Fərhad İbrahimov

İran niyə Transxəzər layihəsinə qarşıdır - politoloq səbəbləri açıqladı

180
(Yenilənib 16:08 16.08.2019)
Y.Primakov adına Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun postsovet tədqiqatlar mərkəzinin aspirantı Fərhad İbrahimov deyir ki, hazırkı çətin iqtisadi şəraitdə Xəzəryanı ölkələrlə əməkdaşlıq İran üçün vacibdir
Fərhad İbrahimov: “Layihənin gerçəkləşməsi İran iqtisadiyyatına ziyan vura bilər”

Bu gün Sputnik Azərbaycan Multimedia Mətbuat Mərkəzində keçirilən “Cənubi Qafqaz” Politoloqlar Klubunun 62-ci iclasında beş Xəzəryanı dövlət arasında siyasi və iqtisadi əməkdaşlığın inkişaf perspektivləri müzakirə olunub.

Y.Primakov adına Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun postsovet tədqiqatlar mərkəzinin aspirantı Fərhad İbrahimov bildirib ki, hazırkı çətin iqtisadi şəraitdə Xəzəryanı ölkələrlə əməkdaşlıq İran üçün vacibdir:

“Bu baxımdan, İran layihələrini Avropa ilə yanaşı, Xəzəryanı ölkələrə də təklif edir. İran Transxəzər layihəsinə müxalif olmasının da öz səbəbləri var. Onlar fikirləşirlər ki, bu layihənin gerçəkləşməsi İran iqtisadiyyatına ziyan vura bilər. Hətta bəzi Rusiyalı siyasətçilər də layihə ilə bağlı İranın mövqeyini bölüşür”.

Politoloqun geniş şərhinə audiofaylda qulaq asa bilərsiniz

 

180
İqtisadçı ekspert Fuad İbrahimov, arxiv şəkli

Ekspert: "Dövlət şirkətlərinə qoyulan investisiyaların səmərəliliyi suallar yaradır"

8
(Yenilənib 10:27 12.08.2020)
İqtisadçı ekspert Fuad İbrahimov deyir ki, şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq
Fuad İbrahimov: “İnvestisya Holdinqi şəffaflığı təmin edəcək”

Dövlət şirkətləri, elə bil ki, sosializm iqtisadi modelində işləyir. Bunu Prezident İlham Əliyev avqustun 6-da ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib.

İqtisadçı ekspert Fuad İbrahimov Sputnik Azərbaycan-a deyir ki, bəzi dövlət şirkətlərinin fəaliyyətində şəffaflıq müşahidə olunmur və illərdir qoyulan investisiyaların səmərəliliyi suallar yaradır:

“Ümidvaram ki, Azərbaycan İnvestisiya Holdinqinin yaradılması ilə belə şirkətlərdə şəffaflığın təmin olunması mümkün olacaq. Maliyyə dövriyyəsində şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq. İndiki şəraitdə belə bir holdinqin yaradılması məqsədəuyğundur”.

Fuad İbrahimovun geniş şərhinə audiofaylda qulaq asa bilərsiniz

8
Adil Qeybulla, həkim

Professor: “İkinci dalğanın ağır fəsadlar yaradacağı proqnozlaşdırılmır”

25
(Yenilənib 20:34 10.08.2020)
Professor, həkim Adil Qeybulla deyir ki, sərt karantin qaydaları tətbiq olunmaqla bütün sosial həyat fəaliyyət göstərməlidir
Adil Qeybulla: “Payızada digər xəstəliklərin ortaya çıxması çətinliklər yaradacaq”

“ÜST-ün və digər beynəlxalq səhiyyə qurumlarının ölkəmizə dəvət edilən ekspertləri payız aylarına hazırlıqla bağlı tövsiyələr verirlər”. Bu barədə TƏBİB-in İdarə Heyətinin sədri Ramin Bayramlı deyib.

