Hüquqşünas Ələsgər Məmmədli

Ekspert: “Dövlət özəl kanallara öhdəlik qoya bilər”

185
(Yenilənib 17:59 05.03.2019)
Media məsələləri üzrə ekspert Ələsgər Məmmədli deyir ki, uşaq kanalından çox, uşaqlar üçün verilişlərin inkişaf etdirilməsi vacibdir
Ələsgər Məmmədli: “Uşaqlar üçün verilişlərin inkişaf etdirilməsi vacibdir”

“Hər bir dövlətdə insanları, xüsusən də uşaqları öz dilində yetişdirə biləcək, milli-mənəvi dəyərlərin təbliğ edilə biləcəyi verilişlərin olması lazımdır”. Bunu Sputnik Azərbaycan-a açıqlamasında media məsələləri üzrə ekspert Ələsgər Məmmədli deyib.

Ekspert bildirib ki, kanalın 24 saat ərzində ancaq uşaqlar üçün yayım etməsi önəmli deyil: “Gün ərzində iki-üç saat uşaq verilişlərinin olması universal yayımçılığın şərtlərindəndir. Mən düşünürəm ki, burada uşaq kanalından çox, uşaqlar üçün verilişlərin inkişaf etdirilməsi vacibdir. Yəni sadəcə bir kanal açmaqla deyil, digər kanalların da üzərinə öhdəlik qoymaq olar ki, onlar da uşaq verilişlərini inkişaf etdirsinlər. Dövlət hər il özəl telekanallara yardım ayırır. Ayırdığı bu vəsaiti məhz uşaq proqramlarının inkişafı qarşılığında versə, daha effektiv olar. Bu, həm televiziyaya, həm də cəmiyyətə dəstək olar”.

Qeyd edək ki, bir müddət əvvəl  Milli Televiziya və Radio Şurasının (MTRŞ) sədri Nuşirəvan Məhərrəmli gələcəkdə Azərbaycanda ümumrespublika yayımlı uşaq telekanalının yaradılması məsələsinə baxıla biləcəyini demişdi.

Ekspertin geniş şərhinə audiofaylda qulaq asa bilərsiniz

185
Aydın Mirzəzadə

Millət vəkili: “Azərbaycan koronavirus pandemiyasına operativ reaksiya göstərdi”

12
(Yenilənib 22:23 11.07.2020)
Milli Məclisin deputatı Aydın Mirzəzadə deyir ki, prezident İlham Əliyevin yürütdüyü siyasət ölkəmizdə bu problemin həll olunmasına və ölkəmizin milli maraqlarının qorunmasına xidmət edir
Aydın Mirzəzadə: “Bu gün aparılan siyasət yoluxmanın qarşısını almağa yönəlib”

Hətta çətin bir dövrdə biz 30-dan çox ölkəyə yardım göstərmişik və düz etmişik. Bunu Prezident İlham Əliyev iyulun 6-da Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalı ilə tanışlıqdan sonra Azərbaycan Televiziyasına, İctimai Televiziyaya və “Xəzər” Televiziyasına müsahibəsi zamanı deyib.

Milli Məclisin deputatı Aydın Mirzəzadə Sputnik Azərbaycan-a deyir ki, Azərbaycan koronavirus pandemiyası vaxtı operativ reaksiya göstərən ölkələrdən biridir:

“Hər bir ölə resurslarına uyğun olaraq mübarizə aparmağa çalışır. Ölkəmizdə görülən tədbirlərin nəticəsi olaraq xəstələnənlərin sayının müəyyən sayda saxlamaq mümkün olur və artımın qarşısı alınır. Bu gün aparılan siyasət artımın qarşısını almağa yönəlib. Aparılan siyasət həm daxildəki problemin həllinə, həm də dost ölkələrə yardımlar edilməsinə imkan verir. Prezident İlham Əliyevin yürütdüyü siyasət ölkəmizdə bu problemin həll olunmasına və ölkəmizin milli maraqlarının qorunmasına xidmət edir”.

