İlqar Vəlizadə

Tramp-Ruhani görüşünə mane olur - politoloq şərh edir

104
(Yenilənib 10:10 06.09.2019)
Politoloq İlqar Vəlizadə deyir ki, ABŞ hər zaman dialoq üçün yer saxlamağa çalışır

ABŞ prezidenti Donald Tramp və İran prezidenti Həsən Ruhani arasında sentyabrın sonunda BMT Baş Assambleyası çərçivəsində görüş keçirilə bilər. Bu barədə ABŞ prezidenti jurnalistlərə bildirib.

Politoloq İlqar Vəlizadə Sputnik Azərbaycan-a deyir ki, ABŞ İranla dialoqun tərəfdarı kimi çıxış edir: “Belə mesajlar artıq bir neçə dəfə təkrar olunub. Məsələ budur ki, İran ABŞ-ın irəli sürdüyü şərtləri qəbul etmir. Bu da nəzərdə tutulan görüşü mümkünsüz edir. Şərtlərlə baş tutacaq dialoq İran üçün məqbul deyil. Ona görə də, Nyu-Yorkda görüşün baş tutacağı sual altındadır. ABŞ hər zaman çalışır ki, dialoq üçün yer saxlasın. Bu o deməkdir ki, ABŞ-da müharibə tərəfdarları çoxluqda deyillər”.

Qeyd edək ki, ABŞ İranın şirkətlər, gəmilər və fərdlərdən ibarət şəbəkəsinə sanksiyalar elan edib. ABŞ bu şəbəkəni Suriyanı milyonlarla barrel neftlə təchiz etməklə Birləşmiş Ştatların sanksiyalarını pozmaqda ittiham edir.

Politoloqun geniş şərhinə audiofaylda qulaq asa bilərsiniz

104