AVCİYA seçki qərargahının rəhbəri Məhərrəm Zülfüqarlı

Məhərrəm Zülfüqarlı: "Qanun pozuntuları seçkinin nəticələrinə təsir etmək gücündə olmayıb"

141
(Yenilənib 09:43 11.02.2020)
Azərbaycanda Vətəndaş Cəmiyyətinin İnkişafına Yardım Assosiasiyasının Seçki Qərargahının rəhbəri Məhərrəm Zülfüqarlı deyir ki, AVCİA seçkiləri baş tutmuş hesab edir
Məhərrəm Zülfüqarlı: “Bəzi məntəqələrdə cüzi qanun pozuntuları qeydə alınıb”

“Parlament seçkilərində bəzi məntəqələrdə cüzi qanun pozuntuları qeydə alınıb”. Bunu Sputnik Azərbaycan-a açıqlamasında Azərbaycanda Vətəndaş Cəmiyyətinin İnkişafına Yardım Assosiasiyasının (AVCİA) Seçki Qərargahının rəhbəri Məhərrəm Zülfüqarlı deyib.

O bildirib ki, seçkidən 24 saat əvvəl təbliğat-təşviqat kampaniyası dayandırılmalı olduğu halda, bəzi namizədlər sosial şəbəkələrdə buna davam edirdi, bəzilərinin haqqında elektron KİV-lərdə məlumatlar qalmışdı:

“Gələcəkdə bu kimi hallar aradan qaldırılmalıdır. Bütün bunlara baxmayaraq, belə hallar nəticələrə təsir etmək gücündə olmayıb. AVCİA seçkiləri baş tutmuş olduğunu bəyan edir”.

Məhərrəm Zülfüqarlının geniş şərhinə audiofaylda qulaq asa bilərsiniz.

141
Mövzu:
Növbədənkənar parlament seçkiləri (99)

Politoloq: “Bu razılaşma Vətən müharibəsindəki qələbədən sonra ən böyük uğur sayıla bilər”

30
Atlas Araşdırmalar Mərkəzinin rəhbəri, politoloq Elxan Şahinoğlu deyir ki, gərək SSRİ dağıldıqdan sonra yatağın birgə istismarı ilə bağlı razılığa gəlinəydi
Elxan Şahinoğlu: “Azərbaycan-Türkmənistan arasındakı anlaşmazlıqlar keçmişdə qaldı”

Yanvarın 21-də Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumu imzalanıb.

Atlas Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, imzalanmış bu memorandum Vətən müharibəsindəki qələbədən sonra bu il ərzində qazandığımız ən böyük uğur sayıla bilər:

“İki ölkə arasında 25 ildir mübahisə davam edirdi. SSRİ dönəmində bu yataq Azərbaycan neftçiləri tərəfindən kəşf edilmişdi. Gərək SSRİ dağıldıqdan sonra yatağın birgə istismarı ilə bağlı razılığa gəlinəydi. Bu memorandum yeni uğurları gətirə bilər. Gəlinən razılıqlar hər kəsin faydasınadır. Memorandumun imzalanması ilə Azərbaycan-Türkmənistan arasındakı anlaşmazlıqlar keçmişdə qaldı”.

Elxan Şahinoğlunun geniş şərhinə audiofaylda qulaq asa bilərsiniz

30

Ekspert: “Valideynlər bəzi tövsiyələri yerinə yetirsələr, yaxşı olar”

70
Təhsil ekpserti Kamran Əsədov deyir ki, məsafədən təhsil formasında təhsilin əlçatanlığı və müəyyən bilik-bacarıqların aşılanması baxımından problemlər var
Kamran Əsədov: “Şagirdlər birdən-birə adaptasiya ola bilməyəcəklər”

Nazirlər Kabineti Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkili ilə bağlı əlavə tədbirlər barədə qərar verib. Bununla bağlı Baş nazir Əli Əsədov qərar imzalayıb. Qərara əsasən, xüsusi karantin rejimi dövründə Azərbaycan Respublikasında fəaliyyət göstərən bütün təhsil müəssisələrində fevralın 1-dən tədris və təlim-tərbiyə prosesinin əyani formada təşkili təmin ediləcək.

Təhsil eksperti Kamran Əsədov Sputnik Azərbaycan-a deyir ki, fevralın 1-dən məktəblərin yenidən açılması sevindiricidir:

“Çünki artıq 4 aya yaxındır, şagirdlərimiz məsafədən təhsil prosesinin iştirakçısıdırlar. Etiraf etmək lazımdır ki, bu cür təhsil formasında təhsilin əlçatanlığı və müəyyən bilik-bacarıqların aşılanması baxımından problemlər var. Şagirdlər uzun müddətdir ki, təhsildən kənarda qalıblar və onlar birdən-birə adaptasiya ola bilməyəcəklər. Bu baxımdan valideynlər bəzi tövsiyələri yerinə yetirsələr, yaxşı olar”.

Kamran Əsədovun geniş şərhinə audiofaylda qulaq asa bilərsiniz

70
Qadın pəncərə yaxınlığında, arxiv şəkli

Bakıda daha bir intihar - özlərini eyni üsulla öldürdülər

0
Hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb

BAKI, 26 yanvar - Sputnik. Bakıda daha bir intihar hadisəsi baş verib.

Sputnik Azərbaycan "Report"a istinadən xəbər verir ki, hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb.

Bakı sakini, 1983-cü il təvəllüdlü Məmmədzadə Səbinə Adil qızı yaşadığı çoxmərtəbəli binanın 6-cı mərtəbəsindən özünü ataraq intihar edib.

Faktla bağlı Binəqədi rayon Prokurorluğu tərəfindən araşdırmalar davam etdirilir.

Qeyd edək ki, iki gün əvvəl Bakının Nərimanov rayonunda oxşar intihar hadisəsi olmuşdu. 1991-ci il təvəllüdlü Qurbanova Sevda Şikar qızı özünü yaşadığı binanın 18-ci mərtəbəsindən atmış, hadisə yerində keçinmişdi.

0
Teqlər:
qadın, Bakı, intihar