Kənan Quluzadə

Karantindən sonra turizm obyektləri necə fəaliyyət göstərəcək - Kənan Quluzadə danışır

144
(Yenilənib 01:53 18.05.2020)
Dövlət Turizm Agentliyinin mətbuat katibi Kənan Quluzadə deyir ki, əsas kriteriya insanların sağlamlığının qorunub təmin edilməsidir
Karantindən sonra turizm obyektləri necə fəaliyyət göstərəcək - Kənan Quluzadə danışır

“Xüsusi sanitar-gigiyena qaydalarının tətbiqi üçün SAHMAN proqramı təklif edilib ki, bu proqramın tətbiqi nəticəsində Azərbaycan turizminin rəqabət imkanları daha da artırılacaq”. Sputnik Azərbaycan xəbər verir ki, bunu Dövlət Turizm Agentliyinin mətbuat katibi Kənan Quluzadə AZƏRTAC-a müsahibəsində bildirilib.

Kənan Quluzadə deyib ki, turizmin bərpası xüsusi kriteriyalarla olacaq:

“Əsas kriteriya insanların sağlamlığının qorunub təmin edilməsidir ki, həm kafe və restoranlarda, həm mehmanxana və mehmanxana tipli obyektlərdə, turislərə xidmət göstərən nəqliyyat vasitələrində xüsusi qaydaların tətbiq edilməsi təklif edilib və həmin qaydalara riayət edən obyektlərin üzərində SAHMAN leybli vurulacaq. Biz yerli otellərlə, turizm şirkətləri, turizm assosiasiyaları ilə danışıqlar aparırıq ki, əhali üçün qiymətlər sərfəli olsun, hər kəz öz büdcəsinə uyğun olaraq həm regionlarda, həm Bakıda səhayətlərini qura bilsinlər. Bakı otelləri də bu dövrdə şərait yaratsalar ki, Bakıya gələn insanlar öz büdcələrinə uyğun otellərin xidmətlərindən bəhrələnsinlər, əlbəttə, bu istiqamət də inkişaf edə bilər”.

Kənan Quluzadənin geniş şərhinə audiofaylda qulaq asa bilərsiniz

144

Fikrət Sadıxov: “Ermənistan münaqişənin dinc yolla həllini başa düşmədi”

5
(Yenilənib 08:28 23.10.2020)
Politoloq Fikrət Sadıxov deyir ki, baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur
Fikrət Sadıxov: “Azərbaycan artıq status-kvonu qəbul etmir”

“Baza prinsiplərinə gəldikdə, orada hər şey aydın şəkildə yazılıb. Azərbaycanın işğal olunmuş rayonlarının mərhələli şəkildə azad edilməsi nəzərdə tutulur”. Bunu Azərbaycan Respublikasının prezidenti İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.

Politoloq Fikrət Sadıxov Sputnik Azərbaycan-a deyir ki, Azərbaycan uzun illər danışıqlar masasında münaqişənin həlli üçün çalışıb:

“Münaqişənin həlli üçün təqdim olunan baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur. Amma Ermənistan aşkar şəkildə bundan imtina etdi. Ermənistan hakimiyyəti seperatçı rejimi danışıqlar masasında görmək istəyirdi. Ancaq bu, Azərbaycan üçün qəbuledilməz idi. Münaqişənin həlli prosesi hərbi müstəviyə keçib və Azərbaycan artıq status-kvonu qəbul etmir. Ermənistan münaqişənin dinc yolla həllini başa düşmədi. Azərbaycan torpaqlarının işğal altında qalması ilə razılaşmayacaq”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks hücum əməliyyatına başlayıb.

Fikrət Sadıxovun geniş şərhinə audiofaylda qulaq asa bilərsiniz

5
Qurban Qurbanov, arxiv şəkli

Qurban Qurbanov: “Fikrimiz Azərbaycan əsgərlərinin yanındadır”

22
(Yenilənib 16:01 22.10.2020)
“Qarabağ” komandasının baş məşqçisi Qurban Qurbanov deyir ki, futbolçuları oyuna motivasiya etməyə çalışırıq
Qurban Qurbanov: ““Makkabi”nin yaxşı oyun fəlsəfəsi var”

“Rəqibimizin Çempionlar Liqasında həm Belarusun “Dinamo” (Brest), həm də Avstriyanın “Zaltsburq” komandaları ilə keçirdiyi matçları izləmişəm. Özünəməxsus oyun taktikası olan komandadır”.

Sputnik Azərbaycan xəbər verir ki, bu sözləri “Qarabağ”ın baş məşqçisi Qurban Qurbanov İsrailin paytaxtı Təl-Əvivdə “Makkabi”yə qarşı keçirəcəkləri UEFA Avropa Liqasının I qrupunun ilk tur matçı barədə danışarkən deyib.

O bildirib ki, rəqibin hansısa futbolçusunu fərqləndirmək istəmir: ““Makkabi”nin yaxşı oyun fəlsəfəsi var. Hazırda Qarabağda müharibə getdiyi üçün fikrimiz Azərbaycan əsgərlərinin yanındadır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir. Biz də futbolçularımızı oyuna motivasiya etməyə və sərfəli nəticə qazanmaq üçün əlimizdən gələni etməyə çalışırıq”.

Qeyd edək ki, bu gün “Blumfild” stadionunda keçiriləcək “Makkabi” – “Qarabağ” matçı Bakı vaxtı ilə saat 23:00-da başlayacaq.

Qurban Qurbanovun fikirlərinə audiofaylda qulaq asa bilərsiniz

22