Политолог Заур Мамедов

ABŞ-Çin münasibətlərinin gərginləşməsi dünya üçün vəd edir politoloq rəyi

33
Prezident yanında Dövlət İdarəçilik Akademiyasının müəllimi, politoloq Zaur Məmmədov deyir ki, bugünkü Çinin güclənməsində qərb dövlətlərinin müstəsna xidmətləri var
Zaur Məmmədov: “Post-koronavirus dövründə iqtisadi müharibə davam edəcək”

“ABŞ-Çin münasibətlərinin gərginləşməsi yalnız koronavirus pandemiyası ilə əlaqəli deyil”. Bunu Sputnik Azərbaycan-a açıqlamasında Prezident yanında Dövlət İdarəçilik Akademiyasının müəllimi, politoloq Zaur Məmmədov deyib.

Politoloq bildirib ki, hesablamalara görə Çin 2030-cu ildə dünyanın siyasi və iqtisadi mərkəzinə çevriləcək:

“Təbii olaraq okeanın o tayında olan qüvvələr buna izn verə bilməzlər. Onu da qeyd etmək lazımdır ki, bugünkü Çinin güclənməsində qərb dövlətlərinin müstəsna xidmətləri var. Eyni zamanda Trampın Çinə qarşı münasibəti və iqtisadi basqıları Rusiya üçün əlverişli imkanlar yaradır. Post-koronavirus dövründə ABŞ və Çin arasında iqtisadi müharibə davam edəcək”.

Zaur Məmmədovun geniş şərhinə audiofaylda qulaq asa bilərsiniz

33
Elşad Məmmədov

Azərbaycan iqtisadiyyatı maliyyə amnistiyasından qazanclı çıxa bilərmi professor danışır

26
(Yenilənib 11:36 05.06.2020)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, amnistiyaya düşən kapital ölkə iqtisadiyyatının inkişafına yönəldilməlidir
Elşad Məmmədov: “Amnistiya xatirinə amnistiya verilməməlidir”

“Maliyyə amnistiyasının verilməsinin effektiv olması üçün konkret şərtlər müəyyənləşdirilməlidir”. Bunu Sputnik Azərbaycan-a açıqlamasında Azərbaycan Dövlət İqtisad Universitetinin (UNEC) professoru Elşad Məmmədov deyib.

Professor bildirib ki, amnistiyaya düşən kapital ölkə iqtisadiyyatının inkişafına yönəldilməlidir: “Bunun üçün müvafiq normativ hüquqi aktlarda bu barədə konkret müddəaların əks olunması zəruridir. Çünki kapital sahiblərinin buna maraq göstərməməsinin şahidi ola bilərik. Yəni amnistiya xatirinə amnistiya verilməməlidir”.

Qeyd edək ki, deputat Əli Məsimli Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2019-cu il dövlət büdcəsinin icrası haqqında” qanun layihəsinin müzakirəsi zamanı maliyyə və əmlak amnistiyası ilə bağlı görülən işlərin sürətləndirilməsinin vacib olduğunu bildirib.

Elşad Məmmədovun geniş şərhinə audiofaylda qulaq asa bilərsiniz

26
Dövlət Turizm Agentliyinin sədri Fuad Nağıyev

Turizmin bərpası üçün hansı işlər görüləcək - Fuad Nağıyev açıqladı

33
(Yenilənib 10:48 04.06.2020)
Dövlət Turizm Agentliyinin sədri Fuad Nağıyev deyir ki, ilk növbədə daxili turizmin inkişafı prioritet istiqamət olacaq
Fuad Nağıyev: “Xüsusi proqramların qəbul edilməsi nəzərdə tutulur”

“Dövlət sərhədlərinin ilk olaraq qonşu ölkələrlə açılması planlaşdırılır”. Sputnik Azərbaycan xəbər verir ki, bunu Dövlət Turizm Agentliyinin sədri Fuad Nağıyev pandemiya dövründə dünya turizminin vəziyyəti və post-pandemiya dövrü üçün ölkələr tərəfindən nəzərdə tutulan planlara həsr olunan “Bərpaya doğru yol” videokonfransında deyib.

“Azərbaycan turizm sənayesində normallaşma prosesinin dörd mərhələdə aparılması nəzərdə tutulur. İlkin mərhələdə təlimlərin keçirilməsi, yeni onlayn platformanın yaradılması, xarici marketinq strategiyasında dəyişiklik, ölkədaxili turizm kampaniyasının təşviq edilməsi və sənayenin dəstəklənməsi, ikinci mərhələdə daxili turizmin bərpası, üçüncü və dördüncü mərhələdə isə artıq sərhədlərin ilk növbədə qonşu və daha sonra digər ölkələrlə açılması planlaşdırılır. Post-pandemiya dövründə ilk növbədə daxili turizmin inkişafı prioritet istiqamət olacaq və ortamüddətli planda daxili turizmin inkişafı üçün xüsusi proqramların qəbul edilməsi nəzərdə tutulur”, – deyə Fuad Nağıyev bildirib.

Fuad Nağıyevin fikirlərinə audiofaylda qulaq asa bilərsiniz

33
Stadler qatarı, arxiv şəkli

Abşeron dairəvi dəmir yolu xətti üzrə elektrik qatarlarının hərəkəti dayandırılır

0
Bütün iş, xidmət və ticarət sahələri üzrə fəaliyyət, eyni zamanda ictimai nəqliyyatın və avtomobillərin hərəkəti dayandırılır.

BAKI, 5 iyun — Sputnik. Nazirlər Kabinetinin qərarına müvafiq olaraq, Abşeron dairəvi dəmir yolu xətti üzrə elektrik qatarları iki gün müddətinə, şənbə və bazar günləri hərəkətdə olmayacaq. Bu barədə Sputnik Azərbaycan-a Azərbaycan Dəmir Yolları QSC-nin mətbuat katibliyindən məlumat verilib.

Qərara əsasən, 6 iyun saat 00:00-dan 8 iyun saat 06:00-dək Bakı, Sumqayıt, Gəncə, Lənkəran şəhərlərinin və Abşeron rayonunun ərazisində bütün iş, xidmət və ticarət sahələri üzrə fəaliyyət, eyni zamanda ictimai nəqliyyatın və avtomobillərin hərəkəti dayandırılır.

0