Professor, həkim Adil Qeybulla Sputnik Azərbaycan-a deyir ki, gərək bir dalğa sönsün, daha sonra hadisələrin dinamikasını müşahidə edə bilək:

“Azərbaycanda virusla mübarizə spesifik aparılır. Birinci karantinin ləğvindən sonra qaydalara riayət edilməməsinin nəticələrini indi görürük. Artıq virusun ikinci dalğası ilə bağlı Avropada müzakirələr başlayıb. Amma nəzərə alınmalıdır ki, virus zəifləyib, xeyli mutasiyaya uğrayıb. Ona görə də ikinci dalğanın ağır fəsadlar yaradacağı proqnozlaşdırılmır. Sərt karantin qaydaları tətbiq olunmaqla bütün sosial həyat fəaliyyət bərpa edilməlidir. Payızda digər xəstəliklərin ortaya çıxması çətinliklər yaradacaq”.

Adil Qeybullanın geniş şərhinə aduiofaylda qulaq asa bilərsiniz

25
Xəzər dənizindən Bakıya mənzərə, arxiv şəkli

Bölünə bilinməyən Xəzər - problem necə həll olunmalıdır?

0
(Yenilənib 13:19 12.08.2020)
Müəllifin uzun müddət ərzində üzərində işlədiyi bu kitabda region ölkələrinin siyasi, iqtisadi, hərbi, ekoloji problemlərindən bəhs edilir

BAKI, 12 avqust — Sputnik. Sputnik Azərbaycan Beynəlxalq Multimedia Mətbuat Mərkəzinin rəhbəri, politoloq İlqar Vəlizadənin "Xəzərin geopolitikası" adlı kitabı işıq üzü görüb.

Müəllifin uzun müddət ərzində üzərində işlədiyi bu kitabda region ölkələrinin siyasi, iqtisadi, hərbi, ekoloji problemlərindən bəhs edilir. Kitabda dənizin siyasi-hüquqi aspektlərin tənzimlənməsinə, Xəzərin statusu ilə bağlı danışıqlara, problemli məsələlərin həlli yollarının axtarışlarına xüsusi yer ayrılıb.

"Xəzərin Geopolitikası" kitabları
"2018-ci ildə avqustun 12-də Aktau şəhərində Xəzərin hüquqi statusu haqqında Konvensiyanın qəbul olunmasına baxmayaraq, dənizin, daha doğrusu, onun cənub hissəsinin bölgüsünə dair danışıqlar hələ də davam edir. Son illər region nəinki mühüm enerji mərkəzlərindən birinə, eyni zamanda da vacib nəqliyyat qovşağına çevrilib. Bu da onun dünyada, xüsusilə də Avrasiya məkanında geosiyasi və geoiqtisadi çəkisini artırır. Kitabımda bu məsələlərə geniş yer verilib", - deyə Vəlizadə öz kitabından danışarkən bildirib.

Kitabda eyni zamanda regionun hərbi-siyasi problemlərinə də toxunulub. Xəzər hövzəsi ölkələrinin hərbi donanmaların quruculuğu və inkişafı strategiyaları, hərbi və təhlükəsizlik sahələrində əməkdaşlıq və s. kimi məsələlər təhlil olunub. Kitabın son fəslində Xəzərin ekoloji problemlərinə və onların həlli yollarına toxunulub. "Xəzər unikal ekosistemdir və bu ekosistemin qorunması dənizin sahilləri boyu yaşayan milyonlarla insanın gələcəyini təmin etmiş olur", - deyə Vəlizadə kitabının nə qədər önəmli bir mövzuya həsr olunduğunu anlatmağa çalışıb.

Kitaba ön sözü Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva və BDU-nun İqtisadi və sosial coğrafiya kafedrasının müdiri, coğrafiya elmləri doktoru, professor Çingiz İsmayılov yazıblar.

0
Əlaqədar
Tanınmış yazıçıdan mütaliə həvəskarlarına əvəzolunmaz hədiyyə
İtirilmiş nəslin nümayəndəsi - Ernest Heminquey