“Biz yalnız lokal qapanmalara gedirik. Bununla bağlı ÜST ölkələrə müraciət də etmişdi”. Bu fikirləri Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva Nazirlər Kabineti yanında Operativ Qərargahın bu gün keçirilən brifinqində deyib.
Professor, həkim Adil Qeybulla Sputnik Azərbaycan-a deyir ki, karantin tədbirlərinin sərtləşdirilməsinə gedilirsə, deməli zərurət var: “Artıq bir neçə rayon və şəhərdə sərt tədbirlər tətbiq edilir. Vətən uğurnda gedən savaşın yaratdığı emosional durum bu məsələni arxa plana keçirib. Amma bu məsələ qətiyyən arxa plana keçə bilməz. Yoluxma sayının artması bizə baha başa gələ bilər. İndiki taleyüklü dönəmdə bu məsələyə xüsusi diqqət yetirmək lazımdır”.
Qeyd edək ki, son günlər bir sıra ölkələrdə, o cümlədən Azərbaycanda yeni növ koronavirus (COVID-19) infeksiyasına yoluxma hallarında kəskin artım müşahidə olunmaqdadır. Bu səbəbdən mövcud sanitar-epidemioloji vəziyyət nəzərə alınaraq, xüsusi karantin rejimi çərçivəsində bir sıra məhdudiyyətlərin tətbiq olunmasına qərar verilib.
Adil Qeybullanın geniş şərhinə audiofaylda qulaq asa bilərsiniz
