Politoloq Fikrət Sadıxov

ABŞ-ın Çinə qarşı sanksiya siyasəti ilə nəticələnə bilər - politoloq şərhi

110
(Yenilənib 11:55 17.05.2020)
Politoloq Fikrət Sadıxov deyir ki, Çinin davranışları ABŞ-ı qane etmir və sanksiya tətbiq etməyə hazırdır
Fikrət Sadıxov: “Tramp iradəsini nümayiş etdirməlidir”

ABŞ prezidenti Donald Tramp koronavirusa görə Çinə qarşı sanksiya tətbiq edən qanun layihəsini hələ görmədiyini, ancaq layihə ilə tanış olacağını deyib.

Politoloq Fikrət Sadıxov Sputnik Azərbaycan-a deyir ki, rəsmi Pekin dəfələrlə koronavirusla bağlı bütün məlumatların açıq və şəffaf olduğunu bildirib:

“Lakin bu ABŞ-ı qane etmir və sanksiya tətbiq etməyə hazırdır. Bu baş verənlər ABŞ prezidentinin mövqeyi ilə uzlaşır. Bu ölkədə növbəti prezident seçkiləri üçün kampaniya artıq başlayıb və dövlət başçısı iradəsini nümayiş etdirməlidir. Təbii ki, sanksiyalar ABŞ və Çin münasibətlərinin tamamilə kəsilməsinə səbəb olmayacaq və simvolik xarakter daşıyacaq”.

Qeyd edək ki, Respublikaçı Lindsi Qrem ABŞ Senatına “Pekinin əməkdaşlıq etməyəcəyi və koronavirusun yayılmasına səbəb olan hadisə barədə tam hesabatı göstərməyəcəyi” halda Çinə qarşı sanksiyaları nəzərdə tutan qanun layihəsi təqdim edib.

Fikrət Sadıxovun geniş şərhinə audiofaylda qulaq asa bilərsiniz

110
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

17
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

17
Politoloq Ramiyə Məmmədova

Politoloq: “ABŞ-ın yeni hökuməti İran siyasətini dəyişməyəcək”

20
(Yenilənib 10:08 29.11.2020)
Politoloq Ramiyə Məmmədova deyir ki, Bayden administrasiyasının Trampdan çox da fərqli siyasət yeridəcəyini düşünmür
Ramiyə Məmmədova: “Bayden hökuməti İrana yeni sanksiyalar tətbiq edilə bilər”

“ABŞ-ın yeni administrasiyasının hazırkı Prezident Donald Trampın İrana qarşı qəbul etdiyi qərarlarını tez bir zamanda ləğv edəcəyinə ümid edirik”. Bunu İran Prezidenti Həsən Ruhani Nazirlər Kabinetinin iclasında deyib.

Politoloq Ramiyə Məmmədova Sputnik Azərbaycan-a deyir ki, yanvarda Bayden hakimiyyəti işə başlayacaq, ancaq bu günə qədər ABŞ hökumətinin İran siyasəti dəyişməz qalır:

“ABŞ geopolitik maraqlarını bütün maraqlarından öndə tutur. Ona görə də Bayden administrasiyasının Trampdan çox da fərqli siyasət yeridəcəyini düşünmürəm. ABŞ bu yaxınlarda İran sərhədlərinin yaxınlığına qırıcı təyyarələr göndərib. Bu o deməkdir ki, İranı hələ də ABŞ təhdidi gözləyir. Bayden hökuməti İrana yeni sanksiyalar tətbiq edilə bilər”.

Ramiyə Məmmədovanın geniş şərhinə audiofaylda qulaq asa bilərsiniz

20
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın