Sputnik Azərbaycan Multimedia Mətbuat Mərkəzində SputnikPro təlim proqramı çərçivəsində növbəti master-klass keçirilib. Master-klassı rusiyalı telejurnalist Sergey Malozyomov keçib.
Media eksperti Almaz Mahmud Sputnik Azərbaycan-a deyir ki, bugünkü təlim maraqlı olub: “Təlim müddətində günün aktual məsələlərinə toxunuldu. Sergey Malozyomovun dediyi kimi, bugün televiziya və internet arasında böyük bir rəqabət var və mübarizə gedir. Belə formatda təlimlərin gələcəkdə davam etsə, bizim jurnalistlərimiz üçün çox faydalı olar”.
“SputnikPro” layihəsi artıq dünyanın 13 ölkəsində həyata keçirilib. 2018-ci ilin martından başlayaraq bu layihədə 2000-dən çox jurnalist və media meneceri, PR mütəxəssisləri və mətbuat xidmətlərinin əməkdaşları, blogerlər və müxtəlif istiqamətlər üzrə təhsil alan tələbələr iştirak ediblər.
Almaz Mahmudun geniş şərhinə audiofaylda qulaq asa bilərsiniz
