Джахангир Гаджиев

Cahangir Hacıyev: “Könüllülər karantin tələblərinin yerinə yetirilməsinə nəzarət edəcək”

117
ASAN Xidmətin rəsmisi Cahangir Hacıyev deyir ki, könüllülər vahid reyestrə daxil edilmiş, Sumqayıt və Bakı çimərliklərində fəaliyyət göstərəcəklər
Cahangir Hacıyev: “Çimərlikləri ziyarət etmək üçün xüsusi icazə lazım deyil”

“Könüllülərimiz pandemiya zamanı lazımi tələblərə cavab verən və vahid reyestrə daxil edilmiş, cimerlik.az portalında göstərilən Sumqayıt və Bakı çimərliklərində fəaliyyət göstərəcəklər”. Sputnik Azərbaycan xəbər verir ki, bunu Azərbaycan Respublikasının Prezidenti yanında Vətəndaşalara Xidmət və Sosial İnnovasiyalar üzrə Dövlət Agentliyin İnsan Resursları və Təlim Şöbəsininn müdir müavini Cahangir Hacıyev deyib.

“Çimərlikləri ziyarət etmək üçün xüsusi icazə lazım deyil. Hər kəs çimərliyə gedə bilər, ancaq karantin rejiminin qəbul edilmiş qaydalarına ciddi riayət etmək lazımdır. Könüllülər çimərliklərdə karantin tələblərinin yerinə yetirilməsinə nəzarət edəcək, monitorinq və maarifləndirmə işləri aparacaqlar. Bu fəaliyyət pandemiya zamanı istirahət edənlərin sağlamlığını qorumaq məqsədi daşıyır”  - deyə o bildirib.

Cahangir Hacıyevin fikirlərinə audiofaylda qulaq asa bilərsiniz

117
Vidadi Həsənov

Xalq artisti: "Azərbaycan kinosunun biznes tərəfinin qurulmasına ehtiyac var"

15
(Yenilənib 10:57 18.09.2020)
Xalq artisti Vidadi Həsənov deyir ki, romantizmlə, təşəbbüslə kino qurmaq istəyəcəyiksə, heç vaxt kinomuz olmayacaq
Vidadi Həsənov: “Kino biznesini bilən mütəxəssislər yetişdirmək lazımdır”

“Kino da biznes sahəsidir və onu bilən mütəxəssislər yetişdirmək lazımdır”. Sputnik Azərbaycan xəbər verir ki, bunu “Report”a müsahibəsində Xalq artisti Vidadi Həsənov deyib.

“Bu gün Azərbaycanda kino çəkməyi bacaran adamlar var. Eyni zamanda kinonun biznes tərəfinin qurulmasına ehtiyac var. Nə vaxta qədər ki, romantizmlə, təşəbbüslə kino qurmaq istəyəcəyik, heç vaxt kinomuz olmayacaq. Kinoya pul qoyarlar, pul götürərlər. Bunlar olmasa, biz elə öz haqqımızda bədgüman danışacağıq, ya da yeri gəldi-gəlmədi tərifləyəcəyik”, – deyə Xalq artisti bildirib.

Qeyd edək ki, ötən həftə 77-ci Venesiya Film Festivalının mükafatlandırma mərasimi keçirilib. Azərbaycanlı rejissor Hilal Baydarovun festivala qatılan “Səpələnmiş ölümlər arasında” filmi heç bir yer qazanmayıb. Lakin o, Venesiya Film Festivalına qatılan və əsas mükafat üçün yarışan ilk Azərbaycan filmi kimi tarixə düşüb.

