarda müsəlmanları radikal dindarlarla səhv salırlar”

31
(Yenilənib 16:10 17.05.2021)
Politoloq Fikrət Sadıxov deyir ki, əgər bir dinin nümayəndələri radikallığa yol verirsə, bunun da müəyyən səbəbləri var
Fikrət Sadıxov: “Müsəlmanların Avropada məskunlaşması avropalıların özlərindən asılıdır”

“Avropada islamofobiyanın sürətlə yayılması qitədə yaşayan milyonlarla müsəlmanın təhlükəsizliyinə ciddi təhdidlər yaradır”. Bu barədə Türkiyə Prezidenti Rəcəb Tayyib Ərdoğan Quran-i Kərim oxumağa həsr olunmuş müsabiqə iştirakçıları qarşısında çıxış edərkən bildirib.

Politoloq Fikrət Sadıxov Sputnik Azərbaycan-a deyir ki, islamafobiya son illər Avropada geniş yayılmış bir tendensiyadır: “Bunun arxasında müəyyən iqtisadi, siyasi və dini motivlər dayanır. Bir çox hallarda müsəlmanları radikal dindarlarla səhv salırlar. Amma eyni zamanda qeyd etməliyik ki, əgər bir dinin nümayəndələri radikallığa yol verirsə, bunun müəyyən səbəbləri var. Bir mənalı şəkildə demək olmaz ki, başqa dinlərdə radikallar yoxdur. Avropada ya bunu dərk etmirlər, ya da belə bir münasibət nümayiş etdirirlər ki, müsəlmanların sayı azalsın. Müsəlmanların Avropada məskunlaşması avropalıların özlərindən də asılıdır. Ona görə bu səbəbləri araşdırıb aradan qaldırmaq lazımdır”.

Fikrət Sadıxovun geniş şərhinə audiofaylda qulaq asa bilərsiniz

31
Mərkəzi Gömrük Hospitalının terapevti Dr. Nazilə Xəlilbəyova

Yüksək təzyiqi olan bu beş tövsiyəyə riayət etməlidir həkim açıqlayır

26
(Yenilənib 10:35 17.05.2021)
Mərkəzi Gömrük Hospitalının terapevti Nazilə Xəlilbəyova deyir ki, yüksək təzyiqin müxtəlif səbəbləri olduğu üçün ilk növbədə həkimə müraciət edilməlidir
Nazilə Xəlilbəyova: “Yüksək təzyiqi olan insanlar özlərinə diqqət göstərməlidirlər”

2005-ci ildən hər il mayın 17-si Ümumdünya Hipertoniya ilə Mübarizə Liqası və Beynəlxalq Hipertoniya Cəmiyyətinin təşəbbüsü ilə Ümumdünya Arterial Hipertoniya ilə Mübarizə Günü qeyd edilir.

Sputnik Azərbaycan Hipertoniya ilə Mübarizə Günündə Mərkəzi Gömrük Hospitalının terapevti Nazilə Xəlilbəyovadan yüksək təzyiqi olan insanların yerinə yetirməli olduqları beş tövsiyəni soruşub.

Nazilə Xəlilbəyova deyib ki, yüksək təzyiq olan insanlar özlərinə xüsusi diqqət göstərməlidir: “İlk tövsiyəm budur ki, yüksək təzyiqi olan insanlar mütləq həkimə müraciət etməlidir. Çünki yüksək təzyiqin müxtəlif səbəbləri var. Aydınlaşdırılmalıdır bu təzyiq osteoxondroz, ürək, ya böyrək problemi ilə əlaqəlidir. İkinci məsləhətim odur ki, insanlar qida rasiyonuna fikir versinlər və gecə vaxtı çox yeməsinlər. Həmçinin təmiz havada gəzinti, idman hərəkətləri edilməsi tövsiyə edilir. Yüksək daşıyıcısı olan insanlar stresdən uzaq olmalıdır. Digər ən vacib məqam isə yuxu rejiminə diqqət edilməsidir”.

Nazilə Xəlilbəyovanın fikirlərinə audiofaylda qulaq asa bilərsiniz

26
Eldar Qasımov və Nigar Camal, arxiv şəkli

"Avroviziya-2021"-də Azərbaycandan olan səsverməni elan edəcək şəxslərin adları açıqlanıb

0
(Yenilənib 12:04 18.05.2021)
Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

BAKI, 18 may — Sputnik. İctimai Televiziya və Radio Yayımları Şirkəti "Avroviziya-2021" mahnı müsabiqəsində Azərbaycandan olan səsverməni elan edəcək şəxslərin adlarını açıqlayıb. Sputnik Azərbaycan xəbər verir ki, məşhur mahnı müsabiqəsində iştirakçılara ölkəmizdən münsiflər tərəfindən veriləcək səsləri 10 il əvvəl, 2011-ci ildə 221 xalla birinci olaraq "Avroviziya"nı Azərbaycana gətirən Eldar Qasımov və Nigar Camal elan edəcəklər.

Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

Qeyd edək ki, yarımfinal mərhələləri bu gün və mayın 20-də keçiriləcək mahnı müsabiqəsində təmsilçimiz Samirə Efendi "Mata Hari" adlı bəstə ilə birinci yarımfinalda çıxış edəcək.

Şüarı "Open up!" olan müsabiqənin Azərbaycan üzrə şərhçiləri isə müğənni Murad Arif və aparıcı Hüsniyə Məhərrəmova olacaq.

Müsabiqə İctimai Televiziyanın efirində canlı olaraq yayımlanacaq.

0