AVCİYA seçki qərargahının rəhbəri Məhərrəm Zülfüqarlı

Ekspert bələdiyyələrin nüfuzunun artırılması yollarından danışır

61
(Yenilənib 14:25 04.10.2019)
Azərbaycanda Vətəndaş Cəmiyyətinin İnkişafına Yardım Assosiasiyasının Seçki Qərargahının rəhbəri Məhərrəm Zülfüqarlı deyir ki, icra hakimiyyətlərinin bələdiyyələrin səlahiyyətlərinə qarışmaq hüququ olmazsa, o zaman bələdiyyələrin nüfuzu arta bilər

“Azərbaycanda 1999-cu ildən bələdiyyə seçkiləri keçirilsə də, hələ gözlənilən ümidləri doğrultmayıb”. Sputnik Azərbaycan xəbər verir ki, bu fikirləri “Bələdiyyə seçkiləri: yerli və beynəlxalq təcrübə” adlı tədbirdə Azərbaycanda Vətəndaş Cəmiyyətinin İnkişafına Yardım Assosiasiyasının Seçki Qərargahının rəhbəri Məhərrəm Zülfüqarlı deyib.

O bildirib ki, yerli icra hakimiyyətləri bələdiyyələrə səlahiyyətlərini icra etməkdə mane olur: “Bəzi səlahiyyətlər təkrar olunur. Ona görə də icra hamkiyyətləri bələdiyyələrə səlahiyyətlərini icra etməyə imkan vermirlər. Səlahiyyətlər dəqiq bölünərsə və icra hakimiyyətlərinin bələdiyyələrin səlahiyyətlərinə qarışmaq hüququ olmazsa, o zaman bələdiyyələrin nüfuzu arta bilər. Bələdiyyələr elə olmalıdır ki, icra rəhbərlərinin dəyişməsinin onların fəaliyyətinə hər hansı təsiri olmamalıdır”.

Məhərrəm Zülfüqarlının geniş şərhinə audiofaylda qulaq asa bilərsiniz

61