Vidadi Həsənovun geniş şərhinə audiofaylda qulaq asa bilərsiniz

15
Teqlər:
mütəxəssis, rejissor, kino, film

Ekspert: “Dönərxanalar mənşəyi bilinməyən ətlərdən istifadə edir”

77
(Yenilənib 01:52 17.09.2020)
Azad İstehlakçılar Birliyinin sədri Eyyub Hüseynov deyir ki, dönərxanalarda ətin haradan alınması ilə bağlı saxta sertifikatlar görə bilərik
Eyyub Hüseynov: “Dönərxanalarla bağlı problemlər qalmaqdadır”

Dönər biznesi ilə məşğul olan qida obyektlərinin sağlamlaşdırılması məqsədilə yaradılacaq 20 dönərxana nümunəvi dönərxana kimi təqdim edilməlidir. Bunu Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsinin müdiri Mansur Piriyev dönər biznesi ilə məşğul olan qida obyektlərinin sağlamlaşdırılması məqsədilə icrasına başlanılan yeni layihəyə həsr edilmiş konfransda deyib.

Azad İstehlakçılar Birliyinin sədri Eyyub Hüseynov Sputnik Azərbaycan-a deyir ki, Azərbaycanda dönərxanalarla bağlı problemlər qalmaqdadır:

“Beş il öncə dövlət orqanları dönərxanalar üçün xüsusi standartlar hazırladı. Dönər ətinin hazırlanması üçün iki şirkətdə xüsusi avadanlıqlar quraşdırıldı. Bu müəssisələrdə hazırlanan dönər ətləri təhlükəsiz hesab olunur. Lakin bu gün fəaliyyət göstərən dönərxanaların heç bir faizi də oradan dönər əti almır. Dönərxanalar mənşəyi bilinməyən ətlərdən istifadə edir. Belə dönərxanalarda ətin haradan alınması ilə bağlı saxta sertifikatlar görə bilərik. AQTA-nın belə bir təşəbbüslə çıxış etməsi çox yaxşıdır”.

Eyyub Hüseynovun geniş şərhinə audiofaylda qulaq asa bilərsiniz

77
Teqlər:
AQTA, Azərbaycan Respublikasının Qida Təhlükəsizliyi Agentliyi, sertifikat, ət, standart, dönərxana, dönər
Ceyhun Bayramov, arxiv şəkli

Ceyhun Bayramovla Komissarı arasında telefon danışığı olub

0
(Yenilənib 16:52 18.09.2020)
Tərəflər Aİ və Azərbaycan arasında mövcud olan qarşılıqlı faydalı əməkdaşlıq münasibətləri ətrafında fikir mübadiləsi aparıb

BAKI, 18 sentyabr — Sputnik. Bu gün Xarici İşlər naziri Ceyhun Bayramovun Avropa İttifaqının (Aİ) Qonşuluq və Genişlənmə üzrə Komissarı Oliver Varhelyi ilə telefon danışığı baş tutub.

XİN-dən Sputnik Azərbaycan-a verilən məlumata görə, Aİ Komissarı Ceyhun Bayramovu Xarici İşlər naziri təyinatı ilə təbrik edib və fəaliyyətində uğurlar arzulayıb.

Tərəflər Aİ və Azərbaycan arasında mövcud olan qarşılıqlı faydalı əməkdaşlıq münasibətləri ətrafında fikir mübadiləsi aparıb, o cümlədən ikitərəfli münasibətlərin hüquqi əsasını təşkil edəcək yeni Saziş layihəsi üzrə danışıqların yekunlaşdırılmasının əhəmiyyətini vurğulayıblar.

Telefon danışığı zamanı, həmçinin Azərbaycanla Avropa arasında enerji sahəsində mövcud olan strateji tərəfdaşlıq münasibətləri və Avropanın enerji təmin edilməsi üçün Azərbaycanın təşəbbüsü və iştirakı ilə həyata keçirilən layihələr, o cümlədən Cənubi Qaz Dəhlizi layihəsi çərçivəsində Avropa bazarına qazın nəqli və layihənin gələcəkdə genişləndirilməsi imkanları ətrafında müzakirələr aparılıb.

Tərəflər, habelə digər maraq doğuran məsələləri müzakirə ediblər.

0
Teqlər:
Avropa ittifaqı, Azərbaycan xarici işlər nazirliyi, Ceyhun Bayramov