Kamran Əsədov

Ekspert: “Müasir dövrün tələblərinə cavab verən dərsliklər yazılmır”

90
(Yenilənib 10:38 29.06.2020)
Təhsil eksperti Kamran Əsədov deyir ki, şagirdlər dərslikləri oxuyan zaman bütün sualların cavabını oradan almalıdırlar
Kamran Əsədov: “Dərsliklərdə müasir İKT imkanlarından istifadə edilməlidir”

Azərbaycan Respublikası Təhsil Nazirliyinin Təhsil Sisteminin İnformasiyalaşdırılması İdarəsi ümumi təhsil müəssisələri üçün dərsliklərin, dərs vəsaitlərinin və digər tədris-metodik vasitələrin çap olunması üçün müvafiq proqram təminatları hazırlayacaq. Bu, Təhsil naziri Ceyhun Bayramovun Nazirlər Kabinetinin “Ümumi təhsil müəssisələri üçün dərsliklərin, dərs vəsaitlərinin və digər tədris-metodik vasitələrin hazırlanması Qaydası”nın təsdiq edilməsi haqqında” qərarının icrasının təmin edilməsi barədə əmrində öz əksini tapıb.

Təhsil eksperti Kamran Əsədov Sputnik Azərbaycan-a deyir ki, bu gün Azərbaycanda kitab çapı, xüsusəndə dərsliklərin hazırlanması ilə bağlı vəziyyət ürəkaçan deyil:

“Müstəqillik qazanmağımızdan bu yana bu sahədə bir sıra uğurlar əldə etsək də, hələ də müasir dövrün tələblərinə cavab verən dərsliklər yazılmır. Şagirdlər dərslikləri oxuyan zaman bütün sualların cavabını oradan almalıdırlar. Dərsliklərdə müasir İKT imkanlarından istifadə edilməlidir”.

Kamran Əsədovun geniş şərhinə audiofaylda qulaq asa bilərsiniz

90
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili

Millət vəkili: “Yeni dəstək mexanizmlərinin tətbiqinə zərurət yaranıb”

30
(Yenilənib 10:57 09.07.2020)
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyir ki, ümumi yanaşma postpandemiya dövründə sürətli inkişaf mərhələsinə keçməkdir
Tahir Mirkişili: “Onlayn kreditlərin verilməsi yaranmış iqtisadi şəraitin reallığıdır”

“Pandemiyanın iqtisadiyyata vurduğu zərərin ölçülməsi ilə bağlı həm dünyada, həm də Azərbaycanda müxtəlif təhlillər aparılır. Bu ilin 5 ayı ərzində xəstəliyin yayılmasının qarşısını almaq məqsədilə görülən məhdudlaşdırıcı tədbirlər nəticəsində Azərbaycan iqtisadiyyatı itki ilə üzləşib, ümumi daxili məhsul 1,7 faiz azalıb”. Sputnik Azərbaycan xəbər verir ki, bunu AzərTAC-a müsahibəsində Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.

“Bu o deməkdir ki, iqtisadiyyatda zərərlə üzləşmiş bir çox sahələrdə yeni dəstək mexanizmlərinin tətbiqinə zərurət yaranıb. Ümumi yanaşma postpandemiya dövründə sürətli inkişaf mərhələsinə keçməkdir. İndiki halda sahibkara verilən kreditlərin elektron sistem üzərindən qurulması, onlayn kreditlərin verilməsi yaranmış iqtisadi şəraitin reallığıdır. Kredit resurslarının əlçatan olması Azərbaycan dövlətinin hər zaman ciddi əhəmiyyət verdiyi mühüm məsələlərdən olub. Dövlət bu istiqamətdə indiyədək 2 milyard manatdan çox vəsait xərcləyib”.

Tahir Mirkişilinin fikirlərinə audiofaylda qulaq asa bilərsiniz

30
Əlaqədar
Ciddi böhranın ayaq səsləri eşidilir – Amma bu dəfə heç nə bizdən asılı deyil
Azərbaycanda və dünyada elektrik enerjisi - iyirmi il sonra bizi nə gözləyir
Pərviz Şahbazov: "Neft bazarının sabitləşməsi üçün ən azı iki il vaxt lazımdır"
Mərkəzi Bankda valyuta ehtiyatları ilə nə baş verir?
Dövlətlə yarıbayarı "şərik": kredit sel kimi axacaq
Çingiz İsmayılov

Professor: “İnsan faəliyyəti qlobal istiləşmənin qarşısını ala bilməz”

65
(Yenilənib 10:13 08.07.2020)
Bakı Dövlət Universiteti rektorunun beynəlxalq əlaqələr üzrə müşaviri, professor Çingiz İsmayılov deyir ki, qlobal istiləşmənin intensivləşməsində insan fəaliyyəti danılmazdır
Çingiz İsmayılov: “Atmosferin çirklənməsində insanın rolu nəzarətə alınmalıdır”

“Qlobal istiləşmənin qarşısını almaq mümkünsüzdür”. Bunu Sputnik Azərbaycan-a açıqlamasında Bakı Dövlət Universiteti rektorunun beynəlxalq əlaqələr üzrə müşaviri, professor Çingiz İsmayılov deyib.

Professor bildirib ki, tarix boyu minilliklər ərzində Yer planetində iqlim dəyişiklikləri baş verib: “Yerdə buzlaşmanın baş verməsi və hətta orta illik temperaturun müsbət 68 dərəcəyə çatması tarixi həqiqətlərdir. İnsan qlobal istiləşmənin qarşısını almaq üçün nəsə edə bilməz. Bu prosesin intensivləşməsində insan fəaliyyəti danılmazdır. Ona görə də atmosferin çirklənməsində insanın rolu nəzarətə alınmalıdır”.

Qeyd edək ki, Avstraliyanın Yeni Cənubi Uels Universitetinin alimləri Yer kürəsinin bütün bölgələrində istilik dalğalarının tezliyi və gücünün artdığını müəyyən ediblər.

Çingiz İsmayılovun geniş şərhinə audiofaylda qulaq asa bilərsiniz

65
Dərslərini etdən məktəbli, arxiv şəkli

Sizin əlinizdədir! Uşaqların riyazi bacarıqları valideynlərin davranışından asılıdır

0
(Yenilənib 00:35 10.07.2020)
Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu infomasiyaları riyazi testlərin nəticələri ilə uyğunlaşdırıb.

BAKI, 9 iyul — Sputnik. Böyük Britaniyanın Uels universitetinin nümayəndələri uşaqların elmə, eyni zamanda riyazi elmlər üzrə bacarıqlarını artırma yollarını müəyyən edib.

Sputnik Azərbaycan xarici mətbuata istinadla xəbər verir ki, araşdırmaya 1991-ci il aprelin 1-dən 1992-ci il dekabrın 21-nə qədər doğulan uşaqlar cəlb edilib.

Müəyyən edilib ki, öyrənmə bacarığına ailə vəziyyəti birbaşa təsir edir.

Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu informasiyaları riyazi testlərin nəticələri ilə uyğunlaşdırıblar.

Araşdırma müəllifləri müəyyən ediblər ki, uşaqları ilə harmoniya ilə işləməyi bacaran valideynlərin uşaqları böyük nailiyyətlər əldə edə bilirlər. Buna validyenlərin təhsil səviyyəsi də təsir edir.

Daha əvvəl isə alimlər ətirli çubuqların daha effektiv təhsil almağa təsir etdiyini açıqlamışdı. Müəyyən edilmişdi ki, məşğələ zamanı məkanın qızılgül ətirli olması uşaqlara daha çox motivasiya verir.

0