Aydın Mirzəzadənin geniş şərhinə audiofaylda qulaq asa bilərsiniz

12
Nəqliyyat məsələləri üzrə ekspert Azər Allahverənov

Ekspert: "Ölkəmizin turizm sektorunda tənəzzülün yaşandığı görünür"

64
(Yenilənib 09:40 11.07.2020)
Dövlət Miqrasiya Xidməti yanında İctimai Şuranın sədri Azər Allahverənov deyir ki, birinci mərhələdə daxili turizmin potensialının artırılması nəzərdə tutulur
Azər Allahverənov: “Azərbaycan hökuməti vacib addımlar atmaq niyyətindədir”

“Azərbaycanda pandemiya şəraitində tuzim sektorunun qorunması məsələsi aktual olaraq qalır”. Bunu Sputnik Azərbaycan-a Dövlət Miqrasiya Xidməti yanında İctimai Şuranın sədri Azər Allahverənov deyib.

Ekspert bildirib ki, pandemiya iqtisadiyyatın bir çox sahələrinə təsir göstərib, ancaq ən böyük mənfi təsirlə turizm sektoru üzləşib: “Ölkəmizdə bu sahədə tənəzzülün yaşandığı görünür. Bununla bağlı Azərbaycan hökuməti vacib addımlar atmaq niyyətindədir. Birinci mərhələdə daxili turizmin potensialının artırılması nəzərdə tutulur. İkinci mərhələdə isə diqqət xarici turizmə yönəlməlidir. Bura həm gəlmə, həm də getmə turizmi ilə bağlı məsələlərin həlli daxildir”.

Azərbaycan Turizm Agentlikləri Assosiasiyası mövcud vəziyyəti nəzərə alaraq turizm şirkətlərinin koronavirus pandemiyası (COVID-19) dövründə fəaliyyətini tənzimləyəcək metodiki göstərişlərdən ibarət xidmət prosedurunu hazırlayıb.

Azər Allahverənovun geniş şərhinə audiofaylda qulaq asa bilərsiniz

64
Əlaqədar
Ciddi böhranın ayaq səsləri eşidilir – Amma bu dəfə heç nə bizdən asılı deyil
Hamı imdad diləyir – Bəzilərinə icazə verilsə də, qalanı evdə gözləyir
Haradan haraya! Balaxanı bu dəfə də yeni turizm məkanı kimi
Turizm şirkətləri pandemiyada belə fəaliyyət göstərəcək
“Xınalıq” üçün çalışırlar, bəhrəsini bir il sonra biləcəyik
Zaqatala rayonunda çay, arxiv şəkli

Çayda batan əsgərin yaxınlarını onun boğulduğu əraziyə apardılar

0
Hərbi xidmətdə ölmüş Fərdi Yarəliyevin yaxınları sosial mediada onun çayda batması ilə bağlı məlumatı qəbul etmədikləri barədə məlumatlar yayıblar. Onlar mərhum əsgərin meyitinin şəkil və videogörüntüsünü paylaşaraq, onun güllə yarasından öldüyünü iddia ediblər

BAKI, 12 iyul — Sputnik. Dövlət Sərhəd Xidmətinin (DSX) Zaqatala Sərhəd Dəstəsinin Alazan çayında batan əsgərinin yaxınları hadisə baş verən əraziyə aparılıb.

Sputnik Azərbaycan APA-ya istinadən bildirir ki, əsgər Fərdi Yarəliyevin qohumları onun öldüyü çay kənarında olub, şahidlər və əsgər yoldaşları ilə görüşüblər. 

Əsgərin çayda üzməsinə şahid olan, ona bunun təhlükəli olduğunu deyən  Zaqatala rayonu 1-ci Tala kənd sakini Ramazan Hacıyev gördüklərini mərhumun valideyninə danışıb.

Sərhəd zastavasında sərhəd naryadında olan hərbi qulluqçuların təhlükəsizlik qaydalarının tələbləri, o cümlədən də çayda üzmənin qəti qadağan edilməsi barədə qeydiyyatlar mərhumun qohumlarına təqdim olunub.

Məhkəmə tibb eksperti Ramin Cəbrayılov keçirdiyi tibbi ekspertiza barədə məlumat verib.

Zaqatala hərbi prokuroru Surxay Hüseynov əsgərin yaxınları ilə görüşüb, mərhumun meyitinin çaydan çıxarılmasını əks etdirən videomateriallar nümayiş etdirilib, suallar cavablandırılıb.

Qeyd edək ki,  hərbi xidmətdə ölmüş Fərdi Yarəliyevin yaxınları sosial mediada onun çayda batması ilə bağlı məlumatı qəbul etmədikləri barədə məlumatlar yayıblar. Onlar mərhum əsgərin meyitinin şəkil və videogörüntüsünü paylaşaraq, onun güllə yarasından öldüyünü iddia ediblər.

0